النيّدلان

by محمد عصمت, محمد نصرالله (Narrator)

تعتبر رواية "النَيّدِلان" للكاتب محمد عصمت، رواية رعب، ولكنها رواية رعبٍ ناضج فهي تطرح تركيباتٍ نفسية وشخصيات وخيالٍ علميّ، وتدور أحداث الرواية مع البطل "فؤاد العراقي"، حيث يكون مخترعاً ووريثاً لوالده المخترع أيضاً الذي توفي في حادث ناتجٍ عن إحدى تجاربه. يقرر فؤاد أن يكمل مسيرة والده العلمية وفي إحدى الأيام يحلم فؤاد في والده، وبعد هذا الحلم يتساءل فؤاد لماذا لا يمكننا تسجيل أحلامنا! ومن هنا تتصاعد الأحداث، فينجح فؤاد في تصنيع جهاز يسمح له في تسجل أحداث كثيرة، ويتحول هذا الجهاز لعلامة تجارية حيث يبدأ الناس بالإقبال عليه، ولكنهم يحبون الكوابيس أكثر من الأحلام المبهجة، فماذا سيحصل للبطل فؤاد في عالم الكوابيس عند ظهور إحدى الشخصيات الغامضة له التي تظهر كعاملٍ مشترك بين الكوابيس؟ وهل من الممكن للكوابيس أن تؤثر على حياتنا؟ وهل من المحتمل للأموات التواصل معنا؟ كل هذه الأسئلة وغيرها نجدها في هذه الرواية.

ومن أجواء الرواية نقرأ: "وضعت كوب القهوة على المكتب وأنا أفتح الكتاب الضخم ذو الغلاف الجلدي الأسود السميك، فتحت صفحة عشوائية وقرأت أول ما وقعت عليه عينيّ (أنج نجاء من غريم مكبول...يُلقى عليه النَيّدلان والغول)، النيدلان.. هذه هي الإشارة التي كنت أبحث عنها، ورغم أنها كلمة غير متداولة إلا أنني كنت أعرفها جيداً، النيدلان هو الكابوس في اللغة العربية الفصحى، إذاً هذه هي الرسالة التي كنت أبحث عنها، وضعت الكتاب في مكانه مرة أخرى ونسيت قهوتي وأنا أتحرك نحو القبو وابتسامة واسعة تزّين شفاهي، الجو بارد بعض الشيء، أسمع صوت ضحكاتهم العالية بالخارج، أسمع صوت خطواتهم وهم يركضون في كل مكان بعشوائية، هناك شيء خاطئ في ضحكاتهم، كأنها تترد في المكان، بصوتٍ أشبه بالصدى".

Please This audiobook is in Arabic.

Genres: Fiction, Horror, Novels

Audible Audio

First published January 1, 2020

Reviews

[Yehia · Rating 3 out of 5]

نبدأ مع شاب إختفي والده خلال ممارسة عمله فأصبح قانطا علي ذالك العمل الذي سلب منه والده وحياته فجذب إلي دوامة هذا العمل ليكتشف أين اختفي والده نتحدث عن المخترع الذي إمتلك جهازا لعرض الأحلام والكوابيس بشكل خاص ، ونري الجانب القذر من التجارب العلمية التي لا تعطي قيمة لحياة البشر المصنفين ك (فئران تجارب بشرية)
تبا للعلم الذي يزهق روحا فقط لأجل تجربة لعينة فقد أزهق هذا النكرة روحين إثر تجاربه الفاشلة بل ، وبادر في تأجير مختل يقوم بتعذيب البشر لكي يستطيع الدخول إلي شق الذكريات اه نسيت أن أخبركم هذا الأحمق كان يعتقد أنه يعرض الكوابيس ولكنه كان يعرض ذكريات أشخاص ماتو فما نقول عنها كوابيس هي أحداث حدثت بالفعل لأشخاص ماتو وأرواحهم مرهقة من قذارة البشر .

الحبكة كانت جيدة فقد أدخلتني في القصة تماما حتي أن بعض مشاعر البغض تولدت ناحية بطل الرواية .


النهاية لم تكن مرضية حقيقة فكم تمنيت لو تكون نهاية ذالك الغر علي يد اختراعه ولكن لم يحدث .

