وقريبًا.. سيحل الظلام

by خالد أمين

تقف في غرفتها وحيدة أمام المرآة.. لا تعلم أنه يختبئ الآن في خزانة ثيابها.. ينتظر.

– جرا ئم قتـ ـل رهيبة تنشر الرعب في قلوب ساكني القاهرة.
– قا تل مخيف يلقب بـ”جادو” يعترف بتلك الجرائم على مرأى ومسمع من الجميع.
– لقد حل الظلام على القاهرة وأصبحت الطرقات خاوية، “جادو” يزداد قوة وبئسًا، لقد حان وقت الخوف.

المحاولات لا تزال مستمرة والأمل في النجاة لم ينتهِ بعد، يقرر رجل غامض التصدي لهذا الوحش الآدمي، يقوم بتكوين فريق خاص لمطاردة “جادو” والكشف عن هويته
فريق من أصحاب المهارات الخاصة التي تميزهم عن سائر البشر. نبدأ معهم مغامرة مثيرة وغامضة للكشف عن تلك الأسئلة المرعبة..

– ما هو سر القصر المخيف الذي يحلم به القا تل طول الوقت؟

– ما هو سر البلدة المهجورة النائية التي لا توجد في أي خريطة؟

– من هو جادو ؟ وما هو السر وراءه؟ ستكون النهاية صادمة تمامًا، لن يتوقعها أحد ولن ننساها أبدًا.

304 pages, Paperback

First published January 19, 2023

About the author

كاتب وروائي مصري ولد في مصر عام 1988
يعمل محاضر اكاديمي في قطاع الجامعه ومدرب شركات خاصه اهتم بدراسه الأدب والكتابه السينمائية وأدب الرعب والخيال والجريمه صدر له رواية " هوس " و رواية "الشبيحة " عام 2013
ورواية وثيقه تأمين
وسلسلة روايات بعنوان " المجهول اكس "
يصدر منها عده أجزاء سنويا ومنهم رواية " البناية 106 " و " بعل الذباب " و " الشيطان في ردائه الأسود "
كما صدر له رواية " هؤلاء الذين عادوا " عام 2018
ورواية انهم يأتون ليلا عام 2019
التي اصبحت الأكثر مبيعا وحققت نجاح باهر لتلحق بها رواية ذات مرة في الطريق المظلم عام 2020 والتي انضمت ايضا لقائمة الأكثر مبيعا واشتهرت بأنها من أكثر الروايات التي حملت نهاية مفاجأه وغير متوقعة علي الاطلاق
ومن آخر رواياته ليلة ظهور القرين صدرت لعام 2021 وتصنف كأفضل ما كتب في الغموض والرعب لهذا العام
وصدر له رواية" زائر منتصف الليل "في عام 2022 التي تعد من أقوى أعماله ، وأكثرهم تشويقا وغموضًا ، رواية صادمة وكابوسية حافلة بالمغامرة والتشويق والرعب في إطار خاص من الغموض و
نهاية مفاجاة وغير متوقعة علي الأطلاق
وأخيرًا صدرت له الرواية التي تعد من أهم وأقوى رواياته الا وهي " وقريبًا سيحل الظلام " التي تعد الرواية الأكثر تأثيرًا والأقوى في مجال الرعب والتشويق والغموض والنهاية الصادمة الكابوسية والغير متوقعة وعنصر المغامرة في تلك الرواية لا مثيل له
وتلى ذلك أصدار رواية " جرائم الغراب السبع " التي حققت نجاح منقطع النظير في أدب الجريمة والتشويق والغموض والرعب النفسي مع أفكارها الأصلية ونهاياتها الصادمة التي علقت بذهن القراء للأبد.
وصدر له رواية ليلة في ضيافة الكونت التي تعد الأكثر رعبًا وكابوس أدبي من طراز خاص في مجال الرعب وأعقب ذلك روايته الأكثر غموضًا وجنونًا ورعب مع أكثر نهاية مفاجأه وصادمة وهي رواية عيون الأفعى

Reviews

[Maha Eshraa · Rating 3 out of 5]

لو فكرنا فى مفهوم القصة نفسه
الصراع بين الخير و الشر المطلق
الحبكة فى من هو القاتل
فرواية رائعة من حيث تسلسل و تصاعد الأحداث
لكن
لو فكرنا بالمنطق و العقل
هنا تكون المشكلة
كيف لا يرى أحدا القاتل و لو صدفة و هو يقتل
حتى عندما استخدم السيارة فى القتل
خاف الجميع من التعرض له
يرتدي وجوه من يقتلهم و كان عمليه سلخ الجلد و تنظيفه تنتهى فى دقائق
يوجد فى التفاصيل ما يسقط أحداث الرواية لدى
هى خيال و وواقع فى نفس الوقت و لكن الأحداث الواقعية تحتاج إلى المراجعة
فى المجمل اعجبتنى الفكرة و الشخصيات أيضا

[Abdelrahman · Rating 4 out of 5]

عارف معنى الصدمة؟!!
عارف يعني ايه تبقى مش عارف ايه ده؟
اهو ده اللي انا فيه حاليًا بعد ما خلصت الرواية!
صدمة!
خلينا نتكلم في الأول عن مميزات وعيوب الرواية.
وليه التقييم ده؟
المميزات: السرد كان كويس جدًا، متحسش بالملل وأنت بتقرأ، سرد بسيط وسلس.
الأحداث متسارعة بطريقة مناسبة، يعني مش علطول قوية، لأ شوية تبقى أحداث سريعة جدًا وتبدأ السرعة تقل زي اللي بيدوس فرامل عشان المطب، ويرجع تاني يدوس بنزين عشان يكمل طريقه.
الشخصيات تم وصفها بشكل جيد، تقدر تتخيلهم كويس في الأحداث، رغم إني اكتشفت بعد ما خلصت وقرأت الريفيوز إن فيه منهم كان ظهر في روايات سابقة للكاتب، متضايقتش اوي خصوصًا إني معنديش رفاهية الوقت أقرأهم بالترتيب، بس الكاتب عرفنا عن كل الشخصيات بحيث متحسش إن فيه حاجة ناقصة عن حد، لأ أنت تقريبًا عارف تاريخهم وازاي وصلوا للي هما فيه دلوقتي وازاي بيفكروا، لدرجة إني أحيانًا كنت بحس إن أنا جوا دماغهم وانا اللي بتصرف!
أحيي الكاتب إنه وصل لي الشعور ده.
عنصر التشويق -من غير مبالغة- أقدر أقول إنه مش هيقل عندك لحظة وأنت بتقرأ الرواية، عايز تقرأ وتشوف الدنيا هتمشي ازاي، بس من رأيي مش هتقدر تنهيها في جلسة واحدة؛ لأن في أحداث كتير محتاجة تقف عندها وتتأملها وتفكر فيها لو أنت من النوع اللي بيحلل كل رواية بيقرأها زيي كده ومش بيسيبها قبل ما يخلصها إلا ويكون مكون عنها انطباع كامل، من رأيي ممكن جلستين تلاتة بالكتير وتخلص!
اخدت مني كل الوقت ده عشان مقدرتش أكملها مرة واحدة رغم إني سيبتها فوق الشهر ورجعت تاني كملت!
عنصر المفاجأة موجود طول الرواية، وأنت بتقرأ هتحس لأ مش ده اللي مفروض يحصل أكيد فيه حاجة تانية هتحصل!
كنت بتوقع أحداث كتيرة وتوقعت مين جادو بس لما وقفت مع نفسي شوية أفكر فيها، قلت لا مش ممكن يبقى هو، فيه كذا سبب يمنع كده!
ولما تم الكشف عن شخصية جادو كنت في حالة ذهول كبيرة، اللي هو ايه ده مش ده اللي مفروض يحصل اكيد فيه حاجة غلط، وفعلًا لما كملت عرفت إني صح...!
العيوب: أكيد طبعًا اللي تقريبًا معظم اللي قرأوا الرواية اشتكوا منها، ألا وهي الأخطاء الإملائية، كانت كتيير بشكل يضايق وينرفز، بشكل ينفّرك من القراءة أصلًا!
عدم منطقية بعض الأحداث واللي أُفضِّل عدم ذكرها عشان محرقش بس ممكن ابقى أقول جزء منها في جزء الحرق تحت!
أوقات كتيرة مكنتش بعرف مين بيتكلم، مكنش واضح ده مين بالظبط، كان لازم أقعد استشف ده صوت مين، ما خلاص بقى دول بقوا أهل وبقيت عارف طريقة كلام كل واحد منهم!
الرواية تكاد تنعدم فيها المشاهد الخارجة بس ده لا يمنع إن بعض التلميحات كانت موجودة، بس الكاتب -وعلى عكس المنتشر حاليًا- كان بيتجنبها قدر الإمكان!
عجبني جدًا حوار أخير في الرواية بين شخصيتين بيتكلموا عن حاجة في واقعنا المعاصر منتشرة بشدة، عجبتني الحتة دي جدًا!
النهاية!
لازم نقف عندها شوية!
طيب مبدأيًا هل أنا كنت متوقعها؟
الإجابة ايوه!
طب فين المفاجأة وفين النهاية الغير متوقعة؟!
المفاجأة في إن الكاتب ممهدش ليها كتير، بل بالعكس فاجأك بيها مرة واحدة!
وده شيء عجبني بصراحة، رغم عدم رضائي عن النهاية، بس من امتى والنهايات بتعجبنا؟!!
حبيت الرواية وأكيد هقرا تاني للكاتب.
تقييم الرواية: 4.5/5
البداية: 20/10/2023
النهاية: 6/12/2023
🚨🚨حرق🚨🚨
ليه بجد؟!
بجد والله ليييييييه؟
رغم إني متوقع إن حاجة زي كده هتحصل، بس لما بتحصل فعلًا بتبقى صادمة!
ليه سليم؟!
شخصيته كانت حلوة جدًا!
بس الحق يُقال الكاتب اداله نهاية حلوة ومستحقة، معتقدش فيه أحسن منها، إلا الحتة الأخيرة اللي مش مفهومة، لكن ممكن تكون مبررة عشان تمهيد لجزء تاني من الرواية!
سليم
رودينا
صلاح
ناردين
عامر
رشدي
آدم
حاتم
حزنت جدًا على رشدي!
نهاية جادو مرضية جدًا ومنطقية!
آدم والغموض اللي حواليه بالنسبة لي لأني مقرأتش روايات الكاتب اللي قبل دي، وهو أعتقد ظهر فيهم!
شخصيته مش مفهومة اوي بالنسبة لي، فيه حاجات كنت بسأل نفسي عرفها ازاي! بس يمكن لما أقرأ الروايات اللي ظهر فيها قبل كده أعرف عنه أكتر!
آدم بالنسبة لي أخطر من جادو!
نرجع تاني لجادو!
هل دوافعه منطقية؟ مقبولة؟ ولا ساذجة؟!
لا بالعكس متوقعتش غير كده صراحة، وده الطبيعي واللي ممكن يوصل شخصية زي جادو للي وصلتله!
نهاية الرواية بقتل حاتم لجادو راضتني جدًا وشايف مكنش فيه أفضل من كده!
اللي معجبنيش وصف مشهد القتال بين حاتم وجادو، حاسس كان ممكن يطلع بشكل أفضل من كده!
وخلينا واقعيين كان لازم حد يموت من الفريق اللي اتكون ضد جادو، وده شيء أنا كنت عامل حسابه من أول ما بدأت اقرأ الرواية، لازم تضحية! والتضحية جت في سليم!
نهاية الرواية مفتوحة وبتبين إن فيه جزء تاني!
Abdelrahman ✍️

