Dúkkuverksmiðjan

by Júlía Margrét Einarsdóttir

Stína og Grímur láta drauminn rætast og opna veitingastað í afskekktum firði fyrir vestan. Brátt er Dúkkuverksmiðjan orðin hjarta Salteyrar og það eina sem skyggir á gleðina er barnleysið. Þegar dóttirin langþráða loksins birtist reynir hún mjög á ástríka foreldrana, enda er stúlkan eins og lítill hvirfilbylur; eirðarlaus, uppátækjasöm og þjökuð af martröðum.

Milla litla og Reynir besti vinur hennar vaxa úr grasi í öruggum faðmi þorpsins umkringd himinháum fjöllum og óblíðum náttúruöflum. Samband þeirra er afar náið en þegar þau stálpast kemst ástin í spilið og flækir málin svo um munar. En úr fjarlægð fylgist dularfullur maður með Millu og lúrir á leyndarmáli sem mun umturna öllu.

Júlía Margrét Einarsdóttir er sögumaður af guðs náð, í senn smellin og einstaklega næm á mannfólkið í öllum sínum breyskleika. Í þessari þriðju skáldsögu sinni færir hún okkur heilt þorp – segir sögu íbúanna á hlýlegan og nostalgískan hátt án þess að gefa nokkurn afslátt af stóru spurningunum um ástina, lífið og dauðann.

Dúkkuverksmiðjan er þriðja skáldsaga höfundar.

Paperback

Published May 22, 2025

Reviews

[Eydís Blöndal · Rating 5 out of 5]

Hiklaust, fimm stjörnur. Svona á að fokking gera þetta.

[Kristín Hulda · Rating 4 out of 5]

Frábær!!!! Smá Fredrik Backman bragur yfir henni en samt með meiri þunglyndis scandi orku. Love! Fannst framvindan of hröð undir lokin, hefði viljað fá hægari og dýpri yfirferð á plotinu og öllu sem kom á eftir því.

[Sara Hlín · Rating 4 out of 5]

Þessi bók hitti alveg í mark hjá mér. Elskaði sögusviðið, smábæ á Vestfjörðum, veitingastað (sem vissulega fékk furðulega marga gesti til sín að vetri til ef borið er saman við ískaldan íslenskan raunveruleika en þetta er jú saga og mikið sem ég vildi geta heimsótt þennan stað), fornbókabúð sem er opin eftir hentugleika og bensínstöðin þar sem samkynhneigð afgreiðsludama raðar í poka kúnna sem henni líkar við, annarra ekki. Persónurnar fannst mér margslungnar og með mikið innsæi. Flókin fjölskyldusaga Millu er svo það sem gerir söguna. Virkilega vel fléttað inn. Það að hafa sögumann tók mig stundum úr lestrarflæðinu og það fór í taugarnar á mér. Hef tekið eftir því hjá sjálfri mér að þegar sögumaður er látinn segja frá þá fer það yfirleitt í taugarnar á mér. Ætla að lesa hinar bækur Júlíu og kanna hvort mér líki jafn vel við þær. 🙌

[Lára Heimisdóttir · Rating 5 out of 5]

Bókin greip mig strax á fyrstu blaðsíðunum, ég átti erfitt með að leggja hana frá mér og núna þegar ég er búin að lesa hana sakna ég hennar. Mér leið eins og ég hefði stigið inn í hliðstæðan heim töfraraunsæis þar sem hrafnar tala og mömmur deyja. Þetta minnti mig á íslendingasögu, hvernig þjóðsögur, flóknar fjölskyldur, fósturbörn, berdreymi, náttúruhamfarir og blóðug slagsmál koma sögunni á flug. En það er líka sterk jarðtenging og auðvelt að lifa sig inn í lífið og tilfinningar sögupersónanna.
Ég skildi ekki alltaf hvert ferðinni var heitið en vá hvað þetta var stórkostlegt ferðalag og ég vildi að ég væri enn á Salteyri.

[Una Sighvatsdóttir · Rating 4 out of 5]

Fallega breyskar persónur, harmur og húmor. Ég naut þess að lesa þessa bók og hélt með þeim öllum, íbúunum á Salteyri.

[Sóley Linda · Rating 5 out of 5]

Virkilega áhrifarík og góð bók. Sterk persónusköpun og sögusvið sem togar sig að sér. Maður öðlast djúpann skilning á ólíkum persónum bókarinnar og aðstæðum þeirra. Ég gat ekki lagt bókina frá mér og kláraði hana á fjórum dögum.

[Bryndis Thora · Rating 4 out of 5]

Naut mín alveg þrátt fyrir það að ég hef aldrei lesið bók með svona óþolandi aðalpersónu. Milla þarf reality check og það strax takk. Ekki hægt að búast bara við því að fólk verði til staðar fyrir þig þegar þú nennir aldrei sjálft að vera til staðar fyrir fólk.

[Magnus Thorlacius · Rating 5 out of 5]

Mér fannst þessi bók frábær

[Eva Ragnarsdóttir Kamban · Rating 5 out of 5]

Algjörlega æðisleg. Ég naut hverrar blaðsíðu. Konfekt. Las fyrsta kaflann aftur eftir að ég kláraði hana og langaði smá að lesa hana bara alla aftur.

[Arna · Rating 5 out of 5]

Þessi bók var algjörlega frábær! Lýsingar á persónum, stöðum og tilfinningum … vá! Eins og geggjað góður bland í poka - alltaf eitthvað nýtt og óvænt

[Selma Dís · Rating 4 out of 5]

Tók mig smá tíma að komast inn í bókina og kynnast persónunum en gat svo ekki lagt hana frá mér síðustu 70 blaðsíðurnar. Skemmtilegur ritstíll, gott flæði og djúp persónusköpun.

[Gyða Björg · Rating 5 out of 5]

Mæli með þessari 🫶

[Helena Björk · Rating 5 out of 5]

Aldrei grenjað svona mikið yfir bók!! Besta bók sem ég hef lesið lengi

[Margrét Sam. · Rating 4 out of 5]

Rólegt þorpslíf þar sem íbúar eiga sér leyndarmál. Púslast allt saman í lokin.

[Þórdís · Rating 5 out of 5]

Ótrúlega skemmtileg bók sem tekur lesanda í ferðalag um lítið þorp á Vestfjörðum og við lestur vaknar allur tilfinningaskalinn. Mæli með!

[Agnes Ósk · Rating 3 out of 5]

Ég átti erfitt með að tengjast sögunni.

[Þóra · Rating 5 out of 5]

Unaðsbók

[Jóna · Rating 4 out of 5]

Sérstök, aðeins öðruvísi, og skemmtileg. En hefði þolað betri ritstjórn því sums staðar mætti stytta.