[Ahmed Gohary · Rating 3 out of 5]

رواية جيدة تشدك بشدة من البداية ،القصص القصيرة داخل الرواية كانت رائعة
النهاية كانت متوسطة المستوي بعد ارتفاع سقف التوقعات مع البداية الممتازة

مشكلتي أيضا اني فقدت التعاطف مع بطل الرواية منذ فشل تجارية الأولي وآثارها علي الاشخاص محل التجربة، كان من الأفضل أن يتوقف بعد الفشل الأول ولا يجريها علي شخص آخر وايضا معرفتة بما يقوم بة المتعهد من تجارب زاد الطين بلة ،وتغافل هنا حبيبتة عن هذا الأمر ومسامحتة كان غريب نوعا ما

[طارق سيد · Rating 4 out of 5]

تقدم ممتاز في الافكار و التناول
الفكرة جديدة المعالجة متطورة
إدخال عناصر من أنواع رواية مختلفة زي الرومانسي و الكوميدي الخفيف كان موفق جدا
النهاية مربكة نسبيا
تستحق مراجعة فيديو منفصلة للعمل
فيديو المراجعة


https://youtu.be/_XQzWuQpch4

للمزيد من التفاصيل و المراجعات الاحترافية علي أسس روائية سليمة محايدة و الترشيحات عن خبرة قراءة ٣٠ سنة يمكنك متابعة قناة كوكب الكتب علي يوتيوب.

https://www.youtube.com/channel/UC1We...

[Hazem Walid · Rating 3 out of 5]

أول قراءة لمحمت عصمت و أكيد مش هتكون الاخيرة ..
عرفت الرواية من برودكاست للكاتب و لكاتب اخر اسمه باسم الخشن و كان في كذا ترشيح و جبت منهم كذا حاجة و شكلي هنبسط جامد
الشيء الأساسي الي خلاني اجيب الرواية هي الفكرة و كانت عند حسن ظني بنسبى كبيره يمكن بس لحد الاخر و الرواية بتخلص الجزء ده كان أقل جزء بنسبالي..
الرواية تبدأ كده مع إحساس رواية فرانكشتاين و بعدين جو black mirror
و بعدين جزء بسيط من فكرة westworld و فكره الشركة و كده
كل ده احاسيس مني مش سرقه من الكاتب الفكرة الاساسية مختلفه تمامًا عنهم .
الأسلوب كويس جدًا سهل و لطيف ..
اللغة كويسه، السهل الممتنع ...
القصة كويسه في بدايتها و قصص الكوابيس كويسه جدًا –و خصوصًا رجل الفئران بنسبالي-في المجمل الفكرة حلوه أوي..
الرواية بنسبالي لو كانت كملت على نفس نهج البداية كنت هديها أربع أو يمكن خمس نجوم بس الكاتب اسمه بتاع الرعب يعني فأنا متفهم منحني الرواية ..
في الأخير الرواية ممتعة جدًا و صغيرة بلغة كويسه جدًا و تقرأها قبل النوم لمفاجآت في الأحلام..

[الزهراء الصلاحي · Rating 3 out of 5]

ميكس رهيب من الرعب النفسي والفانتازيا والخيال العلمي!

حقيقة لا أتذكر إن كنت قرأت للكاتب من قبل أم لا.
لكن هذه الرواية جيدة ومسلية وكانت مفاجأة بالنسبة لي.

تمت
٨ فبراير ٢٠٢٢

[Youssry Effat · Rating 4 out of 5]

لسنا هنا لنتاجر بأحلام بأحلامك لكن لدينا أسوأ كوابيسك.

#الفكرة

تتخلص الفكرة ببساطة فى جهاز غريب يخترعه بطل الرواية ويرصد هذا الجهاز كل ما تراه انت فى
خلال نومك لنري تأثير هذه الفكرة علي المجتمع و ايضا تأثيرها فى تغيير حياة البطل و تحويل حياة بشكل جذري و مختلف تماما
ونرى ايضا جاءت فكرة اختراع هذا الجهاز للبطل و ما كان السبب وراء وصوله لهذه الفكرة

#اللغة
تتطور لفة الطاتب بشكل ملحوظ من عمل لاخر
ونري اهتمامه و استخدامه بالمصطلحات المناسبه للعصر
وايضا استخدام مصطلحات و تركيبات خاصه بالعلوم
مع الحفاظ ع اللغة الفصحى البسيطة

#السرد
كان جيد ويصل لممتاز فى اجزاء كثيرة من الرواية
وبالاخص فى سردو عرض الكوابيس او الاحلام
وكأن الكاتب بيثبت قدرته ع كتابه قصص الرعب القصيرة بأحتراف
لكن جاء بعض الملل مع اعادة السرد لكثير من اجزاء الكوابيس او الاحلام فى مختلف انحاء
الرواية لبداية مشهد جديدة او تغيير تفصيليه معينه داخل الحلم او الكابوس

#الحوار
حوار جيد و ملىء بكثير من التفاصيل المهمة
والمحورية فى احداث الرواية

#الحبكة
منذ الصفحات الاولى يخطفك الكاتب فى حلم من الاحلام او كابوس من الكوابيس
ليشوقك للاستكمال ثم يستمر او يبدا فى تعريف الابطال و الشخصيات
اما عن النهاية فكانت مربكه بعض الشىء

