معجون انسان

by محمد حواس

أنا عايز أعيش في حياة
تكون على عيبي قبلاني
بكل حالاتي عاوزاني
مَهِيش ع الفاضي رفضاني
أنا كائن فريد النوع
بصوت مسموع
أنا عاوز أَكوْن نَفْسي
مكونش لقِصِّتك متبوع
أنا قادر أعيش واحلم
وميهمش يكون ممنوع
وارسم بسمتي ألوان
واكسر كل جدرانك
وليه أعشق سُكات الروح
واسيب العمر بيكِ يروح
وليه على حالي أتحسَّر
وابكي شكوتي م النوح
سفينة نوح
مفيش فيها مكان ليَّ
ومش قابل أكون زَيِّك
واعيش الحلم بالنية
واسيب العمر بيكي يروح
أنا محتاج أكون كامل
أنا محتاج أكون أكتر
معدتش بالكسور قابل
وأنا عمري ما هتكسر
قالولك إني مش قادر
لكن بيكِ بقيت بقدر
ومن غيرك بقيت بخسر
بقيت مؤمن وبستنى
سفينة نوح
سفينة نوح
دي ف الأساطير يا جِنيَّة
وانا عارف إن الحب مش ليَّا
خلاص فسبيني وحديَّا
أعيش أحلامي على كيفي
واكدّب صدقتي بزيفي
وأموت من تاني ف الأحلام
وأشوفك حتى لو صدفة
وأقول لعيوني مش هيَّ
فماتلومينيش على الماضي
عشان أنتِ مكنتيش فيه
ومُرّي ف حلقي متكتّف
ومش لاقي كلام يحكيه
بدوَّر ف الركام فيَّا
ومش لاقي حطام منك
عشان ابنيه
سفينة نوح
خلاص سافرت
وأنا وحدي ف طوفانك
إذَن فخلاص ما راح ينفع
أشوف صبري ف غفرانك
واسيب الكل علَشانك
أنا عاوز أكون نَفْسي
مكونش ف قصتك ورقة
سفينة نوح خلاص سافرت
وأنا راح أموت من الغرقة
ركبتيها وسبتيني
وسبتيلي
ف حُضن نشوتك شهقة
يغور الحلم لو بيكي
ومش ممكن هخليكي
ف حضن دنيتي قِصَّة
وأعيش أنا بس بحكيكي

سفينة نوح

..

135 pages, Unknown Binding

First published September 1, 2014

About the author

نبذة عن الشاعر:

محمد أنور حواس مواليد مارس 1988 في سوهاج شاعر و كاتب مصري خرِّيج معهد قراءات، ودرسَ علم النفس والتنمية البشرية . كما حصل على العديد من الامتيازات في مجال التقنية درس التصوير الفوتوغرافي، كما نُشِرَ له في العديد من الصحف المصرية منها اليوم السابع ،جريدة فجر اليوم ،المصري ،كايرودار، جريدة المصريون ،والعديد من الجرائد المحلية.
صدر له : ابتسامة زائفة ديوان فصحي و كمشان , معجون انسان , البنت اللي في اخر الشارع اشعار بالعامية المصريه
حاصل علي جائزة افضل شاعر من جامعه سوهاج 2013
تم اختياره ضمن أفضل 100 شاعر في مصر في تكريم قصر ثقافة الإسكندرية 2014
حاصل علي المركز الاول من جائزة الشاعر احمد بهاء الدين 2014
تم اختياره ضمن أفضل 150 كاتب في مصر بحفل تكريم يضم أكثر من 8 مؤسسات نشر بساقية الصاوي 2014
تم تعينه عضو بلجنه تحكيم مكتبة الاسكندرية للشعر لعام 2015
رئيس لجنه التحكيم في مسابقة قصر ثقافه سوهاج للشعر 2015
عضو لجنة تحكيم مسابقة كلية طب اسنان جامعة القاهره للشعر "شاعر اسنان" 2016
فيسبوك @muhawasofficial
تويتر @muhawasofficial
أنستجرام @muhawasofficial
سانود كلاود @muhawasofficial

Reviews

[نهى · Rating 3 out of 5]

ديوان شاب يعارض ويطالب بحقوق وحياة ... ديوان خفيف اعجبني واعجبني كثيرا ضمه لكتابات شياب مثله ...

[Sara Samier · Rating 3 out of 5]

الديوان جميل ، فيه قصائد قويه جدا
بالاضافه للشاعر الاساسى محمد حواس عجبنى اعمال اسلام صبرى و ماركو ملاك و احمد صديق
بالتوفيق لكل منهم ....

[إيمان · Rating 4 out of 5]

أصبحت العامية هى اللغة السائدة حاليا فى كتابة دواوين الشعر و لكن عندما تصبح العامية مخلوطة باللهجة الصعيدى فهذا هو الاختلاف ...
معجون أنسان ديوان شعر تؤكد سطوره إن خلف شرقية الرجل المصرى عموما و الصعيدى خصوصا قلبا و أحاسيس قمة فى الروعة ...
اعجبنى جداااا تلك القصائد التى كتبت باللهجة الصعيدية مثل :-
الفنكوش
ربع قصيدة
سطرين خفاف
الف ورطة
روبابيكيا
و القصائد العامية :-
مرسى الوجع
بهجة
خطوط سير
عن العشق و الهوى
قميص الحلم
أميرة فى بحرر أحلامى
نص السطر
و القصيدة الاروع بالنسبة لى كانت " كملينى "
لفتة حلوة جدا من الشاعر محمد حواس ان يشارك أشخاص أخرون ديوانه ومن تلك الاعمال اعجبنى فيها الأتى :-
زمرد لإسلام صبرى
حلم بسيط لزيزى النجار و هى القصيدة الاروع فى المجموعة
بفكر أبيع و أضغاث أحلام لأحمد صديق
نجمة واحدة لم تكمل الخمس نجوم فقط لتشابه المواضيع نوعا ما و بعض السطور ولكن فى الاجمال ديوان يستحق القراءة و باللهجة الصعيدى

[Maha · Rating 2 out of 5]

الديوان معجبنيش أوي
احيانا كتير الاوزان مكانتش ظابطة معايا
في بعض الألفاظ عندي عليها تحفظ زي "ودين ربك" هو الي انا فهمته انه يقصد انه بيحلف، عامةً هي كلمة في غير موضعها "من حَلِف بغير الله فقد أشرك"
وزي لفظ "فشخنا"
الألفاظ دي معجبتنيش الحقيقة

بس عجبني إن الكاتب ضاف في أخر الديوان بعض أشعار لشعراء غيره، قلما كاتب يعمل كدا، او تقريبا مشوفتهاش قبل كدا الحقيقة :)

[Tokaomar · Rating 5 out of 5]

#محمد_حواس #معجون_انسان جميييييييييل جدا شابووووووووووووو :)

[Hamza El-Kady · Rating 3 out of 5]

مجموعه شعريه مختلفه المواضيع كويسه الي حد ما مختله الوزن احيانا
الغاظ سخيفه وخارجه احيانا برضه ف المجمل مقبوله

[Karim Yasser · Rating 3 out of 5]

اول ديوان اقرأة لمحمد حواس .. عجبتني القصائد اللي مكتوبة باللهجة الصعيدي
وبالأخصّ (إستنيتك - صقفة كبيرة - كمليني - سفينة نوح)
وعجبني اكتر اضافة قصائد لشعراء غيره في أخر الديوان، قلما كاتب يعمل كدا
3/5