كش ملك 2: الثالوث

كش ملك #2

by أحمد شوقي

" تعلمت منك ان الملك هو أضغف قطعه لا يمكن حسم صراعنا من خلالها , اريد ان ألعب بقوانينك اريد ان ينتهى الامر كما سبق و علمتنى .. انت الضعيف دون جيشك .. علمتنى ان كشف تفاصيل من خطتى يربك الخصم و اليوم و بعد مرور أكثر من ألفى عام سأجرب معك الامر " ..



فصل ينتهى و آخر يبدأ في ملحمة عائده من ثنايا التاريخ..
جسام في مواجهه ابن بوران للمرة للثانية ..

كش ملك 2
الثالوث

Genres: Horror, Novels

Paperback

First published January 28, 2015

Reviews

[Aya Saad Eldeen Sayed · Rating 5 out of 5]

يعتبر أنا من أوائل الناس اللي قرأت الكتابين
كش ملك لعنة جسام كان رائع وأشهدلك أنك من الناس القليلة اللي الفينال بتاعهم ممتع مش كروته او مبيعرفوش ينهوا الكتاب
الجزء الثاني كان نقله فعلية للاحداث والأشخاص
لدرجه شعورك بإنك نفسك قطعة من قطع الشطرنج اللي هما بيحركوها جسام وابن وبوران وغيرهم
فكرة وسرد رائعين
خطوات مترتبة ومدروسة وعارف ماشي ازاي
الرواية بجزئيها من اﻷعمال اللي بتشرف انهم فمكتبتي فعلا
وانتظر الجزء الثالث بشدة قبل ما اصب لعنات لوسيفر عليك شخصيا

[Shaimaa Gamal · Rating 4 out of 5]

من ساعه مابدأت اقرا لحسن الجندي وانا كنت متأكده اني مش هقرا روايه تاني ف جمال روايات حسن الجندي ولكن كش ملك فاقت كل التوقعات والكاتب احمد شوقي قدر فعلا يحط اسمه ضمن احسن كتّاب الرعب الشباب .. وانا بقرأ الجزء الاول كنت مستمتعه مع احتفاظي ببعض الملاحظات علي الاسلوب ولكن الجزء التاني كان فيه تعديل كبير في الاسلوب ده غير الحبكة الدرامية وتغيير مسار الامور ١٨٠ درجه بس كنت مستمتعه جدا وانا بقرأ وحاسه اني جوه الروايه لدرجه اني منتظرة الجزء الثالث علي احر من الجمر .. بالتوفيق للكاتب الممتاز احمد شوقي .

[هالة الملوانى]

أخطاء لغوية وأملائية كثيرة على الرغم من أن الرواية المفروض تم تصحيحها لغويا واسم المصحح منور أول الرواية
ثغرات فنية بردو لم يتم الألتفات لها زى جيسى الى ظهرت فجأة فى الصفحة ٤٣ بعد ما ماتت ومايكل بيقولها أفتحى التابوت مش عارفة أزاى
نطات غريبة بتحصل فى كل مشهد لدرجة انى بتوه ومبفهمش الى حصل
مشاهد غريبة وغير منطقية زى مشهد ريم وهى بتقول لجوزها انت عارف انى كنت مرتبطة قبلك فهو عادى كيوت خلاص وبيرد عليها عادى
الحوارررررر قاتل قاتل قاتل
مش معنى انه بالعامية يتكتب غلط
انه مش انوا
عنه مش عنوا
كله مش كلوا
وتاء التأنيث هى ريم ديه مش أنثى يبقى يتقال قال أزاى
وغير ده كتيرررررررر بقى يعنى حرام بجد
غير أن فى الجزء ده فى حشو كتير ملوش لازمة مش زى الجزء الأولانى كان سريع ومشوق

مجددا بتمنى كل التوفيق للكاتب بس لازم يشتغل على نفسه أكثر من كدة لازم يقرأ كثير ويكتب أكثر لازم يقرأ فى كيفية بناء الشخصيات والحوار وعلاقته بكل شخصية لازم يهتم باللغة حتى لو هيكتب باللغة العامية لازم يكتبها صح

