همس الجياد

by مروة جمال

للتحميل

https://www.facebook.com/groups/Book....

Genres: Novels, Romantic, Romance

273 pages, Unknown Binding

Reviews

[Eng Hadeer]

خطفتنى لعالم تانى
حبيت الخيل بسببها
أخر مشهد عجبنى جداااااوتخيّلته أكنى شيفاه قدامى بالظبط !

[ريهام يوسف]

الشيئ الي يدعو للشفقة على اي شخص صعب او حاد او قاسي ..

[Sabreen ElDeeb]

الرواية جميلة جدا, الكاتبة تفننت في عدة أماكن في الوصف والتشبيهات بشكل جذاب للغاية
أربع نجمات لاستخدام العامية فقط
لا مآخذ أخرى

[Nour ♡]

قرأتها منذ عدة اشهر وكتبت رايي بها ع الفيسبوك وها هو ^_^


واخيرا خلصتها الروايه دي اخدت فيها وقت طويل جدا لانى وقفت القرايه فيها لفترة بس خلصتها من كام يوم وبسبب النت معرفتش اكتب ريفيو غير النهاره
بصي يامروة هتكلم بصراحه وبتمنى متضايقيش من ده بس انا مبحبش اجمل ارائي وكلامى ده مش معناه ان الروايه سيئه لا ابدا هى حلوه جدا من حيث القصه والسرد وتسلسل الاحداث واسلوبك رائع مش محتاج كلام بس بالنسبالى شخصيا ملقتهاش بالرومانسيه اللى اتصورتلى قبل القرايه وده مش عيب من الروايه لكن هو نابع من مبادء واراء شخصيه لانى مش بؤمن بالحب التانى وانا شخصيا شايفه ان الحب بيجي مره واحده فلو حبنا تانى يبقى محبناش فالاول فصراحه انا محبتش ايناس بالنسبالى هى شخصيه منافقه ومتستحقش حد زي خالد اللى رسمتي شخصيته ببراعه، خالد ده حالة لوحده وصلتيلي احاسيسه كلها وحبه ليها وشغفه بيها اللى ايناس مش بتبادله ليه او على الاقل ده اللى شفته ان ايناس مش شغوفه بيه زي ماهو شغوف بيها مقدرش اقول بكره ايناس بس محبتهاش هي يا ايما حبت شريف بجد وبالتالى حبه لخالد مش حقيقي يا اما هي محبتش شريف وانه كان مجرد مرحله وهى فعلا بتحب خالد (بس زي ما قولت ده نابع من مبدء شخصي).
اكتر حاجه استمتعت بيها فالروايه هو كلامك عن الاحصنه اااااااه بعشقها ورعد وسهيله وادهم يعيني وبرغم ان وجود رعد كان جزء اساسي من الروايه الا انى بؤمن بالقتل الرحيم للحيوان وخصوصا الاحصنه صعب اوى بالنسبه لحصان انه يكون اعمى.
رسمتي كل شخصيه ببراعه رقيه وحسن وحمزه وكارمن وكريم وصلتينا لاعماق كل واحد فيهم برافو عليك الروايه ككل رائعه برغم تحفاظتي على بعض الحاجات.

[كلنا عابرون]

ستجعلك تعشق الخيل و تتمنى لو تهمس لها و لو مرة واحدة. فتتحسس رقتها و تذوب عيناك في عالمها.

[Nahla Ahmed samy]

ايه الجمال والروعة دى ! ❤❤
حبيت الجو العام للرواية جدااا .. اخدتنى لمود تانى خالص ❤
الاسلوب ممتع وسلسل والسرد كانت جمله جميلة
إيناس رمز للوفاء والحب والرقة
خالد كان قاسي جدا مع كارمن شايفة انها مالهاش ذنب فى كل اللى عمله فيها مشاعرى تجاهها محايدة لا متعاطفة ولا شمتانة .. بس حبيت تصرف خالد معاها فى الاخر وانا مسبهاش واهتم بعلاجها اهتم يصلح اللى شارك فيه .
رقية معطاءة جدااا وحسن انانى جداااا .. من كتر ما ادته ودلعته مبقيش مقدر جواز غلط وطريقة طلاقه لسهام غلط وانانية وخصوصا بعد ماخلف منها
سهام دخيلة وانانية وسخيفة
حمزة 💜💜💜💜💜 أجمل شخصية فى الرواية واكتر شخصية حبيتها " انا مش فارس ولا فتى أحلام .. أنا زحمة وربكة وشغل جنان "
حمزة ينفع فتى أحلام جدااا ... راجل وردى 💜 مكانه مش هنا نقى جداا وجميل جدااا .. زعلت ع التغير اللى حصله فى الآخر .. بس هى الدنيا مينفعش معاها جمال حمزة ونقاؤه 💔 الدنيا بتوجع اللى زيه جامد مع الاسف
مستنية اخلص امتحانات واكمل باقى الاجزاء ع طول 😄

