كلام فاضي

by رحاب هاني

"اتعلمت ان ربنا ليه حكمه فى أى حاجة تحصلك سواء كانت كويسة او وحشة... وإن مهما كان ضيقك دلوقتى من الحاجة دى؛ انت بعدين قدام هتعرف إنها حصلت لسبب ما والسبب ده هو اللى خلاك دلوقتى أحسن، خلاك كويس، خلاك أقوى ... أشجع ... أقدر إنك تواجه الدنيا بقلب جامد. كتاب ""كلام فاضى"" هو كتاب يعرض المواقف الحياتية بطريقة ساخرة كوميدية، وينقسم إلى ثلاثة أقسام مع وجود أجزاء فرعية داخل كل قسم منهم.

ويتميز الكتاب بأسلوب الأدب الساخر، ويعبرعن كثير من المواقف التي يتعرض لها الأشخاص مع تغير بعض الظروف المحيطة."

Please This audiobook is in Arabic.

Genres: Audiobook, Nonfiction, Literature

173 pages, Paperback

First published November 18, 2014

About the author

رحاب هانى مدرس مساعد بكلية الاعلام جامعة القاهرة قسم الصحافة شعبة اللغة الانجليزية : حاصلة على الماجيستير فى الصحافة والادارة بدرجة امتياز وتعمل حاليا على الدكتوراه وعملت بالصحافة منذ 2007 وحتى الان فى العديد من المواقع الأخبارية والصحف المطبوعة

عملت بال دوبلاج افلام الكارتون لفترة وحاليا تقوم بنشر مقاطع صوتية على موقع ساوند كلاود تناقس من خلاله مشكلات اجتماعية بطريقة ساخرة
اختيرت لتكون متحدثة فى تيدكس وطلقت اولى كتبها تحت عنوان "كلام فاضى"1

Reviews

[Rogius · Rating 1 out of 5]

انا كنت بحب رحاب لحد ما قريت الكتاب خفيت الحمد لله، هو في ايه؟ لا بجد في ايه ؟
خشروميت اعتراف على كام موقف، شوية بوستات فيسبوك جمعناهم كوبي و ع المطبعة يابني !
انا محروق دمي بدرجة هتخلي اي كلام اكتبه عن الشيء دا -مش هسميه كتاب طبعا- ماينفعش تتقال على الجودريدز.
الحمد لله تاني اني لقيت ف اخر صفحة ايميل دار النشر عشان هبعتلهم - لما افتكر- و اقولهم كخ كدا و ارحموا دماغنا-_-
دا اسوأ اسوأ ما قرأت بجد دا عدى ليفل روايات المحن و رعب الاندر ايدج.

[مصطفى عرابى · Rating 2 out of 5]

كتاب خفيف يصلح لقراءة عابرة
يمكن قراءته دون سقف توقعات مرتفع

[لقاء السعدي · Rating 1 out of 5]

أنا واحدة من متابعي ومحبي رحاب هاني مع ذلك لم يعجبني الكتاب.
ما تقدمه رحاب رائع جدًا عند متابعته على حسابها الشخصي على موقع فيس بوك، ويصبح أشد روعة عند الاستماع إليه على موقع ساوند كلاود، لكن تقديمه في كتاب أمر يصعب عليّ تقبله، الكتب لم تخلق لذلك.

[ESRAA MOHAMED · Rating 3 out of 5]

الكتاب خفيف ومسلي سمعته صوتي وصوت رحاب جميل حبيت تجربة ان المؤلفة تقرأ كتابها وتسجله .. بيحكي عن التراجيديا اللي في حياتها من فقدان أمها وإزي أثر عليها بس برضه متفائلة ... كان في بعض اعترافات فيها ملل بس في المجمل خفيف جداا والأهم ان ضحكة الكاتبة جميلة فعلاا وتشد الواحد ..

استمتعوا ...
دمتم قراء ... ❤❤❤

[Ahmed Ibrahim · Rating 2 out of 5]

آلكتـآب جميل وخفيف ومش كلآمـ فـآضى لما تحب تريح شويه ممكن تقرأه :))
حاسيت بالرساله اللى عايزه توصليها !
بس اللى معجبنيش ان كلامـ كتير مكرر وفى اجزاء مكنش ليها لازمه !

