Jump to ratings and reviews
Rate this book

بن حام

Rate this book
يقول التقرير أن اسمه آدم السلمي، طبيب هجين ملامحه أوروبية من أم ألمانية ذات أصول آرية نقية وأب حامي، هذا الطبيب سجنه الإنجليز في مصر بسبب إنخراطه في أعمال المقاومة أثناء ثورة 1919، وفى ألمانيا تم إلغاء رخصة ممارسته للطب، وقد اعتقله الجيستابو من قبل، وكانت وزارة البروباجندا قد جندته كي يشي على اليهودي هوجو إسرائيل مدير المركز الإسلامي الأحمدي، كما أنه كان خطيبا لإبنة عميد كلية الدراسات الشرقية المعارض للفوهرر. طرق القائد النازي بقبضة يده على المكتب بعنف وقال: أريد ملف هذا المصري على الفور. حالا سيدي.. هايل هتلر.

428 pages, Paperback

Published January 1, 2025

Loading...
Loading...

About the author

نادر الشرقاوي

3 books1 follower

Ratings & Reviews

What do you think?
Rate this book

Friends & Following

Create a free account to discover what your friends think of this book!

Community Reviews

5 stars
0 (0%)
4 stars
0 (0%)
3 stars
0 (0%)
2 stars
2 (100%)
1 star
0 (0%)
Displaying 1 - 1 of 1 review
Profile Image for عاشور الناجي.
1,001 reviews31 followers
August 26, 2026

■ فكرة الرواية بتاعة المصري اللي أمه ألمانية وهربان من الإنجليز بسبب ثورة ١٩١٩ واعتقله الجستابو الألمان وجندوه يتجسس علي مركز اسلامي بيديره واحد ي&ودي متحول للإسلام كانت ممتازة جدا ، وأظن بشوية شغل علي التفاصيل كان ممكن تعمل بطل مصري خارق علي طريقة أدهم الشرقاوي أو حافظ نجيب بتاع فارس بلا جواد أو حتي المعلم عبدالعزيز النص بتاع مذكرات حرامي.

■ لكن التنفيذ للأسف كان متواضع جدا سواء علي مستوي السرد أو الرتابة والنمطية في حكي القصة ، أو حتي في الأفكار اللي فجأة وبدون مقدمات اتحشرت في فصول الرواية الأخيرة وكأننا في فيلم دولجي خمسيناتي صناعه بيحاولوا يبرزوا مساوئ وخطايا العهد الملكي قبل مايختموه بقيام الثورة المجيدة ، فتلاقيه مطلع الرقاصة والقوّاد والعاطل والبلطجي وطنيين وولاد بلد وجدعان جدعنة متوصفتش ، وأقل واحد فيهم أحسن وأجدع من أي شيخ متدين مدعي للفضيلة في العلن وهو حد لعين في السر.

■ كنت هقول كمان غير إنه دولجي فهو علماني علي طريقة فيلم الزوجة التانية لما شيخ القرية الضلالي اللي ماشي في ضل العمدة الظالم مش حافظ من القرآن إلا آية: أطيعوا الله وأطيعوا الرسول وأولي الأمر ، بس هنا هو نقل المشهد المقزز ده من الفيلم بحذافيره فعلا ، وطلّع شيخ القرية بيطلب منهم طاعة العمدة بنفس الطريقة في مشهد لايمكن تخيله إلا بصوت نفس الممثل اللي كان في الفيلم.

■ رغم كده ولحد نص الرواية تقريبا لما البطل خرج من السجن وهاجر ألمانيا ورغم الانتقادات اللي علي المعالجة بس برضه ممكن تقول إنه لسه في حكاية تتحكي خصوصا لو لقطها واحد زي مروان حامد وعلي نفس ديكورات فيلم كيرة والجن وبنفس الأسلوب والطريقة ممكن تبقي فيلم تاريخي صورته حلوة ، بس طبعا ده لو عملت إعاده معالجة للشخصية الرئيسية وأكسبتها شوية صفات تصلح يبقي مغامر وعضو فاعل في المقاومة ضد الإنجليز غير الصفة الأساسية اللي حطهاله المؤلف إنه أبيض وأشقر وبملامح أوروبية ورثها من أمه الألمانية.

