ناس محطوط عليها

by نور مانجا

ساعات نشوف حكايات في السينما نقول مبالغة بس الحقيقة بتكون أكبر من إننا نتخيلها كل واحد فينا جواه قصة عايشها ممكن تبان لناس عادية وناس تانيين يشوفوها عجيبة اللي بيفرق هنا احساسنا بكل حكاية.. جايز متصدقش الحكايات اللي في الكتاب ده وممكن تالقي حكايتك أو حكاية حد قريب منك فيها
بس الأكيد إنها ... حكايات حقيقية
هكذا تكلم المحطوط عليهم.

Genres: Short Stories

108 pages, Paperback

First published January 1, 2015

Reviews

[Sarah Rashwan · Rating 3 out of 5]

كتاب ظريف أنهيته في جلسة واحدة، بعض القصص كانت جميلة و بعضها لا تخلو من المبالغة رغم تأكيد الكاتبة أن كل القصص حقيقية، الأسلوب خفيف و ساخر لكنه غير ناضج و المعالجة في بعض القصص سيئة للغاية، بشكل عام كتاب خفيف الظل يصلح لقراءة عابرة

[Samar Elbaz · Rating 5 out of 5]

ناس محطوط عليهم... اسم غريب بس لما تقرا هتعرف ان فعلا في ناس الدنيا حطت عليهم وفرمتهم تحتها.....
ازاي في ناس عايشه تحت خط البؤس اوي كده

جميله.....
قولتلك عندي عروسه للجيب رانجللر.. أقصد للشاب المهندس وانت طنشتي شكلك حجزاه لتويا يا سوهنه..
وجميله بقي... النوعيه دي كتيييير اوي وبتقع مع واحد غني ومش طايقاه في نفس ذات الوقت

معديه....
هي الحجه خطيبه فارس...مات فارس تاخد اخوه عادي وكده....
عطر.....
الست دي ست مصريه اصيله زي الكتاب ما قال بالظبط
وجع...
متهيألي الوجع راح دلوقتي مبقاش له مكان.... صح؟؟؟؟
قصص قصيره ساخره جدا متبقاش عارف تضحك...ولا تبكي...بس الأكيد انك هتحس ان الدنيا مش حنينه علي كل الناس.....

[Eltabei Mohamed · Rating 4 out of 5]

قصص قصيرة واقعية موجعة، إلا أن قليلًا منها صعب التصديق.
أختلف مع ما ذكرته الكاتبة في المقدمة، أن (اللي يشوف بلاوي الناس تهون عليه بلوته)، وأن الاستماع إلى أوجاع الناس ومشاركة آلامهم أسرع طريقة لتخفيف الألم الشخصي، وأعتقد أن الاستماع إلى أوجاع الناس يزيد من آلام المستمع، إلا أن الناس يحبون الاستماع إلى أوجاع بعضهم البعض التماسًا للسلوى وللشعور بأنهم ليسوا وحدهم في عذاب هذه الحياة، وتخفيفاً عن الموجوعين بدفعهم للحديث عن معاناتهم وتهوينها عليهم، بل والسخرية منها في بعض الأحيان.
أتمنى أن ينقذنا الله، بأن يعننا على إنقاذ أنفسنا.

[سماح عطية · Rating 3 out of 5]

لولا تأكيدها المستمر أنّ هذه القصص واقعية وفي بعضها تصرف بسيط لَوَصَمتُ خيالها بالجموح!
ولكن لمَ التعجب فـ كم يضفي الإنسان على الحياة من علاماتِ تعجب.