[Merna Amgad Abdou · Rating 5 out of 5]

كلامك عن مامتك خلاني احس بنعمه امي اكتر من اي وقت خلتيني اروح احضنها واقولها ربنا يخليكي ليا :)!

[Ahmed · Rating 2 out of 5]

محتار جدا ف تصنيف لكتاب
ساخر ؟ لأ
سيرة ذاتية ؟ بردو لأ
أُمال إيه !؟

عموما هو كتاب خفيف يخلص ف ساعتين ولا حاجة
يمكن رحاب بتعبر عني ف بعض الحاجات والمواقف أو بتعبر عن الجيل كله
معظم المواقف اللى قالتها عشان ناخد منها نصيحة
أنا عارفها وبطبقها ف مستفدتش أوي

كررت بعض الأفكار بصيغ مختلفه وده حسسني بالملل
وفاة والدتها كان نقطة التحول الكبرى ف شخصيتها وأثّر عليها جدا

ياريت مكانتش عملت الكتاب و كنا سمعناه ع الsound cloud كان هيبقى أمتع بكتير

[سارة shaalan) · Rating 1 out of 5]

أنا ملاحظة انها مجرد بوستات علي الفيس بوك مش أكتر

[Candleflame23 · Rating 1 out of 5]

بصراحة كنت متحمسة جداً لسماع الكتاب😍
وبصوت مؤلفته كانت بحسب ما توقعت ستكون
تجربة ممتعة 🤨ولكنها للأسف لم تكن كذلك .
😞.


‏

الكتاب فعلاً كلام فاضي ، 😒 مضى زمن طويل
ولم أجد عنوان كتاب يمثل محتواه بهذا الشكل
والتطابق .

وبشكل عام :

يبدو أن عملية نشر الكتب أصبحت أسهل من
" سلق البيض " ، الوضع أصبح وكأنك تتصفح
منشورات الفيس بوك بس مجمعينها بكتاب !!


لم يعجبني و أتعاطف مع فقدان الكاتبة لوالدتها
وأسال الله لها الرحمة .


#تقيمي 0/5
#أبجدية_فرح
#كلام_فاضي

[احمد عبد الفضيل · Rating 1 out of 5]

لا مانع قليلا من تعذيب النفس بمثل تلك الكتب التافهة
والسؤال المحير هى دار النشر نشرت الكتاب بناءا على ايه ؟؟
وكما قالت الكاتبة الخلاف فى الرأى لا يفسد للمهلبية قضية
ولكن فى النهاية الكتاب اسم على مسمى

[Asmaa Essam · Rating 2 out of 5]

عدا الأجزاء اللي اتكلمت فيها عن والدتها .. هو كلام فاضي فعلاً هي مكدبتش

[Maria · Rating 4 out of 5]

منحازة للكتاب ده بالرغم من كل ما يفتقر إليه من أسلوب أدبي و نوع محدد من المواضيع و إستخدام لغة مناسبة و ليس مجرد مقالات ساخرة مع وجود التكرار و عدم جدوي البعض !

سبب إنحيازى ليه أنه من أوائل الكتب اللي اشتريتها و قرأتها فبيمثل ذكري لطيفة..

بالإضافة إلي حبي لرحاب و صدقها في
تعبيرها عن نفسها و عن مشاعرها.

الكتاب مسلي و لذيذ و قرأته أكثر من مرة ( خصوصٱ في الإمتحانات😅 ).

الجزء الأخير ( حديثها عن والدتها ) بالرغم من أنه أكتر جزء حقيقي لكنه حزين و مؤلم ؛ كنت أفضل لو احتفظت بيه لنفسها .. مش كل الناس عندها شغف تعرف ده حتي لو كان نقطة التحول في حياتها خصوصٱ لو الكتاب متصنف أدب ساخر.

أنا باستمتع بالكتاب ده في كل مرة بقرأه ؛ و بالعكس مش شايفاه "كلام فاضي " لأنه بيعبر عن كلام بنبقي مش عارفين نقوله ولا حتي نكتبه في كتير من الأحيان ؛ فعمره ما هيبقي فاضي لأنه بيعبر عن مشاعرنا و أحاسيسنا اللي كتير قوي بنبقي غايبين عنها.