[Jannah el makashaty · Rating 5 out of 5]

انا لسة مخلصه الرواية و بجد مش مصدقه قد إيه هي حلوة أسلوب الكتابة شيق جدا لدرجة إني اتعلقت بالشخصيات و ولا مرة توقعت إلي هيحصل و مافيش حتة حسيت فيها بالملل و النهاية غير متوقعة لكن عجبتني جدا حسيت إن ممكن يكون ليها جزء تاني و أتمنى ده يحصل. شكرا أستاذ خالد أمين للمجهود الواضح في الكتابة استمتعت بالرواية و في انتظار روايات حضرتك القادمة. ❤️❤️❤️❤️

[Shahd Muhamed · Rating 5 out of 5]

الروايه تحفه بشكل رهيب تخطتت عقلي وتغلبت عليه في التفكير بجد ومتوقعتش كل الخيال من الكاتب ادهشتني زي كل مره والله ❤️❤️❤️❤️

[Rory · Rating 3 out of 5]

والان ماذا ؟.. كل منا يعود لحياته الطبيعية ؟
كل منا يعود لحياته..لا أحد يمتلك حياة طبيعية هنا..
فكرتني الجملة دي بجملة من مسلسل buffy the vampire slayer
“Let's face it. None of us are ever gonna have a happy, normal relationship.”
أول تجربة ليا مع خالد أمين وإن شاء الله مش آخر مرة..
الكتاب أخد مني وقت كبير لأن كنت مشغولة جداً الفترة دي بس كنت مبسوطة بفكرة اني برجعله كل شويه واقول ياتري جادو عمل ايه تاني ياتري سليم عرف يقول لرودينا انه بيحبها ؟ عرف يقولها علي إدجار؟ ياتري عرفوا يقبضوا علي جادوا زي ما عامر كان طالب منهم؟ ياتري آدم وصل لجادو قبلهم ؟..
المشهد لما وصلهم في بيت عامر تخيلته كله كأنه مشهد في فيلم
الكتاب كان كله بالنسبالي زي سيناريو فيلم بس مترجم.
مش عارفة أتقبل فكرة موت سليم عندي احساس انه لسه عايش.. اختفاء جسده مش حاجة الكاتب سايبها كده أكيد له سبب ..
حبيت كل الشخصيات وحسيتهم جزء من يومي.
بس عندي بعض الإنتقادات
بما أن الكتاب مش مترجم ومكانه في القاهرة فكرة ترجمه الاغاني ماكنتش أفضل حاجة .
بالرغم من إعجابي بفكرة القاتل المتسلسل وان في مجموعة بتحاول تقبض عليه إلا إن فكرة القصر وإدخال مكان بيبث الشر مكررة في كل شيء مرتبط بالرعب ماكنتش حابة فكرة التكرار لأن حقيقي الكاتب طريقته وطرحه للفكرة عجبني .

[Tony George · Rating 2 out of 5]

اخطاء املائية مثيرة للضحك و قفلتني من الرواية

[Yasser Hussein · Rating 3 out of 5]

اخطاء املائية كتيره جدا جدا ضيعت جزء كبيير من متعه الرواية + الرواية فيها أڤورة ولا منطقية شوية خصوصا ف احداث القصر لكن كانت قرائة ممتعه خربتها للأسف الاخطاء الاملائية البشعه .

[Marwa Mohamed · Rating 5 out of 5]

قريبا سيحل الظلام...
هل تتعدد أوجه البشر؟ هل تختلف ملامحه من شخص لآخر ؟ واذا ارتدى شخصا ما روح وملامح شخص آخر شرير عل ستقوده تلك الروح إلى أفعال وجرائم لم تكن في مخيلته أن يرتكبها في يوم ما؟ أم سيقاوم استحواذ هذه الروح لإرادته بكل ما يملك من قوة.

كل هذه التساؤلات تفجرت في ذهني من بداية قرائتي لرواية " وقريبا سيحل الظلام" للكاتب المبدع و العبقري " خالد أمين". تتفرع الرواية في أكثر من اتجاه، فهى قريبة جدا مما يحدث لنا في هذه الأيام، حيث امتزج فيها الخيال بالواقع ليخلق منها لوحة سريالية مصورة، وكأن ألوان هذه اللوحة تنطق وتتحدث مع كل من يشاهدها، ويتوقف أمامها مندهشا مما تحمله هذه اللوحة من مشاهد حياتية طبق الأصل للواقع الذي نعيشه.
عرضت الرواية فكرة في غاية الأهمية، وهو مجتمع السوشيال ميديا، وماتعرضه من صور مزيفة، وخلق صور غير حقيقية من خلال ما يطلق عليهم المؤثرين على السوشيال ميديا أو الانفلونسر، ومدى تأثيرهم على عقول البشر مما جعل البعض أو الأغلب يحلم بأن يكون انفلونسر، يتحدث في فيديو عن موضوع غير مفيد، قد يبدو تافها، جاهلا ولكن لا يهم ذلك، فيجب أن يكون بهذه الصورة لجذب أكبر عدد من المتابعين، وساعد على ذلك اعتماد بعض الشباب فقط على منصات التواصل الإجتماعي للحصول على المعلومة، و افتقاد وعدم تقدير قيمة العمل، والجري وراء هوس السوشيال ميديا، لكسب الأموال بطريقة سريعة بدون عناء وجهد البحث عن عمل، وافادة المجتمع وذلك لأن أقصر الطرق هو الضغط على زر الlive، وبث فيديو مباشر للمتابعين وعامة البشر لملئ عقولهم بمواضيع تافهة، ضارة ومؤذية.

تطرق خالد أمين في هذه الرواية للظلام الحقيقي المسيطر على مجتمعنا، وهو إدمان السوشيال ميديا، ومدى التأثر بالانفلونسر في كل شيء، وقوة سيطرتهم وتحكمهم على عقول متابعينهم حتى أصبحوا قدوة ومثل أعلى يحتذى به في جميع أمور الحياة.
اجتمعت عناصر المتعة الاستمتاع، والفضول الشديد وسرعة الأحداث داخل الرواية بالإضافة إلى الخيال.
تطرقت الرواية لفكرة استدعاء الشر، وطاقة جذب الشر، ومعنى مفهموم الشر الخالص اللامنتهي منذ قديم الازل. وقد برع خالد أمين في تجسيد بمنتهى الحرفية، وذلك من خلال ربط تلك الفكرة وارتباطها بمكان يحمل هذه الطاقة المدمرة، وهذا المكان هو " قصر سليمان" الذي تفجرت فيه أحداث الرواية. وربط ما حدث في الماضي بالحاضر، وما مر به القصر من أحداث تاريخية وجرائم بشعة، امتد اثرها حتى وقتنا هذا لتدمر كل من يقترب من هذا القصر، لتستحوذ على روحه، وتمتلك إرادته، فتخلق منه وحش كاسر يهلك ويفتك كل من يقف امامه، يدمر حياة أقرب الناس إليه، ليس لديه قلب يحركه،روحه شريرة، يرتكب أبشع الجرائم دون تفكير، ودون أدنى شعور بالذنب، ملامحه باردة وثابتة.

