ستات ورجالة طالع حبابي عنيهم

by ريم مراد

أعتقد أن كل واحد فينا ممكن يعتبر الكتاب ده كالمرايا التي نقف أمامها فنرى أنفسنا على حقيقتها.. وأكيد كل منا سيجد في مواقف وشخصيات هذا الكتاب ما يذكره بنفسه أو بالطرف الثاني في حياته.. وحينها علينا أن نتوقف قليلًا ونفكر: "ماذا أفعل حتى لا تأخذني علاقتي بالطرف الآخر للعصر الجليدي فيصيب العلاقة بالتبلد أو أن تتحول هذه العلاقة لانفجار نووي شديد يطيح بكل أطرافها؟؟" "ماذا أفعل حتى لا تتحول حياتي "نورماندي تو" وتغرق مع أول طلعة ليها.." وكما يقال أن الطريق لحل أي مشكلة هو الاعتراف بوجودها.. وهذا الكتاب هو البوصلة التي ستساعدكم للوصول للمشكلة أما حلها فانتظروه في كتابي القادم بإذن الله..

188 pages, Paperback

First published January 1, 2014

Reviews

[Ghada · Rating 3 out of 5]

دمه خفيف.. وضحكني كتير.. وجبة خفيفة ممكن تاخدها بعد وجبة دسمة تريح بيها وتصفي بيها ذهنك.
الكتاب أدَّى الغرض ده بالنسبة لي، وهو المطلوب.

يبقى حلو جدًا لو اتعمل لها فقرة يومية أو حتى أسبوعية في جريدة أو مجلة، يبقى لها عمود بينزل بشكل منتظم.. هيفرفش القُرَّاء. :D

حبيته، رغم إنها عاملة دمج بين العامية والفصحى، والفصحى عندها بعافية شوية.. بس في المجمل كان صديق خفيف وحتى صغير فمكانش بيتقل لي الشنطة. :D

[Sherif Metwaly · Rating 1 out of 5]

تحس ان الكتاب عبارة عن حكاوى ورغى من اللى الستات بيقعدوا يحكوها لبعض وهما بيشربوا شاى بعد الغدا

[Neiveen essam · Rating 3 out of 5]

جرعة خفيفة من الصراع الابدي ما بين هو و هي .. حواديت و مواقف ممكن كل واحدة و كل واحد يتحط فيها .. اللغة بتاعة الكتاب سهلة و بسيطة عامية خفيفة .. في حواديت كتير هتلاقي نفسك فيها و حواديت تانية اكيد سمعتها..

[alaa · Rating 3 out of 5]

الست لما تحب بجد بتصبر و تستحمل لأقصى درجة علشان بس تحافظ على حبها حتى لو حيطلع عنيها حيكون على قلبها زي العسل طلما معاه 💙

[Hebatullah Halawa · Rating 2 out of 5]

كتاب لطيف هتفصل بيه ضغط الشغل و ضغط اليوم لكنه مش مفيد بس ممكن تتخده تسليه لذيذه.

[Nada Radwan · Rating 1 out of 5]

وصلت لنصه بالعافية ومقدرتش اكمله لان نوع الحكاوي ده مابستحملهوش ولا بطيقه