خائن أون لاين

by سُلافه الشرقاوي

كيف يصبح المرء خائنا؟
الخيانة فعل ككل الأفعال يبدأ في غمرة انفعال أو تحت ضغط ما ، أو تجربة يتوق الفرد إلى الخوض بها، يصحبها شعور بالقلق المغموس بالمغامرة ويتبعها إحساس شديد بالندم والحسرة.
وعلى قدر المستوى الأخلاقي للمرء، فإنه يعنف نفسه ويوقفها عن هذا الفعل الذي يجعله شديد الانطواء على نفسه؛ وكأنه أذى الناس جميعًا عندما خان ثقة أحدهم به ولكن تبقى تلك النفس الأمارة بالسوء والتي توسوس له بأن يقوم بتكرار خيانته، فهي تصحبها لذة لا تعوض، تغريه بهذا الإحساس الهائل من الترقب والقلق فيعيدها ثم يكررها إلى أن يعتادها فيصبح خائنا!! بين هذه السطور رحلة نخوض غمارها لنعرف أكثر عما يعتري القلب والنفس جراء الخيانة.

192 pages, Paperback

First published August 10, 2025

About the author

كاتبة مصرية من الإسكندرية، تمتلك مشروعًا أدبيًا متنوعًا يجمع بين الاجتماعي، الرومانسي، الفانتازيا، والخيال العلمي النفسي، مع اهتمام واضح بالتحليل الإنساني والصراعات الداخلية للشخصيات.

بدأت رحلتها بالنشر الإلكتروني، وقدمت أعمالًا لاقت تفاعلًا واسعًا، قبل أن تنتقل إلى النشر الورقي بسلاسل روائية متكاملة شكّلت حضورًا لافتًا في المشهد الأدبي المعاصر.

من أبرز أعمالها رواية «القلادة» (2020)، ثم ثلاثية أرض البشر، وهي سلسلة خيال علمي مستقبلي – نفسي تضم:
اختلال (2021)، المُبشر (2023)، آدم (2024)،
وتتناول تساؤلات الهوية، والإنسان، والمصير في عالم متغير.

كما قدّمت ثلاثية بنات عرفان ذات الطابع الاجتماعي الرومانسي:
شهيرة (2023)، بهيرة (2024)، وسيلة (2024_2025)،
التي ترصد تحولات المرأة والعلاقات الإنسانية بواقعية عاطفية.

وفي عام 2025، أصدرت رواية «التفاح الأحمر – أسطورة شركس»،
ثم واصلت التنويع بين الاجتماعي والفانتازيا من خلال أعمال:
رواية خائن أون لاين،رواية امرأة ممنوعة من الصرف،رواية بديلة حواء،رواية شبح الحجرة الحمراء (2025–2026).

إلى جانب الروايات، لها رصيد من النوفيلات والقصص القصيرة، من بينها:
ثنائية العشق (عاشق مقهور – عشقت قدري)،
وأعمال مثل: لماذا عدت؟، صدفة العمر، فتاة القدر، أنوشكا، حسن إلا ربع، عريس في الساونا، مرحبًا أيها الغريب.

سُلافه محمد الشرقاوي تكتب عن الإنسان في أقصى حالاته:
حين ينهار، حين يختار، وحين يواجه نفسه.

" قى كل رواية .. حياة كاملة تتعاش "

Reviews

[Eman Gaber]

لغة حلوة وقلم مميز استمتعت بالقراءة.

[Mina Habib]

* لا يزال تحدي عيد ميلاد أبجد مستمر، و هذه الرواية هي أحدث اختيارتي من قائمة الأعمال الخاصة بالتحدي، واللي المرة دي كانت من دار إبداع. الرواية دي هي أفضل الاختيارات الموجودة بالقائمة و لو ماكنش فيه تحدي ما أعتقدش إني كنت هفكر في قراءة هذه الرواية. و الحقيقة بردو إن القائمة كان فيها بعض العناون الأخرى اللي ممكن أفكر فيها بس أغلبها أجزاء من سلاسل و الأعمال المختارة ماكنتش أولى أجزاء السلاسل دي.