أعجبني مشهد اجتماع خمسة أشخاص لا يعرف بعضهم البعض من قبل، لا يجمعهم سوى مواهبهم الخاصة، وشغفهم وحبهم للخير و محاربة الشر. أحببت اتحاد صلاح مع ناردين الصباغ و رودينا وسليم، حيث يمتلك كل منهم موهبة خاصة تميزه، كما جذبتني فكرة أن خيال ناردين كان منقذها الوحيد من الموت، و ايمانها القوي به، ومثابرتها وإصرارها على محاربة قوى الشر التي تجسدت في روح صلاح، حيث استطاعت ناردين بخيالها وروحها المقاتلة، ومحاولتها افاقة صلاح من سيطرة وهيمنة تلك الروح عليه بدون استخدامها أى اسلحة، وبدون اراقة دمائه أو محاولة قتله دفاعا عن نفسها، و للنجاة من هول الروح الشريرة التي استحوذت عليه.
أعجبتني أيضا فكرة استحواذ مكان على البشر، و التحكم في مشاعرهم و مصائرهم، لأنه شهد العديد من الجرائم، وتعذيب البشر بشتى الوسائل والطرق حتى صار هذا القصر معبأ بالعديد من الأرواح الشريرة التي تملكت منه ليكون مجرد دخول القصر هو بداية لدمار شامل، ونهايات غير متوقعة لا حدود لعواقبها الوخيمة.

وقريبا سيحل الظلام حالة نعيشها في كل يوم، اعتدنا التأقلم عليها رغما عن أنفسنا، دائرة مغلقة لما فعلته منصات التواصل الإجتماعي من سلبيات تسببت في أضرار وخسائر كادحة وضحايا، واقع مرير اختلط فيه الحق بالباطل، تلوثت بسببه فطرة الإنسان السليمة، فصار باردا، متبلد المشاعر والاحاسيس، تسيطر عليه شهوة الانتقام ممن لا ذنب له فيما صار عليه الآن.

[Abdelrhman Khalifa · Rating 4 out of 5]

تبدأ احداث الرواية ب ((جـــادو)) المختل - او العظيم كما كان يطلق علي نفسه 😂 - الفاعل بجرائم قتل مجنونة و مرعبة في احياء القاهرة الي بقت مظلمة بسببه.. وتم سفك الكثير من الدماء بها علي يد جادو... حتي الأطفال الرضع لم تُرحم منه😓
و دا السبب الي بيخلي مجموعة شخصيات كل واحد منهم يمتلك قوة خارقة خاصة يجتمعوا للقضاء علي هذا الشر الخام.. فهل يا ترى هيعرفوا يهزموا جادو العظيم؟!🙃
و ايه علاقة قصر سليمان بكل دا
و ايه علاقة آدم و حاتم الشخصيات القديمة من رواية ذات مرة في الطريق المظلم لنفس الكاتب بكل دا برده؟؟

اول حاجة وقبل اي شيء انا عايز اوضح ان خالد امين في العمل دا حرفياً - بمعني الكلمة - استعان بجميع الشخصيات الي كاتبها في جميع اعماله السابقة.. بل و كانوا هم الابطال مش مجرد شخصيات ثانوية مثلا
ف لو حابب تستمتع بالعمل دا اكتر اقرأ اعماله السابقة بالذات (( ذات مرة في الطريق المظلم -- أنهم يأتون ليلا -- زائر منتصف الليل))
والله العظيم ما بقول كدا دعاية مثلا للكاتب لكن لا الموضوع فعلا هيكون ممتع جدا لو انت قريتهم قبل دي... و طبعا تقدر تقرأ دي علطول لان من ناحية الاحداث مفيش اي ربط انا بتكلم علي الشخصيات ⚠️⚠️

السرد في العمل كان في تطور نسبي عن باقي اعمال الكاتب.. بلغة عربية فصحي و كذالك الحوار
اسلوب سرد الكاتب معروف انه سلس و بسيط و دا كان واضح في العمل برده
و في نفس الوقت مش ركيك بل يصل للقوة أحياناً.. بالذات في مشاهد الرعب

الوصف كان جيد جدا.. اذا كان مكاني او شخصيات.. و أشيد بمشاهد القصر و الاحداث الي دارت فيه

الشخصيات زي ما قلت فوق اي قارئ قديم للكاتب عارفهم كلهم و عارف تاريخهم و بنائهم (( و مع ذلك )) الكاتب لم يبخل بوضع لمحات للبناء التاريخي لكل شخصية مرضية للقارئ و تخليه يعرف يندمج معاهم (( عشان كدا بقول الي قرأ اعماله السابقة هيستمتع اكتر))
و طبعا لازم اتكلم علي شرير الرواية 😈 جادو
و دا كان شخصية لم تظهر من قبل.. تم تصميمه بطريقة ممتازة و صنع دوافع لافعاله
و حقيقي هو شخصية و انت بتقرأ هتحس بكيمة كره له رهيب و هتبقي نفسك تسلخه حي زي ما كان بيعمل في ضحاياه
و الكاتب عرف يخلي حضوره تقيل علي قلبك ❤️‍🩹

العمل في جرعة رعب نفسي محترمة جدا جدا جدا + رعب معوي و لكن مش مبالغ اوي
و كلها مشاهد اتكتبت كويس و هتأثر فيك
عجبتني جدا مشاهد القصر و المواجهة العنيفة الي حصلت في الاخر بين شخصيتين لو اتكلمت عليهم ممكن يبقي فيها حرق احداث

و طبعا رسالة الكاتب كانت واضحة زي الشمس وهي ان مواقع التواصل الاجتماعي و السوشيال ميديا قادرة علي هدم مجتمع كامل حرفياً
كانت سبب في صنع شخصية مريضة زي جادو و سبب في ان الناس تكون سلبية و تتهاون في ارواح الآخرين علي حساب شاشة هاتفهم و عدد متابعينهم 😑😑

عيوب العمل تكمن في الحوار الي كان ضعيف او ركيك في بعض الأجزاء ((مش كله بكل تأكيد))
و زيادة كثافته نسبياً مقارنة بالسرد + اخطاء املائية و عدم تنصيق بعض أجزاء الكتاب و دا شيء يخص دار النشر و ليس الكاتب
و كان ممكن حجم العمل يقل عن كدا لان بالقرب من نص العمل نمط الاحداث بقا بطئ شوية و رجع تاني لمعدل قوي بالذات في فصول النهاية

النهاية.. كان في تحدي بيني و بين الكاتب اني معرفش البلوت او الالطوائية بتاعت الرواية و انا هنا بقول بكل صدق انه نجح في دا ك العادة
نهايات خالد امين غير قابلة للتوقع💪♥️
و صادمة...

الخلاصة
عمل رائع من كاتب حقيقي ممتاز.. يمتلك خيال خصب و انا شايف انه من احسن كتاب الرعب حاليا في مصر

[Khaled Mohamed · Rating 3 out of 5]

مبدئيًا انت عندك يااستاذ خالد احسن من كدة واعلى من كدة بكتير اوي
ليه مصمم فآخر روايتين تتراجع شوية ودة رايي الشخصي مش اكتر
فكرة تكرار شخصيات ودمجهم مع بعض من روايات فاتت فكرة حلوة بس الرتم والاحداث تكاد تكون مشابهة مع اختلافات بسيطة
كله كوم وحتة انك مصمم على اللغة العربية دي كوم تاني
انا مش ضدها معاك فيها جدا
بس اغنية لحسام حسني تحول كلامها للغة عربية فقلب الرواية دة ألش تقيل اوي
يعني "كل البنات بتحبك كل البنات حلوين" تتحول تبقى "جميع البنات تحبك جميع البنات تهيم بك" دة كلام برده
وبعدين تهيم بك ترجمة لكلهم حلوين ازاي
في ايرور 404 حصل فمخي والله
حضرتك متمسك باللغة العربية سرد وحوار تمام جداً انما حاجة اصلها لهجة عامية تنكتب عامية عادي محدش هيقول اللي تنازل عن مبادئه اهو
وارجوك يااستاذ خالد انت عندك طاقة ابداع عالية مش لازم نفضل فنفس دايرة الحكاية وان كل رواية تكون رابط عاللي قبلها كأنها سلسلة وتكملة لنفس القصة

[Ahmed Badran · Rating 1 out of 5]

واحدة من اكتر الروايات الساذجة اللي قرأتها في حياتي …مفيش بربع جنيه منطق مع كمية من الاستخفاف فوق الوصف

Merged review:

واحدة من اكتر الروايات الساذجة اللي قرأتها في حياتي …مفيش بربع جنيه منطق مع كمية من الاستخفاف فوق الوصف واخطاء املائية من دار نشر كبيرة زي دار دون

[Ash · Rating 5 out of 5]

My dark soul has been awakened. This is a total masterpiece

[REEMUU · Rating 4 out of 5]

4.5/5⭐️
الإحساس بالعظمة عندي بعد ما عرفت مين جادو قبل ما الأبطال يعرفوا حتى↖️↖️↖️🧍🏻‍♀️
مشكلتها في أخطاء الكتابة و وصف الأماكن والمشاهد كان ملخبط أوي

[Saher El-Shall. · Rating 3 out of 5]

الرواية حلوة جداً وباين التميز والإختلاف فيها كفكرة، إنما بقى التنفيذ سيء بمعنى الكلمة وحقيقى أنا لاحظت الموضوع ده فى أغلب روايات الكاتب المترجمة ومش عارف مين السبب! دار النشر أم الكاتب. الجمل غير مترابطة وأدوات الترقيم سيئه إن كانت موجودة أو لأ! يعنى أنا فعلاً ببقى مش فاهم الجملة والكلام والجمل مافيش إنسياب فيها تخليك عاوز تقلب الصفحة! أنا كنت بجتهد لمجرد أعرف مين بيكلم مين! والأخطاء الإملائية حدث ولا حرج بجانب طبعاً النحو، فالجملة بتبقى غريبة وكأنك بتقرأ لغة تانية أو ترجمة عن لغة تانية! لو تغاضينا عن ده فالرواية تستحق 5 كفكرة.

