بيجرب يمشى برجل واحده

by مسعود شومان

Unknown Binding

Reviews

[alaa eldeen moustafa (قهوة سكر زيادة) · Rating 2 out of 5]

اضحك بصوت عالي
وانت بتقلّد سفينة
بتسلّي نفسها بصفارة طويلة
عشان تداري خوفها من ضلمة الميه
______________________________
كل سنة وانت بتحنّن على الجراح اللي جدِّت
عشان ترعرع
وتبقى شجرة تستحق القطع
______________________________
عن إيه ؟
عن رجل بتزُكّ تحت المطره
وبتعدّي النُقَر
وبتهشّ البَط بعيد عن باجور الحرت
وفـ إيه ؟
في ليلة باردة من أمشير
قدام مَنْقَد
وغيمه واقفه
وخيال بيتحرك ببطء ع الحيطه
على إيه ؟
على ورقه
طيّرها الهوا ناحيتي
من إيه ؟
بالذمة ده سؤال !
إزاي ؟
زي ما انت شايف
قدام منقد باتدفّى
وعلى ورقه
زي أي حد
بجرّب اكتب عنه قصيده
وهو ماشي بيزُكّ تحت المطره
______________________
عايز اخس شويه
مش عشان هي قالت لي كده
ومش عشان قالت لي
ساعتها هاقدر أطير معاك
عايز اخس حبه
مش عشان اقدر عليها
وعلى خفة حركتها
وهي بترقص على شط فاضي
وبتشاور لطير غريب
ولا عشان اخبّي تزييق صدري
وانا بحاول ألحقها
قبل ما تعدّي للشط التاني
مش عشان حاجة
غير إنك عايز كدا
أو يمكن عشان
وانت رايح هناك
تبقى خفيف فـ النعش
________________