Amper Einstein

by Christien Neser

Amper Einstein is die storie van twee broers: Leonard in graad 10 en die sesjarige Micha, wat aan outisme ly. Toe Micha se outisme by sy nuwe pre-primêre skool (die soveelste een) gediagnoseer word en dit daadwerklik behandel en hanteer word, begin dinge regkom. Leonard vind dit egter wel moeilik om gefokus te bly op sy ideaal om eendag ingenieur te word. Hy is 'n slimkop en hy en sy groepie "mede-geeks" by die skool droom om die jaarlikse brugboukompetisie vir hoërskole te wen, sodat hy ’n beurs kan kry om ingenieurswese te gaan studeer. Daar is ook 'n romanse wat ontwikkel tussen Leonard en Hannelore, een van die "geeks" in sy span. Die tema van outisme en Asperger-sindroom is baie goed uitgebou. Op 'n onopsigtelike en goed geïntegreerde manier leer die leser meer daaroor, en dit bereik een van die belangrike doelwitte van hierdie tipe boek: bewusmaking van so ’n toestand en die afbreek van stereotipes en vooroordeel.

Paperback

First published April 20, 2013

About the author

Christien het grootgeword op Bloemfontein en Pretoria. Sy woon tans saam met haar man in Sandton. Sy het ‘n pro bono spraakterapie-praktyk en hou haar ook besig met toetsing, voorligting en terapie by ’n plaaslike parallelmedium laerskool. Christien is baie lief vir haar drie kinders, honde en leer al 30 jaar lank Frans. Kondensmelk is haar eerste boek.

Reviews

[Coenraad · Rating 5 out of 5]

Leonard Steinman se lewe word gekompliseer deur sy kleinboet Micha weens dié se vreemde gedrag. Ten spyte van vermoedens word die diagnose deur loop van die verhaal eers duidelik: Micha het Asperger-sindroom, 'n vorm van outisme. Leonard kry dit soms reg om goed met Micha te werk, maar dikwels frustreer Micha se vreemde optrede hom vreeslik. Leonard help sy ma baie, veral omdat sy pa - die gesin se broodwinner, 'n argitek - ná 'n ongeluk aan 'n rolstoel gekluister is.

By die skool is Leonard deel van die "geek club" oftewel die brugbouspan. Een van die spanlede, Hannelore, raak vir Leonard al hoe interessanter. Hulle voorbereiding vir 'n brugboukompetisie sorg vir genoeg spanning, veral wanneer Leonard besluit hy het spesiale inspirasie nodig om die sterkste brug moontlik te kan ontwerp.

Neser se verhaal is besonder interessant en stel die leser bekend aan die wêreld van 'n familie wat 'n Asperger-persoon bevat. Die spanning word goed opgebou en die taalgebruik is gemaklik genoeg sonder om te veel deur Engelse woorde oorheers te word. Ek sal beslis soek na meer boeke deur Neser.

Christien Neser opens the world of Asperger's syndrome to the reader through Leonard, a grade 10 boy with a 5 year old brother who is diagnosed during the course of the story. Leonard's life is complex enough: his father, the breadwinner, is in a wheelchair; he is a member of the bridge building team and hopes to win a bursary for tertiary study; he is slowly but surely falling in love with Hannelore, a fellow bridge builder. The story is endearing and contains enough suspense to make it a page-turner. I will definitely look for more books by Neser.

[Rina Coetzee Gous · Rating 5 out of 5]

'n Heerlike jeugboek war goed genoeg is vir volwassenes om ook te geniet. Leonard is die skool se Wiskunde brein en boonop deep van die brugbou span. Maar sy lewe by die huis is alles behalwe gewoon, of normaal- wat ookal dit mag wees. Met sy Pa in 'n rolstoel, sy boetie wat 'n groot uitdaging is en niemand verstaan nie en sy ma wat probeer om te red waar sy kan.

'n Besonderse goeie en sensitiewe blik in die wêreld van outisme voel ek dit is 'n belangrike boek om te lees vit almal wat iewers in hul lewe met 'n outis te doen het. En eintlik ook vir enige kind waar dit kan help om hul idee oor die wêreld en wat "anders" of dan "in" of "uit" is aan te spreek.

[Melanie Pienaar · Rating 4 out of 5]

Die enigste boek met 'n outisme karater deur 'n allistiese skrywer wat nog ooit so 'n hoë rating by my gekry het.

[Annerle Barnard · Rating 5 out of 5]

Uitstekend. Ek kon die boek nie neersit nie.

[Joha Van]

Interessante blik in outisme. Sou sê dis belangrik vir jonger kinders om dié te lees om outisme beter te begryp.