[Kholoud · Rating 5 out of 5]

رواية عالم "خالد أمين" المميز الممزوج بالرعب والغموض والنهايات الغير متوقعة دائما. كيف ان له هذا الكاتب المبدع ان ياخدنا من عقل هذا الجادو لعقل سليم رودينا ناردين وصلاح كيف له ان يسرد بطريقة سينمائية رائعة تجعلك تتخيل كل ما يحدث كأنه امامك. وكم كانت عودة حميدة ل آدم والرجل الذى عض التراب. التويست لا يصدق والنهاية مبهرة وحقيقي اتمنى ان يأتى اليوم الذى نرى هذا العالم على شاشات السينما مثل عالم جى كى رولنيج السحرى وعالم كونان دويل المثير.

[Rawda Reim · Rating 4 out of 5]

4.5
كالعادة كتب خالد أمين روعة. كوني قاعدة أقرا من وجهة نظر القاتل كانت غريبة في الأول بس حوار اني جوه دماغه كان interesting جداً. كان نفسي شخصية كده تكمل و تعيش بعد اللي عدوا فيه بس طبعاً لازم حد حبيته في الكتاب يموت :/
المهم إن الكتاب ربط كل الكتب اللي فاتت بطريقة جميلة و كنت قاعدة بباقي الرويات جنبي علشان أفتكر التفاصيل اللي نسيتها

[Eman Basyouyni · Rating 4 out of 5]

✴️ #وقريبا_سيحل_الظلام

✴️ الكاتب: خالد أمين

✴️ دار النشر : دار دون للنشر والتوزيع

✴️ عدد الصفحات : 386 صفحة

💥 في عالم الروايات ، هناك أحداث تأخدك ، هناك أحداث تبكيك ،هناك أحداث تسيطر عليك ، تراها في أحلامك وربما كوابيسك ، هناك أحداث تترسخ بداخلك تتسلل إلى اللاوعي عندك حتى أنك لتظن لوهلة أنك ربما صرت جزء منها .

📌 ما بين واقع مؤلم نعيشه ، نلمسه ، نراه ونسمعه وبين الخيال والأساطير دارت أحداث هذه الرواية .

💥 هي مزيج بين كل ماسبق ، تبكيك ، تدمي قلبك ، كظلال من خيوط عنكبوتية ، ربما تظنها رعب وربما تظنها جريـ.ـمة ، الأكيد أنك ستجد فيها ما يشد انتباهك ويأخذ بتلابيب عقلك .

📌 انتبه أنت في حضرة جادو الأعظم ، الأنا العظمى ، الظهور ، الأداء ، الدراما ، الأضواء .جنون الشهرة ، الانفلونسر !!!!

✨ ❞ يقدمون اللاشيء ويحظون بالنجاح والشهرة . ❝✨

💥 تغيرت القاهرة كثيرا عن ما مضى ،ماذا لو كان القادم أكثر تغييرا ، ماذا لو حل الظلام ، واحتل العقول، وسلب العيون نورها ، وأغرق القلوب في ظلمة حالكة السواد ، وأي ظلمة قد تكون أشد فتكا بالانسان من سيطرة الرعب والخوف .

📍 هل هو قاتـ.ـل متسلسل ، أم فقط سـ.ـفاح نرجسي ، استهوته الـ.ـدمـ.ـاء .

📍 ماذا لو أن هناك من يتتبعك ويتربص بك ، وأنت غير مدرك ، انت شخص عادي في يوم عادي تقف بمحطة للقطارات في طريقك اليومي ، أنت فقط ربما فتاة تعيش في كنف أباها وتظن أن حياتها نمطية لا شيء فيها غير اعتيادي ، ربما تكون عجوز واهن طاعن في السن ، أخذت منك الحياة ما أخذت ، وطفت أنت في دروبها حتى انك تزوجت ذات مرة بأميرة من بدو الصحراء .

📌. اذا ماذا لو كنت غير اعتيادي ، بل انك من أصحاب القدرات الفائقة ؟؟. هل تؤمن بالماورائيات ؟؟

💥 هل فكرت يوما ماذا يحدث لك لو أجدت قراءة الأفكار ، أو أن ما تخطه على ورقة يصبح حقيقة ، ماذا لو أرغمت أحدهم أن يصدح بالغناء في مكان عام ، فكيف إذا كنت ملك للخيال ، تطوعه بين يديك فيدخل العقول وتريهم ما تريد ، هل سمعت يوما عن رجل عض التراب ؟؟!!
فكيف بمخبول في مصحة نفسية ؟؟
كيف تجمع كل هذه الأنماط البشرية ، في مكان واحد ، لهدف واحد ، ورحلة واحدة بل وقدر واحد ؟؟

✨❞ ‫ للحياة دومًا طريقة في تغيير مجرى حياتنا، تأتي إحدى اللحظات السريعة لتُحطِّم من كل الخطط وتغيِّر الواقع بأسْرِه ❝✨

💥. ما بين أساطير الماضي وجرائم الحاضر ، كان جادو ، وكان قصر سليمان 🏚️

📌 يظهر جادو المختل بجـ.ـرائم يهتز لها المجتمع بأسره في لحظة فاصلة بينما يقرر الثري العجوز عامر عمران انهاء حياته فلا يقوى على ذلك وتخونه قواه ، ولكنه يقرر أن يجمع فريق للقضاء على هذا الذي يعيث فسادا بجـ.ـرائمه . مستعينا بخادمه الوفي رشدي في تجميعهم وشرح الهدف اليهم .

💥. أحداث مثيرة ومتوالية ، ذات رتم سريع وسرد طويل ، تتخلله حكايات عن ماض الشخصيات والتنقلات الزمنية ما بين الماضي و الحاضر ، ليضع الكاتب تفصيلا مفصلا لكل حدث وشخصية وبناء داخل العمل الدرامي .

📍 أزعجني قليلا كثرة التفاصيل ، ولكن لم يخل بالحبكة الدرامية ،التي تميزت بتقلبات عدة في الرواية ، فكلما يتضح خيطا من الخيوط وتظن أن النهاية قد اقتربت تجد نفسك تفتح بابا جديدا من الغموض والأسئلة .

💥. ما سر قصر سليمان ، وما سر القرية التي تحول أهلها لتماثيل من الشمع ، لماذا يزور القصر ناردين و صلاح في
احلامهما ؟؟ وهل لذلك علاقة بتقصي ماورائي سابق لهما ؟؟

✨ ❞ قصر سليمان.. ما هو سر القصر؟ وما الذي حدث لسليمان باشا في قلب البحر؟ وسبب غرق سفينته المحترقة؟ وما علاقة هذا بقبائل الغجر؟ والأهم.. ما علاقة كل هذا بجادو؟ ❝✨

📌 ما سر نبؤة العرافة لرودينا ؟؟ وما هو سر سليم الأعظم ؟؟
الرواية مبهرة بكافة تفاصيلها ، أرهبتني تفاصيل الجرائـ.ـم ووحشيتها كان من الممكن أن تكون أخف وطئا في السرد ، تقطيعات المشاهد أعطاها ايحاءا أكثر درامية .

💥 تقلبات الاحداث كانت مفاجأة ، وغير متوقعة 👌

📌. تزيد الاثارة وتدفع مزيدا من الأدرينالين ، طوال الرواية ليس هناك أمر متوقع الاحداث فعلا شيقة.


حزنت كثيرا في نهاية الرواية كنت على أمل أن ينجو الجميع .

✴️اللغة :

العربية الفصحى في سرد بديع ودقة عالية من وصف الاحداث والاشخاص والأماكن على حد سواء ، تضعك داخل المشهد كأنما تراه متجسدا ثلاثي الأبعاد .

📔 الغلاف :

لم يرق لي ، كانت الرواية لتستحق ما هو أفضل ومعبرا أكثر.

