شقلب أحوالك

by وليد نبيه

تدور الرواية فى إطار إنسانى ساخر حول إذا ما أتيحت للشخص أن يعيش حياته مرة أخرى هل سيقدم على نفس الأخطاء التى إرتكبها سابقاً أم ستتغير إختيارته فى الحياة

236 pages, Unknown Binding

First published December 1, 2014

About the author

وليد نبيه
كاتب ومحاضر متخصص فى العلوم الإدارية والتنمية الذاتية وله العديد من المقالات والمحاضرات فى مجال تنمية وتطوير المجتمع

Reviews

[رباب فؤاد · Rating 4 out of 5]

شهادتي بها مجروحة كوني المسؤولة عن دار النشر التي شرفت بإخراجها
لكنها بالفعل من أجمل ما قرأت على الساحة في الوقت الحالي لبساطة لغتها التي تصل الى العقل والقلب معا
سؤال فلسفي عميق طُرح بحرفية عالية..أيهما أهم السعادة أم الرضا؟ وهل المال سبب اساسي في كليهما
دعوة لقراءة شقلب أحوالك والاستمتاع بها مع مغامرات سعيد وراضي

[Fatma Sayed · Rating 5 out of 5]

شقلب احوالك انا سعيده جدا بيها عجبتنى جدا طريقه سردها بالرغم ان الفكره اتهرست قبل كده الا ان تناولها كان بشكل جديد وفلسفى الى حد ما فيها اكتر من سؤال وقفت عندهم عشان الافى اجابه مناسبه عجبنى كمان طريقه المشاهد وﻻ اروع حبتها اووى خلت الاحداث ممتعع لدرجه تقريبا خلصتها فى يوم
الاحداث بقا كاتت مشوقه وفيها مفاجأت مش متوقعه الروايه كمان اتعرضت لانسانيات جميله اكتر فكره اترسختلى من الروايه ان البنى ادم بفطرته وطبيعته اصله خير كمان احيي الكاتب لانه مستخدمش اى الفاظ او وصف خارج حسيت انى بقرأ حاجه نضيفه وبريئه اوى
اخيرا بقا الكوميديا حاجه خفيفه جدا مش كوميديا الافيهات وخﻻص الضحك بيبقى ضحك الموقف على بعضه لدرجه فى مشاهد كنت برجع اقراها تانى
النهايه تسمح بامتداد للروايه بصراحه اتمنى لانها يوميات اتعلقت بيها فى النهايه عمل ادبى محترم بجد دعوه منى لقراءه شقلب احوالك لكل الناس وان شاء الله تستمتعو ا :) :)

[Rania Hassan · Rating 5 out of 5]

الراوية شقلب أحوالك فعلا شقلبت احوالى كل مشهد فيها اتعلمت منه كنير وكل موقف أثر فيا جداً والميزة أنها بتتكلم عن مواقف فى الحياة فعلا مش خيالية ده غير الدروس المستفادة منها أن الواحد لازم يحمد ربنا على كل حال وانه لازم يفكر فى ناس الى حواليه ويحاول يساعدهم على قد ما يقدر ولازم يفكر بأسلوب علمى ويبعد عن الدجل والشعوذة وبالذات الحلقات الموجودة فى التليفزيون ويعرف انها متفبركة ... شكرا لك أستاذ وليد

[Engdody Ahm · Rating 5 out of 5]

من اجمل ما قرات من فترة طويلة جدا اسلوب بسيط و ائع فى نفس الوقت و ممتعة جدا
قضية فلسفية باسلوب مشوق ماتخنقش القارئ و لا تشعرة بالملل

استمتعت جدا فى مغامرة راضى و سعيد
ماشاء الله على حضرتك يا استاد وليد ابدعت فعلا اتمنى ما تحرمناش من ابداعات حضرتك

[Alaa · Rating 4 out of 5]

" إن من سقي بالحنان لن يعرف أبدا إلا الحب"
كلمات رائعة ما إن قرأتها حتى رجعت إليها وقرأتها مرات ومرات كلمات للمبدع Waleed Nabih
لامست شغاف قلبي في روايته البكر "شقلب أحوالك" .
هذه الرواية التي ما إن تقرأها حتى تشعر بأنك تريد أن تقرأها مرة أخرى
رواية تكاد تشعر وانت تقراها بكل معاني الحياة من حزن والم وسعادة بل وتضحك بصوت رنان لما تراه من مواقف، تراه لأن الكاتب قد أبدع في التصوير بل تكاد تشعر وانت تقراها بصوت الخلفية او ما يسمونها بالموسيقى التصويرية
إبداع رائع في اختيار المواقف وتصويرها خاصة الموقف الذي دمع له قلبي وقراته اكثر من مرة قبل ان اغادر الصفحة وساذكره نصا لجماله وقد ورد في المشهد الثاني والأربعون
" عجزت عن الرد وقد انهارت دموعي على وجنتي، لا أذكر متى بكيت أخر مرة ولكنني في هذه المرة بالذات أحسست أن غشاوة قد أزيحت عن قلبي وشعرت برعدة تسري في جسدي وكأنني طفل يخرح من رحم الغفلة ليولد في الدنيا من جديد"
وأيضا روعة الكاتب في منافسة القارئ وشحذ فكره من خلال جعله يبني أفكارا وتخيلات وتحليلات ثم يفاجأ بأنها ما هي إلا توهمات من نسج خياله فيشعر القارئ باحتدام المنافسة ويتمنى أن يأتي المشهد التالي ليرى هل أخطأ أم أصاب فيما كان يظن.