[Mohaymen Mohammed · Rating 5 out of 5]

Greattttttttttttt

[Waleed Mohamed]

بغا

[Hassan Ebrahim · Rating 4 out of 5]

كاتب يجبرك نحنرم قلمه

[Mohamed Ebrahim]

لو سمحت هو الكتاب الاقيه في مكتبه ايه لاني مش لاقيه و هل هو موجود pdf ولو موجود ممكن الرابط

[Dr. Saleh Bakry · Rating 2 out of 5]

لقد صدمنى هذا الجزء من الرواية بخلاف الجزء الاول الذى كان فى قمة التناسق و النظام....الجزء الثانى جزء مهلهل جدا من حيث الاحداث الغير صحيحة بالمرة مثل لذلك فى اول الرواية تموت جيسى ثم اجدها عايشة و بتفتح تابوت 😵😵😵 و الكاتب لم يكلف نفسه بوضع فواصل عبارة عن ثلاث نجوم بين المشاهد فتجد نفسك تقرأ مشهد معين و السطر الذى يليه مشهد تانى بناس تانية فيحدث توهان للقارئ و لا استوعب الموقف الا بعد فترة من القراءة.......لماذا هذه الحيرة هل الثلاث نجوم مكلفة فى الطباعة لدرجة جعل الرواية بهذا السوء من عدم النظام 🤔🤔🤔🤔

[Nö Ğå · Rating 2 out of 5]

عدد صفحات الروايه ٢٢٠
الروايه دي بالمعني سيئه جدا وفصيله جدا
الاخطاء الكتابيه فظيعه بتخرجك اصلا بره الجو
الانتقال بالاحداث زي الزفت وانا اسفه
حتي الحوار مش عارف يتنقل مابين دول ودول او حتي يحط فاصل يعرفنا ان ده ملوش علاقه بده
محبتهاش زي الجزء الاول مع ان المفروض دي تبقي احسن بكتير عم الجزء اللي فات

اما بقي المفهوم العام للروايه ان مكنش الكفر ده سبيله الاخير لا ده في بتد كده وخصوصا بعد ظهور ابن بوران كمان
اتمني الجزء اللي جاي يبقي احسن بكتير

[Osama Yosre · Rating 4 out of 5]

يساعرض لنا الكاتب كيف بداء العلاقة بين جسام والفارسى وكسف تم القضاء على اللعنة وحبسهم وكيف تم تحريرهم لتعود اللعنة من جديد وكيف تم كش لعبى بلال والحكم عليه بالاعدام وكيف هرب بلال من الاهدام لينتقم من جسام فهل يستطيع
الجزء الثاني كويس ولكن الجزء الاول افضل من وجهه نظري
الغلاف مش عاجبنى والعنوان له معنى بالاحداث

[Diroo · Rating 5 out of 5]

عاجبني الاسلوب المشوق للكاتب جدااااا وتتابع الاحداث وكل حاجة بصراحة روعة وان في احداث متفسترش دي فعلا مخلياني لازم اكمل الجزء التالت عشان افهم والترابط بين التلات اجزاء وسردهم بالطريقة دي بجد مخلياني مش قادرة اتوقف عن القراية وانا اروح عالطول اقرا الجزء التالت عشان اعرف النهاية ايييه

[Noha Shaban · Rating 4 out of 5]

الرواية هايلة و مشوقة جداااا .. الاسلوب لسه محتاج شغل شوية .. بس الحنكة الدرامية و التسلسل السريع للاحداث اكتر من رائع .. بخلاف الجزء الاول .. اللي كان ركيك الي حد كبير .. متشوقة جدااا للجزء الثالث .. هبدأ حالاااااا

[Mohamed El-Okbi · Rating 5 out of 5]

