Dagbók miðaldra unglings

by Sigrún Elíasdóttir, Birna Pétursdóttir (Narrator)

Hvað gerist þegar nýskilin miðaldra kona með stórt skap arkar ákveðin út á stefnumótamarkað 21. aldarinnar?

Urður er nýskilin. Hún er komin yfir fertugt. Hún hefur sagt upp starfi sínu sem ósýnileg eiginkona og buguð móðir. Nú þarf hún að svipta rykinu af samskiptahæfileikum og öllum þeim sjarma sem legið hefur í dvala árum saman og taka stóra dýfu út í þann agnarlitla og grugguga poll sem íslenskur stefnumótamarkaður er. Þar svamlar hún án kúta en þó vopnuð óbilandi trú á sjálfri sér.

Dagbók miðaldra unglings er gamansöm skáldsaga af bláköldum veruleika konu sem þarf að finna sig á nýjan leik og hugsanlega eitthvað meira. Þetta er saga af samskiptum kynjanna á stafrænni öld, óþægilegum skilaboðum, vandræðalegum uppákomum, dauðum samtölum og brostnum vonum. Sigrún Elíasdóttir hefur áður skrifað ljúflestrarbækurnar um Eyrarvík sem slegið hafa í gegn hjá lesendum. Einnig hefur hún um árabil stýrt hlaðvarpinu Myrka Ísland, sem varpar ljósi á hörmungar og hamfarir í sögu Íslands. Dagbók miðaldra unglings er hárbeitt, glettin og stórskemmtileg saga þar sem segja má að rómantík og gaman mæti hversdagslegum hörmungum og hamförum miðlífskrísu og neðanbeltismynda.

Audiobook

Published July 21, 2025

Reviews

[Hildur Jóhannesdóttir · Rating 3 out of 5]

Skondin bók, frekar hrá. Mér fannst hún nú mesti gaurinn sjálf aðal söguhetjan ef hetju skyldi kalla.Hún aftengdi sig fyrirfram því sem hún leitaði að. Enda kom lítið út úr þessu hjá henni og ekki náði ég að tengjast henni mikið enda er èg meira en miðaldra sjálf og gat illa samsamað mig umfjöllunarefninu

[Emma Viktorsdóttir · Rating 3 out of 5]

Bara fín bók.

[Nína Dóttir · Rating 4 out of 5]

Bráðskemmtileg bók sem lét mig virkilega kunna að meta manninn minn 😂
3.5 stjörnur en hækkað upp í fjórar hér

[Sara Hlín]

Áhugavert innlit í einhleypa heiminn 🙂

[Kitta Pálsdóttir · Rating 3 out of 5]

3.5 ⭐️ ég bæði þoldi hana ekki en fílaði samt .....🤪📚🤔🙈

[Aðalbjörg Bragadóttir · Rating 3 out of 5]

Rant fertugrar konu sem fer aftur á stefnumótamarkaðinn. Fullt af hnyttnum vangaveltum en líka slatti af uppfyllingarefni. Þunnur söguþráður en ég hafði samt gaman af Urði og uppáferðum hennar.

[Rosa Gudny · Rating 4 out of 5]

Þrælgóð og heldur femínísk um deitmenningu og að þekkja sjálfa sig sem kona. Ég tengdi vel við svo margt sem Urður lendir í.

[Gudny Rut]

Stórskemmtileg.
Truflar mig samt mikið þessi auka hljóð sem er verið að troða inn í lesturinn.

[Ásdís Ósk Valsdóttir · Rating 5 out of 5]

Mér fannst þessi frábær og spot on. Tengdi gífurlega vel við hana. Mæli með að karlmenn lesi hana og fái betri innsýn í hugarheim kvenna