Kúnstpása

by Sæunn Gísladóttir

Heimsborgarinn Sóley er nýútskrifaður hljómsveitarstjóri á framabraut í Leipzig sem ætlaði alls ekki að flytja strax aftur heim til Íslands. En þegar heimsfaraldur geisar og öllum tónleikahúsum Evrópu er skellt í lás samþykkir hún að koma heim og reka bókabúð afa síns sumarlangt í heillandi smábæ á hjara veraldar. Og ef þessi óvænta kúnstpása skapaði ekki nógu mikla óreiðu í lífi Sóleyjar bæta kynnin af leiðsögumanninum Óskari sannarlega ekki úr skák.

Um miðja síðustu öld stígur unga ekkjan Sigríður af skipsfjöl í sama smábæ. Hún ætlar að opna verslun í karlaveldi með mótlætinu sem því fylgir. Hún á þó eftir að komast að því að konur eru konum bestar og að það er alltaf ljós við enda ganganna.

Kúnstpása er fyrsta skáldsaga Sæunnar Gísladóttur. Í henni fléttast saman líf og örlög tveggja ungra kvenna á ólíkum tímum. Óvænt tækifæri banka upp á og ástin kveður sér hljóðs þvert á allar fyrirætlanir. (Heimild: vefsíða útgefanda)

175 pages, Paperback

Published January 1, 2025

Reviews

[Albina · Rating 3 out of 5]

Mjög skemmtileg bók, fljótlesin (byrjaði á henni a bókasafninu og keypti svo í Skáldu og kláraði a tveimur dögum). Sigufjörður er sögusviðið en Akureyri, Leipzig og London eru í bakgrunni. Sérstaklega falleg kápa. Góður titill. Gaman að aðalpersónan horfir á Gilmore Girls. Hefði þurft meiri ritstjórn og betri prófarkalestur en heilt yfir mjög fín bók.

[Sveinn Arnarsson · Rating 4 out of 5]

þessi bók er nákvæmlega það sem hún ætlar sér. Hun er án óþarfa útúrsnúninga. söguþráðurinn er auðlesinn en heldur manni samt sem áður ut alla bókina. "ljúflestur" af bestu gerð. Saga langömmunnar ansi skemmtileg viðbót inn í þráðinn.

[Heidrun Hauksdottir · Rating 3 out of 5]

Þokkalegar afþreyingarbókmenntir, mjög í anda bókabúðabóka Jenny Colgan.
Hér er sögusviðið norðlenskur bær (þorp) sögupersónur líka með reynslu af búsetu utan þorpsins.
Flæðir vel og átakalaust. Fín í fríið.

[Einar Jóhann · Rating 3 out of 5]

Kúnstpása er ný og current ljúflestrarbók og tikkar inn í undirflokk sem ég kem alveg kaldur að en hún var fínasta skemmtun. Sagan flæddi vel og það er auðvelt að lesa bókina. Vonandi heldur Sæunn áfram sínu striki, þetta er spennandi stöff.

[Kristín Ólafs Önnudóttir · Rating 3 out of 5]

Svo sannarlega ljúfur lestur.

[Sara Hlín]

Fjallar um unga konu sem finnur sig í hálfgerðu millibilsástandi sökum covid og tekur við rekstri bókabúðar afa sína á því sem mér finnst vera Siglufjörður. Falleg saga, kannski of dæmigerður söguþráður en klárlega ljúf.

[Gyða Haraldsdóttir · Rating 2 out of 5]

Æi, kláraði fyrst ég hafði byrjað, en fannst fremur léttvægt. Fyrirsjáanlegt og skilur lítið eftir.

[Katla Lárusdóttir · Rating 1 out of 5]

Barnaleg, sögur milli tíma skrifast illa saman, engin góð tenging eða stemming sem skapast þar á milli. Eiginlega er þessi saga hvorki fugl né fiskur og skortir mikla, ef ekki alla, dýpt.

[Unnursvana · Rating 3 out of 5]

Sæt, léttlynd og mjög auðlesing skáldsaga sem reynir aðeins of mikið að vera rómantísk en vantaði dýpt og uppbyggingu, svo sagan virkar svolítið innihaldslaus og yfirborðskennd. Hugmyndin um tvær sögur sem gerast í sama litla bænum og tengjast lauslega var sæt, en hún virkar alls ekki nógu vel ef önnur þeirra var aðeins skotið inn til að fylla upp í blaðsíðunnar og hefur ekki jafn mikið vægi og hin.