اعترافات جامدة

اعترافات جامدة #1

by شريف أسعد

هذا الكتاب ليس مجرد كلمات وجمل تراصت لكي تدخل السرور والبهجة على قلب من يقرؤها... على الرغم من أن هذا في حد ذاته انجاز يستحق عمل تمثال من البرونز يوضع مكان تمثال طلعت حرب فى وسط البلد...

ولكن... تمت صياغة هذه المواقف وسردها في إطار الأسرة والأقارب والأصدقاء... لكي نتذكر سويا أسرنا الصغيرة... في خضم "هرس" الحياة لكل واحد فينا و كأننا "كيلو طماطم" من أجل الصلصة...

تذكروا أسركم .. وأقاربكم .. وأصدقائكم... عودوا لصلة الجميع مرة أخرى كما كنا في الماضى... وفي هذا السبيل... يؤكد الكاتب أنه ليس مسؤولاً بأى شكل من الأشكال عن حالات الضحك الهستيري التى تنتاب القارئ... و يعلن خلو مسؤوليته عن علاج أي نوع من أنواع الكسور الناتجة عن سقوط القارئ من فوق اريكة أو سرير أو مكتب ضاحكاً... كما يتمنى أن لا تصله تلك العبارات والتعليقات التى لا تنفك تطارده فى كل مكان على شاكلة... "أنا لو اطلقت حيبقى بسببك" ..أو.. "لو اترفدت حتبقى انت السبب"... أو "الناس بتتفرج عليا في المواصلات و بتقول عليا مجنون"... و مثل تلك العبارات التى لن يتحمل الكاتب مسؤوليتها على الإطلاق...
ألا هل بلغت؟... اللهم فأشهد...

شريف أسعد

Genres: Comedy, Nonfiction, Audiobook, Literature, Humor

270 pages, Paperback

First published August 16, 2014

About the author

شريف أسعد من مواليد القاهرة 1976، حاصل على بكالوريوس التجارة من جامعة القاهرة عام 1998 - دور نوفمبر "ناجح بالعافية"، مؤسس التيار الكوميدي ويشغل منصب مدير إدارة التخطيط والمتابعة بإحدى شركات المشروعات الصناعية الكبرى.

- عضو مجلس إدارة جريدة المواطة الإليكترونية.
- كاتب حر في عدد من المواقع والصحف مثل: المواطن، الجريدة، شبكة أخبار مصر، البديل، وجريدة الوعي العربي الورقية.

Reviews

[Rinda Elwakil · Rating 4 out of 5]

يا كل مكتئبي الارض، تعالوا ضروري..

جملة "كتاب ساخر جداً" علي الغلاف صادقة للغاية.. :)

هذا كتاب جعلني أضحك مثل "العبيطة"..و الظاهر أن صوتي وصل لمسمع أفراد أسرتي الجالسين بأمان في الخارج مما جعل أمي تتسائل في حسرة "عما دها هذه المعتوهة بالداخل؟"

:)

[Mohamed Ramadan · Rating 2 out of 5]

اولا نصيحه للكاتب واتمنى يتقبلها بصدر رحب
عندما قرأت ما على الغلاف من مديح وخلافه عن اننى سوف اتسلق الجدران من الضحك ومن الممكن ان اطرد من عملى لعدم قدرتى لكبح جماح نفسى من الضحك
وهناك احتماليه كبيره ان يظن الناس بى الجنون فى المواصلات العامه جراء ضحكى الهيستيرى

أمسكت الكتاب وقلت لقد وجدت ضالتى

ودخلت بسقف توقعات مرتفع مما أدى الى خيب ظنونى

الماده جيده والطرح جيد والكاتب يتمتع بخفه ظل واضحه
ولكن سقف التوقعات كان عال

[Mohamed Shady · Rating 3 out of 5]

أنا مضحكتش كمية الضحك دى فى حياتى :D

[غُفْرَان · Rating 2 out of 5]

اعترافات جامدة
أول كتاب في قراءات السنة اللى شكلها كبيسة من أولها
بيضحك آه بيضحك مفيش كلام
بيستظرف أكيد :/
بيسرح بينا وارد
يا اختااااااى تكرارها للمزيد من الضحك خلاني اقفش على الكتاب
ضحك الناس ... آه ياريت
وهى حاجة مش سهلة إنك تبكيهم اسهل من إنك. تضحكهم بما إننا مخلوقات كئيبة بطبعها
بس مفيش داعى تضحكهم حد الأستغفال ..
لانه المفروض أنه كتاب مواقف واعترافات حقيقية
مش كتاب نكت

