روح و ريحان

by أيناس عادل

رواية اعتبرها حالة و عشها كما هي
تنصل من واقعك و احلم بواقع آخر ..و اسع لتحقيقه على أرضك


لينك التحميل
https://www.facebook.com/groups/Book....


إن تمنيت ان يختم لك بالروح و الريحان فاملأ حياتك بالروح والريحان
بيدك انت


الشخصيات :
ريحان , باسل
رنيم , يوسف
ريم , طارق
روح

Genres: Novels, Romance

962 pages, ebook

First published March 7, 2014

Reviews

[sayed azam · Rating 5 out of 5]

النقد
يجب أن يكون هناك شخص ما
وهو أنا طبعا أن ينقد ما هو سلبي في الرواية
خصوصا إنها رواية لشخص قريب إلي قلبي
شخصية أحبها وأقدرها
هي إبنة أختي دكتوره ايناس


الرواية
اولا
تعجبني الشخصيات بسماتها وانماطها وطباعها

ثانيا
بعض الكلمات تحتاج الى تغير من العامية الي الفصحة


ثالثا
الحوار ممطوط جدا .. الرواية طويله

رابعا

هناك أحداث متوقعه
وهذا لا ينصف الرواية

وخامسا وهو الاهم
أتمنى ان تستمري في القراءة
مع كتابة مقالاتك الشيقة

وأتمنى من الله لك التوفيق في حياتك العملية والعلمية

[Eng Hadeer · Rating 5 out of 5]

روْح وريحان :D
طب مبدئياً كده نويت أسمى ولادى روح وريحان ان شاء الله :D
خدت أربع أيام أقراها
بنام وبقوم بفكر فيها
مفيش كلام يوصفها وتستاهل خمستلاف نجمة
فيها شوية دروس الواحد اتعلمها مهما كنت عملت مكنتش هتعلمها ولا هعرف عنها حاجة
الآيات اللى كانت بتتقال ف النص كنت زى نسمة الهوا كده
الرواية كلها كلها توووحفة
ومملتش منها خااااااالص ولا حسيتها طويلة
بالعكس هتوحشنى اووى
أكتر شخصية عجبتنى يوسف..ف كل العلاقات اللى حواليه
باسل معجبنيش الغموض والكبرياء اللى هوا فيه
ريحان محبتش ضعفها بصراحة ولا قوتها المزعومة
بس طبعا ف الأخر حبيتهم كلهم ♥ :D
عموما هى رواية كاملة مُتكاملة وبتعلم الواحد دروس كتير ف حياتنا
^_^

[Haydi Elhelw · Rating 1 out of 5]

حالة تغمرني منذ أنهيت هذه الرواية تشعرني بالرغبة في كتابة ريفيو و لكني شعرت بكم هائل من السباب الذي سينساب كالسيل فوق كل من نصحني بقرائتها و الحرج لأنهن صديقاتي ( بتقري الوقتي ايوة انتي )
طب نصلي عالنبي ...
بداية قمة في السذاجة و الملل ده غير الاحداث الوردية بزيادة لما يزيد عن خمسين صفحة ... طب يا جماعة معلش هو دايما الروايات غاوية تخضنا كدة نستحمل اكيد هيحصل حاجة ... مفيش حاجة !
حسيت اني بقرا رواية مشاكل عائلية دنا عيلتي فيها مشاكل اكتر من كدة اعملها رواية بقا

[sarah argawy · Rating 1 out of 5]

5 ايام من القراية عديمة الجدوى
استفدت اية؟
هل الرواية ضافتلى معلومة جديدة؟لا
هل الرواية علمتنى حاجة ؟ لا
هل الرواية فيها عظة وحكمة؟لا
هل الرواية مسلية وتشويق واثارة الجو دة ؟ لا

اذا هل للكاتبة ان تخبرنى ؛اية الهدف الى كتبت من اجلة تللك الرواية _الطويلة جدااا_؟
طب اية الفكرة ؟ طب اية لاضافة لي او لاى انسان غيرى هيقراها ويضيع من عمرة قرايتة 5 ايام ؟

