Догшин тэнгис

by Баясгалан Батсуурь

Зохиолч Б.Баясгалан "Догшин тэнгис" нэрт анхны романаараа түүхэн бахархал, ул мөр үлэмж том үндэстнийхээ өнөөгийн байр суурь, эмзэглэлийг уудлан бичжээ. Тэр тухайгаа зохиолч өөрөө "Амьдралдаа өөрийгөө шидэт реалист зохиол бичнэ гэж төсөөлж явсангүй. Амьдралаа шиджүүлж, хөрснөөс нь хөндийрүүлэн сэтгэх минь ч ховор. Гэхдээ эх орны тухай, үндэс угсааныхаа тухай, монгол хүмүүний мөн чанар, танигдахуйн тухай бодохуй бидний оршихуйг хөрстийн амьдралд хөгнөж холбож буй нь ердөө л шид мэт сэтгэгдэх нь бий. Тэр шид цааснаа амилж, ийм нэгэн романы хуудсыг таны өмнө дэлгэлээ" хэмээн өгүүлсэн байх аж.

188 pages, Hardcover

First published May 16, 2025

About the author

Алтан Харуул овогт Батсуурийн Баясгалан. 1986 оны Долдугаар сарын 13-нд Говь-Алтай аймгийн Бугат суманд төрсөн. “Арван гуравдугаар сарын бороо” /2009/, "Эдгэрэл" /2018/ яруу найргийн түүвэр, “Хөх мэдрэхүй” – Шүлгийн цоморлиг /2010/ хамтын бүтээл, “Аз жаргалтай төгсгөлүүд” – Өрнө Дорнын шилмэл өгүүллэгийн түүвэр /2013/, “Аварга том далавчтай өвгөн” – Өрнө Дорнын шилмэл өгүүллэгийн түүвэр /2014/, Нобелийн шагналт зохиолч Орхан Памукийн “Цас” роман (2015) орчуулгын бүтээл тус тус хэвлүүлсэн. Утга зохиолын “Хөх мэдрэхүй” бүлгэмийн гишүүн.

Reviews

[sonin · Rating 4 out of 5]

Огт хайрын талаар боддоггүй байвч, сүүлд учирсан тэр нэг хүнээс хойш л… Очиж уулзах найз нөхөдгүй байвч, орхиод явсан тэр нэг хүний хойноос л… ихэд санагалзан, бэтгэрч, өөрөө өөртөө ч ачаа бараа нэмэх юм. Хаа нэг газар, ямар нэгэн зүйлд хамаарагдах гэсэн, бас түүнээсээ хагацах гэсэн хүсэл. Сэтгэлийн тухай, үнэний тухай, бас үхлийн тухай. Харийн нутгийг зорьж, хүсэл мөрөөдөлдөө хөтлөгдөн байвч, хойноос, ардаас үргэлж угзран татах тийм нэг салхи. Хүчтэй салхи. Бүх зүйлийн төлөө юм шиг ч бас юуны тухай биш. Өөрийнхөө бодолд л аялаад мэт байвч, өрөөлийн нүдэнд л бас би л үзэгдээд байх… Үзээд л орхисон, ер зогсдоггүй далай тэнгис минь, их гуниг билээ. Гэвч одоо би их уулсын, далай тэнгисийн аль алинд нь хамаарахгүй, хоосон хүн болжээ.

[Elsie Ekhluun · Rating 4 out of 5]

Эргэн тойронд байгаа бүх хүмүүст таалагдсан байсан. Ганцхан надад яагаад ч юм хүлээлтэнд хүрч чадаагүй. Хэт олон траума, хэт гунигт явдлаар дүүрэн нь шок өгч сонирхолтой болгох гэж байгаа юм шиг жоохон хэтэрхий санагдсан. Орчин үеийн онлайн контентууд хэт нэг тал руу туйлбарч шок өгч хандлага авдаг шиг.
Зохиолын 70 хувь өдрийн аль цагт, хэрхэн Фэйсбүүкээ шалгаж байгаа, хэн хэн ямар мэссеж ФБ мессэнжерээр илгээсэн гэх мэт. Хэт давтамжтай. Нэг талаараа Фесбүүкийг рекламдаад байгаа юм шиг. (инээв)

[Tsatsral Ts · Rating 4 out of 5]

Үнэхээр байдаггүйн байна гэж эхэндээ бодсон. Дундаа аан ямар ч л байсан байх нь байгаа л юм байна гэж бодсон. Харин дараа нь өөртөө эргэлзэж болохгүй юм байна бусдын үгэнд итгэх биш өөртөө итгэж байгаа гэдэгт нь итгэх юм байна гэж бодлоо.

[Degy Bayardelger · Rating 5 out of 5]

Зохиолчийн хэлсэнээр шидэт реализм романыг шимтэн уншиж дуусгалаа. Арай урт байсан бол гэж бодлоо, эсвэл би арай л хурдан уншчихлаа :) Үйл явдал нь сонирхолтой, яг л зохиолч одоо гадаадад сурч байгаа болоод ч тэр үү зохиолч өөрөө гол дүр нь юм шиг төсөөлөгдөж байлаа :)

[Dul Bat · Rating 4 out of 5]

Харь газрын хөрс хатуу, сэтгэлд жавартай. Эх оронд минь болж бүтэхгүй нь их.
Энд ч, тэнд ч, Монгол хүн ч бай, Уругвай хүн ч бай ялгаагүй оршихуйн зовлонг бүгд туулдаг.
Хүний өөрийн гэлтгүй амьдрал угаасаа догшин тэнгис.

[Enhee Tsoodol · Rating 4 out of 5]

Төгсгөл нь 😢

[Anujin Bataa · Rating 5 out of 5]

Нэг барьж аваад тавьж чадахгүй байсаар дурлаж ном уншаагүй уджээ. Мэдэрч байсан бүхэнтэй огтлолцов.

[Tulga G · Rating 3 out of 5]

Нэг л гүн орж, тухлан уншиж чадахгүй байсаарл дуусгалаа. Өөр яах байсан юм болдоо?

[Tsevelmaa · Rating 5 out of 5]

Шавар нь хатсан гутал дээр нулимс дусахад, халуун нулимсны минь цаанаас тэр өдөрт огт зохихгүй
хачин тод өнгө гялалзан тодорно.