[Nouran]

للمرة الثانية اجتاح همسات الجياد .، قرأ تها منذ عامين . و عدت لها و انا عاجزة عن تقيمها بدون تدخلها ..و قد كان...
انها رواية جميلة بأسلوب بسيط يجذبك لها على الفور و إن كانت متوقعه احداثها ستظل صاحبة رونق فريد

[Microbiologist]

من اروع الكتب اللى قرأتها فى حياتى انا قريتها لحد دلوقتى اكتر من 3 مرات
كلغة واسلوب تحفه
والاحداث والسرد والوصف كان بليغ جدا

[no scaf "الحرية للمعتقلين "]

عالمها حلو جدا :))

[Mariam Osman]

الحب يا ساده يذيب جبال الثلج ..!!

[Samerahertany]

رواية رائعة واسلوب اجمل واجمل مع تمنياتي لكي بالتوفيق

[غصن الزيتون]

أصفها فقط بانها لمست القلب ♥

[Noha Badawy]

القصه رومانسيه حلوه جدااااااااااااا
خيالك و تصويرك للمشاهد و توظيفك لكل شخصيه في الروايه حقيقي كان ممتاز
المشكله الوحيده ان اسلوب الكتابه كان محتاج تطوير خاصة في جزء المحادثات و تبادل الحديث كنتي بتذكري اسم كل متكلم قبل كلامه في حين كان ممكن اعرف من المتكلم بسهوله بدون ذكر اسمه

نهاية الروايه كانت متوقعه
ولكن حسن من الشخصيات التي تحتاج لتغيير في مجري احداثها في الروايه
تزوج بدون علم زوجته الاولي ثم اتت منه بولد .. لم بعدل بين زوجتيه و ايضا استغني عن ابنه و مع ذلك نال الرضي في اخر الروايه تلك ليست بنهايه تليق مع شخص اذنب
و ايضا عندما طلبت صفيه نفقتها اعطاها لها وهو يستخف بطلبها رغم انه حقها شرعا

(( الاستخفاف بالزوجة الثانيه .. الاستخفاف بالمسؤوليه و المولود .. الاستخفاف بالحقوق الشرعيه ))
ذلك اكثر ما استنكرته في الروايه

استمتعت حقا بالروايه .. شكرا لكي :)

[Menna Yasser]

أخذتني لعالم تاني..عالم ساحر وخيالي اللي هو بالظبط كنت محتاجاه ..مش متخلية فعلا إن فيه حد بيكتب بالطريقة دي وبالجمال ده..ماشاء الله بجد..حسيت إني موجودة في كل أحداث الرواية وأنا بتخيل كل حاجة بتحصل حتى الشخصيات كنت بتخيل أشكالها وأفعالها وحركاتها وكل حاجة..آخر مشهد لما كانوا راكبين ع الحصان كان رائع بكل معاني الكلمة..من الروايات اللي زعلت فعلا إنها خلصت..الرواية حببتني في الخيل بطريقه غريبه جدا..بقيت أحس إن مش كل اللي بنشوفه قدامنا صح وإن أي مخلوق مهما كان بتبقى فيه جوهرة مستخبية جواه والمطلوب غن حد يكتشفها ويحاول يخرجها.. ^^

[Rasha Samer]