*تساؤل فقط؛
عن أهل الفتاة التي احترقت.. أين هم؟
ألم يبحثوا عنها ويستدلوا عليها ممن تركها للمستشفى فـ ينقذوها من جحيمٍ وقعت فيه؟

[Ahmad Shuhait · Rating 3 out of 5]

لماذا نتعجب من غرابة القصص في الكتب
فلا بد انها مستوحاة من واقع أغرب

شكرا للمؤلفة

[Amira · Rating 3 out of 5]

22 قصة واقعية قصيرة ..
قد تتأثر و يصعب عليك حال الكثير من اصحاب هذه القصص .. وقد تشكر الله انك افضل حالا من بعضهم!!
لكن لا تجعل هذا يشغلك عن 22 رسالة غير مباشرة .. أرادت نور توصلها :)

كتاب بسيط .. حقيقي .. واقعي :) ♡

تقيم عام: 3.5/5

من اكتر القصص اللي علقوا معايا :
-هي ولا أمها
-وجع
-سعيد الله يحرقوا
-حب
-جحود

[Mohamed Elsawy · Rating 2 out of 5]

البداية كانت مقبولة وإن كنت متضايق من حجم الفصول الصغير، بعدين إتقفلت لما لقيت حكاية بيكاديلي اللي عينيه بتدمع وزعلان إن المصريين مش مقدرين مصر، بعد كده بقيت باخد الضربة الطفولية ورا التانية ولقيت في وشي كمية سذاجة غير طبيعية خلتني هاتشل .. هو يتقرا بس مش هاتطلع منه بحاجة غير حاجات هاتتفقع يعني، أنا لولا إن حجمه صغير ماكنتش كملته.

[محمد عصمت · Rating 3 out of 5]

مجموعة قصصية عندما تقرأهل تشعر بالقهر !!
أفكار القصص تنوعت بين ( سطحية الشباب ، قهر الوطن ، أزمة المواصلات ،انعدتم الأخلاق ، قهر الظروف ، الجحود ، الشك ، جحود الأبناء )

أكتر قصص عجبتني :
سواق توكتوك في نابولي

صاحبة الوشم الخليع

حيرة

حب

[مي عادل · Rating 2 out of 5]

كتاب خطفنى لقرائته رغم علمى بمحتواه الإ اننى لم اتركه يوم اقتنيته حتى قرائته كاملا.
نور مانجا لها اسلوب ساخر فلسفى بشكل محبب للقلب و مفضل لى بشكل شخصى فهى قادرة على الحكى بشكل مذهل.
شكرا لك على هذا الكتاب الراقى و انتظر حواديت جدتك التى احببتها كثيرا و ترحمت عليها مرارا

[zahraa esmaile · Rating 3 out of 5]

كتاب خفيف ممكن يخلص ف ساعة واحدة
ضحكت من قلبى ف سائق مصرى
وباقى القصص منها الحلو قوى منها المؤلم
الميزة فيه انه خرجنى شوية من ضغط الشغل الفظيع
بالنسبة للكاتبة ف هيا بداية لطيفة...موفقة
كتاب لطيف

[Santos · Rating 1 out of 5]

حكايات نور وتيمو افضل بمراحل كتير ايه الاستفادة من الحكايات ديه كان ممكن تطول شويه يتضافلها حلول

[دينا عماد · Rating 5 out of 5]

ناس محطوط عليها... 22 قصة واقعي
ساخر لكن مش هتضحك...بالعكس هتتوجع مع كل قصة فيهم
قصص هتتعاطف مع اصحابها وقصص تانية هتقول هى الدنيا جرى فيها ايه

[Salma Maher · Rating 3 out of 5]

لماذا نتعجب من غرابة القصص في الكتب؟ فلابد أنها مستوحاة من واقع اغرب!

[هدير مجدي · Rating 4 out of 5]

