குள்ளச்சித்தன் சரித்திரம்

by Yuvan Chandrasekar

இப்புதினம் பின் நவீனத்துவ பாணியில் எழுதப்பட்டது. மையமற்ற கதை ஓட்டம் கொண்டது. பல்வேறு தனித்தனிக் கதைகள் வழியாக ஒரு விஷயத்தை பல்வேறு கோணங்களில் சொல்லக்கூடிய அமைப்பு உடையது.

குள்ளச்சித்தன் என்று பெயருடைய ஒரு சித்தபுருஷரை வெவ்வேறு மனிதர்கள் வெவ்வேறு காலகட்டங்களில் தங்கள் வாழ்க்கையில் சந்திக்கிறார்கள். சிலருக்கு அவர் வாழ்க்கையின் பிரச்சினைகளை தீர்த்து வைக்கிறார். சிலருக்கு அவர் மெய்ஞானம் அளிக்கிறார். அவர் ஒரே சமயம் பல இடங்களிலும் காட்சியளிக்கிறார்.

ராக கண்ணப்பன், சிவப்பி என்ற செட்டியார் ஜாதி தம்பதிகளின் பிள்ளையில்லாக்குறையை சித்தர் தீர்க்கிறார். ஹாலாஸ்யம் என்பவருக்கு மெய்ஞானம் அளிக்கிறர். இவ்வாறு பல்வேறு சாதி, இடம் சார்ந்த கதைகளைச் சொல்லும் போது அவற்றுக்கான வட்டாரவழக்குகள் அனைத்தையும் யுவன் சந்திரசேகர் சிறப்பாக பயன்படுத்துகிறார். யுவன் சந்திரசேகர் மாற்றுமெய்மை என்பதில் நம்பிக்கை கொண்டவர் மாற்றுமெய்மை என்பது இந்த உலகில் நம் புலன்களால் அறியப்படும் மெய்மைக்கு அடியில் இருக்கும் அறியமுடியாத இன்னொரு மெய்மையாகும். இந்நாவலும் மாற்றுமெய்மையை பேசுவதே.

292 pages, Paperback

First published January 1, 2002

About the author

Yuvan Chandrasekar (b. 14 December 1961) is a Tamil writer, poet, translator, whose works bring out a postmodern aesthetic. He wrote poetry under the name of M. Yuvan. Yuvan Chandrasekar's works express a kind of magical realism which he classifies as 'alternate reality'.

Reviews

[Mohammed Ibrahimali · Rating 5 out of 5]

இந்நாவல் மூன்று வெவ்வேறான கதைகளை கொண்டது பழனி சிகப்பி என்ற தம்பதிகளின் வாழ்வும், ஆலயம் ஆல்ஸ்யம் என்பவருடைய நண்பனாகிய முத்துசாமியின் சுய சரிதத்தை எழுதும் கதை, மவுண்ட் பாட்டன் இந்தியாவிற்கு வந்த பயணங்களும் இந்த சந்தித்த சித்தர்களையும் பற்றிய தொகுப்பு. இந்த மூன்று கதைகளுமே Non-linear முறையில் எழுதியிருந்தார்.

இக்கதையின் இருக்கும் மாய மெய்மை(magical realism) வாழ்வின் பல பல அர்த்தங்களை உள்ளடக்கியது. ஆரம்பத்தில் குழப்பமாகவே இருந்தது எந்த கதை யாருடையது என, வாசிக்க வாசிக்க கதையின் சுவரசியத்தால் நாம் மூழ்கி விடுவோம். இதில் இருக்கும் இந்த புனைவின் சுவாரசியத்திலேயே மூழ்கி திளைத்து விடுவோம்.

ஆங்காங்கே போடப்படும் முடிச்சுகளை கதையின் சொல்லாடல்களில் அவிழ்க்கும் காட்சி நம்மை மெய்சிலிர்க்க வைக்கும். இறுதி கட்டத்தை நெருங்கும் போது இந்த மூன்று கதைகளும் இணையும் காட்சி வியக்க வைக்கிறது. யுவனின் எழுத்தும் கதை கையாலுதலும் தனித்துவம். இந்த எழுத்தாளரின் சிறந்த படைப்பாகவே கருதுகிறேன். இவரின் மற்ற நூல்களையும் வாசிக்க தூண்டுகிறது.

