حتة مني

by شيماء الجمال

هو كتاب يتناول الحياة والعلاقات من منظور عميق، يُعبر عن تجربتها الشخصية كأمرأة عادية تعرضت لصفعات الحياة، لكنها حولت كل ألم إلي كلمات وإبداع.
تؤمن الكاتبة بأن حياة كل شخص هي مصدر غني للأفكار والأحلام التي قد تلتهم وتوجه الآخرين، الكتابة ليست اختيارًا بالنسبة لها، بل هي ضرورة وجودية مثل التنفس، وهي تخوض في هذا الكتاب بحر من التأملات التي تعكس ذاتها بكل صدق.
حتة مني هو كتاب للباحثين عن السلام الداخلي، ولمن يرون الكتابة كطريق للشفاء والنمو الشخصي.

160 pages, Paperback

Published January 1, 2025

About the author

شيماء رضا الجمال -تخرجت عام2006 في كلية الآداب قسم الإرشاد السياحي، جامعة عين شمس. -عملت لمدة عامين في أنشطة تتعلق بالأطفال ( تدريس، علاقات عامة، مديرة مسرح أطفال، مدربة قراءة، قاصة، كاتبة قصص أطفال). -حاصلة على دبلومة في إدارة الموارد البشرية من الجامعة الأمريكية بالإضافة لدورات في التسويق وإدارة الأعمال. -عملت كمحررة قسم الشباب (أصحاب) بجريدة عين لمدة علم ونصف. -صحفية حرة تكتب لعدة مؤسسات. كتبت مقالاً ثابتاً لدى كل من مجلة كلمتنا وجريدة عين وموقع جيلنا وحريتنا. -تعمل أيضاً كمستشارة إعلامية لبعض الشخصيات وعدة مشروعات صغيرة تتعلق بالأطفال والتنمية. -الإهتمامات الصحفية: الفنون البصرية والأدائية، التصميم (أزياء- حلي – أثاث وعمارة داخلية)، الفنون ثقافية، التجارب الجديدة، التنمية البشرية والمجتمعية. الإهتمامات الشخصية: القراءة، الموسيقى، التصوير، حضور المعارض والأمسيات، الكتابة، الفنون بأنواعها.

Reviews

[Yousra Mohamed · Rating 5 out of 5]

شيماء في الأول بتاخدك على الهادي والمقالات اللطيفة ولذيذة وكأنها بتمهدلك الطريق للوجبات الدسمة اللي محضرهالك في الكتاب العظيم دا. حقيقي استمتعت جدا بالكتاب وأنا بقرأ أسلوب شيماء السهل الممتنع اللي بيدخل مباشرة كده على حواسك وقلبك وفكرك بسلاسة ومتعة بأدواتها المتمكنة من براعتها. أشكرك جدا على حتة مني واللي أكيد فيه حتة مني ومن ناس كتير

[Shaymaa El-Gammal · Rating 5 out of 5]

يعتبر هذا الكتاب هو الرابع للمؤلفة بعد كتاب "تاء مربوطة" و"أنا حامل" وكتاب الأطفال "زغلول في المطبخ".
يتضمن الكتاب ثلاثة فصول: "صاحبتي إللي في المراية" الذي يعتبر بمثابة أدب اعترافات حيث تتحدث فيه الكاتبة عن موضوعات شخصية خاصة جدًا، "ما يكونش ده إللي اسمه الهوى؟" والذي يعرض مقالات وتأملات في العلاقات العاطفية وأخيرًا "النفسية محتاجة.." والذي تناقش فيه الجمال بعض الموضوعات النفسية بناء على تجربتها وتجربة المقربين مثل الاكتئاب والقلق النفسي والثقة بالنفس.

