إيه بقي الحكاية..?

by هاني المصري, Hani El-Masri

تجميعة لتدوينات فنان الرسم العالمي / هاني المصري
من الرسامين العرب القلائل المشتغلين بديزني و وانرز بروز


ايه بقي الحكاية..؟ ( كـــــــــــــــــــــــــاملة )
علشان يبقي الموضوع موثق احسن شوية…
قررت احط المجموعة كلها مع بعض في بوست واحد..
و تقدروا تقروها بالتسلسل.. زي ما قصدتها.. و ما يفوتكمش حاجة…
شكرا لكل اللي تعبوا نفسهم .. و امخاخهم .. معايا في الرحلة..
و ارجو انهم ما ندموش علي المشوار القاسي ده..!

http://www.scribd.com/doc/237427377/%...

90 pages, ebook

First published August 21, 2014

Reviews

[Mahmoud azab · Rating 5 out of 5]

الله يرحمك يا هاني يا مصري .. كل مره بقرأ فيها الحكايه دي كنت بحضر اساله و استفسارات عشان أقولهالك .. المره دي مش هاينفع

[Mohamed Elmasry · Rating 4 out of 5]

في الجزء الأخير من حياة هاني المصري، اللي تلى إصابته بالسرطان، بدأت أتابعه على فيس بوك، كنت متسمَّر قدام التجربة بتاعة شخص بيدوّن بشكل يومي عن شعوره باليأس أو الأمل، ولحظات إدراك إن "خلاص كده"، وإن الكتابة دي تكون الأثر الأخير المُتبقي منه.. حتى لو على صفحة إلكترونية

وقتها كنت بتكلم عن ده فشريف نجيب بعتلي نسخة بي دي إف من الكتاب ده، مقريتهاش وقتها، وعملت ديأكتيفيت لفيس بوك فمبقتش أعرف حاجة عن الراجل، لحد ما من وقت قليل حد قالي إنه مات، مظنش اتأثرت.. بس نزلت الكتاب عَ الموبايل وقلت هبقى أقراه

القدرة على الحكي والربط وإيجاز التاريخ كان جميل جداً، بحب فكرة إنه بيرمي حاجات بعادية في النص ويرجعلها بعدين، بمهارة شديدة لحكاء

في رأيي إنه كَسْكِس شوية لما قرَّب عَ الإسلام.. كان واضح إن فيه حاجات يقولها، وتجاوز في جملة واحدة قدوم النّبي وانتشار الدين وقفز للخلفاء وما تلاهم، بس ربما ده كان قرار حكيم بالنظر لسياق الكتابة على فيس بوك ولناس هو عايزهم يسمعوا ويفكروا أكتر من إنه يستفزهم

كتاب جميل عموماً

الله يرحمه

[محمود راضي · Rating 3 out of 5]

على الرغم من كون الكثير من المعلومات الواردة في هذه السلسلة غير جديدة على الأقل بالنسبة لي، إلا أن الفنان الراحل هاني المصري يستحق التحية على طريقته الفريدة في تحقيق الترابط فيما بينها وتبسيطها لجميع شرائح القراء مهما كان مستواهم الثقافي.

[أحمد السكري · Rating 4 out of 5]

تفتيح مخ ع حاجات منسيه ... و باسلوب بسيط جدا
ينفع لحد لسه بيحبب نفسه ف القرايه
و بالنسبه للكتاب فهو مش بس رسام عالمي لكن قاص موهوب برده