انا قريتها بناءا على ترشيح معرفش بصراحة اية الى شدهم للرواية ولية رشحوهالى ودافعوا عنها ؟ ومن هنا احب اسال الترشيح كان بناءا على اية ؟

_____________
لو حبيت انتقد الرواية فانا هزهق من كتر الانتقدات وهتعب فى حاجة لاتستحق التعب

هكتفى بكام نقطة
مبدائيا العمل يندرج تحت بند رواية اجتماعية
ولو انى ممكن اسجلها تحت بند ادب الاطفال ؛او نصايح وارشدات للاطفال والمقبلين على الزواج دى الحاجة الوحيدة ذات القيمة فى الرواية
وانا هنا هسجلها تحت بند _حشو ورق_ يعنى ال962 صفحة معرفش بصراحة لازمتهم اية ؟!

ثانيا :الشخصيات : فين رسم الشخصيات ؟ جميل فعلا فية رسم وان كان ضعيف فين بقى تطبيق الرسم ؟ ااحداث عكس الشخصيات وتضارب فى الصفات كانهم مراهقين مش ناس ناضجة وكبيرة

ثاالثا:: الفكرة ؛فكرت كتير بس مش عارفة اوصلها الحقيقة ؛ياريت لو حد يعرفها يدلنى عليها
هل المرض الوراثى دة ولا بناءا اسرة سعيدة ولا كيف تكونى زوجة نكدية فى كل موقف مع زوجك تعيطى _اقسم بالله جبتولى احباط _ من كمية نكد الزوجات الى موجود فى القصة
كل متتزنق عيط :/

رابعا: السرد والاحداث ماشاء الله كلها متوقعة كلنا عارفين ان جميلة هتفتح وتخف وانها هتجوز وتخلف
كلنا عارفين ان باسل هيتجوز ريحان وان كل مشاكل القصة هتتحل وكلنا توقعنا ان روح هترتبط بوليد وباسل هيحب ريحان فين الجديد فين عنصر التشويق والتفكير ياترى هيحصل ولا لا فقدتنى متعة المتابعة
الاحداث بدون اى روح مفيش اكشن اطلاقا
ادينى كقارى حقى فى انى افكر ويحصل عكس تفكيرى
موتى ريحان مثلا او جميلة متخفش او خلى حد يخطف روح اى حاجة جديدة تحصل اى اكشن حسسينا بواقعنا بعيد عن المثالية الاوفر دى

نجى لنقطة المثالية :حلو اوى النقطة الى ضايفاة ع العالم الجديد الى مش شبهنا خاااالص ومتوفر فى كل حاجة ؛هى طريقة جديدة بس متوظفة غلط او باافورة ووسعت منك اوى كاس العالم الى اخدنة اكتر من مرة دة بس مش مشكلة تفكير جديد يحسبلك
بس كنت اتمنى تعبرى عن واقعنا وحياتنا افضل بعيد عن الاحلام الساذجة الى هنصحى منها على واقع نتصدم فية

فى حاجات تانية كتير بس كفايا كدة عشان زهقت

[Ayah Rashad · Rating 5 out of 5]

مبدعة
حقيقى رائعة واجل مافيها الملاحظات اللى بعد كل موقف
ويارب نشوف بلدنا بالشكل اللى وصفتيه

[Yasmeena · Rating 5 out of 5]

من اعمق الروايات اللى خليتنى اعيش معاها

وابكى فى كل صفحه من صفحاتها

احساسات متناقضه سواء
فى التربية فى الحب فى الصداقه
فى الاخوة

برغم اننا بنى ادمين وهما بردو بنى ادمين
الا ان الادمية تختلف

قصه واقعية جدددا

احب اقرأها مرة كمااان وثلااثة واربعه

رغم انها طويله قووى
مش عارفة ليية

كانت ممكن تقل شوية


لو اتمنيت اكون واحده من شخصياتها
ف اكون رنيم او ريم ويكون زوجى زى باسل
وطبعا مش هلااقى اقوم وافضل من رووح تبقى بنت ليا

ريحانه عجبتنى جدا لانها قدرت تغير وتطور من شخصيتها وبرغم السهولة اللى اتغيرت بيها فى الرواية
لكن فى الوااقع صعب جدا انك تاخد قرار زى دا اصلا