انتهيت من قراءة "ناس محطوط عليها" وفعلاً اسم على مسمى
في البداية غلاف الفنان الرائع محمد محسن معبر جداً عن محتوى الكتاب بكل قصصه.. والغلاف الخلفي وكلمة الكاتبة نورمانجاعلى الغلاف الخلفي هي رسالة لكل قارئ لكتابها .. وفعلاً بعض قصص لكتاب لا تُصدق وده مش تشكيك في مصداقية الكاتبة ولكن تشكيك في ضمائرنا .. وجع مجتمعنا كله منصب في حكايات نورمانجا..
---
جميلة .. تمثل فئة كبيرة من فتيات مجتمعنا التي تبحث عن المال مقابل جسد في الحلال
---
نابولي .. السواق ده وجعلي قلبي عليه ووجعلي قلبي من بلدي.
---
بيكاديلي .. ارجع بلدك البر التاني آمان :)
---
سائق مصري .. فعلاً كلهم كده
---
هي ولا أمها .. تجسدت في القصة مفهوم الدنائة والقذارة والسذاجة في خلطة واحدة.
---
جاري الحزين .. يارب لا تحرم قلوب أحبت بصدق من بعضها.
---
صاحبة الوشم الخليع.. لو صممت على رأيها الوشم هيروح .. هيروح بمية النار وتعب بس يارب تثبت ومتتاجرش في نفسها.
---
مختار سبرتو.. اتغير بقى .. دي مصر بدأت تتغير
---
سلوى .. قصة لكل من لم يرزقه الله بالأبناء .. انت في نعمة.
---
حيرة .. ممكن يلاقي طريقة يريح بيها شكهيفكر في طريقة ديبلوماسية من غير ما يجرحها لأنه لو سكت هيفضل عايش في جحيم
---
حب .. الزوج الرائع :)
---
جحود .. منتهى الدناءة وفيه قصة مشابهة شفتها بعيني بس بين أخ وأخوه
---
سكر .. كانوا زمان بيقولوا "بلد شهادات" دلوقتي بقت بلد الصنايعية
---
صانع اليخوت .. كان الله في عون قلبك
---
عطر .. النظافة من الايمان والزوج عاقل جداً
---
وجع .. مالوش مكان دلوقتي .. الوجع في قلوب الناس الجاحدة وبس الطيبين ربنا بيكرمهم بالخير
---
معدية .. جالي ذهول انها قبلت تتجوز أخوه .. أنا لو مكانها هعيش اللي باقي من عمري بدعي أحصله
---
البرنس.. بعد ما خلصتها قلت الله يخربيتك .. ديل الكلب فعلاً
---
سيف .. البنت دي جدعة ولازم تكون نهايته كده وألعن كمان
---
بيرنا .. كان الله في عونها
---
بحبها وهتجوز اختها.. ياريته ما يتجوزها لانه بيظلمها وبيظلم نفسه واخوه ده هيعيش في نار طول عمره
---
الله يحرقك يا سعيد .. رغم بساطتها هي أكثر قصة علقت بذهني يمكن لأني حسيت بكسرة خاطرها واتوجعت على احراجها والتقليل من كرامتها.

انتي رائعة يا نور

[Ragaa · Rating 5 out of 5]

احم احم
اوﻻ : الاسم يشد وبيعبر فعﻻ عن الوضع الحالي لمعظم او كل المصريين الا من رحم ربي
ثانيا : الغلاف تصميمه رائع والفيو اللي محطوط عالغلاف حلو اوي بجد شابوه لمحمد محسن
ثالثا : الاهداء عجبني مووت ربنا يخليلك تويا فرحتنا كلنا
رابعا : المقدمة بقى حلوة جداااااا اللي متابع حمايات جدتك اللي بتنزليها هيفهم اد ايه المقدمة رائعة ... إنتي عيشتيني بحالة حنين لجدتي الله يرحمها وقرأتلهم الفاتحة
خامسا : اللغة والحواديت كلها عجبتني جداااا طريقة عرضك ليها حلوة جداااا
سادسا : القصص بقى كلها وبﻻ استثناء كلها ابكتني ايه كمية الوجع دي ايه كمية التعب الي الناس فيها
اكيد مش هشرح حالة حالة من اللي ذكرتيهم لكم بجد وجع وجعتني اوي والمعدية
في منهم اللي وجعني وحسيت اد ايه ان الناس بقيت قاسية ومعندهاش ﻻ قلب وﻻ رحمة
وفي منهم اللي حسيت معاهم يعني ايه معنى الوفاء والاخﻻص زي جارك الحزين
وفي منهم الي حسيت معاه اد ايه الدنيا خير وﻻزم نتفائل زي وبيكاديلي الاسكندراني
فعﻻ كل واحد مهما كان شايفينه ف احسن حال جواه هموم
بجد كتاب ساخر ياخدك لدواخل ناس كتير بطبقات مختلفة باعمار مختلفة بحواديت مختلفة لكن جميعهم اجتمعو ع انهم " ناس محطوط عليهم "
كتاب مينفعش يتقرأ الا ع مرة واحدة يشدك لدرجة انك متقدرش تسيبه
شابوه بجد يا ام تويا

