أسود سادة #2

أسود سادة #2

by فريد عمارة

48 pages, ebook

Published June 1, 2025

Reviews

[حبيبة · Rating 5 out of 5]

أجمل حاجة حصلت على الإنترنت هذا العام. جزيل الشكر والامتنان لـ"كل" فريق العمل وبانتظار أعداد لا نهائية. ❤️

- ”أفكارك الجديدة، قديمة بالنسبة للعالم. مشاعرك الجديدة، قديمة لمن اختبرها قبلك. لا شيء يخطر في بالك أصيل تمامًا، ولا مُبتَكر، لكنه من بختك. وماله؟ لا كاميرا تتبعك، ولا أنت على خشبة مسرح، ولن يُكتب تقييم النقاد على قبرك.
سِر على مهلك، وعِش كلاشيهياتك بكل قلبك.“

- ”لن تجد الصديق وقت الضيق دائمًا. الصديق قد يكون مشغولًا، مسافرًا، أو قافل موبايله. ربما إنت نفسك مش عايز صديق وقت الضيق حيث أنك تُفضّل البقاء وحيدًا ساعتها، مما يتيح لك البكاء على اللبن المسكوب بحرية حيث أن البكاء على اللبن المسكوب مفيد لإن اللبن انسكب خلاص، ولم يعد من الممكن إنقاذه، والتعبير عن الحزن مطلوب، والبكاء يغسل الروح والكبت يؤدي للانفجار، والوقت يمر، ولو أنه لا يمر كالسيف، ولا يهتم بقطع من لا يقطعه، فلا داعي للقلق، لكن هناك داعي للحزن، والحزن منجاة والأشياء تحدث، والطيور تطير، والشجر ينمو، والموج يعلو، والليل يهبط وكل شيء ينتهي.“

[Mina Habib · Rating 2 out of 5]

* مجلة أسود سادة وعودة جديدة لعدد جديد من المجلة علشان تبقى استراحة محارل أ, حتى مجرد استراحة بسيطة و سريعة وسط القراءات.

* ملاحظتي على العدد ده إن اللعب بالتصميم البصري مش على نفس مستوى العدد الأول. يعني في العدد الأول التصميمات كانت أذكى و مبهرة أكتر بس في العدد ده الابهار ده مش حاصل قوي و كمان مش حاصل كتير. و مع ذلك التصميمات اللي اتوفر فيها الذكاء و الابهار الكافي كانوا حلوين قوي.

* بالنسبة لي أعتقد إن نجم هذا العدد هيبقى الجزء بتاع أصناف الناس، الموضوع ده فكرني جداً بفن البورتريه الأدبي، الكتابة كانت لذيذة ولطيفة جداً و بتوصل الفكرة وبتشرح الشخص بشكل كويس و ذكي، وإن كانت لا تخلو من بعض الـ Stereotyping.

* من الأجزاء اللي عجبتني بردو المقالة بتاعت 50 ألف سنة، و حقيقي بالنسبة لي كانت بتقدم فكرة جيدة لطالما شغلت دماغي، و إن كنت شايف إن الموضوع مش محتاج 50 ألف سنة و لكن كفاية جيلين أو 3 علشان تتحقق نفس الفكرة.

* حسيت إن العدد ده فيه جانب ديني شوية زيادة، ولكن لما وصلت لآخر فقرات العدد و اللي بتمثل بريد القراء، لقيت إن فيه أكتر من شخص أشاد بالجانب ده في العدد الأول، والصراحة إن أنا مش فاكر قوي بس على قد ما ذاكرتي جايبة إنه الموضوع ده ماكنش مضايقني ولا من ضمن ملاحظاتي على العدد الأول.

[قسمت خالد · Rating 5 out of 5]

تحفة تحفة❤️❤️ يارب تنزل كل اسبوع مش كل شهر.. وعقبال العدد ١٠٠٠

[Radwa · Rating 4 out of 5]

جلسة ساعة مع كوب قهوة وقراءة أعداد أسود سادة من أمتع الأشياء فعلا.

[Salma Khaled · Rating 4 out of 5]

فكرة انضمام أقلام أخرى للمجلة جميلة .. أضافت حيوية أكبر لهذا العدد عن العدد الأول ، كما أن الأفكار أكثر تنوعًا .

❞ لكن ماذا بعد ألفي سنة ، أو عشرة ، أو ثلاثون ألف سنة ؟ ، لسنا سوى مرحلة ما من التاريخ شهدت كذا و كذا ، و على الرغم من كل ما نمتلكه الآن من عنفوان و جرأة و شجاعة و شعور بالذات و رغبة في الظهور ، إلا أن التاريخ قد هزم الجميع يا صديق ، فاهدأ قليلًا و تأمل ❝





6/2025

[Menna Abd El-Wahab · Rating 5 out of 5]

الغالب مش كل حاجة هتبقى كويسة. حاجات كتير هتبقى صعبة. حاجات هتبقى غريبة. حاجات هتبقى محتاجة صبر. حاجات محتاجة تبعد عنها شوية وتفكر فيها بالراحة علشان تحدد موقفك منها. حاجات هتضحك عليها وعلى خيبتك معاها. وحاجات هتخليك تعيط بالليل تحت الدش منها. وحاجات محدش هيصدقك لما تحكي عنها. وحاجات هتغلى جدًا وتقول ياريتني اشتريتها أيام الرخص وحاجات هينصحك بيها غيرك ومش هتعملها علشان لازم تجربها بنفسك. وحاجات تقيلة جدًا مش هتعرف تشيلها لوحدك. وحاجات هتكتشفها في نفسك ومش هتصدق إنها فيك.
وحاجات هتيجي في سكتك عشان تغيرك وتنجيك وحاجات هتغير طريقك وحاجات قديمة هتطلع أحسن من الجديدة وحاجات عمرك ما هتنولها وحاجات هتجيلك لحد عندك. وحاجات هتبقى رزقك ولو إنك متستاهلوش. وحاجات هتبقى كويسة. وشوية حاجات هتبقى فوق الكويسة. وحاجات ربنا هيحلهالك. وربنا يستر.

لكنه من بختك. وماله؟
لا كاميرا تتبعك ولا أنت على خشبة مسرح ولن يكتب تقييم النقاد على قبرك. سر على مهلك. وعش كلاشيهياتك بكل قلبك!

ممتنة للفقرتين دول!♥️

[Julia · Rating 4 out of 5]

simply, gorgeous.

[أمسية إلهامي · Rating 5 out of 5]

لا أحفظ تعريفاً للعمل الجيد ولكنى أعرفه حين أقرأه ، وهذا بالضبط ما حدث مع قلم فريد عمارة .له قدرة غريبة على ربط أشياء عميقة بتصوير بسيط و عبقرى ، أظن أنه فى وقت ما لو أتيح لى أنا أقرأ إصدارات متنوعة من عمل ما فبالتأكيد سأختار " أسود سادة ":)

[Esraa Gibreen · Rating 5 out of 5]

تحفة. تعرفت عليها من فيديو رضوى أشرف. شكرا.

أتمنى تصدر ورقيا أيضا.

[رضوى أحمد عيد · Rating 5 out of 5]

* 4.5

💙 جميلة ولطيفة زي العدد الأول
ومشاركات الكتاب التانيين زادتها جمال