تربية روح جميلة جدا ادانى دفعه انى اربى اخواتى وكل اللى حولى بالطريقة دى

الانسان بردو انسان ختى لو كان العالم اللى حوالية مثالى

ينقصها بس النااس اللى مش مهمين ف حياتنا واللى بيقفلوا الدنيا ف وشنا واللى بيخنقونا دايما .. ممكن تكون الكاتبة قاصده انها تهمشهم
ومتتدهمش اهمية

بس كان لاذم يكون ليهم حتى دور لان دوول موجودين ف حياتنا دايما
ولان الرواية دايما بتربى شخصيتنا
فكان لاذم ييجوا علشان نعرف ازاى نربيهم بقى ;)

الرواايه حلوة مفييش كلااام :) ... ومستنينن الباقى :)

[Maram Mahmoud · Rating 4 out of 5]

رواية روح و ريحان..هي مثال للمدينة الفاضلة بداية من تقدمها و تتطورها مرورا بنظافتها و نظامها وصولا ب شخصياتها المثاليين..اكتر حاجة شدتني العلاقة الاخوية الي موجودة ب الرواية..علي قد ما فضلت 3 ايام عايشة قدام الرواية مش عايزاها تخلص.. علي قد ما بتخلينا نعيش ف الخيال المثالي ده و لما بنخلص قراءتها بنفوق علي الواقع بعيوبه الي لا تحتمل ف نصاب باكتئاب..عمل رائع.

[Enas elkelany]

انا من اوا صفحه وانا حاسه ان فيه حاجه غلط !
قاربت للصفحة الاربعين وقررت ان اتوقف
مهو بالفعل انا مش هقرأ رواية ان دل قراتى ليها هيدل على مقدار الفضى اللى بعيش فيه !
ما كل هذا العدد من الصفحات ومن الحشو بأستخدام اسلوب تحاورى بهذه الكميه الشديده للتطويل !!
لو عند الكاتبه رساله متوصلها وبلاش الحشو والملل ده كله
يوجد روايات تستحق بالفعل القراءه خلاف هذا العبث .....

[عفاف الشاذلي · Rating 4 out of 5]

To be reviewed later
بس مؤقتا عندي سؤال واللي فاهم يفهمهولي:
إزاي ريحانة أخت يوسف من الرضاعة إذا كانت مامتها ماتت أصلا بعد ولادتها على طول
ولو كانت مامته هو اللي رضعتها يبقى هي كده أخت باسل برده ؟ #آه_يا_دماغي o.O

[Rana · Rating 5 out of 5]

بجد ابداااااااااااااااع .... انا قريتها مره وعاوزه اقراها تاني <3 <3

[Eman Elhelw · Rating 5 out of 5]

. من أروع ما قرأت ، رواية مختلفة فى قصتها وممتعة جدااااا، هذا يعبر عن مدى إبداع ورقي كتابات إيناس عادل

[Emily · Rating 5 out of 5]

my main event

[Aya Ibrahim · Rating 4 out of 5]

بداية الاسم لوحده بعد ماعرفت المضمون طبعا .. ممكن أديله نجمة لوحده :)

الرواية مش رواية للإنصاف فى النقد .. هى نزلت كحلقات مسلسلة على منتدى ثم اتجمعت فى غلاف واحد ,,
فلو هتكلم عنها بصفتها حلقات مسلسلة هتجاوز عن الإطالة الزيادة عن اللزوم لأن إلى حد ما الحلقات اللى بتنزل ورا بعضها دى بتبقى محتاجة تفاصيل خاصة لو حد بيتابعها حلقة بحلقة وبيتفاعل مع كل حلقة .. مش هيبقى عاوزها تخلص
إنما لما تبقى فى غلاف واحد .. الوضع بيختلف
لأن مش ممكن القارىء يقرأها على حلقات وبالتالى بيلاقى تفاصيل كتير متكررة وإن الحكاية طويلة جدا بلا داعى .. وبالتالى الكتابة وقعت فى خطأ هنا
إنها كان المفروض تعيد ترتيبها وتنسيقها وإزالة الحشو منها وقت ماقررت تجمعها فى غلاف واحد .. بما يتناسب مع شكل الرواية

