غزل البنات

by أسامة عادل

.

مع إنك دايماً بحالات
ومزاجك فى القهوة زيادة
لساكي بترقصي بثبات
وتغمضي عينك كالعادة
ظبطي مكياجك فى عيوني
ايدك فى ايديا يدلوني
الليلة وبما انك لابسة
فستان ابيض بفيونكات
جهزي نفسك بعد السيما
انا عازمك على غزل بنات

.

136 pages, Paperback

First published January 1, 2015

About the author

شاعر مصري شاب من مواليد محافظة الشرقية. صيدلي. له عدة أغاني منفردة مع فرقة كراكيب من تأليفه. وله أيضا العديد من الأغاني المنفردة من تأليفه وألحانه وغنائه. وكتب بعض الأغاني للعديد من المطربين المصريين الشباب. صدر له ديوانين في الشعر العامي المصري الأول كان (غزل البنات) نشر فى عام 2015 والثاني (رقصة ميري) نشر فى عام 2017.

Reviews

[Mohamed El-Attar · Rating 2 out of 5]

.

قولت كتير لأسامة متستعجلش .. واتقل على الديوان دلوقتي
لكن للأسف مسمعش الكلام
النتيجة الديوان مليان قصايد كتير ضعيفة، ومش موزونة، وموسيقى مرتبكة، وافكار مفككة جوه القصيدة الواحدة .. والمحصلة كام قصيدة هم اللى حلوين .. وان كانوا عاديين في افكارهم

أسامة شاعر لسه سنه صغير
وده أول ديوان ليه
كان نفسي يبقى ديوان افضل من كده
بس ان شاء الله يتلافى اخطاء الديوان ده فى الأعمال الجاية
اهم حاجه مطلوبة من اسامة وكل شعراء جيله
ان كل واحد يلاقي شخصية لكتابته يتميز بيها عن اللي حواليه .. بدال ما كله بقى شبه بعضه كده

.

[Ahmed Elkhouly · Rating 5 out of 5]

بصراحة انا من اوئل الناس الى قريت الديوان
كان فى مرحلة الطباعة

و بصراحة كمان انا شايف ان اسامة من اكتر الشعراء االموهيسن فى مجال الكتابة بالعامية
الفاظ راقية و غير مبتذلة ما بيلويش ذراع النص
بيختار الفاظ مدلولها عظيم و عجيب

نهايات رائعة
ولو قورن الديوان بالعديد و العديد منوالدواوين الموجودة فى المعرض
هتقدروا تفهموا انا اقصد ايه
بمعنى ان الدوان خالى من
الكلام المكرر
النص القديم
اللفظات المبتذلة
مليان صور مايكتبهاش الا عبقرى او عفريت من الجن

[Toqa Ibrahim · Rating 4 out of 5]

غزلك حلو ... و لو كان صريح
و الدعاء و التبتل من أشعارك المميزة
من أكتر حاجات حبتها
" بنت الجار "
جدا
استمر ...