#الشخصيات
اهتم الكاتب بشده فى اشخاصه الاساسية و المحورية
بداية من التعريف بالبطل و بطريقة التقديم المدمجة داخل الاحداث

#كلمة اخيرة
رواية بفكرة جديدة و رائعة قدر الكاتب انه يقدمها بشكل بسيط وممتع فقط جاءت
النهابة مربكة بعض الشىء رغم وجود اكتر من نهاية و مفهوم

[باسم الخشن · Rating 5 out of 5]

محمد عصمت من الكتاب اللي بيطوروا نفسهم دايما ومبيعتمدش على نجاحه ان المتابعين هيشتروا روايته كده كده
أفكاره دايما مميزة وأسلوبه دايما بيشد أنك تنهي الرواية في جلسة واحدة

[Mohamed · Rating 3 out of 5]

أحداث سريعة و غير مملة ، بس النهاية ضعيفة .

[Hajar · Rating 3 out of 5]

رواية "النَيّدِلانُ" للكاتب محمد عصمت
الروايه صدرت عن دار "ن" للنشر و التوزيع عام 2020
الرواية تندرج تحت قسم الرعب و الخيال العلمي
تبدأ الروايه بحكاية بطلنا "فؤاد حازم العراقي" الذي ورث عن أباة العالم "حازم العراقي" الذي توفي علي إثر حادثة في إحدي تجاربه له و يقرر البطل بأن يكمل مسيرة والدة العلمية و دراسة أبحاثة و في يوم كان البطل يشتاق لوالدة جدا و بعد أن حلم بوالدة في ليلة من الليالي خطرت علي بالة فكرة لماذا لا نستطيع أن نسجل تلك الاحلام لكي نراها عندما نشتاق لهم ثم ماذا !
لماذا إذا و يبدأ البطل في محاولات لصنع الجهاز و بالفعل ينجح !
و تتوالي احداث الرواية
سنناقش مزايا و عيوب الرواية :
السرد كان جيد جدًا و اللغة العربية الفصحي كانت كذلك أيضًا
تتابع الاحداث بنمط جيد لا يرثيك للمل في لحظة.
ولكن الكاتب لم يوفق في وصف الاشخاص غير شخصية واحدة و هي "هنا" و هي شخصية محورية في الرواية أيضًا و شخصين أخرين لم يدم دورهما غير ذلك باقي الاشخاص مطموسه بالنسبة لي.
في بعض الاحيان كانت هناك فصول مرتبطه بفصول أخري علي نفس مجري الأحداث و هذا سيفهمه من سيقرأ الرواية كان الكاتب يعيد بعض الاحداث و وصف الاماكن مرة أخري و كان هذا ما يثير مللي و أمرر بعيني علي الوصف لأبدأ عند نقطة جديدة في الفصل لكي أبدأ في قراءتة.
الرواية ذات طابع جديد و فكرة مختلفة جدًا و هذا من أهم ما يميزها و استمتعت بها حقًا.
تقييمي النهائي 3/5
و أنتظر أعمال الكاتب القادمة بكل تأكيد.

[Nadin Doughem · Rating 3 out of 5]

الرواية التي ابتعتها منذ يومين وقرأتها في يومين. الرواية التي أرقني قراءة عنوانها. أهي النّيدلان ام النيّدلان؟ على كل فالمعجم يشرح معناها بأنها صانع الكوابيس. الكلمة أصلها من اسم الفاعل النادل الذي يندل وهو الذي يأتيك بالشيء، وفي حالتنا تلك، فهو ذاك الذي يأتيك بالاحلام وبعض الكوابيس.

في روايتنا، النّيدلان هو بطل الحكاية أو لعل الأفضل أن أقول وحش الحكاية، ��اب وعالم يبتكر فكرة ويصنع جهازا لاقتناص الاحلام، نترقبه طوال أحداث الرواية على أنه البطل، ولكنه في الحقيقة هو الشر الأعظم، ربما يكون هو ذلك الشر الاعظم ذاته الذي يظهر عند الفنار؟ لا ادري ولكنها فكرة ليست بالسيئة تماما!



نادل الكوابيس يصبوا أن تتحول أمنياته إلى حقيقه، ولكنه لا يبالي بكيفية الوصول وكم من البشر يجب أن يعذبوا ويموتوا حتى يصل إلى مبتغاه. أنه كما يقولون يرى أن الغاية تبرر الوسيلة، مهما كانت فظاعة الوسيلة والتبعات التي سيؤول الكثير من الضحايا في سبيلها.