وفيما يلى حرق تام للأحداث (( تنبيه ((
******
الرواية حالمة جدا .. زى ماهى قالت فى الاول اعتبرها حالة وعيشها زى ماهى
تصوّر لمصر يمكن فى 3000 م ولا حاجة :D
حاولت ترسم صورة عن تطور مصر بس الصورة ماكانتش كاملة بما يتناسب مع الحلم ده
يعنى هى ركزّت فى التطور المنشود على بعض القضايا والانجازات مثل القضاء على البطالة والفقر ومدينة الكبار اللى بتعلم فيها الاطفال كيفية التصرف فى المواقف المختلفة وبتنمى قدراتهم , وواقعية الهندسة الوراثية فى مصر واعتبارها جزء لا يتجزأ من الروتين الطبى

إنما هى أغفلت الجانب الانسانى فى التطور ده
يعنى التعاملات الانسانية بمختلف علاقاتها .. سواء بين الاخوات او الزوج والزوجة أو الابناء والآباء هى نفس وضعنا الحالى !
البنت لسة معناها المطبخ والخوف والتبعية حتى وإن كانت بتشتغل !
التطور اللى هى بتوصفه مش هيحصل لو النظرة فضلت زى ماهى .. لأن الرجال والنساء نصفين عاملين فى المجتمع .. ومش هيقوم بنص واحد !

ومن ناحية تانية : البناء الاسرى والعائلى يخّلى القارىء يحسدهم :)
وإن كان برده ده متناقض مع حركة التقدم والتطور .. يعنى كل ما الدنيا بقت أسرع كل ما دفا العيلة ده بيقل
بس التفاصيل الصغيرة أوى بينهم دى حبيتها أوى أوى
حالة حلوة جدااا .. يمكن من اكتر الحاجات اللى علّقت معايا بعد ماخلصتها :)
******
لو انتقلنا للشخصيات إضافة للجزء السابق :
فى علاقة ريحان بباسل .. ريحان الجانب المستكين جدا , الضعيف , معدوم الشخصية بين من حوله .. ومع ذلك هى مهندسة برمجيات عبقرية فى شغلها
جزئين متناقضين جدا فى شخصية واحدة ,, ما اعتقدش إن حد مهمّش وضعيف كدا هيقدر ينجح فى شغله بالشكل ده
وبالرغم من إنهم المحور الرئيسى للرواية .. إلا إن حكايتهم طوّلت أوى , واتكرر فيها أجزاء كتير بشكل ينّفر القارىء منهم معاً

علاقة يوسف ورنيم
فيها تناقض غريب جدا برده وغير منطقى
شخصية بقوة رنيم مهما حصل مش ممكن تصبح بالضعف والاستكانة الشديدة دى فى مواجهة يوسف فى بداية علاقتهم لدرجة إنه يأثر على حياتها وشغلها بالشكل ده
وشخصية يوسف العامة زى ماصورتها الكاتبة مش مقبول إنه يهين رنيم ويظلمها لمجرد إنه عند !

جميلة ومازن
علاقة غريبة ومش مستوفية التساؤلات اللى ممكن تُثار حواليها
برده ايه اللى يخّلى مازن يرتبط بجميلة ؟؟
مين مازن وليه أصلا اختار جميلة ؟ لمجرد إنه شافها فى دار أيتام؟ !
الجزء ده ضعيف جدا .. لأنها ماوضحتش الحاجة اللى خلّته يتمسك بيها برغم إنها ضريرة
ومش مقنع نهائى إلا إنه تحقيق للى صدّقته من كلام ريحان ؟
المعالجة بتاعت تحقيق الكلام سطحية شوية
**********