شكرااااااا Waleed Nabih لن أقول أسعدتني بل أقول أمتعتني
وفقك الله وسددك وأرجو أن تكون وفقت إلى ما تصبو إليه من روايتكم الرائعة وفي انتظار المزيد.

[Fatma Elrayes · Rating 5 out of 5]

روايه ساخره بتتكلم عن قضيه إنسانيه
طريقه كتابتها رائعه جداً و بسيطه جداااااا بتخليك تعيش فعلا و تحس انك مكان بطلين القصه (سعيد و راضى) تعيش شخصيتين هما عايشين معانا فعلا كل يوم
بس هى الحقيقه شقلبت أحوالى بجد و خلتنى أفكر فى حاجات كتير...
١- هى اصلا جت فى وقت أنى بعيد حساباتى فى كل حاجه تقريبا فشجعتنى اكتر
٢- كل واحد جواه حاجات كتير اوى و مش عارف يكتشفها و قدرات كبيره كمان
#دور_على_الحاجه_الحلوه_اللى_جواك
٣- ربنا مش بيعمل فينا أى حاجه وحشه حتى لو كانت أصعب أوقات بنمر فيها بحياتنا ممكن تكون رساله منه بينيهنا لحاجه مش واخدين بالنا منها
٤- أحمد ربنا ديما على كل نعمه و أرضى بيها و متتبترش عليها علشان ممكن كل حاجه تزول فى لحظه
٥- حس باللى أقل منك فى المستوى و متتكبرش عليهم علشان مش زنبهم انهم كانوا فقراء بالعكس ممكن يكونو احسن منك مليووووون مره
٦- أوعى تيأس أبداً أتمسك بحلمك.. مهما طالت المده هتوصله هتوصله
٧- من سقى بالحنان لا يعرف إلا الحب
بجد أبدعت...

[سُلافه الشرقاوي · Rating 4 out of 5]

شقلب احوالك رواية جميلة .. لذيذة .. شيقة .. ومضحكة
عجبتني جدا جدا وضحكت كتير وانا بتابع احداثها بشغف وشوق
الفكرة طرقت كثيرا من قبل ولكن المعالجة المرة دي احتوت على الكوميديا وده جديد عليا ..
ارواح الابطال خفيفة وعندهم خفة ظل محببة للنفس ..
الواقعية فيها هايلة المشاهد مكتوبة بطريقة سلسة تخليك تشوفها قدامك
مافيش اطالة ولا تقصير ، الحوارات النفسية كتبت بايجاز لايصال المطلوب .. برافو
اكتر حاجة عجبتني بقى وكنت ببتسم بسعادة وانا بوصل لها النهاية ، خالفت توقعاتي خالص وبصراحة اتبسطت انها جات عكس ما توقعت .. دي نهاية متهرستش قبل كده دي نهاية جديدة لانج واجمل ما فيها لمسة الامل اللي اعطتها لينا وفق الكاتب فيها بطريقة ممتازة عن راي بصراحة
استمتعت جدا بالرواية وفي انتظار الاعمال القادمة للكاتب

[Heba · Rating 4 out of 5]

مش بس الخير والشر بيتقاسمنا وبنعافر في تغليب جانب ع تاني لكن كمان ممكن تبقى اخترت جانب منهما ومتصالح معاه جدا لكن القدر يقرر يغير اختيارك ده حتى لو كنت عايش معاه بقالك فترة. أسلوب سلس في السرد وكالعادة يبتكر في الكتابة التشويقية. الرواية سينمائية جدا وفيها خط fairy tales منسوج بواقعية خليته مقبول ويتصدق.

[سيد · Rating 5 out of 5]

تشرفت بمتابعة تلك الرواية من بدايتها و عشت معها لحظات رائعة و أنا أقرأ مشاهدها التي تتميز بأسلوب كتابة رشيق يجذبك بالتدريج لتغوص بين شخصيتي بطليها المشوقتين حتى تجد نفسك في حيرة بينهما..
من تحب و من تتعاطف معه..

الرواية تدور في إطار اجتماعي ساخر حول فكرة مبتكرة تعتمد بالأساس على فكر التنمية البشرية الذي يتقنه و يدرسه مبدع الرواية أ/وليد نبيه


يتميز أسلوب الكاتب بالنظرة الساخرة الثاقبة في ذات الوقت و التي ستساعدك حتما في "شقلبة مودك" لو كنت مثلي تحتاج إلى رواية ممتعة تملآك بالمرح :)


الرواية متوسطة الحجم ممتلئة بالأحداث و المفاجآت الكوميدية المثيرة التي حتما ستترك مع نهايتها في حالة تشجعك على معاودة قرائتها من جديد!!


انصح بقرائتها :)

[Marwa Hamed · Rating 4 out of 5]

يوميات سعيد وراضي روايه روحها خفيفه ومسليه للغايه واحداثها مثيره للاهتمام في كثير من الاحيان ,تناولت فكره شيقه وجديده تجعلنا نتامل انفسنا قليلا وما تفعله ادوارنا في الحياه هل نحن علي صواب ام ان حياتنا كلها تلك التي عشناها محض هراء ؟ من منا لم يتمني ان يفقد الذاكره ولو قليلا ؟ان اردت مواجهه ذلك انصحك بقراءه تلك الروايه