الرواية في مستواها لها سرد لطيف، وأحداثها متسارعة ولا تبعث على الملل. ولكنني كرهت النادل منذ الصفحات القليلات الأولى. كرهت كيف أفنى شخوص واشترى حيواتهم بجنيهات قليلات وكأنهم بضاعة رخيصة لا تساوي الكثير. كرهت كذلك ذلك المأجور الذي ساعده ليصنع العنف وبالتالي الفجوة لخلق كوابيس جديدة في سبيل تضخم حسابه البنكي وتحسن حالته المعيشية بشكل مبالغ. كرهت هناء بائعة الهواء وكرهت كيف رضيت بالأمر وكيف هان عليها ما رأته ووافقت أن تتعذب كذلك لأجل ذلك الحيوان البشري. رغم أن النهاية لم ترضني ولكنها على الأقل اشبعت نفسي في أن الرياح لا تأتي بما تشتهيه السفن سفن ذلك النادل وهناه! وكذلك لم يروقني أننا لم نتأكد من كون ذلك الملثم أباه فعلا أم أنه ذاك الشر المجحم؟ وايضا فكرة الخاتمة الثانية، أو الخاتمة التتمة لم تقوي الرواية البتة، بل إننا كنا قد نسينا هذا الرجل تماما فهو لم يكن ذا وجود يذكر ولم يشكل ذكره في النهاية تلك التويست الذي توقعه أن يتركه الكاتب في خلدنا.



بإختصار، الرواية لطيفة وسريعة لتزجية الوقت وفقط وفرصة كذلك للتعرف على الكتابات الحديثة التي توصل لها الأدب المصري في حلته الراهنة وارجو أن نسمو الى الأفضل.

[ميرنا المهدي · Rating 5 out of 5]

بداية أخاذة وفكرة جديدة تستحق التأمل.
أنا على المستوى الأدبي بتخذ عصمت مرجع للغة.
عصمت بيكتب بالسهل الممتنع، لغة ممتعة جداً وراقية وتوصلك بسهولة بدون ركاكة وبدون جعلصة.
الغزارة الإنتاجية اللي عنده (ما شاء الله) تخلي أى كاتب ينبهر منه ومن جودة قلمه لأنه مش بيكتب عشان يثبت أنه موجود ومستمر وخلاص لأ، كل كلمة وحرف محسوبين.

[Ahmed Osama · Rating 4 out of 5]

عصمت يواصل التألق في رواية مشوقة واحداثها سريعة

[محمد حياه · Rating 4 out of 5]

من أفضل أعمال محمد عصمت بتاع الرعب في كل شيء فكرة قصة حبكة سرد رسم الشخصيات تطور ملحوظ ويستحق الإشادة

[Houda Ahmed Kodad · Rating 4 out of 5]

لنبدأ بالإشادة بالعنوان، لقد كان مختلفًا ومميزًا ! وقد استغربت كونه عنوانًا عربيًّا من القواميس اللغوية .. الفكرة مبتكرة واللغة سليمة وقوية، أفضل بكثير من أعمال الكاتب السابقة .. الكوابيس مميزة وأفكارها تتماشى بشكل متناسب مع الشخصيات .. حاول الكاتب أن يقدم من كل شيء القليل فنجد الرعب المغلف بالتكنولوجيا وعالم Deep web الذي أصبح مؤخرًا من مواضيع الساعة .. النهاية أيضًا كانت ذكية ومميزة، والخاتمة الثانية تشي بعبقرية الكاتب ومدى تمكنه من ضبط فكرة الرواية وتجميع أركانها قطعةً قطعة ..

لكن، يبقى الشيء الوحيد الذي لم أستطع تقبله هو "حب هنا" المبالغ فيه وغير المنطقي، فكيف يعقل أن تستقبل "سر القبو" بسهولة دون أي ردة فعل "إنسانية" خاصة وأن الكاتب طوال الصفحات الأولى قدمها كواحدة من مشاهير مواقع التواصل الاجتماعي وLife Coach ؟! دون أن يشير إلى إمكانية أن تكون شخصيتها العامة مختلفة عن شخصيتها الحقيقية المستترة خلف الشاشة .. ناهيك عن تضحيتها التي لا يمكن تقبلها بأي منطق كان ! فالفترة التي عرفت فيها البطل والعلاقة التي جمعتهما - مهما كانت قوية ومتينة - لا يمكن أن تبرر موقفها ذاك .. لولا الخاتمتين الأولى والثانية لقلت أن الكاتب لم يأخذ وقته لضبط النهاية وأن هذه الأخيرة كانت عشوائية ..

كانت لي مع الكاتب تجربة سيئة خلال قراءة رواية "التعويذة الخاطئة" وقد قلت آنذاك أنها لربما تكون آخر قراءتي للكاتب، لكن أظن أن تراجعي عن الأمر كان جيدًا ؛ فهذه الرواية توحي بنضج الكاتب وتميز أفكاره .. عمل رائع، في انتظار جديد أعماله...