لا استطيع وصف مهارة الكاتب في التنقل بين الاحداث.....
تجعلك مشتت و مع ذلك متابع للاحداث
طريقة دمج الاحداث التاريخية و الحالية في سياق واحد و تنقلة بين الاثنين يجعلك وانت تتابع الاحداث متلهف للنهاية

من الاثم و من الخيّر في هذا السيناريو

مع لقاء اخر في الجزء الثالث و الاخير. السامري

[Sebastian BE · Rating 5 out of 5]

الرواية راقية جدا اتمنى للكاتب المزيد من التألق

[Youssry Effat · Rating 3 out of 5]

مازلت الرحله مستمره بين مراش و جسام
مش قادر احكم لحد دلوقتى لكن متوقع نهاية عظيمة للثلاثية
بس ملاحظ قوه اكتر و ترابط اكتر فى الجزء تانى

[Yasser Reda · Rating 4 out of 5]

القصة إيقاعها سريع وبتتحرك في الزمن ذهابا وإيابا وبتكتشف الأشياء وأسباب حدوثها بأسلوب الفلاش باك
هبدأ في الجزء الثالث علشان اشوف هنوصل لإيه

[Mohammad Hameed · Rating 4 out of 5]

تطور ملحوظ في مستوى الكاتب و الحبكة

[Ahmed Reda · Rating 1 out of 5]

للاسف نجمة اكتر كتييير من تقييمها المستحق ومن اسوء الروايات اللي قرأتها وباقي سلسلتها

[Gehad Hamdy · Rating 3 out of 5]

حاسة الموضوع بيكبر بس لسة برضه مش مفهوم

[Nour Hassan · Rating 4 out of 5]

الحبكة و فكرة الكتاب رائعة.. عيبها اللهجة المصرية العامية في الحوار

[No Na · Rating 5 out of 5]

العبقرية هي أن تتحكم في تفكير خصمك وتجعله يهزم نفسه بارادته !!!!

[Aseel Mohamed · Rating 4 out of 5]

حلوة جدا احلي حتي من الجزء الاول ، مشكلة السرد اتحلت و الدنيا بقت منظمة جدا و الحبكة تحفة

[Doha Fawzy · Rating 3 out of 5]

الجزء الثاني كويس ولكن الجزء الاول افضل من وجهه نظري
في الاحداث الكاتب جعل نفسه جزء من الشخصيات وكان ابطال الروايه اشخاص حقيقيين من الواقع يجبروه علي المضي قدما انا محبتش ده ف الاحداث
طوال احداث الروايه تتفاعل مع شخصيه بلال وكلنا بنتعاطف معاه واذ فجأه تيجي المفاجأه
افضل شئ في الروايه عنصر المفاجأه اللي بنجده بين سطورها وعدم توقع القادم

[Mohamed Nabil · Rating 3 out of 5]

منكرش ان الرواية احداثها مشوقة
و الكاتب اسلوبه في الكتابة تطور جداً عن الجزء الاول
بس برضه تحس فيه حاجة ناقصة
بس كاول عمل للكاتب و يعمل ثلاثية فده شئ كويس و مش وحش

[Aliaa Mohameed · Rating 5 out of 5]

#ريفيوهات_ساحر_الكتب
#بدايات_الأجازة💃🎉🎉
#الضمير_لسه_مش_مرتاح😓
#كش_ملك😍😍
#الثالوث
اللعنة مستمرة..والحرب مستمرة..من بلاد فارس إلى مصر

ابن بوران:"أنا البشري الملعون..أنا الحارس التاسع..أنا من أردت القاء..أنا الطامع بالخلود..فعوقِبت به..أنا من أنقلب عليَّ سحري..أنا من كانت لعنتي حبي ونقطة ضعفي وسر خيانتي.......حبي لعاهرة المعبد"
_"هناك فى جزيرةٍ غير معلومة، وسط مياه البحر العميقة يوجد نصيرنا الوحيد.."

(الراهبة مريم)أنتِ من أكثر الشخصيات تأثيراً على مخيلتي لا أعلم لما؟؟! ولكن الغريب بحق أني علمت أنك كنت لميس!!!

