Anfarwol : Enillydd Gwobr Goffa Daniel Owen 2025

by Peredur Glyn

Mae bywyd yr actor Theophilus Cibber ar chwâl. Mae'n destun sbort i gynulleidfaoedd theatr Llundain ac mae ei deulu a'i ffrindiau wedi troi eu cefnau arno.

Y cyfan mae Mr Cibber yn chwilio amdano yw enwogrwydd.

Mae un cyfle ar ôl. Un siawns i sicrhau anfarwoldeb. Felly yn 1758 mae Theophilus yn dal y cwch i Iwerddon.

Ond fydd ei fywyd byth yr un fath eto...

257 pages, Kindle Edition

Published August 10, 2025

Reviews

[Helena · Rating 4 out of 5]

Nofel hanesyddol ffantasiol sydd yn ymlwybro yn araf ar adegau ac yna yn neidio ymlaen yn garlamus, yn enwedig tua’r diwedd. Mae’n debyg fy mod yn cydymdeimlo â Theophilus druan, ond allai ddim dweud fy mod yn ei hoffi. Cawn gwrdd â Iolo Morgannwg sydd rhywsut ynghlwm yn yr holl dirgelwch am Mathonwy (wnai ddim datgelu mwy am hwnnw yma).

Nid y math o nofel yr wyf yn arfer ei darllen, ac er fy mod yn ei chael yn llafurus ar adegau, roedd yn anodd i’w rhoi i lawr nes cyrraedd y diwedd. Falch fy mod wedi ei darllen a’i mwynhau.

[Alun]

Nofel hanesyddol ddychmygus ddifyr dyfeisgar a rhwydd ei darllen. Peth seiliau a chymeriadu hanesyddol fel cyfeiriadau at Lundain a Chaergybi yn y dyddiau a fu heb sôn am yr athrylith celwyddog Iolo Morgannwg. Ni fyddaf byth eto yn mynd i Fro Morgannwg heb ddychmygu fod tiriogaeth Abred ger llaw ac efallai Theophilus Cibber yn dal i droedio llwyfannau hanes! Amlwg bod yr awdur wedi gwneud gwaith cefndirol manwl i rai elfennau. Diwedd y nofel yn annisgwyl ac arallfydol

Excellent read. A history based fantasy full of twists and turns.

[Lyn · Rating 4 out of 5]

Waw! Dyna chi chwip o nofel!

Fel arfer dwi’n cario ‘mlaen edrych ar ba dudalen dwi ar, faint o dudalennau sydd gen i ar ôl ond ni edrychais unwaith tra darllen y llyfr hwn! Ymgollais fy hun yn stori’r actor Theophilus Cibber ers y dudalen gyntaf!

Dwi wedi darllen Pumed Gainc y Mabinogi gan Peredur Glyn llynedd ac roeddwn wir wedi gwirioni gyda’r steil y storïau… mytholeg wedi croesi â ffuglen wyddoniaeth a dilynodd Anfarwol yr un trywydd ond ar lefel llawer mwy epig!

Tynnu un seren oherwydd mi roedd hi’n hirwyntog a llafurus ar rhai adegau ond ar y cyfan ni chefais fy siomi! Benthycais fy nghopi o’r llyfrgell ond dwi rwan yn ysu cael copi fy hunain.

[Nia Goode · Rating 5 out of 5]

Gwych! Wedi mwynhau’n fawr.

[Gwen Jones · Rating 4 out of 5]

Wedi rhoi 4 seren, am y rheswn syml bod y diwedd yn wych. Fues i yn llafurio braidd ar adegau, a methu deall i ble oedd y stori yn mynd. Ond roedd o yn werth y llafur i weld sut ddaeth popeth at ei gilydd yn y diweddglo. Hoffi diwedd boddhaol, a ges fy modloni.