دیوانی گوران ‌

by عەبدوڵڵا گۆران

398 pages, Unknown Binding

About the author

عەبدوڵڵا سلێمان ناسراو بە گۆران (١٩٠٤-١٩٦٢) شاعیر و ڕۆژنامەوان و چالاکی سیاسیی کورد بوو. لە ھەڵەبجە لەدایکبووە و تا ١٩٣٧ لە خوێندنگە سەرەتاییەکانی ئەو ناوچەیەدا مامۆستا بووە. پاشان چالاکیی سیاسی و ڕۆژنامەوانی دەستپێدەکات و چەند جار دەخرێتە بەندیخانە. لە ١٩٥٢ەوە تا کۆتایی ژیانی لە زۆرێک لە ڕۆژنامە و گۆڤارە کوردییەکاندا وتار و بابەتی دەنووسی و چەند کتێبی ھۆنراوەشی نووسیوە. گرینگیی گۆران لەوەدایە کە یەکەم ھۆزانڤانیی نوێی کوردە کە شێوازی عەرووزیی عەرەبی لە ھۆنراوەی کوردیدا لابردووە و بە شێوازی فولکلۆری کوردی ھۆنراوەی نووسیوە.

بەرهەمەکانی:
بەھەشت و یادگار، بەغدا، ١٩٥٠
فرمێسک و ھونەر، بەغدا، ١٩٦٨
سروشت و دەروون، سلێمانی، ١٩٦٩
لاوک و پەیام، سلێمانی، ١٩٦٩
دیوانی گۆران، بەغدا، ١٩٨٠

Reviews

[Hêmin · Rating 5 out of 5]

دیوانی گۆرانم بە تەواوی نەخێندووەتەوە و پێشم وا نییە قەت بە تەواوی بیخێنمەوە. سیانەی تەواوی من نالی و پەشیێو و ڕەفیق دەمێننەوە
بەڵام ئەوەی سەرنجم ڕادەکێشێ لە شێعری گۆراندا سادەیی لە ڕادەنەهاتوویەتی؛ هەر بەو هۆیەش لە دڵ دەنیشێ، هەستەکان ئەبزوێنێ؛
« ئەڕۆی بە عیشوە، بە لەنجە، بە وەزنی گۆرانی
ئەڕۆی... زڕەی کەمەرەت دێ هەتاکوو بەرکانی!
ئەگەیتە کۆمەڵی پیاوانی بەردەمی مزگەوت
سڵێک ئەکەی وەکوو ئاسک لە سێبەری ئەشکەوت! »
خەیاڵت ئەفڕێنێ بۆ لای عیشق؛ خۆشەویستی وشەیەکی نامۆ لەم زەمانەدا:
« لەو ڕۆژەوە دیومە سیحری زەردەخەنەی تۆ
دونیای دەروون مەلەکانی هاتوونەوە گۆ
سەرچاوەکەی عومری جوانیم هاتۆتەوە قوڵ
باغچەی ژینم پڕ بۆتەوە لە نەمامی گوڵ »

[Muhammad Saber · Rating 4 out of 5]

سلاو

[Jegr Mohammed · Rating 5 out of 5]

جوانترین شاعیری کورد..