روح وعلاقة اللى حواليها بيها
دى بقا اللى ممكن نقول فيها أشعار .. لأن ده جوهر الرواية واللى يرفعها فى التقييم جدا جدا
((التربية ))
وكيفية تحويل القيم إلى تصرفات يومية وحوارات تغرز فعلا الاخلاق والقيم دى فى الابناء .. لأن الكلام عمره مابيأثر حتى لو الشخص اللى قدامك مقتنع بيه
مش هيقدر ينفذه وينتهجه فى حياته الا لو كان اتربى عليه
اتربى على أفعال .. ثم عرف إن دى جوهرها أمانة
أو تصرفات تانية .. جوهرها صدق
حتى لو معرفش المعانى الكبيرة دى وهو صغير .. هيكون اتطبّع بيها
وأكيد كون الأخلاق والقيم مبدأ ونهج أفضل من كونها نصوص حافظينها كلنا عن ظهر قلب بس مش قادرين ننفذها

التعليقات اللى بعد كل موقف .. يدّى الكاتبة أكتر من سنها الحقيقى
إن أسس التربية تبقى موضوع رواية ده فى حد ذاته شىء عبقرى

وأنا عن نفسى بحترم جدااا أى محاولة لألقاء الضوء على المواضيع الجوهرية فى حياتنا من خلال رواية غير بقا الحب والمواضيع اللى استهلكت بشدة فى الروايات والحوارات وخلافه ..
لأن الروايات قرّاءها أكبر بكتير من الكتب
وقد تنير الطريق أمام كثيرين للبحث بعد ذلك عن الكتب ومحاولة التغيير

ولذلك .. إذا كانت هذه الرواية أو هذه الحلقات المسلسلة ضعيفة فى بعض المواطن ,ولكن فى وجود هذا الهدف .. فتقييمى لها سيكون 4/5 :)

********
أتمنى إنها تكمل كتابة طبعا وإن شاء الله الرواية الجاية تكون أحسن بكتير :)

[EmMa · Rating 5 out of 5]

محتارة أصنفها.. هي رومانسية أم اجتماعية أم دينية أم تنمية بشرية أم شكل جديد عن تربية الطفل.. أم دول كلهم!!
غيرت تفكيري من ناحية حاجات كتير.. فكان من الطبيعي أن أقول أنها رواية ناجحة جداً.. والخمس نجوم خير دليل★..
لو بدأنا نتكلم عن ريحان وباسل مش هنخلص.. اتنين رغم أخطاءهم اللي كانت مبتعذبش حد غيرهم إلي أن طريقتهم للتغيير مبدعة.. وأدي الغرض جدا.. نيجي للدولة المصرية اللي كتبتي عنها بطريقة مُلفتة وغير مُلفتة.. يعني كان ممكن عبارة 'احتفال الدولة بأخر أمّي مصري' تعدي ع القارئ من أول وهلة مرور الكرام..ثم في أقل من ثانية هيرجع يقرأها تاني..ثم الامتحان اللي عملتوه ريم لطلابها لما بعتته ليهم ع التابلتز!! فييجي "يوسف" ويقول لـ "باسل" أنهم قضوا علي الفقر أخيرا!! في أي مستقبل يعيشون؟! .. وتأتي الإجابة في أحد اقتباساتك الأكثر من رائعة لـ بيلفا دافيز: "لا تخف من المسافة بين الحلم والحقيقة.. فما دمت استطعت أن تحلم بشئ؛ فبإمكانك تحقيقه".

[Heba Tallah · Rating 4 out of 5]

إن تمنيت أن يختم لك برو ح ور يحان فاملأ حياتك بالروح والريحان بيدك أنت
تنبيه !!! اعتبرها حالة وعشها كما هي تنصل من واقعك واحلم بواقع آخر .. واسع لتحقيقه على أرضك ..

اقتبست هذه الكلمات من مقدمة الرواية لأنها بالفعل تعبر عن مضمونها بشكل كبير
تعايشت جدا مع هذه الرواية بكل احداثها
فى البداية خفت من كتر الصفحات و حسيت انها كبيرة
لكن سرعان ما تلاشى الاحساس دا مع قراءتى للفصول الأولى
وخليتنى احب اقرأ منها كل يوم جزء عشان مخلصهاش ^_^

الرواية حالة ليست مثالية
لكنها تعبر عن كل واحد فينا
شخصياتهم هم ناس من واقعنا
مش مثاليين مبيغلطوش
لكنهم لما بيغلطو بيعرفو يتعاملو مع الغلط وميسيبوش نفسهم له
احداث الرواية رغم انها فى عالم مثالى الا ان المواقف الحادثة بين الابطال ليست مثالية
لكنها المشاكل التى تمر بكل واحد فينا
ازاى نحلها وازاى نتجاوزها

