Morð og messufall

by Arndís Þórarinsdóttir, Hulda Sigrún Bjarnadóttir

Sif hefur einföld markmið í lífinu. Hún vill bara halda foreldrum sínum á – eða að minnsta kosti nálægt – mottunni og hreppa prestsembætti svo hún geti tryggt syni sínum örugga framtíð. Fyrsta atvinnuviðtalið eftir útskriftina úr guðfræðinni endar þó með ósköpum þegar þau séra Reynir ganga fram á lík í altariströppunum. Í óðagotinu sem fylgir er Sif ráðin í tímabundið starf kirkjuvarðar og einsetur sér að sanna sig svo hún hljóti prestsvígslu í kjölfarið. En organistinn er hættur, bókhaldið í óreiðu og í ofan á lag virðist piltur úr ungmennastarfinu vera horfinn sporlaust. Hvað í ósköpunum var hinn látni, Kormákur Austfjörð, sérlegur aðstoðarmaður Reynis, að bralla á elliheimili hverfisins? Og hversu mörg boðorð er eiginlega hægt að brjóta í einni og sömu kirkjunni?

Morð og messufall er sprenghlægileg glæpasaga, full af eftirminnilegum persónum og óviðjafnanlegum uppákomum. Arndís Þórarinsdóttir og Hulda Sigrún Bjarnadóttir hafa getið sér gott orð sem barnabókahöfundar og hlotið fjölda viðurkenninga fyrir verk sín innanlands og utan en þetta er fyrsta bók þeirra fyrir fullorðna.

Genres: Crime, Mystery

292 pages, Kindle Edition

Published June 6, 2025

About the author

https://www.facebook.com/arndisthorar...

Reviews

[Þórdís Helgadóttir]

Fullkominn kósíkrimmi! Þetta er einstaklega vel skrifuð og skemmtileg bók, full af mennsku og hlýju. Fyndin, snjöll og spennandi, en það sem stendur upp úr er karaktersköpunin. Söguhetjan Sif er ljóslifandi og vinnur okkur strax á sitt band, aukapersónurnar eru hver annarri kostulegri (og meira óþolandi!).

[Agnes Marí]

Fyndin og skemmtileg bók og frábærir karakterar

[Brynjólfur Stefánsson]

Stórskemmtilegur kósý krimmi sem kom skemmtilega á óvart.

[Albina]

Skemmtileg bók. Gerist að hluta til á Arnarnesi og Grafarholti. Hlakka til að lesa næstu

[Guðjón Bragason]

Prýðileg skemmtun, vonast eftir framhaldi.

[Unnur Lárusdóttir]

Hressandi bók með litríkum karakterum. Plottið gengur nánast upp, smá ósannfærandi ringulreið í lokin, en þá er þetta kósý krimmi og allt endar á góðu nótunum. Fín sumarlesning.

[Adalbjorn Thorolfsson]

Rann virkilega vel og ansi fyndin, m.a. vegna skemmtilega ýktra persóna. Ég hló nokkrum sinnum upphátt.
Plottið alveg ágætt en ekki sterkasta hlið bókarinnar.

[Agnes Ósk]

Hlýleg og fyndin bók. Skemmtilegir karakterar, hlakka til að lesa meira um Séra Sif og hennar óborganlegu fjölskyldu

[María Einarsdóttir]

Kósý og fyndin og skemmtileg!!

[Ingibjörg]

Skemmtilegur og fyndinn kósíkrimmi.

[Ragna Ó.]

Stórskemmtileg bók!

EDIT: Ok ég vissi ekki að það væri heill bókmenntaundirflokkur af kósýkrimmum, sem ætti samt ekki að koma á óvart þar sem ég þekki kósý fantasíur. Þýðir það að maður er þar laus við þunglyndu fráskildu söguhetjuna með fíknivanda og vandræðaungling?! Til í meira af því!!

[Katla Lárusdóttir]

Passlega áhugavert léttmeti sem ég nenni ekki að eyða tíma í að lesa.

[Guðfinna Harpa]

Ágætis kósíkrimmi.
Séra Sif er fínasti karakter en á köflum fannst mér hliðarpersónurnar detta í að vera of farsakenndar - fóru alveg smá í taugarnar á mér.
Ég spændi samt í gegnum bókina og skemmti mér bara vel þó að hún skildi ekki mikið eftir. Spennandi söguþráður og alveg nokkuð óvæntur endir.