[Hatem Shawkat · Rating 3 out of 5]

<3 رحاب هانى : اجمل شخصية نرجسية

[نورهان محمد · Rating 3 out of 5]

الكتاب حلو، خفيف.. وفي نفس الوقت فيه حاجات كده بتخلي اللمبة اللي في الدماغ تنوّر فجأة حتى لو كان الكلام متكرر كتير ومتقال في سياقات مختلفة قبل كده بس بتحمل نفس المعنى.
روح رحاب وتأثير حدث وفاة مامتها واضح في كل حاجة خاصةً في الجزء الأخير من الكتاب.
حبيت درجة التصالح الكبيرة مع تفاصيل شخصية الكاتبة.. آه الموضوع مش جديد بس هو ناقل روحها جداً ويمكن ده اللي مخلّي الكتاب حلو.. درجة الصدق اللي جواه.

تصنيف المحتوى عموماً يميل أكتر ل status على فيس بوك.. بس أنا محسيتش بابتذال أوي وأنا بقراه وحبيت تجميعهم في كتاب ممكن يوصل لناس كتير معندهمش الشغف بتاع السوشيال ميديا اللي موجود عند أغلب الشباب دلوقتي.. فحاجة لطيفة إن فئات تانية تلاقي ده متجمّع في كتاب حتى لو هو على مستوى الأدب عموماً مش حاجة واو يعني.

في جزئين ضحكوني جداً ! فـ شكراً عشان ضحكت فعلاً بصوت عالي وده نادراً ما بيحصل وأنا بقرأ كتاب.

كان في تطويل وتكرار لحاجات كتير كان ممكن تُختَصر أو تُحذَف ببساطة جداً .

في المجمل قضيت وقت لطيف مع رحاب ومحسيتش إنه مُمل خالص.
وحبيت جداً كل اللفتات الإنسانية اللي اتقالت ووصلني جداً صدقها.


:)

[Peter Hassaballah · Rating 2 out of 5]

الكتاب من المفترض ان يكون سيرة ذاتية عن الكاتب في صيغة الادب الساخر ولكنه تحول لرثاء لولدت الكاتبة في صيغة كتاب.لا يوجد تسلسل جيد للأفكار يوحي بشيء ويعطيك شيئا آخر.معظم جمهور الكتاب من جمهور soundcloud رحاب هاني الكتاب كتب بـطريقة عامة فلم يصل مكنون الفكرة لا لجمهورها ولا للقاريء العادي.واحب ان اشيد بـالذكر انه لم يتم ذكر "صلاح" وإن أنا اتصدمت واتضايقت.

[Yasmin Nasr El-Din · Rating 4 out of 5]

الكتاب حلو جداً مليان مشاعر و احاسيس
حاسة اني نفسي اشوف صورة او فيديو لمامتك اشوفها فعلاً زي ما انا رسمتها صح ولا لأ
الكتاب مليان تجارب و نصايح بس بشك�� خفيف و جميل يوصل لقلبك علي طول
بجد برافو انا فرحت و زعلت و حسيت بحاجات كتير في الكتاب ده :)

[ghada MarȜe · Rating 1 out of 5]

انا وصلت لصفحة 30 و مقدرتش اكمل الكلام ده اتنشر ف كتاب ازاى
دى مجرد مذكرات كده واحدة ماسكة اجندة و عمالة تطلع الكلام اللى جواها و تكتبه و ف الاخر تقفل الاجندة و تركنها ف درج الكومودينو مش يتنشر يعنى ياجماعة

[Mahmoud Shaban · Rating 4 out of 5]

رحاب هاني لطيفة جدا حتي وانت بتقرأ ليها اعترافات حزينة
ذكية في التعبير عن أحاسيسها في الكتابة
الكتاب عموما لطيف وخفيف مع انه حزين وممكن تقرأه في ساعتين

[Emy Ahmed · Rating 3 out of 5]

معجبنيش خااالص النص الاول من الكتاب .. بس النص التانى كان الطف شوية

[عبيرجمال الدين · Rating 2 out of 5]

قريت ال الكتب التلاته
افضلهم عنبر الحواديت
ده يعتبر حكي عن مشاعرها بخصوص والدتها

[DOعa2 ツ · Rating 4 out of 5]