[Sara · Rating 3 out of 5]

تجربتي كانت صوتية

[Amr Mohamed Kamal · Rating 5 out of 5]

نادراً لما أقرأ حاجه رعب وتكون فكرتها مختلفة وجديده .. ومع حضرتك خصيصاً طبعاً أنا مش مستغرب .. الفكرة غريبه وعبقرية .. وطريقة رؤية الكوابيس والأحلام وكيفية صناعتها حاجه بجد أذهلتني جدأ .. صناعة الجهاز والتعذيب والعنف وصناعة الكوابيس ، كل ده بدون حرق للأحداث عجبني جدأ ..
اللغة فصحى بسيطة وسهلة الفهم علطول .. السرد ممتع .. الحوار قليل وشيق .. ووصف المشاهد كنت حاسس إني شايف الأحداث بتحصل قدامي .. مشاهد الرومانسية وكل الكلمات والوصف إللي كان فيها كان مخليني عايز أرتبط دلوقتي بسرعه 😂 ..
4 كوابيس ب 4 أفكار مختلفة ومرعبة .. وأكتر كابوس شدني جدأ وعجبتني فكرته هو كابوس الجزيرة والملعون إللي اتولد عليها ..
النهاية مكنتش متوقعها بالشكل الصادم ده بس عجبتني ..
كنت بتمنى إن الأحداث والكوابيس كانت تبقى أطول من كده بكتير ومخلصش الرواية بالسرعه دي ..
في النهايه حابب أشكرك على كتابة النيدلان .. ومنتظر العمل القادم بشده ⁦❤️⁩⁦❤️⁩

[إسلام عماد · Rating 4 out of 5]

الفكرة من البداية تمت صياغتها بعناية، تفاصيل مشوقة. سرد الكوابيس يعتبر الافضل داخل الرواية،وواضح فيها مدي الاستفادة من قصص الرعب اليومية اللي بينزلها عصمت علي صفحته الخاصة بمهارة..خفت ف البداية يقع في فخ التقليدية،و تبقي رواية مكررة , لكن اضافة شخصيات و حبكات داخلية استطاعت انقاذ مسار الرواية للافضل..
احياناً كتيرة كنا بنشتكي من الاستطراد في اسلوب محمد عصمت, لكن مع الوقت دا بقي اساس اسلوب الكاتب و هويته، فلا داعي للتغيير او اعتباره سلبية,و بالعكس, هو قدر مع الوقت انه يخليه حاجة ايجابية بشكل كبير و ليها خدمة في سياق العمل..
انتظرت نهاية ملحمية أكثر من ذلك، لكن النهاية الموجودة مرضية للغاية و ان كانت سريعه نسبيا...حبكة ما قبل النهاية الخاصة بهوية الملثم كانت مميزة و ان توقعت تغير المسار والدوافع الخاصة بالملثم لأنها تيمة معروفة في الحبكات..عموماً في النهاية, هي رواية رائعة تنضاف لسجل عصمت من الروايات المميزة...ألف مبروك يا كبير و برافو يا عصمت يا بتاع الرعب <3

[Omar El Shamy · Rating 5 out of 5]

الحقيقة أنا اندهشت من الرواية دي.. لما سيف حبشي قال قبل ماتنزل انها اثرت فيه وفضل يحلم بكوابيس فترة مكنش بيبالغ خالص.. الرواية عبقرية بمعنى الكلمة، الكوابيس وأفكارها ممتازة ومتصممة كويس لدرجة لو كل كابوس منهم اتعمل رواية لوحده هينجح في إنه يشيل رواية .. أكتر كابوس صعب بالنسبالي هو كابوس "رجل الفئران"
بعيدًا بقى عن الكوابيس الخط التاني ممتاز وشخصية فؤاد عبقرية ومتصممة كويس جدًا.. حسيت طول الرواية انه مريض نفسي بيصارع الشر جواه اللي ساعات بينتصر أو انتصر أغلب الوقت بدافع
التقدم العلمي
ونهاية الرواية ممتازة ومش متوقعة
الرواية دي تقدمت على باب اللعنات بكتير رغم إنها تظل من أفضل الروايات اللي قريتها لحضرتك بس النيدلان تفوقت عليها بشكل كبير

[Sara Hamdy · Rating 4 out of 5]

فكرة الرواية جميلة جدا غير متوقعة بالمرة.

اللغة بسيطة فعلا تستاهل إني اقول عنها السهل الممتنع.

أحداث الرواية واقعية من ناحية إن الناس يلاحظوا الخلل لأن ده حقيقي إن الناس بتركز في أدق التفاصيل.