[Amr Medhat · Rating 3 out of 5]

اسم الكتاب ملائم جدا جدا للحكايات اللي جواه
حكايات ناس محطوط عليها جدا وبزيادة يعني

أنا كنت فاكر أنه كتاب ساخر أو كوميدي
لأن الكاتبة نور مانجا (هند عبدالله) معظم كتابتها كوميدي ساخر

بس هنا الحكايات كلها مفجعة وواقعية جدا
بس كنت أفضل لو كانت خليط بين الواقعي المفجع والساخر
لأن الجرعة هنا كانت زيادة
كلها قصص تحزن من حياتنا وشخصيات كلها حوالينا

وبعد كل حكاية ماتعرفش تزعل لحالنا ولا علينا!

أسلوب القصص كان تقريري شوية وأسلوب الكاتبة ماظهرش بالشكل الكافي
لأني قرأت لها على الفيسبوك مواقف ساخرة أسلوبها أفضل كتير

أتمنى لها التوفيق والسعادة
والكتاب القادم يبقى أفضل وأفضل

[إيمان · Rating 4 out of 5]

22 قصة مش عارفه المفروض الواحد يضحك ولا يعيط ، ناس فعلا محطوط عليها فى قصص واقعيه جدا و موجعة فى رسالتها اللى بتحاول توصلهلنا نور مانجا فى مجموعتها الاولى ...
مقدرش اقول حبيت قصه عن التانية لانهم كلهم حلوين وكلهم بيناقشوا وجع مهم محتاج يتعالج فى مجتمعنا .. مازال اسلوب السرد فى حاجة الى تطور و لذلك سقطت النجمه الخامسة فى التقييم و لكن فى المجمل العام مجموعه خفيفه تستحق القراءة و الاهتمام من قبل المسؤليين قبل القراء

[Salma Helmy · Rating 5 out of 5]

اولا بعتذر طبعا على كلامى لو مش مظبوط او مش مرتب
ثانيا ناس محطوط عليها ... عنوان بيدل على كل حرف في الكتاب .. ناس فعلا ظروفهم اقوى منهم ناس عايشة حياةصعبة فى مجتمع بيدوس عليهم ولكن رغم كل ده لسة مكملين ومستحملين كنت فاكرة انى هضحك فيه لكن اللى حصل انى بكيت فيه بكيت على حالنا وحال بلدنا وعلى الاجيال اللى بعدينا
انتى مبدعة يا نور

[نورا يس · Rating 4 out of 5]

كنت فاكرة ان الكتاب ساخر وبيكلم عن مصر والناس اللي فيها
لكن مع اول قصة في الكتاب أدركت انه كتاب عن ناس فعلا محطوط عليهم
الكتاب عبارة عن 22 قصة قصيرة اعتقد كلهم قصص حقيقية
منهم وجع منهم وفاء منهم حب ومنهم خيانة وغدر
الكتاب فعلا مؤثر مش مجرد قصص وخلاص
رغم بساطه اللغة والاسلوب إلا انه واقعه ملموس جدا
فعلا اللي يدور في قلوب الناس وعيشتهم هيحمد ربنا علي حاله
كتاب بسيط وممتع جدا
تقيمي
4/5

[احمد محمود · Rating 3 out of 5]

أعجبتني هذه المجموعة رغم بساطتها وبساطة لغتها ولكن في كل قصة واقع وحقيقة ..
تحتوي المجموعة علي 22 قصة فيهم بعض السخرية المبكية وليس الوجع في قصة "وجع" نفسها ولكن في كل قصة بها وجع وواقع خفي عن أعيننا أو نحن نخفي عيوننا عنه والأهم إنه موجود والكاتبة وجدته