انا قرأت الجزء الثانى صمت الجياد قبل الجزء اﻻول والذى جعلنى ابحث بشده عن اجزاء اخرى لهذه الروايه الرائعه فوجدت الجزء اﻻول وقراته الجزءان اكثر من رائعين ةاغتبرها افضل روايه حدسثه قراتها من حيث رقى اسلوب الكتابه والحبكه الدراميه وتصوير الشخصيات وتصوير اﻻحاسيس المنقوله عن الشخصيات سواء اﻻبطال او الشخصيات الثانويه ومتايعه كل شخصيه يعنى لم تظهر شخصيه وتختفى دون سبب بل مل شخصيه كان لها مسار مستقل حتى نهايه ده غير الدور المحورى والرائع للجياد ف الروايه احببت كل كلمه كتبت عنها بصدق اتمنى ان اتعرف على كل كتابات الكاتبه مروه جمال والتى اتمتى ان تكون بمثل روعه همس الجياد وصمت الجياد

[Mãñøshã Eßrãhëm]

من يومين سألت عن رواية قصيرة تشدنى ..
الرواية دى كانت اقتراح من رانيا الطنوبي اينعم الرواية مش صغيرة هي " 689 " صفحة بس xD

بس لما تبدأ فـ الرواية هتلاقيك فجأة عديت الـ 100 صفحة فجأة والله بدون مبالغة ..
مبدأيا كانت إقتراح جيد فـ الوقت دة

حسيتها تشبة كتير رواية مزرعة الدموع لـ منى سلامة

حبيت الخيول اكتر مـ كنت بحبها ..
إرتبطت جدا بـ #رعد حسيتة الحصان بتاعى ..

الكاتبة اغفلت وصف الاماكن بدقة
لكن اسلوبها شيق

بالتوفيق

[Fatma]

ظننت من العنوان انى بصدد قراءة قصة مستوحاه من الفيلم الاجنبى "الهامس للجياد" للممثل روبرت ريتفورد ، لكن القصة على الرغم من ظهور تأثير الفيلم فى معاملة البطل و البطلة فى الرواية للخيل على نفس طريقة الفيلم الا ان القصة مختلفة .
القصة تنقل حالة رومانسية ليست بجديدة ، الا انها تنجح فى نقل مشاعر دافئة مليئة بالتفاصيل للقارئ .

[Lamia mohamed]

عجبتنى جدااااااا :))
رااائعه ^_^

[أعوام الرحيل]

رواية رائعة بشدة أخذتني لعالم أخر

[Eman Alagdar]

الرواية فظيعة حلوة جدا <3
احلي حاجة فيها التفاصيل
انا بعشق اسلوب الكتابة اللي بيهتم بأدق التفاصيل
انا مفتقدة الرواية جدا وعايزة اقرئها تاني الصراحة.:-D

[Basma Ahmed]

الرواية تحفة .. وهم بجد :"))
فيها كم من هدوء الاعصاب مش طبيعي
نادراً لما بحس اني مرتاحة وانا بقرأ رواية بس دي مريحة :"))
مختـــلفة ومؤثرة ^_^ <3

[Mahmoud]

قرأتها رومانسية حالمة تسقط مع جدار الواقع
اعجبنى همس الجياد
احببت الجياد اكثر احببت رعد اشعر انه البطل
اعجبنى حوار الزهور
لم يعجبنى مناقشتك
لرقية وسهام
جيتى على سهام
كأنها مش بشر

[Salma NASR]

لو كان فى اكتر من 5 نجمات كنت قيمتها باكتر
الرواية اكثر من رائعة اخدتني لعالم تاني
عشقت الجياد
عجبني السرد و اللغة من الاخر كلها على بعضها مفهاش غلط

[Hager Sayed]

الله عليكي ي مروه ابدعتي
4 والواحد ده علشان معجبنيش ال حصل لكارمن وكان لازم تاخد جزائها
انا اول مره اقرأ ليكي بس مش هتكون اخر مره ان شاءالله

[Aya Farouk]

وصف الخيل كان رائعا

[Princëss Zaìnab]

روعه روعه روعه
صعب عليا حمزة اووي ..
انا مش مقتنعه بفكرة ان واحده تحب مرتين .. بس ده ميمنعش ان الرواية جميلة
اسلوب الكتابة كمان عجبني ..
تحياتي للكاتبة

[Yousra]

رواية رائعة جدا حبيت الوصف حبيت الخيال في الرواية حسيت اني عايشه معهم وتقمصت الادوار حسيت اني بطله معاهم

[Noorhan]

روووووووووووووعة بجد

[Kota el catcota]

ياوجع قلب حمزة

[Sandy HANY]

رووووووووووعة
بحبها جدا
روووعة
اينااااس عطر البندق ^_^