عجبني جدا المزج بين الرعب والتشويق وشوية الرومانسية اللي في الرواية بجد تفوقت على نفسك يا أ/عصمت في النيدلان.

طبعا دي مش أول رواية أقرأها لحضرتك وإن شاء الله مش الأخيرة.

نهاية الرواية معجبتنيش قفلتها مش واضحة بالنسبة لي بس لو فيه جزء تاني معنديش مشكلة مع القفلة دي .

كنت أتمنى إن النيدلان تاخد خمسة بس مع الأسف نهايتها مبهمة والمدقق اللغوي مبهدل الرواية أخطاء.

#بتاع_الرعب

[Hend Aboul Gada · Rating 4 out of 5]

فكرتها حلوه وجديدة كعادة محمد عصمت
وكعادته دائما النهاية مش بتبقى على قد مستوي الفكرة
بحس أن نهاية كل كتبه بتيجي فجأة كدة
بس هو كاتب مبدع وأفكاره أصيلة

[ندى ناجى · Rating 4 out of 5]

في الحقيقة قد عجزت تماما عن التعبير عن رأي _ الذي لا قيمة له على الإطلاق_ في رواية الأخ الأكبر، والمبدع على الإطلاق
محمد عصمت #بتاع_الرعب في روايته "النيدلان" والتي صدرت عن دار "ن" للنشر والتوزيع
في بداية الرواية يعرفك الكاتب عن هوية اسم الرواية ومعناها ولكن يجعل�� تغوص في بحر من التساؤلات كيف سيربط بين هذا الاسم الذي لن تكتشف معناه سوى لو كنت مخضرم في اللغة كما يقولون، أو عندما تفتح أول بوابة لعالم الرعب كما يجب أن يكون.
في بداية الأحداث يفاجئك بموقف يجعل جسدك يملؤه التشنج، الخوف، الرهبة وايضًا التشوق للاحداث بطريقة سرد تجعلك تلتهم الحروف بعينيك تبحث عن اللغز وراء هذا الموقف اللعين ولكنك تُصدم عندما تجد حياة شخص طبيعي فقط يقوده ذكائه الشديد والذي سوف تعلم كيف جعله يدفع الثمن غاليًا بعدها، ثم تصدمك الاحلام، الأرواح غيره، عندما تحاول تجميع كل قصص الرعب بعقلك لتتوقع ماذا سيحدث، ما الموقف التالي؟
ولكنها جميعًا تخيب ظنك ليأتي هذا البارع بنهاية آخرى، بل إنها بداية لباب أخر.
تفتح عيناك عن وسعها، تكاد بؤبؤيها أن يخرجا ليخترقوا الأوراق ولا تستطع أن تنتقل بين الصفحات لأنك تحاول التمسك بالمتعة لأكبر قدر.
في الجانب اللغوي رغم دقة أختيار الاسم والذي يجعلك تشعر أنك ستجد الكثير من الألغاز اللغوية والتي من الممكن أن تجعلك تشعر كم أنت فقير لغويًا وتترك الرواية كاملة، ولن هنا فاجئنا الكاتب بلغة سلسة بسيطة ولكنها تجذبك أيضًا ولا أعني ب"بسيطة" هو ضعفها حشاه، ف دائمًا وخصوصًا في مجال الرعب كلما استطعت في البساطة للحد الذي يجعل القارئ يشعر انها حقيقة وناس مثله تمامًا كان أفضل وهذا ما برع فيه الكاتب.
الحبكة المستخدمة كما يطلقون عليها، أو اسلوب ربط الأحداث والأشخاص في الحقيقة لم يترك مجال لتساؤلاتك لأنه كان دائمًا كقارئ الأفكار، يرد من قبل السؤال ربط كل شيء بدقة محكمة وشديدة
وللطريف أنك سوف تضحك داخل رواية رعب! تشعر أحيانًا في الوصف أنك قد مررت بهذا الشعور سابقًا.
ثم تجده بارع أيضًا في وصف حالة الحب البريئة التي عاشها قلبك مسبقًا، كل النظرات، الهمسات، التضحيات
في الحقيقة نظلم الرواية وعصمت أيضًا إذ وضعنا لهم حد تحت مسمى الرعب فقط.
من الطبيعي أن يمتلك أي reviw بعض النقد على نقاط معينة ولكن في الحقيقة من بلوغ الشغف في قلبي لم أجد ما أنقده.
في النهاية تحياتي الطيبة وكل شكري لتلك المتعة😍

[Asser elnokaly · Rating 4 out of 5]

انا قريت تقريبا كل حاجات محمد عصمت و هو من الكتاب اللي بيمزج الرعب بالكوميديا في بعض الاحيان و احيانا اخرى بتكون رعب و اثارة مشوقة لاقصى حدود و لكن في النيدلان محتار الرواية بسيطة و جميلة و لكن مش حاسس بالحلاوة او الاثارة او الضحك اللي شفته في رواياته السابقة.عمل مقبول بس كنت اتوقع حاجة اجمد من عصمت بعد اللي قريته قبل كده.