[عمر عوده · Rating 4 out of 5]

الريفيو اللائق .. هم يبكي وهم يضحك

[Rasha El-Ghitani · Rating 3 out of 5]

قصص قصيرة مستوحاة من الواقع .. اكثرهم ايلاما ... وجع ...
اللغة جمعت ما بين الفصحي والعامية

[حسناء · Rating 4 out of 5]

خلصته في جلسة واحدة
مؤلم للغاية
بعض القصص قرأتها من قبل
ممكن لو كنت قريته من سنة ولا اتنين كان زماني دلوقت باعيط
كلنا محطوط علينا

[Ahdab Horany · Rating 4 out of 5]

حكايات بالعامية المصرية تنقلت بين الواحدة والأخري وكأنني أري ألف ليلة وليلة، ربما كانت حكايات ألف ليلة وليلة خارجة عن المألوف وربما كانت أسطورية، لكنني وجدت في هذه الحكايا مالم يستطع عقلي تصديقه ولا استيعابه فعليا، بداية مع الدكتور محمود ابن رحاب الفتي الذي راح ضحية التنمر وسمعة والدته المخزية وجشعها تجاه المال والجنس الأمور التي دعته لقتلها ودخول السجن.
أبلة فايزة السكرتيرة التي سُرقت حقيبتها وراحت لقسم الشرطة لعمل محضر فلم تجد سوي "جحشًا مصريًا مكانه حظيرة المواشي" رفسها خارج نطاق الضحية ووضعها محل الشك.
مختار سبرتو والد الثمانية أطفال، مثال كبير علي الفقر والجهل والسذجة واللامبالاة.
سائق التاكسي الذي أحب واحدة وتزوج أختها، أطروحة تجسدت فيها خيانة الأخ لأخيه.
توحه خادمة المستشار والتي خجل منها اخوتها كونها خادمة والتي لم تكف عن مساعدتهم، مثال عظيم علي الطيبة المفرطة التي لم أعد أسمع عنها ولا أراها واخوتها مثال علي الطمع والجشع الامنتهي والذي تفشي كثيرًا هذا الزمان.
حمادة الطفل الذي انتحر من الخوف، تخلص من كونه عبدًا لرغبات والدته في أن يصبح دكتورًا لم تعطه أمه الفرصة كي يصبح طفلًا فمات قبل أن يعيش.
سلوي الموكوسة التي تعمل في البيوت وتعطي ابنها العاطل ثمن المخدرات.
أميرة الزوجة المغفلة التي أضاءت أصابعها شموعًا لزوجها لتحصل في النهاية علي الطلاق متروكًا علي رسالة مسجلة بباب الثلاجة.
السيدة ر، الزوجة التي لم أجد كلمة أصف بها مدي حقارتها، والتي ضيعت " شقي عمر" زوجها بجهلها وطمعها هي وأمها لتضعه باسم أخيها الذي مات وترك لها الحسرة ولزوجها المرض.
ومرورًا بشهدان، شمس، معدية، أميرة، الحاجة ليلي، أم عادل، أم حسني، الحاج مرعي، الست رئيسة، خضرة، نهي وأختها، أم محمد، شرين، نونه، شكران، محروسة، دور الرعاية، سمر، مجلس عرب وانتهاءً بحكاية فرح، كانت كلها حكايات مليئة بأنواع عديدة من الحزن والظلم والخيانة والقهر والعهر والجهل.
ناس محطوط عليها حكايات جسدت طبقة عريضة من المجتمع تحتاج فعلًا لمعالجة عاجلة وحلول سريعة للتوعية واستئصال أطراف الجهل المترهلة.