[Vinoth Jeevanesan · Rating 5 out of 5]

மிகவும் ரசித்து படித்தேன். படித்த பிறகும் நினைவில் ரசித்தேன்.
ஆசிரியரின் உழைப்பு அதிகம். வாசகனுக்கு இன்பம் அதிகம்.
உள்ளார்ந்த தேடலின் ஒரு விளக்கு இந்த புத்தகம்.

[Priyashini]

This might just be the most confusing book I've read this year.

[Niranjan Bharathwaj · Rating 4 out of 5]

I enjoyed reading this book

[Arunmozhi Ganesan · Rating 4 out of 5]

ஒரே மூச்சில் படித்து முடிக்க சாலச்சிறந்த புத்தகம். புதிதாய் வாசிக்க பழகியிருப்பவர்கள் ஒரு வெள்ளை தாளும் பேனாவுமாய் படிக்க உட்காருவது உசிதம். கதாப்பாத்திரங்களை மேப் போட்டு வைத்து கொண்டால் பின் வரும் முடிச்சுக்கள் அவிழும் பொழுது உதவியாயிருக்கும். நவீன இலக்கியங்கள் என்று சொல்லப்படும் படைப்புகள் பெரும்பாலும் கதையில் எழும் கேள்விகளின் விடைகளை வாசிப்பவரின் ஊகங்களுக்கே விட்டு விடுகின்றன. இந்நாவலும் இந்த அடிப்படையிலேயே. பல அடுக்குகளாக விரியும் கதைக்கு யுவனின் மொழி பெரும் பலம் சேர்க்கிறது. பெரிதாய் நாவல்களில் பதியப்படாத செட்டிநாட்டு மொழியையும் வெகு இலகுவாய் கையாண்டிருக்கிறார். பிரசங்கமாக இல்லாமல் அங்கங்கே வரும் வாழ்வியல் விளக்கங்களும் ஏற்று கொள்ளக்கூடியதாகவே உள்ளன. ஒரு பெரும் வாசிப்பு அனுபவம் நிச்சயம் கிடைக்கும்

[Sriram Nagarajan · Rating 5 out of 5]

Book #25 for the Year

திரு. யுவன் சந்திரசேகர் எழுதிய நூல்களில் நான் வாசிக்கும் இரண்டாவது புத்தகம் இது. ஶ்ரீ வாமன ஸ்வாமிகள் எனப்படும் குள்ளச்சித்தர் நிகழ்த்திய அற்புதங்களின் தொகுப்பாக இந்நூல் அமைந்துள்ளது. புனைவாக இருந்தாலும், நிஜமாக வாழ்ந்த ஒரு சித்தரின் வாழ்க்கை வரலாற்றைப் படிப்பது போன்ற உணர்வை ஏற்படுத்துகிறது.

குழந்தைப்பேறு இல்லாத ஏக்கத்தில் பல ஆண்டுகளாக வாழ்ந்து வரும் பழனியப்பன் செட்டியாரும் சிகப்பி ஆச்சியும் கோயில் கோயிலாகச் சென்று வழிபடுகின்றனர்; பல்வேறு பரிகாரங்களையும் மேற்கொள்கின்றனர். சிகப்பியின் சிறிய தாயார் வைத்த செய்வினையின் காரணமாகத்தான் இது என்று ஒரு ஜோசியர் கணித்திக்கூறுகிறார் இதற்கிடையில், பழனியப்பனின் தந்தை கொடிய எலும்புருக்கி நோயால் பாதிக்கப்பட்டு ஒருநாள் வீட்டை விட்டு காணாமல் போகிறார். தந்தை காணாமல் போன பிறகு, அந்த ஊரின் பெரிய மனிதரான பர்மாவிலிருந்து வந்த செல்வந்தர் வெங்கடேஸ்வரய்யர், தன் நூலகத்தில் பழனியப்பனுக்கு வேலை கொடுத்து அவனது வாழ்வுக்கு வழி செய்கிறார். மேலும், தன் வீட்டையே அவனுக்குக் கொடுப்பதாக வாக்குறுதியும் அளிக்கிறார். ஆனால், எதிர்பாராத விதமாக மறுநாளே உயிரிழக்கிறார். இவ்வாறு துரதிர்ஷ்டம் தொடர்ந்து பழனியை துரத்துகிறது.

