غير قابل للاستئناف

جنايات #17

by رحاب فكري

Audiobook

About the author

رحاب فكري طبيبة وروائية وكاتبة مصرية غلب على مؤلفاتها الطابع البوليسي.

تُصدر للكاتبة رحاب فكري سلسلة روايات بوليسية بعنوان «جنايات» عن دار سما للنشر والتوزيع

وقد تحويلهم الي دراما صوتية علي موقع أوديوهات

Reviews

[Ahmed Halawa]

ملخص الاحداث ممتاز و ياريت يستمر في الحلقات اللي هتكون علي اجزاء .
الإعتراف بالخطاء في ترك جثة هاني الجمل بدون نقل و تشريح من فريق التحقيق ممتاز و ممتاز من دكتوره رحاب واحترام عقليه المستمع و القارئ .
ليه خبطة العربية ل نور و ليه توصل لكده و ليه أمها تعمل كده في أخر الحلقة دراما كتيرررر اوي .
طريقة كلام البواب قديمه و مش موجوده و خصوصا أنه بواب العمارة من مدة و لسانه اخد علي الكلام بطريقة مختلفة عن البلد .
نيجي بقي لجريمة قتل ايميلي بنت اندورا
و هنا عندي كلام كتير أولا ليه تموت كانت عامله حالة عاطفية في الحلقات مع شربيني باشا
طبعا موتها كان من الطبيعي دخول شربيني دائرة الاتهام و متوقعة ، لكن المفاجأة كانت في حاجتين الأولي أني يطلع وراء ايميلي قصة و حدوتة كبيرة مستخبية .
النقطة التانية بقي و أنا عارف اني هتمسكوا فيا أنا رافض بشكل كامل تصرف منار حتي و أن اعتبرنا اني تم خيانتها و احنا افتكرت اقتباس من رواية الداما ❞الأنثى شرها أقسى وأسوأ من ما يتخيل أي ذكر على وجه الأرض..‫ غضبنا عاتٍ، قوتنا صارخة، وحتى لو هزمتنا بقوتك، ستخرج -على الأقل- بإصابة مستديمة تجعلك تتذكرنا ما تبقى لك من حياة❝، يعني لو فرضنا شربيني و منار موجودين في الواقع بشكل حقيقي و حصل الموقف ده يعني لو شكت واحدة في جوزها و حصلت له مصيبة و تقدر تخرجه منها،عشان شك تسيبه يروح في داهية!
ممكن تنفصل عادي ماشي بس هو منار و اللي زيها كمان عليهم مسئولية الغلط في الجواز علي الطرفين انما تعتبر السبب في انه يتورط اكتر و تفضل ساكته كده فكان حلال فيها الخيانة .

[Mennatullah Diab]

حاسة السلسلة بداية من الجزء ده بدئت تاخد عمق أخلاقي مش في شكل مواعظ مباشرة او كده، في البداية كان it's all about the case وحتى مكناش في نسخ قديمة نعرف الأبطال بشكل اعمق او عايشين معاهم بعض أحداث حيواتهم الطبيعية..

المعضلة الاخلاقية المرادي شائعة عمومًا..
وبنشوفها في الاخبار والسوشيال ميديا كتير، ويبقى السؤال الأزلي اللي اتطرح عندي هنا عمومًا، هل الخيانة مبرر إننا نطلع كل افكارنا الشيطانية لدرجة ظلم الشخص وإنه نلبسه تهمة معملهاش ممكن توصله لحبل المشنقة واحنا عارفين انه معملهاش عشان قلبنا محروق من الخيانة؟ نفس مبدأ الرجالة اللي بيبرروا القتل لما يلاقوا مراتاتهم بتخونهم؟
الخيانة في نظري مش مبرر لجرايم تانية..

وكمان كتير بفكر في كيمياء دماغ الشخص الخاين ذكرًا كان او أنثى بس النموذج هنا عندنا لذكر، فلو إنت مراتك مش عاجباك او مش مالية عينك بسيطة متتجوزهاش، لو انت شخص عينك زايغة فدي مشكلتك ومشكلتك انت وحدك وانت وحدك اللي المفروض تحلها وتتعامل معاها مش شخص آخر يتحمل تبعاتها، ولو بعد جوازكم اكتشفت المواضيع دي فتسريح بإحسان..

وبصراحة فيه أعمال كتير وإن مكانتش روائية بل سينمائية بتحط حبكة فقدان الذاكرة ده بس كل مرة بحسها بدون داعي وحاجة كده بتجيبلي غثيان إنه "مكنش ليها لزوم يعني بس اهو المخرج عاوز كده" بس المرادي حسيتها جزء حلو ضاف للقصة وكمان قصة خالد ونور ماتزال في أولها الحقيقة فمعنديش احساس إنه عاوزة اكسر التيليفون عشان "مش بعد الأحداث اللي عدوا بيها دي كلها مع بعض وحبهم العابر للقارات حبكت تفقد الذاكرة دلوقتي؟! لا مش لاعبة"

فمتطلعة اكمل المتبقي من اللي نزل لدلوقتي من السلسلة.

[Sara]

الحلقة مسلية جدًا، ارتكازها على خطوط الشخصيات الرئيسية وتطور علاقاتهم، والجريمة كانت بشكلًا في دايرتهم.


كان متوقع اتهام أحمد، ويمكن بشوية تفكير ممكن توقع اكتشاف منار وتصرفها، تطور خط الدراما بتاع خالد ونور جيد، وأن كنت بشوف أن فقدان الذاكرة مستهلك جدًا، ولو أتقدم أفضل يبقي متقن أكتر ولكن سياقه مقبول.


الحلقة مسلية، والحقيقة الحلقات كلها كانت رفيقتي وأنا بنجز حاجات كتير كانت هتبقى مملة جدًا من غيرهم.

[Dr Asmaa Fouad]

الضابط احمد يتعرض لمشكله كبيره ..ودليل البراءه اقرب ما يكون

[Amal Dawas]

اصبحت دموية يا رحاب على الشلة والدفعة كله ولا خالد وعمرو الشربيني وفقك الله