[Raghdaa Morad · Rating 1 out of 5]

المعنى الحرفي لل"سماجة" عتبي على دور النشر اللي مبقاش هدفها تنشر فكر وادب وبقت هى كمان تجارة قذرة و اللى ليها دور كبير اوى في انتشار التفاهه دي عينة"هاتى خدودك العب فيهم" و "ماكفاية جمال بقي ياهبة"
نصيحة متفكروش حتى تقروه ولا هتضحكوا ولا هتبتسموا حتى كل اللى هتقروه عبارة عن كلمة "ياختااااى" واابابااا"😒

[Nourhan Abou Agila · Rating 4 out of 5]

خلصت الكتاب في قعدة واحدة في ساعتين، ومابطلتش ضحك خلال الساعتين دول :"D .. ساعدني أتخلص من حالة إكتئاب ملازماني بقالها كام يوم
انا جداً ممتنة لنور علّام لأن هي اللي رشحتهولي :"D

[Assem Gad · Rating 1 out of 5]

بــ إختصار شديد
اللى جذبنى ليها الإقتباس اللى الكاتب ضحك بيع على عقول الناس و أنا أولهم
علشان يتوهموا و يشتروا كتابه ظنا منه انة فعلا هيضحكه
طول فتره قرآتى للكتاب ردى فعلى كان كده بالضبط ( -_- )
لم اضحك إلا فى صفحه واحده بس هى اللى استحقت النجمه ،
الكاتب مُتصنع الضحك و كأنه بيحبر القارئ إنه لازم يضحك .
اتمنى انى اشوف للإستاذ شريف أحسن من كده

[Amr Mohamed · Rating 3 out of 5]

كتاب مضحك جدا الصراحة
اشترته وقرأته عشان الواحد يضحك شوية بدل الاكتئاب الى احنا فيه ده :)

عبارة عن مواقف حصلت للكاتب وهو صغير , بعض المواقف تهلك من الضحك
وتحس ان اغلب المواقف ده عديت علي اغلبنا واحنا صغيرين .
الكتاب ضحكني بس مش كله بردو عشان ابقا صريح
بس ضحكت واتبسطت كمان انه فكرني بأيام زمان

[✴عائشہ✴ · Rating 5 out of 5]

إلي كل المكتئبين ف العالم واللي عندهم امتحانات مطلعه عينهم!.. اهديكم هذا الكتاب
..
بجد بجد انا مضحكتش كدة ف حياتي :'D
بئالي كتييير عيوني مدمعتش من كتر الضحك
..
كلمة "ياختااااااااااي" كانت كفيله انها تخلينى اضحك لمدة 5 دقايق كل ما اقرأها مش عارفة لية!
بجد مسخرة :'D
..
الكاتب وعد ونفذ وعده :)

[Nada Elshabrawy · Rating 3 out of 5]

يختااااااااااااي
من مكاني هذا , اعلن هذا الكتاب كـ اكتر حاجه ضحكتني فـ حياتي :D

[DỘn Mando · Rating 2 out of 5]

انا في بداية الكتاب دة اشدت بيه جدا و انا مش هغير كلامي بأن شريف اسعد عنده الافضل من كدة
بس شوية بشوية وانت بتقرا ف الكتاب هتلاقي في افورة و شوية فشر حلوين
البداية كانت خفة دم حقيقيةتدعو للابتسام و احيانا للضحك ..
اللى يخليني اقيم الكتاب بنجمتين فقط ان الكاتب لازم يكون قد كلمته مع القارئ
لما قال ان الكتاب هيخليك تموت من الضحك و غيرها من صيغ المبالغة اللي مطلعتش صحيحة
الربع الاول من الاعترافات كان حلو جدا بجد و مضحك .. بعد كدة فواصل متعددة من ياختااااااي
المجمل اني مبسوط بعودة الادب الساخر تاني لقوائم الاكثر مبيعا ف المكتبات بعد ما الروايات
سيطرت عليها لفترة طويلة .. و مستني جدا كتاب وجيه صبري في معرض 2015

[Rola · Rating 3 out of 5]

من أيااااااااااام ما كان "يوسف معاطي لسه بيضحك و بيكتب أدب ساخر ـ قبل ما يتخصص في كتابة مسلسلات عادل إمام المزعجةـ
من أيااااامها و أنا مضحكتش كدة :D :D :D

مقالات لا تجمعها وحدة أغلبها لطيف جدا جدا.