[Hamza El-Kady · Rating 3 out of 5]

النيدلان ل محمد عصمت
فكره الروايه بشكل عام ممتازه جدا لدرجه خلتني ارفع سقف توقعاتي لاعلي من كدا و توقعت احداث كتير مختلفه عن الروايه
لكن دا حاجه متضرش الكاتب بالعكس هي نقطه في صالحه
مشاكلي مع الروايه اولها هي تكرار الأحلام في نقط كتير تكرار لاجزاء ممكن حذفها عادي جدا
مشكله تانيه أخطاء املائيه كتير جدا لكن دا يعاب علي المراجع مش الكاتب
مشكله كمان هي وصف شخصيه المتعهد واللي يشبه كتير جدا وصف شخصيه jigsaw من سلسله افلام saw بنفس القناع تقريبا وهسيب صوره ليه فالبوست

https://drive.google.com/file/d/1-qb6...
وحتي وسائل التعذيب ممكن تبقي مكرره شويه لكن دي ممكن متكونش مشكله اوي بسبب انها اوقات كتير بتبقي كليشيهات لأفلام الرعب وعادي جدا استخدامها كذا مره زي ما حصل في saw و wrong turn و the hills have eyes وunrtacable وغيرها كتير

https://drive.google.com/file/d/1-kf5...
الي جانب فكره حلم الفئران مشهد الفئران تلتهم اخيه و مشهد الفئران تتجمع لتكون رجلا كاملا انا شوفتهم بالحرف في لعبه a plague tale innocence واللي صدرت بتاريخ مارس ٢٠١٩

https://drive.google.com/file/d/1-mRk...
الي جانب تناقض المشاعر الانسانيه الغريب فالروايه بدايه من الاستكمال في خوض التجارب لحد الموافقه علي تصرفات للمتعهد كلها حاجات تخليني اتعجب من تصميم الاحداث
النهايه كانت مش منطقيه ف مشاعر شخصياتها حسيتها فيها برود شويتين خاصه شخصيه هنا ومش هحرق تفاصيل احداث
بشكل عام الروايه ممتازه جدااا جدااا
لكن كانت محتاجه تستغل الفكره اكتر من كدا شويه لان من فتره طويله مقرأتش حاجه رعب و مميزه بفكره جديده لكن فعلا كانت محتاجه بلوره شويتين
تقيمي للروايه ٣.٥ من ٥ نجوم و مازلت متابع ل محمد عصمت دايما....

[Ahmed Charisma · Rating 3 out of 5]

اسلوب محمد عصمت كفيل يحلى أى رواية .. الرواية مسلية وأحداثها سريعة بس عادية مشدتنيش أوى زى روايات تانية ليه .. الاخطاء الاملائية متكررة فى أخر روايات محمد عصمت مش عارف ليه .. يا ريت يحاول يعالج الموضوع ده .. عجبنى لما قال الجانب المظلم وباب اللعنات فى جملة واحدة وهى اسامى روايات سابقة ليه وكانت حاجة جديدة ومختلفة ومش أى حد يلاحظها .. قريت كل روايات الكاتب ومستنى الجديد إن شاء الله

[Mαяσ · Rating 4 out of 5]

النيدلان اول حاجة وقبل القراءة بحثت عن معنى الاسم في المعجم.. عجبني انه له معنى لاني كنت متوقعة يكون مجرد اسم من المسميات الغريبة لروايات اليومين دول.
الغلاف مختلف وشايفة انه مناسب جدا للرواية خيال علمي بسيط مع شوية رعب.
شخصيات الرواية ممتازة فيهم تباين العالم الطموح اللي ضميره بيتأرجح بين الخطأ والصواب ثن رجل الأعمال الشخصية العملية البحتة.. الشخص السايكوباتي اللي بيحقق للطرفين رغباتهم بالطريقة الوحيدة اللي هو يفهمها.
هنا الشخصية الاجتماعية الصادقة واللي المفروض تكون هي الصفحة البيضا في حياته لكن للاسف لوثها ودي كانت نقطة معجبتنيش لان مفيش واحدة طبيعية وشخصية مساعدة بطبيعتها حتقبل انسان بالبشاعة دي شره اتغلب على خيره وخصوصا انها شافت بعنيها مش مجرد سماع.
الرواية في حد ذاتها مشوقة وفكرتها جيدة القصص القصيرة او الأحلام اللي فيها عجبتني على اختلافها وان كنت اعتقد ان فيهم افكار مش جديدة وقريتها في روايات اجنبيةِ..
الرواية بدأت تاخد منحنى مشوق وممتع اكتر في منتصفها اما بدأ يظهر الرجل الخفي في الكوابيس وعجبتني جدا فكرة حرية تحرك العالم في الكابوس واعتقد ان من هنا كانت الرواية ممكن تطول اكتر وممكن احداثها تطور اكتر بكتير بسبب الشخصية الغامضة دي انا بالفعل تخيلت تطورات كتير للرواية في المرحلة دي لكن حسيت انها انتهت سريعا.
وفي النهاية هي هي رواية جيدة جدا ومشوقة وتتحمل يكون لها جزء اخر.. او ممكن ده يكون في خيالي فقط.