✴️ الشخصيات :

💥. متنوعة وثرية ، تمثل اطياف وأنماط من البشر على اختلاف طبائعهم ، ومستواهم وأفكارهم وحتى أعمارهم .
بداية من العجوز الثري #عامر الذي قرر خوض آخر مغامرة في حياته بدلا عن الانتحـ.ـار .

📌 #رشدي
الصديق الوفي والخادم الأمين ، رق قلبي لحاله فلكم كان يحتاج لصديق وونيس وظن أنه لقى ضالته في دور من اللعب مع صلاح .

📌#صلاح
الجانب العقلاني وسط مجموعة من ذوي القدرات ، وحده عقله كان يمكن أن يصبح هلاكه ولكنه هداه إلى النجاة .

📌#ناردين
ملكة الخيال وكاتبة الرعب شخصية مؤثرة خلفيتها نتج منها شخصية تتخذ من الخيال ملجأ ومنفذا فكان لها طوق نجاة .

📌 #رودينا
قدرة مؤلمة ، حجب الافكار نعمة من الله ، وقراءتها درب من دروب الجنون ، قد يكون دربا للهلاك ، أشفقت عليها كثيرا .

📌 #سليم
أن تمتلك القدرة على تطويع كل ما حولك ولا تجد السعادة أو تمس قلبك أمرا مؤلم بحق ، بجرة قلم المستحيل يغدوا ممكنا وتفتح الابواب وتنطق الألسن ،لكنك لن تسطيع تغيير ما هو مقدر لك ،رفعت الاقلام وجفت الصحف .

📌 #آدم
مختل ؟؟ أم صاحب قدرات؟
أتمنى أن يكون هناك جزء آخر من الرواية وهو ما أتوقعه لفرد مساحة لمغامرة سيكون هو بطلهاوسيكون بطلا غير إعتيادي.

📍#حاتم و #جادو 📍

🌋شر مطلق وغضب جامح 🔥
ضدان قاتـ.ـل ومنتقم مدافع

💥 يلتقيان ويتلاحمان في معركة وجودية ،أكون أو لا أكون
مشاهدهما وما كان في حياتهما محورا رئيسي في الأحداث وثقل في البناء الدرامي .

💥 قاتـ.ـل نرجسي ، ورجل عض التراب منافسة محتدمة طرفاها على نفس ذات القوة في مشاهد رائعة جمعتهما في الاحداث تفجرت فيها مفاجآت قلبت الأمور والحبكة رسأ على عقب .

📑. الاقتباسات :


❞ أحيانًا يحتفظ الجماد بأفكار الشخص وقد تعلمت رودينا أن تلقِّب هذا بأثر البصمات، ❝

❞ كلما تغيرت الأشياء.. كلما ظلت على حالها. ❝

❞ هم يحبون ثوب الجلاد فحسب، على رغم أنهم جميعًا خطاءون ❝

❞ عندما تستبعد المستحيلات أيًّا كان المتبقي، مهما كان مستبعدًا، فهو الحقيقة. ❝

❞ الخيال هو القدرة على الهروب من الواقع ..‫ وأحيانًا هو الوسيلة لهزيمة الواقع .. ❝


❞ لا تثق بما تراه في مدينة الخوف. ❝

❞ هناك نوعان من الشر، الشر القديم الذي كان يخيف رجال القبيلة ليختبئوا داخل الكهف ومنهم ورثنا الخوف من الظلام، و الشر الكامن بالمجهول، بين طيات الظلام ❝

❞ الصمود بعد النجاة هو خير سبيل للتعافي .. ❝

#أبجد
#وقريبا_سيحل_الظلام
#خالد_أمين

[أحمد إبراهيم · Rating 4 out of 5]

🔪اسم العمل : وقريبًا سيحل الظلام
🔪اسم الكاتب : خالد أمين
ثانية واحدة بس يا جماعة عشان نفهم!!!
بقالي ساعات بحاول أستجمع خطوط الرواية.
فاكرين لما قلت على العالم الروائي للكاتب خالد أمين إنه عالم مقبض بيفكرني بعوالم مدينة جوثام لو كانت في الشرق؟؟
رواية "وقريبا سيحل الظلام" هي الدليل العملي العلمي على حقيقة النظرية دي.
حرفيا أنا كنت بقرأ وحاسس وكأني في أجواء فيلم batman the dark knight rises الموسيقى المتوترة حرفيا كانت عمالة ترن في وداني.
ومن غير ما نضيع وقت طويل يلا بينا نبدأ المراجعة زي العادة.
وخلونا نبدأ مع الانطباع الأخيرة
من المرات القليلة اللي خلصت فيها قراءة ولقيت نفسي مبرق ومش قادر افكر أو خلوني أقول متنح ومفيش صوت حوالين مني خالص.
عارفين الشعور ده؟؟
أنا فعلا مكنتش عارف استوعب كل الدراما دي، ومش عارف اتخطى النهاية والأحداث والحبكة.
وعشان محدش يفهمني غلط خلوني أقول إن انطباعي بعد رواية "وقريبا سيحل الظلام" هو كان نفس انطباعي بعد مشاهدة فيلم avengers endgame.
ويلا بينا ندخل على الانطباع الأول والبداية والافتتاحية.
الانطباع الأول مع الغلاف القاتم الدموي والعنوان وخلوني أقول للمرة التانية أو التالتة تقريبا إن كلمة الظهر من وجهة نظري مش أحسن حاجة ممكن تعبر عن الرواية.
كان من الواضح إن العمل ينتمي للجريمة والمغامرة أو عالم التحقيقات مع شوية رعب.
لكن لو أنت عارف الكاتب وأعماله فأنت لازم تكون متأكد إن العمل رعب نفسي في المقام الأول.
وطبعا كنت متحمس جدا للقراءة وقلت أكيد الرواية دي هتخلص في جلسة واحدة يعني وفعلا ده اللي حصل.
وتعالوا نبدأ الرواية مع جزء من مذكرات جادو وهو في الحقيقة مجرم أو خلونا نقول سفاح وده طبعا بيفكرنا ببداية رواية "زائر منتصف الليل" ومن هنا ندخل على طول على جرائم قتل فظيعة ورهيبة والغرض منها نشر الرعب في قلوب الناس.
ومعانا رجل غني جدا قرر قبل ما يموت يجمع فريق عشان يتصدى للسفاح ده ويكشف عن شخصيته الحقيقة وده طبعا يفكرنا بفكرة بروس وين في جمع فريق عصبة العدالة.
وفعلا ينطلق الخادم الوفي - شبيه ألفريد في عالم باتمان - في رحلة جمع الفريق.
يعني في أول خمسين صفحة عندنا جرائم مروعة تحمل توقيع "جادو" - وهو حاجة كده تفكرك بشخصية الجوكر بس على ميلودراما شبيهة بسفاح النساء، وألغاز وتحديات وفريق من أصحاب القدرات الخاصة وكل ده فعلا يسحل أفكارك معاه ويخلي النوم يطير من عينك.
الرواية جامدة جدا جدا لولا بعض الأخطاء الإملائية ما بين الوقت والثاني وعندنا عودة لكل الشخصيات الرئيسية في عالم الكاتب ومنهم طبعا "ناردين" "صلاح" و"حاتم" و"آدم" ومعانا ظهور قوي جدا لقصر الشر أو "قصر سليمان" وقرية الشمع.
ومش بس كده ظهر معانا شخصيتين جداد خالص انا مقريتش عنهم قبل كده وكان نفسي بصراحة أعرف عنهم قبل كده وهما "سليم" و"رودينا" و"عامر" و"رشدي" وآخرون مش عايز أذكرهم.
بشكل خاص كان تقديم الشخصيات دي حلو وسريع لكن أنا عندي لسه فضول واسالة كتير عنهم محتاجة إجابة.
كان نفسي جدا تظهر شخصية "آيتن" من رواية "ذات مرة في الطريق المظلم" بس يلا حصل خير.
وطبعا هنا لازم نتكلم عن الشخصيات يا جماعة.
الشخصيات في الرواية
الشخصية الرئيسية في الرواية هي "جادو" محور الشر في الرواية وكل الشخصيات التانية كانت أبطال محورية أو خلونا نقول فريق التصدي ومحور المقاومة.
كل شخصية في الرواية سواء كانت شريرة أو واقعية أو صاحبة قدرة خارقة ليها نمط ولغة وفكر وبسهولة ممكن تتعلق بيهم وتحبهم وتتعاطف معاهم.
عندنا مواجهة أولى وثانية وثالثة ورابعة وفي كل مواجهة شخصيات الفريق بتتغير وتنضج وشخصية جادو كمان بتتغير كل ده على خلفية مدينة الشمع وقصر سليمان والسفينة الملعونة.
الكاتب كان عبقري يا جماعة في توزيع الشخصيات وضبط إيقاع الرواية ما بين إيقاع سريع إلى سريع جدا.
نسبة التوتر والقلق والغموض كبيرة.
يمكن الرجل الذي عض التراب كان مخيب للآمال بالنسبالي - كنت مستني منه حاجات كتير أعظم وأكبر - ومعنديش تفسير لحد دلوقتي لبعض الأمور لكن بشكل عام أنا كنت مسحول وراضي عن تجاهل بعض التفاصيل الصغيرة.
وتعالوا هنا نتكلم عن الحبكة والفكرة.
طيب من الواضح طبعا إن الحبكة معقدة تشبه إلى حد كبير حبكة فيلم "avengers infinity war" من حيث التعقيدات ومسار محور الشر وللأسف انا مش هقدر أحرق أي حاجة في الرواية.
لكن خلوني أكون واضح إن الرواية مش سطحية خالص، الرواية تطرح فكرة مهمة وبطريقة جديدة وعبقرية وعندنا هنا رسالة قوية واضحة يمكن تم التركيز عليها بشكل مباشر أكثر من مرة من غير ما يغير إيقاع الرواية.
مش محتاج ذكاء كبير عشان تعرف إن "جادو" هو تمثيل لشر معين أو مركب من الشرور السبعة.
أجمل ما في الرواية هي العالم الروائي الواقعي والمتكامل اللي أحنا بنتعامل معاه.
عندنا تأثر واضح بالأدب الغربي لكن بطعم وصياغة وتمصير حقيقي رائع.
طبعا عندنا كروس أوفر وكام بلوت تويست حلو وكام خط مفتوح على الجديد منه في عالم الكاتب.
طبعا للمرة اللي مش عارف كام لازم نتكلم عن خيال الكاتب والثقافة بتاعته وقدرته على وضع الرعب والتوتر في ذهن القارئ من خلال اللفظ والكلمة والجملة.
وتعالوا هنا نتكلم عن اللغة في الرواية.
طبعا العمل بالكامل بالعربية الفصحى وعندنا وصف بطبيعة الحال عبقري وحوار قوي جدا ومكثف وطبعا ممكن تستخرج شوية اقتباسات كده عنب أحمر من غير بزر زي مثلا.
" الجحيم هو أن تقضي حياتك بأكملها في حافلة لا تصل إلى وجهتها.. "
" الخيال هو القدرة على الهروب من الواقع..‫ وأحيانًا هو الوسيلة لهزيمة الواقع. ❝
وأخيرا خلونا نتكلم عن الخلاصة
النهاية كانت حلوة ومثيرة للخيال ومنتظر الجزء الثاني من الملحمة دي.
مشكلتي بقى هنا إن أنا كنت أتمنى نهاية غير كده خالص.
الخلاصة إن الرواية فظيعة يا جماعة لكن في مشكلة بتقابل كل واحد مقراش للكاتب قبل كده.
لذلك ننصح بشدة بقراءة أعمال الكاتب من القديم للجديد عشان المتعة تكون أجمل.
ولو مش عندك وقت تقرا كل أعمال الكاتب فعلى الأقل لازم تقرأ "إنهم ياتون ليلا" و"ذات مرة في الطريق المظلم".
أما عن العمل المفضل بالنسبة ليا فهو "جرائم الغراب السبع" ثم "زائر منتصف الليل"
#أحمدمجدي