سارة:"أنا من كنت البريئة..وصرتُ وحشاً غير آدمي..أنا الضحية الكبرى..أنا المتعطشة للموت..للانتقام..للقتل..للدم..أنا المقتولة بألف طريقة.........والآن حان دوري"

(إذا وضعك جسام أمام خيارين فتأكد أن الاثنين لصالحه)
(الشيطان لا يمكنه أن يضع حياته على المحك لأنه يعلم أنه لا يملك جنة سواها)
مهلاً...هناك شئ خاطئ..
(سيحاول دائما التلاعب بمسار الأحداث حتى يقلبها لصالحه)
(تذكر دائما اللعبة أكبر من مقدار تخيلك..ولا تجعل نظرتك محدودة..وفكر خارج صندوق عقلك المغلق..)
(عندما تأتي لك الفرصة لابد من أن تتخذ القرار..واعلم أنك دائما لا تملك سوى فرصة واحدة)

_:"أنا الجندى المجهول داخل الرواية..أنا الحاضر الغائب داخل كل تفصيلة...........أنا المترابط"

الصورة بدأت تتضح..النهاية تعني فناء أحد الطرفين..البقاء للأقوى
ـــــــــــــــــــــــــــــــــــــــــــــــالرأي الشخصي:
كان لابد أن يكون هذا الجزء بهذه القوة..فكاتب الجزء الأول لا يُتوقع منه أقل من ذلك..
ومازال التشويق مستمر..
ومازال الأبطال بتفسحوا فالأوضة برضه 😨😨😂😂😂😂😂😂😂👍👍👍👌👌

[Shima Mohamed · Rating 5 out of 5]

بعد انقضاء الفصل الأول من (كش ملك) ظننتُ اننى على علم و توقَّع كبير لاحداث الثالوث و الذى امتلكنى شك بانها ستكون اعاده صياغه للجزء الأول و لكننى وجد ان المؤلف مازال يحمل في ثنايا عقله الكثير .

اما عن الأسلوب فقد تطور بشكل كبير و ملحوظ عن الجزء الأول و شهدت الثالوث توازن كبير بين العاميه و اللغه العربية و وصف الاحداث صار متقن بشكل اشعرنى كأننى اقرأ عمل " 3D ".


شخوص الرواية كانت متطورة كبير عن الجزء الأول , للمره الثانية اشعر ان " ساره " هي الأفضل في العمل و خاصه بعدما اتقن الكاتب هيئتها الانتقامية الجديدة بعد صفحات انكسارها في الجزء الأول .

آدم , كان يؤرقنى ظهوره المهمش في الجزء الثانى رغم قوة شخصيته , نفس خطأ الجزء الأول حينما ظلم الكاتب شخيصه ابن بوران كثيرًا .

جسام كان يتقن دوره الشيطانى هذه المره عن الجزء الأول ! , فقد اختفى خلسه جانبه الهذلى !! الذى احبتته في الجزء الأول !! ..

انتهت الثالوث بمفاجأه متقنة اذهلتنى !!

أحببت الجانب التاريخى في الرواية و ربط الاحداث بقصة سيدنا موسى و السامري في اخر الصفحات ليبدأ المجال للكتاب الأخير المنتظر بشدة " كش ملك 3 .. السامري "

ملحمة شيقة في انتظار ختامها
بالتوفيق



4.5/5
شيماء محمد

[Ehab Nabawy · Rating 5 out of 5]

روايه الكش ملك الجزء الثانى
فى الاول هتكلم عن الجزء الاول قد ايه كان الفكره ملهاش حل
ومشاهد مواجه جسام مع ابن بوران فى الشطرنج كان مستواها فوق الخيال
والاحداث وتناسقها مع بعض والتشويق كانت روايه فوق الخيال ..
الاسلوب جميل وسلس
الجزء التانى وده الى كنت خايف منه انه يكون اقلل من الجزء الاول ..
او يكون افكار الكاتب خلصت ..
بس كنت غلط .. الجزء التانى فيه تطور جامد جدا من ناحيه الاسلوب
افكار الروايه والاحداث مشوقه اكثر
الغاز الروايه روعه جدا
عجبنى مشاهد ان الكاتب دخل نفسه فى عالم الروايه وكتب احداث خياليه عن طريقه كتابته لروايه
المشهد الى افتقده جدا مباره الشطرنج ما بين جسام وابن بوران
السلبيات ..
معتقدش انى لاقيت حاجه سلبيه فى الروايه .. او كانت خاحات لا تذكر
الروايه فوق الروعه

