O videoclip do «Thriller» de Michael Jackson rebentou as pantallas televisivas do rural galego no Nadal de 1983. Foi entón cando Francisco, para gañar a popularidade que nunca antes tivera, se rebautizou como Paquiño Jackson. Agora está morto, pero, xunto coa súa vaca Marela, volve ao mundo dos vivos para atopar vinganza. «A vinganza de Paquiño Jackson» é unha verbena estrafalaria, un crime no medio dunha festa, unha mácula negra no rexurdir dun milleiro de cores. Esta novela busca atopar unha adolescencia esquecida hai corenta anos en Rabodaleira e preguntarse por que a vitoria semella que nunca está a carón dos vulnerables.
Nesta novela infantil, A vinganza de Paquiño Jackson atopamos unha proposta moi divertida. Nos anos oitenta Paquiño foi un fan acérrimo de Michael Jackson e quedou apampado co seu baile en Thriller, algo que intentou emular na discoteca local, conseguindo a atención de Rosa, a moza máis popular de Rabodaleira pero os mozos rivais non van permitir que Paquiño saia coa súa e así dá cos seus ósos no cemiterio.
Xa como zombie e acompañado pola tamén zombie, a vaca Marela, non pode deixar pasar a cousa e promete vinganza. Así a todo a visión dun zombie pola aldea pode ser inconveniente polo que a novela irá debullando todas as vicisitudes de Paquiño para desenvolver os seus plans, que non sempre serán tal e como el pensara.
O mellor desta novela, claramente o sentido do humor cun protagonista tan atípico e a súa vaca. Aínda me segue dando pena a pobre dona Emilia, cuxa horta sufriu tantas desgrazas durante estes feitos aínda que a compensación dos ovos puidese reparar en certa medida tanta desgraza. Tamén moi logrado o final, que consegue sorprendernos como lectores. Como actividade previa, que menos que visionar o vídeo de Thriller para entrar no modo adecuado para iniciar a lectura!
Unha novela moi orixinal que seguramente sorprenderá a eses lectores independentes aos que lles gusten historias diferentes a todo o anterior e con bo sentido do humor.
Una novela peculiar, excéntrica y bastante diferente a lo que estamos acostumbrados a leer. Me ha gustado precisamente por eso, porque arriesga y propone algo original.
Es una historia de extremos, tanto por sus personajes como por algunas de las situaciones que plantea, pero detrás de todo ese punto exagerado y casi disparatado hay temas que están permanentemente de actualidad y que dan bastante más que pensar de lo que puede parecer al principio.
Creo que hay que entrar en ella aceptando su juego y su forma tan particular de contar las cosas. Puede resultar excesiva por momentos, pero precisamente ahí está también parte de su personalidad.
Una novela innovadora, atrevida y difícil de encasillar, que utiliza los extremos para hablar, en el fondo, de realidades bastante cercanas.