[Reham Mohamed · Rating 4 out of 5]

اسم العمل ناس ناس عليها
اسم الكاتبة هند عبدالله
اسم. دار النشر الفؤاد
عدد الصفحات 106 ابجد
التصنيف قصص اجتماعية
التقيم5/4
نوع القرأه الكتروني

في اللغة العربية فلان حط من قدر فلان يعني هزقه وقلل شأنه، ‫‏لو دورت في حياة كل واحد فينا هتلاقي في حاجة حطت عليه ومتحملها وساكت ‏ مهما كنت قوي ومفتح لو دورت كويس هتلاقي نفسك في المحطوط عليهم‏.

الكتاب عبارة عن مواقف حقيقية اتعرضت لها الكاتبة في اماكن مختلفة وظروف مختلفة واكثر المواقف مؤسف جدا.

الكتاب به 23قصة حقيقية اتعرض كل من بالقصص بالخذلان من شخص قريب منه او من الدنيا التي غدرت به
رغم ان الكتاب عدد صفحه قليله ولكن تأثيرها كبير علي النفس
#ناس_محطوط_عليها
#هند_عبدالله
#مراجعة_ريهام_عبداللطيف

[Samar · Rating 5 out of 5]

لو دورت في حياة كل واحد فينا هتلاقي في حاجة حطت عليه ومتحملها
30 قصة من واقع الحياة تجمع بين شتى طبقات المجتمع المتعلم والجاهل صاحب الطبقة الارستقراطية والفقير
بالنسبة لي يؤكد نظرية أنه كل واحد في الحياة له نصيب من الألم فالحياة لا تصفو دائما

في البداية أخذت الكتاب اقرأه على اعتقاد أنه كتاب كوميك لكن الحقيقة كله حكايات مأساوية

صدق القائل اللي يشوف بلاوي الناس
الحمد لله على النعم الحمد لله

المفروض إنها قصص واقعية حسب ما فهمت من الحوار أكتر من مرة على لسان الكاتبة الحلو فيها رغم أنه أغلب القصص لا تتجاوز صفحتين مؤثرة جدا في النفس

الحمد لله على النعم الحمد لله يا رب

[فاطمة كمال · Rating 4 out of 5]

كتاب صغنون يخلص في قعدة واحدة فيه أكتر من عشرين حكاية حقيقية حكايات معظمها أغرب من الخيال فيه اللي أثر فيا أوي زي قصة سواق توكتوك في نابولي وقصة بيرنا وفيه اللي ضحكني زي قصة السواق المصري وفيه حكايات عيطت بسببها وزعلت جدًا زي قصة أم مرعي وقصة الست اللي عندها آلزهايمر وفيه القصص اللي حيرتني زي قصة رشدي باختصار كل قصص الكتاب كانت بتخلق جوايا إحساس مختلف
استخدمت الكاتبة اللغة العربية الفصحى في السرد واللغة العامية في الحوار وده شيء لا غبار عليه
حبيت الكتاب وكنت أتمنى يكون أطول من كدا

[Abdelrahman Dahab · Rating 4 out of 5]

أكثر ما يميز هذا الكتاب أنه قصص واقعيه وحقيقة بالإضافه إلي طابع الكاتبه صاحبه الدم الخفيف واللذيذ
إستمتعت جداً بالكتاب وأستطيع أن أقول أنني أنهيته في أثناء تنقلي بين العمل والبيت ذهاباً وإياباً وكنت مع بعض القصص والمواقف أضحك وبعضها أحزن لصعوبه الموقف الذي أقراه وكأنني أعيشه فعلياًَ

يستحق القراءة فعلياً

[عادل صلاح يوسف · Rating 3 out of 5]

الغلاف مصري بحت ومعبر عن القصص التي في المجمل هي رائعة وتركز على العالم الخفي الموحش لمصرنا الجميلة، وإن كنت شعرت في بعض المقاطع والقصص كأنه تقرير صحفي. راق لي : سواق توكتوك في نابولي، صاحبة الوشم الخليع، حيرة، سكر، وجع، معدية، البرنس

[Draziza Ali · Rating 3 out of 5]

حكايات صعبة من واقع الحياة .. ووان كان اكتر شئ اثر فيا المقولة اللى ذكرت فى قصة وجع... ان المجتمع مشوه من جوه و من بره