رحاب هاني... صلاح =D
مبدئيا الكتاب مش عارفة اصنفه علي أي أساس و لكن خلينا نعتبر انه مكتوب بلغة الأدب الساخر
كتاب خفيف تخلصه في ساعتين زمن ... نتكلم بقي عن الكتاب نفسه ...هو مبدئيا كلام فاضي بس مليان =D
الكتاب صادق جدااا جداااا ... أوقات و أنت بتقرأ فيه تموت من الضحك و تقع ع الأرض من كتر الضحك من المواقف اللي فيه و خفة دم رحاب في تعاملها مع المواقف المختلفة علي سبيل المثال مثلا ..خدمة عملاء فودافون (اقلبوها محل أدوات صحية ) موافقكي جداا ف الرأي ده ع فكرة =D

و أوقات تانية و أنت بتقرأ ف الكتاب بتبقي ماسك نفسك من العياط و برغم كده بتلاقي دمعة تمردت و نزلت علي خدك و تلاقي نفسك بتدعي في سرك ان ربنا يرحم والدتها و يتقابلوا في احسن مكان في الجنة

و سبحان الله يا جدع بتلاقي ف النص كده بريق أمل حاجة بتنور فجأة متعرفش منين بتلاقي (سعادة ) و ده أكتر جزء جبتي فيه الخلاصة بنسبة كبيرة جداااا جدااا

رحاب هاني .... نجمة الساوند كلاود ... صانعة الابتسامة

دومتي دوما بابتسامة :)

[سَنَاء شَلْتُوت · Rating 2 out of 5]

هو مبدئيا أنا مضحكتش وأنا بقرأ أي حاجه بالعكس أنا بكيت كتيييييير، الوقت الوحيد اللي ضحكت فيه جزء المواقف باقي الكتاب كله حزن ودموع
باختصار أنا مش هحكم على حد لأن دا مينفعش وحضرتك مش بتحبي كدا بس حسيتك شخصية حزينة بتبتسم بس مش بتفرح زي ما كتبتي
شبهي وشبه ناس كتييير أعرفها علشان كدا كلامك دخل القلب بسرعه
من زمان وأنا بسمعك على الساوندكلاود وكل لما أسمعك بكون متأكده إنك شخصية في الحقيقية مش سعيدة مش فرحانه لأني مؤمنه بإن أكتر شخص بيضحك هو أكتر شخص فاقد للسعادة أو هو أكتر شخص مش فرحان
أو أنا شايفه نفسي كدا

أنتِ جميلة من جواكي وكلامك فيه نصايح كتيييير حلوة ومعظمه كلام عقلاني وهيعلم اي حد يقرأه إزاي يعيش الحياة، كلامك مهم جدًا ومش كلام فاضي بالعكس إحنا اللي ممكن فاضيين من جوانا وأنتِ بتملينا بالكلام الجميل
ربنا يحبك ويحبب فيكي خلقه ويديم الإبتسامة يارب ويرزقك السعادة <3
أنا بحبك يارحاب على فكرة <3

[Nada · Rating 2 out of 5]

خلينا نتفق إن أغلب اللى اشتروا الكتاب -وانا برده- كانوا اشتروه علشان رحاب هانى والتراكس بتاعتها على الساوندكلاود إعتقادا انه كتاب ساخر كوميدى هيفشخنا ضحك زى ما هيا بتضحكنا فى التراكس بتاعتها بس للأسف طلع اخره هيخليك تبتسم كم ابتسامة بلهاء وخلاص ده غير ان اخر فصل بقى كله على مامتها -مع احترامى ليها ولمشاعرها والله يرحم والدتها- بس انا شايفة ان الكتاب مش جامد لدرجة انه يوصل للطبعة الرابعة وشايفة انه مجرد كلام كانت رحاب -او صلاح يعنى :D - تكتبه فى مقال على النت مش لدرجة النشر ده غير ان الفصل الثاني هو الوحيد اللى ضحكنى للأسف، تقريباً روبى محتاجة تعيد وجهة نظرها تانى فى إنها تكون كاتبة او تشتغل على نفسها اكتر :)

[Hala Khattab · Rating 3 out of 5]