على الغلاف الخلفي للكتاب تقرأ : " أنا ست عادية ممكن تتكعبل فيها في أي مكان.. في الشغل على مكتبي غطسانة وسط الأوراق والكتب، بتمشى في الشارع، بشرب شاي على قهوة بلدي.. وفي أفخم أوتيل في مصر بحضر مؤتمر..لكن هل كوني ستّ عادية هيمنعني من إني أكتب كتاب؟! أبداً.
أنا مؤمنة إن حياة كل شخص فينا وأفكاره ممكن تعمل كتاب ومسلسل وعشر أفلام سيما.. كل واحد فينا عنده من الأفكار والأحلام والرؤى ما يكفي لأن يكون مصدر إلهام لناس كتير، وبوصلة بتوجّه حياة ناس تانية.. لكن مين عنده الجرأة إنه يكتب ويقول ويخرّج أفكاره للنور… أنا بهدي لكل قارئ وقارئة في الكتاب ده "حتة مني".. كل سطر هنا حسيته وعشته، وشفت ناس قريبة مني بتعيشه.. كل سطر هنا معروض قدامك من غير أي Edit، كل حاجة منشورة هنا اتكتبت زي ما هي بإحساسها وقت ما عشتها..
علشان كده هتلاقي حاجات بالعامية وحاجات بالفصحى، هتلاقي كتابات مبهجة وسعيدة، وكتابات تانية بتقطر ألم وشجن ووحدة وعزلة.. هتحس وإنت بتقرأ إنك مع شخصيتين؛ واحدة سعيدة ومتفائلة وبتحب الحياة، وواحدة تانية غرقانة في بحر الاكتئاب، وهو ده ببساطة أنا، وهي دي حياتنا عمرها ما بتستمر على حال واحد.
أنا مش متخصصة ولا دارسة، لكن أقدر أقولك إني قرأت مئات الكتب، وعشت عشرات التجارب الصعبة قبل ما أكتب لك الكتاب ده..
وقررت في النهاية أشاركك حتة مني زي ما أنا بدون تجميل ولا رتوش ولا Edit. عايزاك تقرأ الكتاب ده وبعدها تقرر تورينا حتة منك إنت".

عملت شيماء الجمال في مجالات مختلفة على مدار 15 عامًا مما ساعدها على الكتابة في تخصصات مختلفة مثل الحمل والأمومة، الريجيم والأكل الصحي والرياضة والعلاقات الإنسانية وعلم النفس واللايف ستايل بوجه عام. شيماء شريك مؤسس في مشروع "أنا حامل" وصاحبة هاش تاج #من_الكرش_للكيرفي الذي أطلقته بعد خسارتها 40 كيلو جرامًا من الدهون!

[Chérine Ahmed · Rating 4 out of 5]

حبيته جدًا من أول سطر .. كتاب قريب جدًا من القلب والروح .. زي فضفضة مع حد فاهمك .. زي طبطبة على قلبك ف وقت احتياج ..

[nona nony · Rating 5 out of 5]

اول كتاب أقرأه بعد انقطاع سنوات عن القراءة.. كتاب عن الحياة والعلاقات.. الاسلوب رائع
أحببته بكل ما فيه من المحتوى والأسلوب حتى الغلاف.
اقتباس:

(أُشكر الناس اللي سابوك تبكي كتير واللي خدعوك مره واتنين واللي ماشافوش غير عيوبك..لأنهم خلوك الشخص القوي اللي انت عليه دلوقتي..هما اللي علموك تشتغل وتكافح وهما اللي علموك تغضب وتثور وتقول (لأ) وتغير الواقع بتاعك..هما اللي فهموك الدنيا على حقيقتها وخلوك تعرف تقيم الناس على طول)

[Marramero Mo · Rating 3 out of 5]

-الكتاب خفيف ولطيف عبارة عن مجموعة خواطر للكاتبة لغة عامية على فصحى عيبه انه غير منظم يعني هو أقرب لفضفضة من القلب.
-الكاتبة في أغلب الأوقات بتتكلم عن تجربتها الشخصية في حاجات كتير سواء في علاقات أو غيره وبتحاول تنقلك التجربة دي وإيه اللي اتعلمته منها ، بتحاول كمان تديك حبة نصائح صغيرة كده علشان تعرف تتعامل مع أنماط معينة من الناس أو حالات نفسية معينة ممكن تكون مريت أو بتمر بيها.
-في جزء من الكتاب بيتكلم شوية على خفيف في علم النفس كان هيبقى أحسن بكتير لو كانت الكاتبة حطت مصادر لكلامها سواء كتب أو أبحاث أو غيره لكن هي إكتفت بإنها طول الوقت بتقول انها قرأت كذا في مواقع كتير أو قرأت قبل كده عن كذا طب انا كقارئ فين دليلي على إن الكلام ده مظبوط وصحيح غير عن طريق المصادر ؟!
-طبعاً مش هحكم على الكتاب على إنه عمل أدبي وإلا هبقى بظلمه جدا يعني هو زي مقولت أقرب لفضفضة ونقل خبرات أو تجارب شخصية للكاتبة ، بس كان هيبقى أفضل بكتييير بردو لو كانت استخدمت لغة عربية فصحى وكل الكلام كان هيوصل بردو بس بطريقة أحسن شوية.
-الكتاب في المجمل زي مقولت خفيف وممكن تقراه بين كتابين تقال كده تفصل بيه او لما تكون زهقان وعاوز تفصل شوية من القراءة وتاخد بريك بس تبقى بتقرأ حاجة بردو.
*بالتوفيق للكاتبة وفي إنتظار أعمال أقوى بكثير.