ازاى تتحول شخصية هشة ضعيفة متوترة خائفة تشعر باليأس من حياتها والاحباط
وتشعر بشفقة كل من حولها عليها
تتحول الى طاقة ايجابية رهيبة
قوة وثبات وثقة بالنفس و تحكم فى الذات ومجاهدة النفس و ترويضها
كل هذا ممكن وليس مثالى ومستحيل
بالتسلح بالايمان والتوكل

الكثير من النصائح التربوية فى طيات الرواية فى منتهى الأهمية
والكثير من طاقات الدفع الايجابية تحملها لنا هذه الرواية

تعجبت فى البداية من كون الكاتبة ذكرت تلك الاحداث فى عالم مثالى متقدم
ولكنى ادركت ان هذا مهم لتبين ان هذا العالم يمكن تحقيقه اذا غيرنا ما بأنفسنا للأفضل

فى الرواية دى تعرض ان فكرة كن شمعة تحترق لأجل الاخرين فكرة خاطئة
لماذا تتعذب من اجل سعادة الاخرين اذا كان من الممكن ان تشعر بالسعادة و البهجة تملأ كيانك وتفيض بها على من حولك
فاقد الشيء ربما يعطيه للغير بمقدار رغم عجزه عن اعطائه لنفسه
لكن مالك الشيء يعطيه و يفيض به ويغدق من حوله من خيراته

كن كالبحر الذى كلما غرفت من خيراته واغرقت بها من حولك لا تنضب او تجف
وتحتفظ لنفسك بقدر كبير من السعادة و راحة البال و الخير و البركة
ولا تكن كتلك الشمعة التى تعطى لغيرها القدر القليل من الضوء ثم مصيرها الفناء

اسلوب الكاتبة جيد وقابل للتجويد اكتر والتحسين
الكاتبة استعملت عدة تعبيرات و تشبيهات جميلة جدا تدل على موهبتها
وكل موهبة تحتاج لصقل و تدريب لتكون افضل و اجود ^_^

دمتى مبدعة ^_^

[Sara Ghazy · Rating 5 out of 5]

قرأتها مرتین لاستمتعاعی بأحداثها والفکرة اللی بتطرحها
د.إیناس عادل أصلا حالة لن تتکرر

[Jihad Abdullah · Rating 5 out of 5]

تلك الريحان القوية الجميلة التي لم تكن يوماً ضعيفة، إنما تكمن قوتها في جمال قلبها وروحها النقية التي كانت دوماً سكناً لكل مهموم يأتيها فيلقي عليها همه فتستقبلة بترحاب مستبدلة إياه بسكينة وطمأنينة يلهمها الله بهم لتلقيها في قلب المهموم .. كنت على يقين بأن الله سيجبرها ويرضي قلبها لأنها جميلة ولأنها تحملت كثيراً وكثيراً ووعد الله للصابرين دوماً حق؛ ألم تكن بشرى الخير التي وعد الله بها الصابرين حق ألم يكن جزاء الصابرين جنة الدنيا ونعيم الآخرة

أما ذاك الباسل، فكنت متأكدة كل التأكد بأنه لم ولن يستطع التجرد من حبها حتى وإن لم يتزوجها، ��سيبقى ضعيفاً في حضرتها مهزوزاً إن نظر في عينيها .. وبرغم غروروه وكبرياءه إلا أني أحببت فيه صدق مشاعره وخوفه عليها

استمتعت بالرواية لما لمسني فيها من أحداث ومشاعر لريحانه أعرفها جيداً واستمتعت جداً بالتفاصيل

شكراً إيناس عادل :)

[Alaa Elsawy · Rating 4 out of 5]