[Dahlia El-baz · Rating 4 out of 5]

لو انت إنسان 'عميك' ومخك مافيهوش مكان للكلام الفاضي بتاع 'المورتالز' اللي زينا، والسياسه واكله دماغك وشايف ان الحياه فيها حاجات أهم من انك تقرا حاجه تضحكك من القلب يبقى الكتاب ده مش ليك خالص.
اما بقى لو انت ماقريتش الكتاب ده على فيسبوك فأنصحك ماتقراهوش في اي مكان عام. لما تقراه هتعرف ليه.

[نرمين الشامي · Rating 4 out of 5]

كتاب لذيذ جدا
هو صحيح اوفر حبتين ومليان ب ياختااااي وحاجات كده : D
لكن مضحك ومسلي وخالف توقعاتي لأني كنت حاسة انه مش هيعجبني بس انا مبسوطة ان احساسي كان غلط .

[Hala Ezz el din · Rating 5 out of 5]

مسسسسسسخرة :)

[Amany Shaaban · Rating 2 out of 5]

الكتاب كله كوم و "ياختااااي" اللي مرشقة في الكتاب كله كوم تاني :D في بعض الاعترافات خلتني أضحك بصوت عالي
كتاب خفيف جدا...يخلص بسرعة و يحسن الموود

[Mazen El-asy · Rating 3 out of 5]

انت مصمم تموتني من الضحك يا شريف
بس أنا برضه مش هضحك
عارف ليه ؟؟؟؟؟؟؟؟؟
عشان أنا دلوقت في السن اللي بيحصل فيه الحاجات و المواقف دي
#سن_الشباب

الكتاب ساخر فعلاً مكدبتش
بس للناس اللي حياتها خلصت من المواقف دي اللي هو ابتداء من أواسط التلاتينات
عشان كده أنا مش هضحك دلوقت

ان شاء الله ربنا هيجمعني بالكتاب ده مرة تانية ليست بقريبة
أكون ساعتها خلصت اللي بيحصل فيا دلوقت و هعض أضحك عليه
ــــــــــــــــــــــــــــــــــــــــــــــــــــ
و آخر حاجة أنصحك بيها انك تكمل القفشات المضحكة اللي بتنزلها كل رمضان على الفيسبوك بتاعك عن الكنافة و الاختراعات الغريبة اللي بيعملوها فيها

[Ibrahim Ali · Rating 5 out of 5]

لو عاوز تقرا كتاب يخليك تقع من الضحك والناس تقول عليك مجنون وتضحك فعلا من قلبك يبقي اكيد لازم تقرا كتاب اعترافات جامدة .... نصيحة متقرهوش في الشغل او مكان عام عشان الناس هتضحك عليك انت :)

[Asmaa Essam · Rating 3 out of 5]

ضحكت :D

[رفعت خالد · Rating 2 out of 5]

ثاني كتاب بالعامية أقرأه.. وإن كنتُ لست راضيا عن الكتابة بالعامية أصلا إلا أني قرأته لغرض ترفيهي بحت. ووجدته ساخرا جدا كما يزعم كاتبه في الصفحة الأولى.. غير أن عيبه - علاوة عل عاميته - هو حجم المبالغات المبالغ فيها أحيانا، وأخطر من ذلك سوء الأدب في استعمال الدعاء والحلف بغير الله، إذ لا سخرية في هذه الأمور التي قد تجر الكاتب للكفر من حيث أراد لعبا ولهوا، ولا حول ولا قوة إلا بالله..

هو - في المجمل - كتاب رديء لكل من أراد أدبا حقيقيا وضن بوقته الثمين.. وإني أهيب بنفسي أن يكون هذا آخر عهدي بأمثال هذه الكتابات الركيكة.. فليس في العمر متسع يكفيها..