[G · Rating 2 out of 5]

1،55/5

[Maryam · Rating 3 out of 5]

ايه كل الاخطاء الاملائية دي ..
بداية قوية اول ١٠٠ صفحة بعدين فجأه ملل و مبالغة
فكرة الروايه كويسه كانت ممكن تطلع احسن من كده
حبيت الشخصيات في الرواية جدا

[Marwa Gameil · Rating 1 out of 5]

في فكرة ولكن معالجتها سيئة والرواية كانت محتاجة مراجعة لغوية مرتين تلاتة قبل النشر

[Micheal Adel · Rating 4 out of 5]

"لقد حان وقت العودة للعالم الخارجي"

"تعتقد انك في امان لأننا في الشارع وهناك بشر حولنا؟ لا أحد في مأمن في هذا العالم المجنون. "

"انت الان في حضره الرجل اللذي عض التراب"

طيب راي الشخصي وقريبا سيحل الظلام رواية حلوة ممتعه
باختصار شديد هقول الايجابيات والسلبيات من وجهة نظري
في حرق ⚠️⚠️

الايجابيات✅:
1- عجبني جدا فكرة ضم أكثر من بطل في عالم خالد امين ولكن المفضل بالنسبالى دايما هو حاتم الصراحة 😂♥️
2- الشخصيات كلها كانت ظهورها حلو ولكن المشهد ال masterpiece بالنسبالي أنا مشهد صلاح لما قابل حاتم الرجل اللذي عض التراب عجبتني جدا
3- شخصية جادو اتكتب كويس ومختلفه عن أدم مش مكررة ونجح للمرة الثانيه خالد امين ف استفزازي ف مشاهد قتل جادو لضحاياه بطريقة وحشة ف انتظار الانتقام
4- الفصل الاخير هو باب مفتوح لعودة المواجهة بين أدم وحاتم مرة ثانيه وانا ف انتظار ده جدا بفارغ الصبر

السلبيات❌:
هي واحدة ولكنها دايقتني وهي المواجهة بين حاتم و جادو كانت ممكن تبقي أطول من كده واعنف شويه نظرا لان حاتم بيحركة الغضب
وبس كده تقييمي الشخصي: 🌟🌟 4/5

[Fares Ahmed · Rating 4 out of 5]

طنين... رباه.
لعنة الله على الظالمين..!
يا إلهي أنت في حضرة جادو العظيم!
و قريبًا سيحل الظلام على القاهرة.. أو ربما قد حل منذ سنوات..

في رواية سينمائية آسرة، يظهر جادو: قاتل متسلسل يبثّ جرائمه على الهواء مباشرة، ساعيًا للخلود الرقمي. لا يقتل فقط، بل يقدّم عرضه... عرض الرعب المطلق.

عامر عمران، رجل غامض ذو ماضٍ ملتبس، يجمع فريقًا استثنائيًا لمطاردته:
سليم، الكاتب الذي تتحقق كلماته.
رودينا، ممثلة المسرح وقارئة الأفكار.
ناردين، كاتبة الرعب والمحققة في الماورائيات، ورفيقها المريب، صلاح.
وآدم... السفاح؟
والرجل الذي عضّ التراب!

بين قصر ملعون وقرية هجرتها الحياة، تنفجر اللعنة، ويبدأ السباق بين الشر المطلق... وربما، بقايا الخير.
رواية في خارجها تخضع لـ "من فعلها؟"... ولكن الحقيقة ان الواقع ..
تبًا أسوأ بكثير!

بعض الأحداث اتّبعت منطقًا عبثيًا أو غير واقعي، لكن يُمكن أن يُشفع لها وقوع الرواية تحت أحد أغصان الفانتازيا.
رغم ذلك، لا يمكن التغاضي عن وجود أخطاء إملائية وتحريرية فادحة — في رأيي — لا تليق بدار نشر بحجم "دوّن"
لكن... شابوه خالد أمين على رواية مطابقة للمواصفات القياسية للأدب الشرقي المعاصر، وتجرِبة روائية جديدة ومختلفة. تآسُرك من أول دقيقة. 👏👏
شغفكم ساحر.
⭐️⭐️⭐️⭐️
تمَّت..
فارس

[Rabab Samir · Rating 4 out of 5]

🌃 و قريبا سيحل الظلام 🌃
رواية للكاتب : خالد أمين
عدد الصفحات :
دار النشر: دار دون للنشر والتوزيع
تصنيف الرواية : غموض / تشويق / بوليسية / رعب
نوع القراءة : الكتروني ( تطبيق ابجد )

🌚 نبذة عن الرواية :
❞ اسمي هو جادو، وكما قلت لكم في البداية، لديَّ حاجة مُلِحَّة لا أريد مقاومتها. وهي القتل. ‫ وما حدث الآن هو مجرد الخطوة الأولى، بداية سلسلة من الأحداث ستجعل القاهرة تعيش في حالة من الذعر، لأن القاهرة قد أصبحت مدينتي الآن.. مدينة جادو..
‫ مرحبًا بكم في مدينة الخوف. ❝

قاتل مختل يلقب نفسه ب (جادو) العظيم امير المكر و الخداع يقوم بعمل جرائم قتل بشعة ومخيفة ، يقوم بتصوير كل جريمة متخفيا أثناء تنفيذها و يقوم بنشرها و عرضها على المواقع حتى يشاهدها الجميع
أصبحت القاهرة تعيش في رعب و ظلام وخوف بسبب جرائمه البشعة لم يسلم منه احد صغيرا او كبيرا له العديد و العديد من الضحايا و الكثير من الجرائم ( جريمة ركاب المترو - جريمة الاطفال الرضع في مستشفى الأطفال -
ابنتان طبيب نفسي مشهور و جرائم اخرى )
_ من هو جادو ؟؟ ولماذا لقب نفسه بهذا اللقب ؟؟ و ما معني (جادو) ؟؟
_ ما الدافع وراء ارتكابه كل هذة الجرائم ؟؟
لم ينجح أحد في الامساك به او القبض عليه . قرر رجل يدعى عامر عمران التصدي لجادو و مواجهته و الكشف عن هويته
قام عامر بتكوين فريق خاص لمجموعة من خمس اشخاص لمساعدته في كشف هوية جادو و القبض عليه
الأول كاتب و روائي
الثانية ممثلة مسرح
الثالث محقق تأمين متقاعد و معه كاتبة روايات رعب
الرابع رجل له اسطوره شعبية
و الخامس و الاخير مريض نفسي في مصحة نفسية
_ من هو عامر عمران ؟؟ و ما سبب قراره للتصدي لـ جادو و جرائمه و الكشف عنه ؟؟
_ لماذا اختار عامر عمران هولاء الاشخاص الخمس دونا عن غيرهم ؟؟
_ هل سينجح عامر في تكوين الفريق وإقناع هؤلاء الأشخاص و هل سينجحون في المساعدة للقبض علي جادو أم سينتصر عليهم ؟؟
كان هناك حلم يراود جادو و أعضاء فريق عامر عمران لم يجدوا له تفسير او معنى
(حلم عن قصر غريب مهيب في قرية مهجورة يطل علي النيل و حديقته خضراء يحيط بها سياج عملاق )
_ ما السر وراء هذا الحلم ؟؟ و لماذا يراود جادو و أعضاء فريق عامر عمران ؟؟
و ما ذلك القصر ؟؟ و ما السر وراء تلك القرية التي هجرها اهلها ؟؟

