What do you think?
Rate this book
පියාසර සමය
500 pages, Paperback
Published January 1, 2024
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 5 of 5 reviews
November 16, 2025
පියාසර සමය කියන්නේ මට කියවන්න අදහසක් තිබුණ පොතක් නෙවෙයි. කතුවරයාගේ කලින් පොතක් කාලෙකට කලින් කියවලා, ඒ පොත මගින් නවත්තල දාලයි තිබූණේ. ඒත් 2025 වසර සඳහා පියාසර සමය, රාජ්‍ය සාහිත්‍ය සම්මානය, ස්වර්ණ පුස්තක සම්මානය යන සම්මාන දෙකම දිනාගත්තා. ඒ වගේම විද්‍යෝදය සාහිත්‍ය සම්මානයේ අවසන් වටයටත්, ගොඩගේ සාහිත්‍ය සම්මානය සඳහාත් නිර්දේශ වී තිබුණා. ඒ නිසා පියාසර සමය කියවන්න මේ සම්මාන සහ නිර්දේශ වලින් බලපෑමක් වුණා කිව්වොත් නිවැරදියි.
මම පියාසර සමය කියවන්න පටන් ගත්තේ එපමණ බලාපොරොත්තු නැතුව. ඒත් එය කියවාගෙන යන්න මම හිතපු තරම් නම් අපහසුවක් වුණේ නැහැ. කතාව නිශ්චිත කාල රාමුවක ගලාගෙන යන්නෙ නැහැ. විටෙක අතීතයෙන් කොටසකුත් විටෙක වර්තමානයෙන් කොටසකුත් වශයෙන් තමයි කතාව අපිට දැනගන්න ලැබෙන්නේ.
අරගල සමයේ අරගලයට නායකත්වය දුන්න තරුණ නායකයෙක් ඔහුට එල්ල වූ දේශපාලනික බලපෑම් නිසා ලංකාව අතහැර කැනඩාව බලා යනවා. ඔහුට එහිදී අධ්‍යාපනය හැදැරීමට කැනඩාව බලා ගොස් සිටින ආණ්ඩුවේ ප්‍රබල ඇමතිවරයෙකුගේ බිරිඳ මුණ ගැහෙනවා. ඔවුන් දෙදෙනාගේ කතාව, ඔවුන් දෙදෙනාට සම්බන්ධ තව තවත් චරිත වල කතාව පියාසර සමය තුලදී අපට මුණ ගැසෙනවා,
මම මේ කතාවෙ වැඩියෙන්ම කැමති වුණේ කතාවෙ අවසානයට. අවසානය ඒ විදියට වෙන්නෙ නැතුව වෙනස් විදියකට වුණා නම් මම හිතන්නේ ඒක තවත් එක කතාවක් විතරක් වෙන්න තිබුණා. ඒත් මේ අවසානය තියෙන විදියට මේ පොත විශේෂ වෙන්න හැම වෙනසක් ම සිදු වෙනවා. (The ending makes all the difference).
කතාව ගලාගෙන යන්නේ හරිම හෙමින්. එක් එක් චරිත වලට ස්තර කිහිපයකින් යුක්ත වන විදියටයි ලියලා තියෙන්නේ. කතාවෙ එක් එක් ස්ථාන වලදී මේ එක් එක් ස්තරය දිග හැරෙන ජාතියේ සිදුවීම් අපිට දකින්න ලැබෙනවා. එය මේ නවකතාවෙ ඉතාම සාධනීය ලක්ෂණයක් විදියටයි මම දකින්නේ.
මම මේ පොත මිලට ගත්තෙ පොත් ප්‍රදර්ශනය පැවැත්වුණාටත් පසුව සරසවි පොත් හලෙන්. පොත අයිති වෙන්නේ තුන් වෙනි මුද්‍රණයට. ඒ තරම් මුද්‍රණ වාර සංඛ්‍යාවක් ගිහින් වුණත්, මුද්‍රණ දෝෂ නිවැරදි කරල නැහැ. ඒක ප්‍රකාශකයාගේ අඩුපාඩුවක් විදියට මම දකිනවා.
මම හිතන්නේ පියාසර සමය කියන්නේ සිංහල පාඨකයා මඟ හැර නොගත යුතු නවකතාවක්. 2025 වසරේ හොඳම නවකතාව මෙය යැයි කියන්නට සංසන්දනය කළ හැකි තරම් නවකතා මම කියවා නැහැ. ඒ වුණත් මම හිතන්නේ මේක අනිවාර්යයෙන්ම කියවිය යුතු නවකතාවක් කියලයි.
October 25, 2025
අරගලයට උර දුන් තරුණ විප්ලවවාදියකු වූ චමත්, එසමයෙහි ඇති වූ දේශපාලනික විපර්යාසයන් සහ ජීවිත තර්ජන මත ශ්‍රී ලංකාව අතහැර දේශපාලනික සරණාගතයෙකු ලෙස කැනඩාවට පලා යයි.