* بالنسبة لي عنوان الرواية عمره ما هيشدني، و حتى التصنيف أو الـ genre بتاعت الرواية مش من التصنيفات اللي أنا بفضلها أو بميل للقراءة فيها، ولكن كالعادة لا مانع من التجربة – التجربة أصلاً هي واحدة من أهم المميزات اللي بتوفرها هذه التحديات.

* في الرواية الكاتبة حاولت تقدم سبب و مبرر لفعلين الخيانة اللي حصلوا على مدار أحداثها. و إن كان زي ما بنقول دائماً مافيش مبرر للخيانة، ولكن الحقيقة بتقول إن الخائن عادة بيبقى شايف من منظوره الشخصي إن عنده سبب أو مبرر أو حجة، سواء كانوا صح أو غلط، أقوياء أو ضعاف، ولكن بالتأكيد علشان يقدر يُقدم على اللي عمله و يتعايش معاه لازم يلاقي لنفسه مبرر أو سبب يقنع نفسه به ويسكت به صوت ضميره، لو كان عنده ضمير يعني. مشكلة المبررين اللي قدمتهم الكاتبة في فعلين الخيانة إنهم بيرجعوا جزء من الخطأ على الزوجة، و ده شيء طبيعي لما المبررات دي تصدر من رجالة، ولكن اللي مش طبيعي هو قبول الزوجات لهذه المبررات أو خلينا نقول عدم رفضهم للاتهام المبطن اللي حملته المبررات دي و ردهم عليه، و يمكن يكون اللي دارى على النقطة دي و خلاها غير واضحة في إحدى الحالتين هو اعتراف الزوج السريع جداً بخطأه و دخوله في حالة من الاعتذار المستمر و تحمل رد الفعل الصادر عن الزوجة. و لكن في الوقت نفسه الحالة الأخرى خلتني أقى قادر ألاحظ بالرغم من إن الحالة التانية مليانة تفاصيل كتير في شكل العلاقة و تطور الصراع بين الزوج والزوجة، ولكن مع لحظة هدوء و تأمل قدرت ألاحظ النقطة دي و أشوفها بوضوح نسبي.

* الحقيقة إن الكاتبة كانت ماشية في هذه الرواية على خط و خيط رفيع جداً و يحتاج لكثير من المهارة علشان ماتقعش في الغلط و تتحول روايتها لرواية ضد الستات و تبقى بتعادي النسوية. و ده اضطر الكاتبة إنها تخلي ظروف العلاقات بين الأزواج والزوجات شبه مثالية، و أنا عارف إن الكلام قد يبدو غريب وإحنا بنتكلم عن ظروف علاقة مثالية مع خيانة في جملة واحدة، ولكن خليني أوضح أكتر و أكشف أكتر شوية و بشكل صريح أنا هنا بقصد وجود حب بين الزوج و الزوجة، و وجود ندم حقيقي واعتراف بالخطأ من الأزواج على هذا الفعل مع الوعود بعدم تكرار مثل هذا الفعل، والأهم هو إن الخيانة نفسها virtual بمعنى إن الخيانة دي خيانة حب و مشاعر و محادثات و لم تصل لما هو أكثر من ذلك و لم يحدث أي إتصال جسدي بين الأزواج و اللي بيخونوا زوجاتهم معاهم. اللي أنا عاوز أقوله إن الكاتبة علشان تقدر تقدم الطرح اللي عندها كانت محتجة توصل لشكل معين جداً في هذه العلاقات الزوجية و إلا هذا الطرح ماكنش ممكن يبقى مناسب أو حتى قابل للنقاش لو لم تتوفر مثل هذه الظروف.