احترت فى التقييم ما بين 3 ا 4 نجمات و فضلت تلاتة
اولا الكتاب لذيذ و خفيف و كل الحاجات جى ، بس هو لا يطلق علية ادب نهائي
بحس ان الكتب لازم لغتها حتى لو عامية ترقى عن مستوى ال facebook statuses
الكتاب عموما عبارة عن كلام فيسبوك و ساوند كلاود
انا معنديش مشكلة من ان الشخص يكسب ماديا من اى شئ هو شايفه موهبة
الكتاب كبداية كلام فاضى على امل انه يجي المليان بعد منه عشان كدا انا هجيب الكتاب التانى لرحاب هانى لما تقرر تنزله و لازم اشير انه فى احاسيس كتييييير مؤثرة و خلتنى اعيط
و عندى امل ان الجاي يكون احسن و يكون كام مليان

[Ramy]

تفاهة
المفروض يعملوا حاجة كدا زى اختبار جدارة لاى حد رايح يشترى بلوك نوت و قلم جاف او رصاص حتى على حسب مرحلته العمرية
هل يستحق يشترى الحاجات دى عشان يكتب فيهم نتاج فكره
و لاا نسيبها فاضية كدا اى حد يهرى ف اجندة و عنده قدرة على طباعة كتاب و نشره ف يقرفنا
الغريب ان اختى المراهقة
معجبة ب الكاتبة كمثل اعلى ل بنوتة مكافحة صاعدة ناشئة

التقييم؟
هو كفاية عليه النجوم دى
اه اللا نجوم كفاية عليه

[Marc Sadek · Rating 3 out of 5]

الكتاب حلو و كل حاجة بس لواحد عارف رحاب هانى أو عايز يعرفها أو عايز يتقدملها xD
غير إن الكتاب ده لو جبته و إنت حد من أهلك متوفى هيبقى صعب عليك جدا لكثرة الكلام و الأحاسيس اللى كاتباها على والدتها المتوفية (الله يرحمها)ا
الكتاب فى المجمل خفيف و مشجع بس مش حاسس إنه كتاب ممكن كلام دردشة أو ممكن كله يتكتب فى صورة بوستات على الفيسبوك

[Mohammed Ali · Rating 2 out of 5]

الكتاب اسم علي مسمي فعلا كلام فاضي كتاب لمجرد انه كتاب مفهوش معلومه مفيده او حتي حاجه تخلي الخيال والاحساس بتحرك
خلصتوا في ربع ساعه وانا زهقان ومش عاوز اكمله
كنت مشتاق اقرا لرحاب هاني لاني حابب شخصيتها بس اتضح ان الكتاب ما هو الا نقل لبوستاتها في الفيس وبوك والسوشيال ميديا وانها بتكلم عن نفسها كتييييييييييييييييييييييير
اقرب للسيره الذاتيه

[نرمين حلمي · Rating 4 out of 5]

نقدر نقول الكتاب حاله مزاجيه خفيفه ...
لو متوتر وقرفان من الكوكب .. خدلك لفه فيه فى سريع هتخلصه فى ساعه ونص.

لو عالضحك .. هتبتسم من قلبك :)
ولو عالمشاعر اللى تاهت فى زحمه الحياه .. فهتلاقى منها ما بين سطور الكتاب

حاله جميله .. هتقراها وتحسها .

[نرمين الشامي · Rating 3 out of 5]

كتاب متفاوت المستوى لكن فيه اجزاء تمس القلب للغاية
وان كنت لم احب الكتابة العامية على الاطلاق وشعرت انها قللت من مستوى الكلمات والافكار
لكن بخلاف ذلك فأنا احببت رحاب هاني كأنسانة واعتقد انك لا تملك الا ان تحبها
فهي تلقائية وصادقة وانسانة جميلة
اللهم ارحم والدتها ووالدي وكل اموات المسلمين

[نورا متولي · Rating 2 out of 5]

مش هكتب ريفيو دلوقتي عشان سببين .. الأول عشان أنا مبكتبش أي ريفيو أول ما أخلّص أي كتاب .. تاني حاجة إن النوع دا من الكتب لازم يتقرئ مكذا مرة عشان تقول رأيك فيه
بس ميدئيًا هو لذيذ ..