[Sherif · Rating 4 out of 5]

هايل ومضحك وتحس أنه بيكلم عن جيلنا كله.......فعلا ضحكت كتير وفرفشت علي ايد الكتاب ده جداااااا

[Asmaa Mohamed · Rating 5 out of 5]

الإعترافات دى مش جامده بس ..
دى جامده جداا أووى خالص :D


كمية الضحك اللى ضحكته جابلى صداع -_-

أكتر من الضحك اللى ضحكته
و أنا بقرأ فرغلى المستكاوى و التعويذه الخاطئه :D


___________________________________________
يا شرييييييييييييييييييييييييف
ياختاااااااااااااااااااااااااااااى

:D

أول كتاب فى السنه :D

[yasmine tawfik · Rating 5 out of 5]

على الرغم من انى قريت الاعترافات دى على الفيس اعتراف اعتراف الا انى رحت اشتريت الكتاب وقريته كمان ولما خلص فى ساعتين كنت عايزة اقراه تانى شريف بجد مبروك عليك
(ياختاااااااااااااى)

[Sara Abd el ma'aboud · Rating 4 out of 5]

الكتاب لطيف و لمض اوي ... حبيته جدا
بس النجمة اللي ناقصه دي عشان الدعايه الرخيصة بتاعة اوعدك تعمل بيبي من كتر الضحك .. و كلمة ياختاااي اللي اتحطت في غير موضعها كتيير اوي

[Kawthar · Rating 5 out of 5]

H I L A R I O U S :D

انا مبطلتش ضحك بجد
فصلني من جو الرمد النكدي القفيل و الامتحانات :3

حقيقة انا ممتنّه <3

[ولاء شكري · Rating 4 out of 5]

كتاب خفيف يُجبرك على الضحك ❤

[روان يوسف · Rating 3 out of 5]

الكتاب من اقتراح بسمة
بما إني ما قرأتش أدب ساخر من زمان، وكنت محتاجة أفصل، قرأت الكتاب في المواصلات
بس معرفتش أضحك، وكل اللي جه في بالي هو أنا مكتئبة للدرجة دي؟!

[Hisham Mattar · Rating 5 out of 5]

عجبني بطريقة مش متخيلها...عمري ما قريت النوع ده قبل كدة و هكمل و هقرا تاني فيهم🔥🔥

[Safinaz Sadek · Rating 5 out of 5]

ياختااااااااى ضحك مستمر.. ولو كنت تقرأ في مكان عام لابد من كتم الضحك وإذا لم تكتم فسوف يعتبرك الناس مجنوناً.. ولو كنت تقرأ في البيت: فسوف يظن الناس هناك انت قد اصابك الجنون أيضاً. النصيحة: لابد من قراءة اعترفات جامدة في غرفة تكون فيها وحيداً ويستحسن غلقها بالمفتاح.
اي شخصية من مواليد السبعينات وعاش طفولته في الثمانينات سوف يستمتع باعترافات جامدة. تذكرنا بطفولتنا المشردة. كلنا نتذكر المصيف في الاسكندرية والذهاب للتطعيمات والذهاب للأفراح وحكايتنا مع جدتنا و حكايتنا مع " كانتشين" المدرسة وحكايتنا مع العجلة BMX من عند ابو الجوخ.
ارفض تشبيهه بمحمود السعدني او يوسف معاطي او جلال عامر. هذه الشخصيات عظيمة ولها بصمتها في الأدب الساخر ولكنه ببساطة: شريف اسعد، أسلوبه يختلف عن الآخرين . انصح بقراءة اعترافات جامدة و في انتظار المزيد من شريف.

[Ola Elansary · Rating 5 out of 5]

والله العظيم احلى كتاب قرأته السنة دى ...فى وسط كل الهم اللى احنا فيه و الحياة و البيت و الشغل و السياسة و الفتل و الموت و الدوامة الغربية دى الواحد محتاج يفصل .... ضحك هستيري بصوت عالى ودموع قدام الناس اللى افتكروا انى اجننت ... كتاب يخلص فى 3 ساعات ..... تحفة ... ﻻزم افراة 100 و ﻻ عمرى هشيله من المكتبة مع الكتب اللى خلصت .... تحفففففففففة ... نصيحة اى حد مكتئب ﻻزم تقرأ الكتاب ... شريف أسعد جبااااااااااار