بداية ، الرواية طويلة بعض الشئ إلا أنها لم تشعرني بالملل ، ما شدني إليها ودفعني ﻹكمال أحداثها هي السمة التربوية التي تهدف إليها ، ففي كل فصل تجد بضع نصائح لتربية اﻷولاد وتنشأتهم بطريقة سليمة ومحاولة فهمهم والوفاء بمتطلباتهم بما يتناسب معهم ومع اﻵباء أيضا ، و ما جعل هذه الرواية في نظري جديدة بعض الشئ في بضعة جوانب لها هو تخيل مستقبل مشرق للبلاد فلقد صورت الدولة على أنها خالية من البطالة وفي حالة استقرار تام ، وعلى أعلى مستوى من التعليم والتكنولوجيا ، فمثلا قد ذكر فيها " فبعد احتفال الدولة في مصر بآخر أمي مصري وأصبحت الأمية صفر في المئة ..ملئت المكتبات بكم كبير من الكتب ....."
أعتقد أن الكاتبة قد أبدعت رواية رومانسية تربوية تبين أوضاع مجتمعنا بعكسها في أحداث الرواية .

[شروق ابو زيد · Rating 4 out of 5]

رواية ممتعة ومشوقة لم أشعر بالوقت وإلا عندما ارتفع صوت آذان الفجر معلنًا أني جلست الساعات أقرأها
بعض الأحداث متوقعة إلى حد ما
ولكن أسلوب الكاتبة يجعلك تعش وسط الأحداث وأن تظل تفكر فيها حتى بعد تركها
شعرت بقليل من المبالغة في الرواية او شخصياتها فتصرفاتهم مثالية بعض الشئ ولكن أعجبني ارتباط الرواية بأصلنا وديننا وبقيمنا فترى ذكر قيام الليل والورد والإختلاط( ولو أنه كان به شئ من المبالغة والتشدد) والأخلاق الحسنة كالأمانة وغيرها شئ أساسي
وأعجبني أيضا التعليقات اللي تعقب بعض الأحداث فتربطها بتربية ومعاملة الأبناء بأسلوب لطيف
هي رواية تعلمك وتنير عقلك وقلبك وأنت مستمع

[Nihal Mustafa · Rating 5 out of 5]

علي الرغم من طول الرواية واحداثها الكتير اوي لكن تحتوي علي اكثر من فكرة في طرق التربية للاطفال وكيفية تعامل الزوج والزوجة بطريقة ممتازة وايضا ان تتمسك بهدفك الي ان تصل الية والاهم ان تثق بالله وتومن بانك تستطيع ان تحقق هذا الهدف واعجبتني انها تتخيل واقع غير الواقع الحالي في مصر فمصر في الرواية بها تكنولوجيا عالية لا يوجد فقر ولا يوجد بطالة وبها اهتمام بالتعليم والقراءة فلا يوجد امية علي الرغم انة غير حقيقي ولكن اتمني ان تصل مصر في يوم من الايام لذلك

[Salma · Rating 5 out of 5]

فى الغالب دى من اكتر الروايات اللى استفدت منها و حسيت انى خرجت منها بحاجة مفيده مش مجرد تسلية وخلاص زى معظم الروايات اللى بقراها ..... لدرجة انى بدات فيها امبارح الصبح و خلصتها انهاردة الصبح مع انها 962 صفحة يعنى فى الغالب انا حققت رقم قياسى فيها :D ..... نفسى كل الاهالى يقروها و يعملوا يالنصائح اللى فيها ....
عجبنى جدا تخيل مصر بالحالة اللى فى الرواية ... فعلا بتمنى مصر تبقى كده فى يوم من الايام :)
و اخيرا فى انتظار رواية جديده مفيده زيها كده ان شاء الله :))

[Rawda Alsaqa · Rating 2 out of 5]

انا مش ناقدة عشان انتقد ..
هي رواية حلوة وفيها قيم جميلة جداا مانكرش
واحلى حاجة فيها القيم اللي بعد المواقف دي
بس الرواية طويلة وفيه تفاصيل كتير مالهاش لازمة
مليت منها جدا وتقريبا احداثها متوقعه
غير ان فيها تشابه كبير من رواية انت لي وروايات دعاء عبد الرحمن ومنى سلامة
حسيت انها خليط من روايات على بعضها
ودا اللي خلاني امل منها بسرعة

[Asmaa Mahmoud · Rating 4 out of 5]