🌚 السرد والأحداث :
السرد كان بطريقة سلسة و ممتعة جدا و اسلوب الكاتب في السرد رائع جدا وصف الأماكن و طريقة السرد تجعل القارئ يعيش في أجواء الرواية ويراها رؤية العين
تتكون الرواية من ٢٢ فصل من الاثارة و التشويق فمن اول صفحة في الرواية تبدأ الاثارة و كل فصل يحتوي على مفاجأة جديدة و احداث اكثر اثارة و تشويق .
الاحداث سريعة و مشوقة لن تستطيع ان تلتقط انفاسك و لا مجال لتوقع الأحداث و ان حدث يضرب الكاتب بتوقعك عرض الحائط

🌚 اللغة :
استخدم الكاتب اللغة العربية الفصحى في السرد وكذلك في الحوار

🌚 الشخصيات :
تم رسم الشخصيات بطريقة رائعة جدا و رسم الكاتب و حدد وقت ظهور كل شخصية و دورها بطريقة مبدعة جدا
اعجبت بالعديد من الشخصيات و أحببت شخصية كلا من سليم و حاتم جدا
و كرهت شخصية جادو جدا جدا

🌚 رائي الشخصي :
🕍 رواية رائعة جدا جدا استمتعت جدا بقرائتها. يمكن انهائها في جلسة واحدة انهيتها على جلستين بسبب ان كنت مشغولة بس اول ما اروح كان لازم افتحها و اكملها من شدة التشويق والإثارة لمعرفة النهاية
🕍 رواية تشدك و تستحوذ على القارئ من أول صفحة يأخذك الكاتب مع جرائم جادو و الاحداث المشوقة و لا تستطيع التقاط أنفاسك الا مع اخر كلمة في اخر صفحة من الرواية
🕍 عجبني جدا جدا الـ twist اللي في الرواية والنهاية كانت صادمة و غير متوقعة
🕍 عجبني جدا ال cross over الموجود في الرواية حيث جمع الكاتب بين الرواية ورو��ية أخرى من حيث الاحداث و الشخصيات
🕍 و قريبا سيحل الظلام هي اللقاء الثاني لي مع روايات الكاتب خالد امين بعد قرائتي لرواية زائر منتصف الليل و اللي عجبتني جدا و ان شاء أكمل قراءة باقي أعمال الكاتب السابقة و في انتظار الروايات القادمة
🕍 ارشح الرواية لمحبي روايات الغموض و الرعب و البوليسية

اتمني للكاتب Khalid Amin التوفيق دائما
و دايما يارب من نجاح لنجاح

🌚 اقتباسات من الرواية :
🕍 غريب هو أمر الأشياء التي نعتادها والأشياء التي لا نعتادها، كيف نقبل الأولى مهما كانت منفِّرة ونرفض الثانية رغمًا عن جمالها.
🕍 أحيانًا تخطط لشيء ما جيدًا، لكنه لا يحدث، ويكون بداخلك الجزء المسؤول لئلا تندهش عند عدم حدوث هذا الشيء، الجزء المسؤول عن توقع فشل الخطط .
🕍 ‫ الخيال هو القدرة على الهروب من الواقع..
‫ وأحيانًا هو الوسيلة لهزيمة الواقع.

‏

[Achaimaa Adel · Rating 5 out of 5]

اسم الرواية:و قريبا ..سيحل الظلام
الكاتب ؛ خالد أمين
دار النشر:دون للنشر والتوزيع
القراءة إلكترونية على أبجد
التصنيف :رعب و نفسي
العنوان ليس به التشويق الكاف لرواية رعب و تلاعب نفسي رهيب و خوارق .
اذا كنت جرئ و لا تخاف الخوارق و التلاعب النفسي ، فأهلا بك فى :قريبا .. يحل الظلام ، فهى رواية تدور حول الشر و الخير و كيف أنها حرب ضروس لن يغلب الخير بسهولة و لن ينهزم الشر بسهولة ، و أثناء تلك الحرب يفقد الخير جزء مهم من نفسه ليعيش عمره يتذكر أنه نجا بأعجوبة.
استعد لخوض معركة تحدث بين قصر شر مطلق و بين مجموعة ممن يحاولوا إنقاذ ما يمكن إنقاذه.
الشخصيات:
نجح الكاتب فى رسم الشخصيات فكنت اراها امامى و اتخيل تفكيرها .
تنقسم الشخصيات إلى جانب الخير و جانب الشر و هناك جانب خفى لا استطيع الخوض فيه لانه لغز الرواية .
آدم و جادو هما جانب الشر الصرف و معهم هذا القصر العتيق قصر الرعب و الشر الصرف الذي بنى على الجثث و دفن فيه الاحياء حتى سقوا الجدران شر مطلق .
هل هنا كان الكاتب يقصد أنهم داخلنا و أن بكل منا جزء شر و الحرب قائمة فمن يغلب يكون سمة الإنسان .
جانب الخير ، نبدأها بالرجل الذي قرر أن ينجو بحياته لينقذ حياة الآخرين بعدما فكر فى الانتحار قرر أن يجمع فريق ليهزم الشر جادو و كان عامر بك و مساعده رشدي جاديين فى تجميع فريق من الخوارق منهم من يتحكم فيما سيحدث و هو سليم و منهم من تقرأ الأفكار و هى رودينا و صلاح مساعد كاتبة الرعب ناردين الصباغ و منهم آينور الانفلونسر الذي تجري لتحقق الشهرة .
هل القاتل ضحية حب الشهرة ام ضحية قاتل والدته؟ .
و هناك علا و علياء و أبيهم انور الدكتور النفسي
كيف قتلا ؟و هل سيستطيع الاب الهروب و الانتقام من قاتلهم؟ ام ماذا سيحدث لهما؟ و هل رودينا ستستطيع قراءة افكار الموتى للتعرف على قاتلهم؟ .
من هو جادو ؟هل هو اسمه الحقيقى ؟
طبعا هناك مفاجأة من هو القاتل ؟ فاستعد و لا تكن قلبك ضعيف فى وصف القصر و ما به من شر .
اقتباسات
❞ المرء قادر على تحقيق أي شيء إذا.. إذا.. كلا، ليس إذا خطَّط جيدًا وليس إذا تحلى بالشجاعة، بل إذا أراد حقًّا فعل هذا ❝
❞ حكاية قصر سليمان" تلك حكاية عن شعورنا القديم الخام النقي، الذي اختبره أجدادنا في الصحراء وداخل الكهوف، وهم يسمعون الصيحات والعواء الهادر القادم من المجهول، تلك حكاية عن الخوف.. ❝
❞ العجز .. الألم .. وله التأثير الخاص بالأوجاع الجسدية، يعذب ضحايا جسديًّا قبل تشويههم وقتلهم ..

‫ - تريد قول إن جادو هو المرض الجسدي، وآدم هو المرض النفسي. ❝
❞ لقد حاربنا، وفقدنا البعض، ورأينا الظلام، الآن علينا الصمود، والتعافي؛ لأن تلك هي الحياة ❝
❞ كل تلك الأخبار السلبية والتهويل واللامبالاة المستترة، الطاقة السوداء الناجمة عن تلك المواقع، الكل يسيرون وهم ينظرون لهواتفهم، لم يعد أحد ينظر بفضول لغيره، لقد كف الغرباء عن التعرف على بعضهم البعض، لم يعد هناك سحر ولا مغامرة، الكل مكتئب، وأصبحت جملة "فاقد الشغف ❝

‏#تحدي_مايو
#فنجان_قهوة_وكتاب
#قراءات_صيفية_مع_أبجد_وفنجان_قهوة
#أبجد
#وقريبا_سيحل_الظلام
#خالد_أمين

[Youssef Hossam · Rating 2 out of 5]

اعتقد خالد أمين عنده أكتر من كده بكتير، انا انبهرت ب جرائم الغرام السبع، زائر منتصف الليل كان فيها مشاكل بالنسبة لي ولكن عجبتني، نفس الكلام في ليلة في ضيافة الكونت، وكل المشاكل اللي كانت في الأعمال دي تجمعت هنا.

