قصقوصة

by ياسمين دويدار

كام ماضي قطعته من كتابك

وفضلت باينة منه قصقوصة

كام لعبة لعبتها حساباتك

وخسرتها ولو كانت مدروسة

وكام شجرة شاخت في شبابك

وزرعت بدالها باللي فاتك

أشجار على أرضك مرصوصة

كام واحد فينا في أمواته

بتفضل حاجة حية

وفي كواملة حاجة منقوصة

وإذا دوّرنا في الحصالة

تلاقي كل يوم متشالة

حاجات تتنسي استحالة

متكنش محوش على عجالة

منها حتة معني ـ حتة فكرة

حتة ذكرى ـ حتة قصقوصة

96 pages, Paperback

First published July 1, 2014

Reviews

[محمود امام]

ديوان رائع ..

[Ebtisam Mahmoud]

بداية اعترف انى مش من هواه الشعر لكن ديوان قصقوصة بالنسبالى حالة متفردة او بمعنى ادق حالة شاملة ديوان قصوصة بيعبر عن حال مواطن مصري اصيل على اختلاف موضوعاته. المواطن المطحون اللى عايش يزرع فى بلده عشان اسياده يحصده المواطن اللى مر بثورة ونزل التحرير عشان التغيير المواطن الى شعر بالاحباط والياس من عدم تغيير الاحوال المواطن الانسان اللى حب واتخدع والصديق اللى موفاش هو خلطت مشاعر مفيش حد فينا ممرش بيها اتحداك لو موقعتش فى غرام"" قصاقيص بوسطة"" كل واحد هيخرج من الديوان وفى قصيدة حاسس انها اتكتبت عشانه وبتعبر عن مشاعره ودى مهارة الكاتبة انها تقدر تلمس قلبك وتعبر عن اللى انت حاسه باسلوب سهل وعبارات تخلو من التعقيد ولكنها تبتعد عن الركاكة الديوان متقدرش تقول انه لغة عامية ولا فصحى الكاتبة برعت فى التناغم بين اللغتين
اختيار الشاعرة لكلمة ودمتم كاخاتمة لكل قصيدة من الاشياء التى اعجبتنى بشدة ياسمين دويدار مشروع شاعرة مصرية موهوبة يستحق الدعم استمرى
ياسمين دويدار ابدعتى

[Ala'a El-Nabawy]

مش عارفة ليه محبتش الكتاب بصراحة؛ البساطة فية كانت زيادة و تخدم تعبير الكاتب لنفسة بس مش لقارئه و المواضيع كانت غالب عليها الجو الشخصي بنسبة كبيرة. بس مفيش شك ان فيه مغزي وراء الكلام واصل بس يمكن محتاج حرفية اكتر في التعبير.