القصه حلوه بس طويله زياده عن اللزوم احداثها مكررة شويه
الكاتبه متأثرة بروايات تانيه على سبيل المثال -انت لى- الرواية اقرب لفيلم عربى قديم بس بضوبط شرعيه الى حد ما-مش اووى يعنى- بس فى مجملها حلوه مليانه مشاعر وصراعات نفسيه واهم حاجه هى ان كل واحده بيشوف اللى قدامه ويبرر تصرفاته لاسباب هو عاوز يقتنع بيها مش بيدور على الاسباب الفعليه لافعال الشخص اللى قدامه
بداية موفقه فى انتظار المزيد :))

[Live · Rating 4 out of 5]

الروايه جميله و خفيفه حبيتها
بس بردو كنت حاسه بحاجه بتخرجني من الروايه نظرا لانها متناقضه مع اول الروايه
زي مثلا موضوع يوسف و ريحانه
ازاي يوسف اكبر من ريحان و والدتها ماتت و هي بترضعها و في نفس الوقت رضعته و بقوا اخوات
ازاي قدرت ترضع و هي لسه معندهاش اولاد
قلت لما وصلت الجزء ان والدتها توفت و هي بتولدها هتقول مثلا اي حاجه حتي لو كانت كدبه لسبب ما
بس التعامل فضل عادي

[Hanaa E. Ismail · Rating 4 out of 5]

لمست قلبي بعمق .. أود قرائتها مرات ومرات
تعلمت منها الكثير عن مختلف انواع العلاقات الحب والصداقة والأخوة وغيرها
لم تعجبني بدايتها حتي أنني كدت ان اتوقف عن قرائتها لكنها سرعان ما تسللت إلي أعماقي وتعلقت بها وبأحداثها
طويلة جدا إلي الحد الذي يدفع للملل أحيانا لكن اسلوبها السلسل غطي علي ذلك
احببتها جدااا <3

[Aya · Rating 4 out of 5]

الرواية روعة بمعنى الكلمة استفد كتيييير منها اسلوبك رائع بعض الاحداث حستها في عالم موازي
,,حبيت في شخصية ريحانه انها قدرت تتغير للأحسن وتستقر على التغير ده وده بيثبت انها شخصية قوية
,, جميلة بالرغم من ظروفها الا انها قدرت تثبت نفسها وتحقق طموحها
بالتوفيق ايناس وللاحسن دائما

[Dalia Gamal · Rating 2 out of 5]

الرواية فيها قيم جميلة و دى اجمل حاجة فيها
ملحوظات جميلة و اسلوب التربية اللى فيها جميل
طويلة جدا جدا حسيت انى داخل مسلسل تركى من كثرة التفاصيل اللى كتير منها ملوش لازمة
العامية اللى فيها خلتنى مستمتعش بيهاالحوار قد يكون زايدة عن اللزوم حسيت انها سيناريو

[Nourhan Hussein · Rating 5 out of 5]

رواية أكثر من راائعة بما تحمله الكلمه
العلاقة بين الأخوات اللي غالبا مش موجودة بالشكل ده دلوقت
أسلوب التعامل في التربية
بالأضافة بالجانب الرومانسي للرواية
بالفعل تستحق الخمس نجووم
دومتي موفقة دائما ^_^

[Reem Muhammad · Rating 2 out of 5]

طوييييييييييييييييييييييييييييييييييييييييييييييييييييييييييييييييييييييييييييييييييييييييييله اووووووووووووووووووووووووووووووى
وبصراحه الفايده مش قد الوقت اللى ضاع ..بس عجبتنى الشخصيات وريم على اسمى وصفات كتيير منها عندى :D
المره الجايه ان شاء الله متبقاش بالطول ده

[Ala'a Elbadrawy · Rating 4 out of 5]

عجبنى اوى الجو الاسرى الاسلامى اللى فالقصة بس دايما كان بيفصلنى الخيال غير المبرر ايه لازمة (مصر بتلعب ع نهائى كاس العالم ل 3 مرة و بنحتفل باخر امى ف الدولة وغيره ) كأن المقصود اننا نفوق كل شوية ونفهم ان الكلام دا خيال مش موجود ف الواقع ؟!ت