Ragnarök undir jökli

by Skúli Sigurðsson

Saga um dramb og firringu, vanmátt, von og miskunnarleysi örlaganna.

Þegar Magnea Ísaksdóttir, blaðamaður Kroníkunnar, heimsækir höfuðvígi umdeilds ásatrúarsafnaðar undir Tindfjallajökli flækist hún í háleitar fyrirætlanir allsherjargoðans, Óðins Jónssonar.

Óðinn trúir því að söfnuðurinn sæti ofsóknum yfirvalda og að kominn sé tími til að spyrna við fótum. Hann og fylgjendur hans eru reiðubúnir að berjast fyrir frelsi sínu. Reiðubúnir að láta sverfa til stáls.

Áður en Magnea veit af er hún í auga storms sem eirir engu.

Ragnarök undir jökli er sjálfstætt framhald af Stóra bróður og önnur bókin í Kroníkuseríunni.

448 pages, Hardcover

Published November 13, 2025

About the author

Skúli er höfundur spennubókanna Stóri bróðir (2022), Maðurinn frá São Paulo (2023), Slóð sporðdrekans (2024) og Ragnarök undir jökli (2025).

Stóri bróðir hlaut Blóðdropann, íslensku glæpasagnaverðlaunin, og Maðurinn frá São Paulo var tilnefnd þeirra.

Skúli er menntaður lögfræðingur með reynslu af blaðamennsku, mannúðarstörfum hjá Sameinuðu þjóðunum og flóttamannarétti.

Reviews

[Kristín]

Ég hafði virkilega gaman af þessari bók sem er ólík öðrum sem ég hef lesið frá íslenskum höfundum. Kom á óvart.

[Skúli Arnlaugsson]

Gat eiginlega ekki lagt hana frá mér!

[Ragna]

https://www.dv.is/fokus/2025/11/14/ra...

[Sara Hlín]

Ég var næstum hætt við að leggja í þessa þegar ég sá blaðsíðufjöldann og þykkt bókarinnar. Sem betur fer gerði ég það ekki enda minnug þess hvað fyrri bók höfundar var frábær. Þessi var alls ekki síðri. Mjög skemmtilegt málfar, flottur og spennandi söguþráður og áhugvert sjónarhorn út frá blaðamönnum sem eru í heimsókn á Iðavöllum. Það keyrir allt um þverbak með ofbeldi og blóðsúthellingum en þó allt innan marka. Frábær og mjög spennandi bók þó hún hefði vissulega mátt vera styttri.

[Árdís Indriðadóttir Stefáns]

Ótrúlega spennandi, frábær bók.

[Jóhanna]

Alltof, alltof, alltof löng bók, hefði kannski verið betri ef hún væri 200 blaðsíðum styttri.

[Brynjólfur Stefánsson]

Sennilega það sísta sem ég hef lesið eftir Skúla. Hefði komist fyrir á færri síðum.

[Aðalbjörg Bragadóttir]

Spennutryllir sem fer hægt af stað en ríghélt mér þegar allt fór af stað. Vel unnið með ásatrúna.

[Ísleifur]

Mjög skemmtileg lesning.

[Edda]

skelfileg bók með ógeðfelldum og hryllilegum lýsingum
hélt hún myndi batna en hraðlas restina til að vita hvernig hún endaði
skil ekki svona hryllingsbók

[Baldur Sverrisson]

Þegar ég var að lesa þessa bók rann upp fyrir mér að hún var bara alls ekki skrifuð fyrir mig.
Þetta var eins upplifun eins og þegar ég labba inn í lundabúð:
þetta er ekki fyrir mig þetta er til að plata erlenda ferðamenn.

Mér leið þannig eins og bókin væri skrifuð til að vera þýdd á önnur tungumál og selja ákveðna sýn á Ísland.

Ofan á það voru persónurnar óraunverulegar:

1. Vanhæfur ríkislögreglustjóri sem elskar fínu fötin sín og er með lélega hárkollu, kommon

2. Blaðamaður sem er svo mikill aumingi að hann bregst ekki einu sinni við til að reyna að bjarga eigin lífi heldur bara pissar í buxurnar, felur sig undir borði og skrifar ruslblaðamennsku, alls ekki trúanleg persónusköpun

3. Myndalega sjarmatröllið, sem er samt vondi karlinn, sem allar konurnar vilja sofa hjá. Líka systir hans...

Þetta voru 3 verstu dæmin, þó þau séu fleiri.
Aðalpersóna bókarinnar var þó vel skrifuð og góð persóna. Bókin hefði verið betri ef meira hefði verið einblínt á hana og sleppt því að komast inn í hugan á öðrum persónum