[Ahmed Gohary · Rating 3 out of 5]

الجزء الثاني من ثلاثية كش ملك
استكمالا لأحداث الجزء الأول والصراع الدائر بين ابن بوران وجسام مع دخول شخصيات جديدة مثل لميس وجيسي ورمزى مع دخول عمر في الأحداث بشكل كبير

اختفت السخرية المبالغ فيها في الجزء الثاني وذلك يحسب للكاتب

عانيت وبشدة من الإخراج الفني للعمل لا يوجد فواصل بين الفقرات و الذكريات تتداخل مع الحاضر مع وجود بعض الصفحات الغير مرتبة و الاخطاء الاملائية الكثيرة كعادة دار اكتب التي أشهد لها بالاختيارت الجيدة للأعمال المنشورة لكن هذة الأخطاء للأسف تؤثر سلبيا علي سمعة الدار

تبقي أيضا التعويذة الأشهر هي العامل المشترك في كل كتاب يحتوي علي تعاويذ "العجل،الساعة،الواحة"من اول فيلم عاد لينتقم مرورا بثلاثية ابن إسحق و شمس المعارف "الرواية" حتي رواياتنا هذة

رواية جيدة لكاتب واعد اتمني منة الأفضل في الجزء الاخير

[Richard Amir · Rating 5 out of 5]

كش ملك رواية حلوة
مبدأيا شوقي اقرب من الاخ ليا
وزميلي كمان في الكلية
يعني من جميع الاتجاهات هقراها هقراها :3
رواية خلتني اعيش في اكتر من مكان في اكتر من زمن في اكتر من شخص
رواية توقعت اني هصاب بالملل بسبب التعدد ده
لقيتتي بالعكس تماما متشوق جدا لكل صفحة
ومركز في كل صفحة وبحاول اتوقع اللي الكاتب بيفكر فيه
جزء اول رائع جزء تاني فوق الرائع
ومش عشان شوقي زميلي لا عشان انا فعلا بقدر الحاجة الحلوة
انا مليش اوي في القراءة
بس لما قريت الجزء الاول كان حب فضول مش اكتر
وبعد كده استهواني اسلوبك فعلا يا شوقي
وللعلم انا من كتر ما الاحداث بتاعتها شبه حقيقية
انا حسيت جسام هيطلعلي كمان شوية الله يخربيتك :v
عامة من نجاح لنجاح اكبر ان شاء الله :D
وفي انتظار الجزء التالت

[Sara · Rating 1 out of 5]

الأخطاء مصيبة كبيرة .. كمية أخطاء إملائية و نحوية حتى في اللغة العامية ..
مش معني أن الحوار بالعامية أنه يتكتب غلط و بعدم مراعاة لقواعده ، العامية لغة موجودة يجيب أحترام قواعدها .
غير كده فمجموعة الورق ده ما هو إلا حشو ، و جزء أحرق الأوراق و ظهرلي و دم و الكاتب و الناشر فوق الاحتمال و مش في محله تمامًا ..معلومات بلاد فارس القليلة أوي أوي مغلوطة حتى في تاريخ حفر الصحراء الغربي و الكفيفة برضو مش في محلها .. مفيش تدعيم للكلام حتى لو خيالي
سيئة جدًا .. جدًا
بالنسبة للمصحح اللغوي اللي اسمه منور في الكتاب ، ياريت يدور علي شغل تاني لأن اللي مكتوب معتقدتش أن اللي كتبه قرأ مرة تانية .