* الرواية دي قد تكون بشكل ما عكس التيار السائد في ما يخص العلاقات الزوجية، الحقيقة إن بقى العادي إننا نشوف الخيانة تقريباً بتساوي انفصال. و أقدر أقول إن الكاتبة كانت بتحاول تعيد بشكل ما الفكر اللي كان موجود عند الأجيال السابقة – أجيال الأمهات والجدات – الفكر اللي كان بيقوم على فكرة الست تعشش و هي اللي تحافظ على البيت وماتخربوش، ولكن في الوقت نفسه ماكنتش تقدر تقدم ده بنفس الظروف القديمة اللي كانوا عايشين فيها الأجيال دي، واللي كان كتير بيبقى فيها نوع من القهر و الإجبار للست. بس هي حاولت تقول و تقدم بردو إن الإنفصال مش دائماً الحل، صحيح ده محتاج ظروف شبه مثالية – اللي اتكلمنا عنها من شوية – و لكن في الوقت نفسه فتح الباب و المجال أمام الفكر ده مرة تانية هي نقطة مهمة وشجاعة والأكيد إنها ضد التيار.

* من الحاجات اللي عجبتني و لفتت انتباهي في هذه الرواية هي إنها رواية على الضيق كده، الشخصيات الرئيسية كلهم 4 شخصيات، و الشخصيات المساعدة أو الثانوية كانوا بتاع 4 كمان، فإحنا قدام رواية ملمومة في نفسها، وده ساعد على إن يبقى فيه مساحة مناسبة و كافية علشان نعرض العلاقات دي بشكل جيد، وكمان الشخصيات نفسها تظهر بشكل جيد و تبان أغلب أبعادها.

* أنا عاوز اتكلم عن نقطة عجبتني في الرواية دي، ولكن في الوقت نفسه أعتقد إنها هتبقى أحد أسباب الهجوم على الرواية، وهي: العلاقة ما بين أبناء الخالة، بالرغم من إنهم ولد وبنت، في رأيي ما قدمته الكاتبة هو شكل صحي لعلاقة ما بين ولد وبنت أقارب، و شبه متربين مع بعض و كأنهم أخوة. الحقيقة إن الواحد بقاله كتير ماشفش الشكل ده من العلاقات في الروايات. و صحيح إن الكاتبة في سبيل إنها تقدر تقدم ده اضطرت إنها تخلي زوجة الولد هي كمان صديقتهم وقريبة منهم منذ الطفولة وبالتالي مشاعر الغيرة ماكنش ليها مكان بسبب تفهمها الكامل لشكل العلاقة دي و أبعادها منذ الصغر. في الوقت نفسه حتى زوج البنت و اللي كان له تعليق على شكل هذه العلاقة، أعتقد إن الكاتبة خلته صديق لابن خالة زوجته علشان يبقى على علم بشخصيته و عارفه كويس وبالتالي يقدر يطمئن و يقبل هذه العلاقة بشكلها و تفاصيلها.

* خلينا نقول إن طبيعة العلاقات بين الشخصيات اللي خلقتها الكاتبة في الرواية واللي خلتهم كلهم يبقوا عارفين بعض بشكل ما، ساعدت الكاتبة إنها تقفل عالم الرواية على الشخصيات دي، فعلى مدار الرواية إحنا ماحتجناش نشوف أصدقاء لأي من الأبطال الذكور لأنهم بالأساس أصدقاء، و ابنة الخالة هي كمان ماشوفنلهاش صديقة، لأن زوجة الولد هي صديقتها منذ القدم. ويمكن الشخصية الوحيدة اللي لم يظهر لها أصدقاء أو شخص تقدر تفضفض معاه هي شخصية زوجة الولد، ولكن في الوقت نفسه وجودها في محيط زوجها و بنت خالته منذ الصغر ممكن يكون مبرر كافي بالنسبة لها إنها ماحتاجتش لتكوين صداقات بالإضافة لما ظهر من طبيعة شخصيتها في التعامل مع أزمة خيانة زوجها و اللي بيخليها بطبعها مش شخص منفتح و متكلم عن خصوصياته.

