What do you think?
Rate this book


112 pages, Kindle Edition
Published June 30, 2025
❝ ليه أنا.. وأنت ليه…؟
واللي إتقطع..
يتوصل بينا بإيه…؟ ❞
❝ في بلدي البنات..
كل البنات..
لما بتضحك بترقص قلوب
لما تغني.. تاخدنا الآهات
وردة غرامها..
محدش بيعرف غيرها مكانها
رايحه وجايه.. تملى بحيرتها
خايفة لا يعرف حد حكايتها
في بلدي البنات.. كل البنات
بتحلم تضوي.. زي النجوم
بتحلم ترفرف.. زي الرايات
بتقدر تعاند.. وتقدر تثور
لكن ساعات.. كتير م الساعات
دق الساعات.. بيجرح حاجات
ويخنق حاجات ❞
⭐️⭐️⭐️
❝ ولسه بيجري ويعافر
ولسه عيونه بتسافر
ولسه قلبه لم يتعب
من المشاوير..
سهران يوشوش ناي
والحلم رايح جاى
قُباله ع الشطين
بيحب صوت الناس
غُنا البنات في الليل
وبيكره الحراس
لما تدوس بالخيل
ولا بيوصل. ❞
⭐️⭐️⭐️
❝ السجن مش قضبان وقيد
مش سلاسل من حديد
السجن روح
بتخاف تبوح
بتخاف تروح
لمكان جديد … ❞
⭐️⭐️⭐️
❝ أنا المصري البسيط الحالم
ومتوكل على الستار
أنا الضاحك.. أنا الباكي
أنا الساخر، أنا المْهزار
أنا المفطوم على النكتة
وانا العايش كما الصَّبار
أنا اللي عَلِّم العالَم
وحاكموني على الأفكار
أنا المُسَيَّر..
وانا اللي اِختار..
أنا المغلوب على أمري
وانا الفرعون.. وانا الجبار..
وانا اللي مهما طال صبري
بعون الله..
ف لحظة بغير الأقدار ❞