[Shady Hussein · Rating 4 out of 5]

طبعا مانقدرش نتكلم عن مدى جمال اسلوب محمد عصمت وطريقة سرده للأحداث وقد ايه فكرة الرواية جديدة وفعلا حبيتها جدااا دى كانت اول مره ليا اقرأ حاجه بتتكلم عن الموضوع دا ،عجبنى المزيج بين الغموض والرعب وبعض الرومانسية لكن قابلتني ألغاز كتيره فضلت طول الوقت اتسائل عنها
-ازاى شخص زي فؤاد قدر يجمع بين القلب القاسي والظروف اللى فيها وبين الحنيه والحب وعلاقتة بهنا !
- كمان ايه اللى يخلي بنت زي هنا تغامر بكل ماعندها بعد ماعرفت كل حاجه عن اللى بيتم فالقصر ؟

كان فى بعض الحاجات اللي محبتهاش للأسف وضايقتنى زي إعادة سرد تفاصيل الكابوس او الذكرى فى كل مره يدخل فيها فؤاد للذكرى دا كان بيحسسني بالملل فأوقات كتير .. كمان اكتر حاجه وحشة كانت كثرة الأخطاء الإملائية بشكل مبالغ فيه

[LEEEDAA · Rating 5 out of 5]

انا لسه مخلص #النيدلان .. الكاتب المبدع اللي بستني روايته من السنه للسنه ايه الابداع وفكره الروايه الرائعه دي انا مش قادر اوصفها بكلمه بجد دي من احسن الأعمال اللي عملتها انا فضلت اتنقل من كابوس للتاني كانى انا اللي عايشه بكل تفاصيله وأحداثه انت خلقت فيها احداث تخلى اللي بيقرا يكون مستمتع بالروايه ويعيش تفاصيلها سواء من خوف ورعب وفرح لاندهاش من المفاجئات اللي بتحصل جوا الاحداث وانا بدايتي معاك من ذاتوى لغايه النيدلان وكل مره حاجه بتقدمها بتكون احسن من اللي قبلها بجد مهما قولت عنك هتبقى شهادتى مجروحه من اجمل واحسن الكتاب اللي بحب اتابعم وافضل منتظر أعمالهم الجديده ودى بالذات من احسن الأعمال اللي قريتهالك واستمتعت بيها شاااابوه بجد ليك⁦ يا مبدع ⁦❤️⁩⁦❤️⁩👌👏👏💪💪

[Mahmoud Ezzat · Rating 4 out of 5]

النيدلان
اسم غريب وروايه فكرتها اغرب "النيدلان" هو الكابوس او الشئ الجاسم بالفصحي
والرواية فعلا بدون حرق تفاصيل مجموعه من كوابيس ممتاليه والفكره الامتع انه بيتم المتاجره فيهم
الرواية هتحسسك انها خليط من روايات وافلام اجنبيه اولها هتحس انها فكرة رواية العنكبوت لمصطفي محمود ولكن بسرعه هتلاقي نفسك بتفكر ف افلام اجنبيه وعربيه بدون حرق
الرواية صغيرة وممكن تخلصها ف جلسه وحده من كتر التشويق والاثارة للناس الي بتحب الرعب

[Michael Youssef · Rating 4 out of 5]

تطور كبير في أسلوب كتابة محمد عصمت يدل علي عمل دؤوب و بحث من الكاتب لتطوير كتاباته
الإيجابيات : كتاب شيق خالي من اَي تطويل و مط
احداث مترابطه
لون من الرعب جديد نوعا
السلبيات : اللمسه السادية و الدموية لم تنتهي من كتابات محمد عصمت بعد
النهاية ضعيفه جدا ولا تتناسب مع قوة القصة

[Shimo Kassab · Rating 5 out of 5]

روايه مختلفه جدا كفكره حقيقي اكثر من رائعه ❤❤