[Ayatullah Magdy · Rating 3 out of 5]

فى البداية اعتقدت أنه سيرة ذاتية يحكي عن الصعاب التي واجهتها الكاتبة فى حياتها لكن تطرقت بعض المقالات فيما بعد للوعي بالذات والتغير، ثم أصابتنى الحيرة بسبب لغة الكتاب فبعض الفصول بالعامية المصرية والاخرى بالفصحى، بلا ترتيب محدد قد تجد مقالين بالعامية ثم واحد بالفصحى ثم واحد بالعامية ثم اثنين بالفصحى وهكذا.
أحبطني ذلك كثيرا وأفقدني جزء من الاستمتاع بالكتاب حيث كانت اللغة مبتذلة أحيانا وطريقة السرد ضعيفة، وبعد قراءة ما يزيد عن منتصف الكتاب الذي كان عبارة عن مقالات متفرقة عن الذات.. أتى الجزء الاخير من الكتاب أفضل كثيرا من بدايته، فكانت المقالات تتحدث عن الاضطرابات الشخصية واعراض كل اضطراب لتكتشف في ذاتك هل انت مصاب بهذا الاضطراب أم لا.. مثل الشخصية النرجسية والفرق بينها وبين اضطراب الشخصية النرجسية، أيضا السلوك الادماني، اضطراب القلق، التفكير الزائد.
يناسب الكتاب المراهقين والشباب لانه يزيد من الوعي الذاتي والذي يحتاجه المرء في بداية حياته حتى يتقبل ذاته.
النسخة التي اشتريتها عن إصدار تويا، الاخراج رائع جدا، الالوان الداخلية للكتاب والخط المستخدم وسمك الورق والفواصل جميعها كانت تفاصيل رائعة.

[Nourgy El-sherief · Rating 5 out of 5]

كلمه كتاب تحفه كلمه قليله عليه !!
بقالى كتير مفيش كاتب شدني زى دا ..
كتاب حلو اوى اوى اوى .. عامل زى كده كبسوله ل how to survive life.. عاجبنى انه بسيط من غير حوارات و قصص عشان نوصل المعلومه .. مبسوطه ان فى حد وصل كل كم المعلومات دى بطريقه سهله و سلسه as if u are talking with a friend u trust .. i do recommend anyone who want to improve themself/life to read this .. هوا ملخص لحاجات كتير اوى .. thank you shaimaa amazing book .. this was my first time to read a book for Shaimaa and for sure will not be the last 🤩
Be proud of ur self and for the change u r doing in the world :)

[Bayan Fagerah · Rating 5 out of 5]

حِته مني كتاب أخد حِته من قلبي و أضافلي حته كنت محتاجها جوايا أسلوب شيماء سهل و سلس و بسيط بيدخل القلب دوغري اتعلمت حاجات كتير عن العلاقات و الحب و الشخصيات المختلفة اللي عايشه معانا و في و سطنا بس عمرنا ما فهمناها أداني بعد تاني و نظرة تانيه للكل حد و كل حاجة حولي
أنصح بيه 👍🏻

[Yasmine Rashad · Rating 2 out of 5]

الكتاب محتواه مش بطال بس مشكلته إنه مش منظم ومش متقسم كويس ولو قريت البسكوتة والدحلاب الأول هتعرف قد إيه في فرق كبير آوي في نضج الكاتبة في الكتابة وفي عرض أفكارها وتقريبا لو قريت البسكوتة والدحلات ملوش لازمة إطلاقا تقرأ ده

[Ola · Rating 3 out of 5]

كتاب عسول؛ حقيقي حبيته واستمتعت بكل فصل فيه؛ شيماء كتبت من قلبها ساعات كان بيخونها التعبير زي جزئية المقدمة؛ لكن مع بقية الفصول عبرت عن نفسها بصدق وقدرت انا نفسي ا relate لفصول كتير في الكتاب
فعلا يستحق القراءة

[Menna · Rating 5 out of 5]

It's good

[Nehal Helmy · Rating 1 out of 5]

1.5

[Safi Elnasr · Rating 3 out of 5]

جميل جدا

[Gamal soliman · Rating 3 out of 5]

خفيف ومسل ومفيد

[Hanaa El Naggar · Rating 5 out of 5]

ارفق بينا ياالله ❤❤

[Noor Alhussain · Rating 5 out of 5]

رائع جداً 🤍🤍

[Dina mohamed ahmed · Rating 3 out of 5]

كتاب جميل أكيد كنت هتبسط واستفيد منه أكتر لو قرأته من ٣ أو ٤ سنين

[Abdelwahab Mohammed · Rating 4 out of 5]

عجبني اسلوب سردها في بعض الاشياء و نصايحها و اقتباساتها اللي بتيجي في موقعها
بس النقطه السلبية الوحيده اللي شوفتها ان في بعض الفصول كانت محتاج كلام اكتر