■ بس الفكرة إنه من بعد نص الرواية بشوية قلبنا من مروان حامد وكيرة والجن وديكورات مدينة الإنتاج الإعلامي لمجرد فيلم دعاية دعايا أمريكاني من اللي بينتجوه كل سنة وبيرشحوه للأوسكار بغض النظر عن مستواه مطلّع فيه الي&ود ملايكة بجناحات - أصلا أكبر تضيحة في قصة المقاومة في مصر كان مطلعه واحد ي&ودي ومعرفش دقة ده تاريخيا إيه الصراحة - ونسب كل خطايا البشر من ساعة ما اتوجدوا علي الكوكب للألمان ، زي الأمريكان ما بيعملوا في الأفلام بالظبط.

■ في الآخر هي روايته ويعمل ما بداله فيه
بس الواحد بيصعب عليه إنه الروايات اللي المفروض متصنفة تاريخي وبتلعب في الحتة دي أساسا قليلة جدا ، فيعني يوم ما تتعمل بدل ما تقول فيها فكرة جديدة أو تنبه لحادثة مهمة أو حتي تستغل الأحداث وتعمل أي حدوتة حلوة علي خلفية الأحداث والفوضي اللي كانت في شوارع القاهرة وقتها ، تبقي الرواية مجرد نسخة باهتة مكررة من حاجات كتير بايخة اتعملت قبل كده .
طب ليه ؟؟

■ هنا بقي كمان راح حاطط التاتش المصري المعتاد بتاعنا وبما إنه الشيوخ لازم يطلعوا أوغاد فملقاش وغد منهم ليه علاقة بالألمان إلا الحاج أمين الحسيني ، اللي يعني سابله صفحة كاملة يدافع فيها عن نفسه إنه الغاية تبرر الوسيلة وإنه مكنش قدامه حل تاني إلا التعاون مع الألمان ضد الإنجليز ، بس طبعا ده كان بعد ما مرمطه وطلعه مغرور وأحمق وشبه جاهل ومجرد تابع ذليل ليهم ، وده في وقت الصورة المشرقة لشيخ مسلم بينقذ الي&ود من الألمان كانت لزعيم الطائفة الأحمدية رمز التسامح في الرواية ، الشخص اللي هو أساسا كان ي&ودي والمفروض أسلم بس عادي هو مطلعه لسه مؤمن بشرائعهم ، وعقيدته عاملة ميكس عجيب كده بين الديانتين متفهمش ازاي !!

■ الرواية في تقديري كان فيها فرصة مهدرة وهي الكلام علي الدكتور المسلم اللي ساهم في إنقاذ الي&ود ومذكراته هو وغيره متاحة وهو ذكر جانب منها لكنها عدت بسرعة

السرد كان رتيب ممل ، واللغة عادية جدا شبه تقريرية اكتر منها أدبية ، والشخصيات مثالية بالزيادة طالعين من فيلم أبيض وأسود يا خير يا شر وقليل فيهم اللي كان طبيعي عنده ده وعنده ده ، مقدرش أقول التجربة ككل كانت ممتعة جدا أو سيئة جدا ، أنا بافضّل الروايات التاريخي عموما سواء بتحكي/بتتخيل أحداث معروفة أو حتي حدوتة عادية بتدور أحداثها وسط الأحداث التاريخية ، بس يعني بينغص عليا فيها دائما الأفكار العجيبة اللي بتتزرع في النص واللي بتبوظ جمال الرواية في العموم.

مما يضم لقوائم روايات الفرص المهدرة وقوائم روايات أفكارها جيدة بتنفيذ متواضع.

٧ ربيع أول ١٤٤٨ هجري
٢٠ اغسطس ٢٠٢٦م
Displaying 1 - 1 of 1 review