அந்த நூலகத்திற்குத் திரு. ஹாலாஸ்யம் எழுதிய குள்ளச்சித்தர் சரித்திரம் என்ற நூலின் இரண்டு வெவ்வேறு பதிப்புகள் வந்து சேர்கின்றன. பழனி அவற்றைப் படிக்கத் தொடங்கியவுடன், அவன் வாழ்க்கையில் மெல்ல மெல்ல மாற்றங்கள் நிகழத் தொடங்குகின்றன. குள்ளச்சித்தர் பல ஊர்களில் நிகழ்த்திய அற்புதங்களும், பக்தர்களின் வாழ்வில் ஏற்படுத்திய மாற்றங்களும் பலரின் வாய்மொழிக் கதைகளாக விரிகின்றன. பழனியின் வாழ்க்கைச் சிக்கல்கள் சித்தரின் அருளால் தீர்ந்தனவா என்பதையும் ஆசிரியர் மிகவும் சுவாரஸ்யமாகச் செல்கிறார்.

இந்த நூலின் ஒவ்வொரு வரியையும் வியப்போடு வாசித்தேன். என்ன ஒரு அபாரமான மொழியாளுமை! என்ன ஒரு சொல்வீச்சு! ஆதிசங்கரரின் மாயாவாதம், பௌத்த மற்றும் சமண மரபுகளின் சூன்யவாதம் உள்ளிட்ட பல ஆழமான இந்தியத் தத்துவங்களை, எளிமையாகவும் அதே சமயம் சிந்தனையைத் தூண்டும் வகையிலும் ஆசிரியர் விளக்குகிறார். பல்வேறு வட்டார வழக்குகளையும் சொலவடைகளையும் கதாபாத்திரங்களின் உரையாடல்களில் இயல்பாகப் பின்னிப் பொருத்தி, கதைக்கு மிகுந்த நம்பகத்தன்மையையும் உயிரோட்டத்தையும் அளிக்கிறார்.

விஞ்ஞானத்தின் எல்லைகளுக்கு அப்பால் ஒரு மெய்ஞான உலகம் இருக்கக்கூடும் என்ற சிந்தனையை வலுவாக முன்வைக்கும் இந்நூல், ஒரு கதையாக மட்டுமல்லாமல் ஆன்மிகம், தத்துவம் மற்றும் மனித வாழ்வின் மர்மங்கள் குறித்து வாசகனை ஆழமாக யோசிக்க வைக்கும் ஒரு ஆழமான வாசிப்பு அனுபவமாகவும் திகழ்கிறது.

[Shanmugam Udhayan · Rating 4 out of 5]

"விடியல் என்பது மனிதர்களுக்கு தங்களுக்கு ஏற்பட்ட துக்கத்தை நினைவுபடுத்துவது"

இந்த நாவலில் எனக்கு மிகவும் பிடித்த வரிகள் இவை... யு.ச வின் எழுத்து புதியதாக உள்ளது... மூன்று வெவ்வேறு கதைகளை non-linear format ல் சுவாரிசயம் குறையாமல் தந்திருக்கிறார்... The novel has more metaphysical tone... இந்த நாவலில் இடம்பெறும் சித்தர்களை பற்றிய கதைகளை மூடநம்பிக்கையை கொண்டாடுவதாக கொள்ளாமல் கால-வெளியை விளக்க முயன்ற அல்லது அதை பற்றிய மாற்று சிந்தனையாக கருதும் ஒரு பேன்டஸியாக கொள்ளலாம்... ஒவ்வொரு அத்தியாயத்தின் ஆரம்பத்திலும், மூன்றில் எந்த கதையைப் படிக்கிறோம் என்பது புதிராக இருப்பது hook of the writing.... This is the kind of book in which the beauty of storytelling lies in the way it was told rather than the contents,... 👍👍👌👌

[A.soorianarayanan · Rating 4 out of 5]

This novel is about a chithan and his miracles as seen by the author of the novel inside the story.

[Priyadarsini · Rating 5 out of 5]

WOW.... LOVED THE NARRATION ....