الحكاية مسلية لكن في كذا مشكلة، انت لما بتأسس عالم ما ورائي زي قدرات الشخصيات الخارقة ده مقبول محدش هيقول مش منطقي، لكن مع شخصية جادو في كمية فجوات منطقية رهيبة في كل الجرائم وده بشكل مستفز يعني مفيش محاولة للتبرير أو التعب شوية في التفاصيل.

الإصرار علي استخدام الفصحي في الحوار بيبوظ الرواية في أحيان كتير الحوار فيها لازم عامية علشان المعايشة، أحداث الرواية في زمن حديث وفي ظل وجود السوشيال ميديا لكن الحوار يخليك تحس إنها مسرحية أجنبية متعربة للفصحي، كفايا إنه حول أغنية كل البنات بتحبك لفصحي بطريقة مضحكة الصراحة و الراجل في القهوة اللي كان بيغني "انا احب زوجتي انا احبها حبا جما سأعاملها كملكة" ده منظر حد في ٢٠٢٢ بيتكلم في قهوة!

أخطاء إملائية كثيرة لدرجة إنها مزعجة، و مع وجود شخصيات كتيرة الحوار غير منظم واعتقد دول يتحمل مشكلتهم دار النشر مش الكاتب بس.

الكاتب متأثر جدا بالسينما مفيش أي مشكلة عندي، لكن لما تبقي الرواية عبارة عن تجميع بس بدون ما احس إضافة حقيقية دي مشكلة كبيرة الصراحة، لأن اعتقد الكاتب عنده أكثر من كده بكتير انا كنت منبهر فعلا بجرائم الغراب وبفكر اعيد القراءة تاني علشان احدد وجهة نظري، لكن في نفس الوقت جبت أجدد أعمال الكاتب عيون الأفعى علشان ابقي بشوف آخر تطور قدرات الكاتب.

في الملخص عمل مسلي لكن بدايته بطيئة بسبب تعريف الشخصيات اللي هيعملوا المهمة واللي تقريبا خد ١٠٠ صفحة يعني تلت العمل، لو قارئ مش بيركز في المنطق في روايات الجريمة أو مش بيهتم هتعجبه، لو مش متطلع بكثرة علي السينما الأجنبية خاصة أفلام الجريمة والسلاشر مش هتحس إن في مشاهد متاخدة هي هي.

[Mohamed Salah · Rating 4 out of 5]

وقريباً .. سيحل الظلام
التصنيف: رعب - فانتازيا
القصة: تقف في منتصف غرفتها وحيدة امام المرآة .. لا تعلم أنه يختبئ الآن في خزانة ثيابها .. ينتظر ..
المحلاوات لا تزال مستمرة والامل في النجاة لم ينته بعد .. يقرر رجل غامض التصدي لهذا الوحش الآدمي، يفوم بتكوين فريق خاص لمطاردة "جادو" والكشف عن هويته. فريق من اصحاب المعارات الخاصة التي تميزهم عن صائر البشر، نبدأ معهم مغامرة مثيرة وغتمضة للكشف عن تلك الاسئلة المرعبة.
قصر مريب يحلم به ابطال حكايتنا طوال الوقت تري ما بال هذا القصر؟
بلد مهجورة لا توجود علي الخريطة ولم يتكلم احد عنها قط ولا احد سمع عنها من قبل، تري هل هي حقيقية أم قصة خيالية ابتدعها البشر؟
من هو جادو؟ ولماذا يرتكب كل تلك الجرائم؟ ولماذا هؤلاء بالتحديد؟
ما سر هذا الفريق الخاص؟ وما هي تلك المهارات الاستثنائية تلك؟ وهل يوجد شئ كهذا من الأساس؟
اسئلة تحمل الكثير من الاجابات والاسقاطات في ثنايا اجاباتها، ولكن امتعني الكتاب لاقصي درجة، ولم يخيب ظني قط في جميع النواحي سواء من حيث الحبكه، الحوار، اللغة المستخدمة القوية، وفي النهاية الغير متوقعة بالمرة. تقييمي: ٩/١٠

[Mostafa Omar · Rating 4 out of 5]

تاني رواية اقرأها لاستاذ خالد أمين
مبسوط اننا عندنا في مصر كاتب رعب على الطراز العالمي
شخص قادر يلعب بكل الأفكار الغربية اللي انت متعود عليها ولكن يوظفهالك في بيئة مصرية وهتتقبلها عادي
وقادر بردو يوظفلك كل تركات أفلام الرعب اللي هتشوفها تنبهر بيها في الافلام ولو اتمصرت هتتريق عليها
لكن هنا احنا هنتقبلها عادي جدا وهنحبها
عجبني اني حاسس اني بقرأ لمخرج مش كاتب
شخص قادر يرسملك كل صورة حية لكل مشهد هو بيكتبه
ودا قولته في رواية ( إنهم يأتون ليلا ) بردو
عجبني الشخصيات ، الشخصيات خدت مكان قوي في قلبي
الشخصيات وانا بقيم مديها 10/10
تعلق قوي بيهم ومش قادر افارقهم وعاوز كمان ابقى زيهم ومكانهم في بعض اللحظات

سلبيات الرواية :
اسوأ عنصر اللغة بكمية الأخطاء اللغوية اللي موجودة
اخطاء املائية مش طبيعية
علامات ترقيم نصها طاير
فصلات مش في محلها
كلمات مكتوبة مكان كلمات تانية

معجبنيش بردو بعض الاحداث غير المنطقية وحسيت ان الخيال بقى مرمي لكل شيء وكأنه مبرر منطقي

في النهاية رواية ارشحها لأي حد عاوز يقرأ عمل مشوق ويتعرف على عالم مصري ميقلش جمال عن أي رواية غربية
تقييم نهائي : 4/5 🌟🌟🌟🌟

[Alanoud Talal · Rating 5 out of 5]

عدد الصفحات : ٣٠١ صفحة
نوع الكتاب : رعب - جريمة- خيال
لهجة سرد الرواية : الفصحى

نبذة عن الرواية : تدور احداث الرواية عن جادو القاتل الذي زرع الرعب في انحاء القاهرة والذي كان سبب في تراجع عامر عن الانتحار ويقرر التصدي لهذا الوحش الآدمي و قام بتكوين فريق خاص من اصحاب المهارات الخاصة التي تميزهم عن سائر البشر لمطاردة جادو والكشف عن هويته



ااااااااااخ اخيرا خلصت جري اقصد قراءة موووووطبيعية الرواية كلمة رائعة قليل فيها الرعب دخل جوا عظامي ، الحماااااس فيها عالي بطريقة مجنونة ، حبيت كيف الابطال الي في الروايات السابقة كانو ابطال في الرواية دي ، شخصية الشرير خلتني اخاف وكأنها حقيقية ، مو شي جديد على الكاتب خالد المبدع 😭♥️، حاسة ان ادم دا حيموتنا كلنا وهو ماراح يموت 🚶‍♀️💔 ماحبيت انو الصفحة كا��ت مليانة و الخط شويا صغير ودا الشي يجبلي اكتئاب و كان في اغلاط تقنية مثل الاغلاط الاملائية وكمان في بعض الجمل كانت تلخبطني وارجع اقراها عشان افهم ولو كانت رواية عادية كانت نقصت في التقيم بس الاحداث خلتني اتغاضى عن دا الشي وقلت لنفس انتي من جدك حتركزي في هذه التفهاااات اركضي اركضي عشان تعرفي ايش النهاية 😭😂😂😂😂

[Mostafa · Rating 4 out of 5]

تاني رواية اقرأها لاستاذ خالد أمين
مبسوط اننا عندنا في مصر كاتب رعب على الطراز العالمي
شخص قادر يلعب بكل الأفكار الغربية اللي انت متعود عليها ولكن يوظفهالك في بيئة مصرية وهتتقبلها عادي
وقادر بردو يوظفلك كل تركات أفلام الرعب اللي هتشوفها تنبهر بيها في الافلام ولو اتمصرت هتتريق عليها
لكن هنا احنا هنتقبلها عادي جدا وهنحبها
عجبني اني حاسس اني بقرأ لمخرج مش كاتب
شخص قادر يرسملك كل صورة حية لكل مشهد هو بيكتبه
ودا قولته في رواية ( إنهم يأتون ليلا ) بردو
عجبني الشخصيات ، الشخصيات خدت مكان قوي في قلبي
الشخصيات وانا بقيم مديها 10/10
تعلق قوي بيهم ومش قادر افارقهم وعاوز كمان ابقى زيهم ومكانهم في بعض اللحظات

سلبيات الرواية :
اسوأ عنصر اللغة بكمية الأخطاء اللغوية اللي موجودة
اخطاء املائية مش طبيعية
علامات ترقيم نصها طاير
فصلات مش في محلها
كلمات مكتوبة مكان كلمات تانية

معجبنيش بردو بعض الاحداث غير المنطقية وحسيت ان الخيال بقى مرمي لكل شيء وكأنه مبرر منطقي

في النهاية رواية ارشحها لأي حد عاوز يقرأ عمل مشوق ويتعرف على عالم مصري ميقلش جمال عن أي رواية غربية
تقييم نهائي : 4/5 🌟🌟🌟🌟