* كل اللي بقوله ده مش معناه إن الرواية جميلة و عظيمة و ماحصلتش، وده هتلاقيه ظاهر في التقييم، لأني لسه شايف إن الرواية دي مش نوعيات الروايات اللي أنا بفضلها، مع بعض العيوب الأخرى اللي أنا اتكلمت عنها سابقاً، و أيوة مش معنى إن الكاتبة كانت ماشية على الحبل أثناء الكتابة و نجحت في ده، إن اللي أتقدم يكون مقنع. لاء، أنا لسه شايف إن إحنا طول الوقت قاعدين بنبرر و نقدم ظروف خاصة جداً جداً جداً علشان نقدر نمرر الفكرة اللي عاوزين نقولها، و علشان كده عندي هذا التساؤل هل لو أي واحدة من هذه الظروف أو الشروط لم تتحقق هل ده معناه إن اختيار الاستمرار هيبقى مش متاح أو هيعتبر اختيار خاطئ؟!!!

[Fatma Ahmed]

خائن .. اون لاين للكاتبة سٌلافه الشرقاوي
دار ابداع للنشر والترجمة
عدد الصفحات ١٩٢ صفحة
حوار وسرد بالعربية الفصحى
في البداية هتكلم عن الغلاف لأنه شدني جدا وخطف عيني من أول مرة شوفته وسلافه أغلقة رواياتها بتتميز بالأختلاف والاهتمام بالتفاصيل

الرواية بتتكلم عن الخيانة مع انتشار وسائل التواصل والسوشيال ميديا واختلاف مفهوم الخيانة بالنسبة للرجل والمرأة وهل الخيانة الجسدية هي بس اللي تعتبر خيانة فقط وهي اللي الزوجة للي المفترض تحاسب عليها غير كده لا
من خلال نموذجين للخيانة مع اختلاف ردة فعل وتعامل كل زوجة للموقف

كالعادة سلافه نجحت انها توصل لنا شعور البطلتين واحساسهم بالألم حتى ولو الخيانة ما كانتش مكتملة ووضحت ان احساس الألم واحد وان الخيانة واحدة مهما أختلفت درجتها
وحقيقي كان سرد سلافه لوجع واحساس البطلات بالخيانة يدخل القلب مباشرة وكمان يفضل معلق في دماغك

حبيت شخصية سمية جدا وحسيت أنها الأقرب لقلبي وحبيت قوتها في انها تحافظ على بيتها وأولادها واحتوائها الكبير لورد مع ان في ناس ممكن تشوف تصرفها ضعف ولكن هو منتهى القوة والمناسب لشخصيتها المعطائة اللي عندها حس أمومي مش بس لأولادها ولوجود أطفال لازم تفكر فيهم وفي نفسيتهم ولشخصية رياض الهادية الصبورة اللي عندها أستعداد تعترف بغلطها وتكفر عنه

وفي المقابل ومع التناقض مع شخصية سمية بنلاقي شخصية ورد المدللة المندفعة الجامحة اللي ما كانش ينفع تتصرف غير كده وبالذات مع شخصية مراد وكبريائه ورفضه انه يعترف بخطئه

حبيت مشهد المواجهة الاخير اللي كان ما بين مراد وورد وحبيت اعتراف مراد بخطئه واستعداده انه يتحمل غضبها وشكها وعدم ثقتها فيه وده فعلا حصل في الاخر وأنه بيوضح ان الست ممكن تسامح سواء علشان بيتها او أولادها او حبها لزوجها لكن النسيان والثقة بيكونوا صعبين وبيفضلوا زي السحابة اللي بتظهر من وقت للتاني

من الشخصيات اللي حبتها مع ان ما كانش ليها ظهور الباشا والد ورد حبيت وحسيت بحبه واحتوائه ليها وحبيت كلامه اللي دايما كانت ورد بتفتكره

وفي الاخر تسلم ايدك يا سلافه كل رواية بقراها ليكي بيكون عندي ثقة ان دايما معالجتك ونهايتك بتكون واقعية ومنطقية ودايما بتقنع دماغي

[Eng Samira]

سيئه