අරගල මර්ධණ කර්තව්‍යයේ යෙදී සිටි ආ‌ණ්ඩු පක්ෂයේ කුප්‍රකට දේශපාලකයකුගේ ජනතාවාදී ,උගත්, සහ වැදගත් බිරිඳ වූ මිලංකා ද ශ්‍රී ලංකා භූමිය අතහැර වැඩිදුර අධ්‍යාපනය සඳහා කැනඩාවට ගොස් ජීවත් වන්නේද මෙම කාලය තුලදීය.
තුන්වන ලෝකයේ ගිනිගත් රටකින් මිදී , පලමු ලෝකයේ සමාජ ස්තර දෙකක ජීවත් වන මෙම දෙදෙනා අහම්බයකින් හමුවීම සහ ඔවුන්ගේ එම සංක්‍රාන්ති සමය මෙම නවකතාවේ ප්‍රධාන ආ‌ඛ්‍යානයයි.
ප්‍රධාන චරිත දෙකට අමතරව, මිලංකා ගේ මව , මිලංකා ගේ සැමියා, චමත් ගේ දෙමව්පියන් , චමත් ගේ පැරණි පෙම්වතිය සහ තව සුලු චරිත කිහිපයකගේ අතීත සහ වර්තමාන කතා, ඒ‌වාට අයත් රටවල් , කාල වකවානු, යනාදී සියලු දෙයින්ම කතුවරයා පාඨකයාව විවිධ දේශපාලන මති මතාන්තර සහ යුගයන් දෙස නො‌යෙක් දෘෂ්ඨි කෝ‌ණ වලින් විමසන්නට පො‌ලඹවයි. එය මෙම කතාව වියමනේදී මා දුටු වැදගත්ම ලක්ෂණයයි.
අතරින් පතර ඇතිවූ කාල පරාසයන්හි විෂමතා වැනි අඩුපාඩු හැරෙන්නට මට වෙන කිසිවක් දො‌සක් ලෙස දක්නට ලැබුනේ නැත.
ප්‍රධාන සහ උප ප්‍රධාණ චරිත ගලා ගිය මන්දගාමී ආ‌කාරයට පිටු හාරසියයක් වනතුරු හිත යටින් බැන බැන පොත කියවූ මට , එය එසේ ලිවීමට හේතුව අවසන් පරිච්ඡේද කිහිපයේ වැටහුණි. එම පරිච්ඡේද කිහිපය ජීවිතයේ අවිනිශ්චිත බව ඉතා හො‌ඳින් හුවා දක්වන ලිවීමකි.
කතාව විවෘත අවසානයකින් සමාප්ත වෙන්නේ පාඨකයාට සිතන්නට බොහෝ දේ ඉතිරි කරමිනි. අවසානය ඔබව මුරකාමිගේ ඇ‌තුලාන්තය විමසන චරිත වලින් සැදුන නවකතාවක් මතකයට නඟනු නො‌අනුමානය.
ස්වර්ණ පුස්තක අවසන් වටයට නිර්දේශිත සියලු පොත් කියවා අවසන, එම පොත් පහෙන් සම්මාණයට සුදුසුම පොත මෙය යයි මද අමනාප සිතින් වුවද සැක නැතිව පවසමි.
October 13, 2026
පියාසර සාමය - චන්ද්‍රරත්න බණ්ඩාර
මෙම නවකතාව ඝෝඨාභය රජය පරාජය කිරීම සඳහා සිදුවූ අරගලය සහ එයට නායකත්වය දුන් පිරිසෙහි සාමාජිකයෙකු වන චමත් සහ අරගලය මගින් චෝදනාවට ලක්වූ දුෂිත ඇමැතිවරයකුගේ බිරිඳක් වන මිලංකා අතර ඇතිවූ ආදර අන්දරයකි. අරගලයන් පසු සිදුවූ මර්දනයෙන් ගැලවීමට චමත් දේශපාලන රැකවරණ පතා කැනඩාවට සංක්‍රමණය විය. විශ්වවිද්‍යාල කතිකාචාර්ය වරියක්වූ මිලංකාටද වැඩිදුර අද්‍යාපනය සඳහා කැනඩාවේ චමත් විසු නගරයටම අහම්බයක් ලෙසට යාමට සිදුවිය.
දියුණු රටවල පුරවැසි භාවය පතා යන දුප්පත් රටවල සංක්‍රමණිකයන් මුල කාලයේදී අපාදුක් විඳිති. පසුව ඔවුන් බොහොමයක් එම පරිසරයට හැඩගැසී ආර්ථික ස්ථාවරය ලබාගෙන සැපදායක ජිවිත ගතකරති. මෙම අනවරත උත්සාහය කතුවරයා ඉදිරිපත් කර ඇත.
කියවීමට පහසු භාෂාවකින් කතුවරයා මෙම දීර්ඝ නවකතාව රචනාකර ඇත. මෙම නවකතාවට 2025 රාජ්‍ය සාහිත්‍ය සම්මානය, ස්වර්ණ පුස්තක සම්මානය, විද්‍යෝදය සාහිත්‍ය සම්මානය, ගොඩගේ සාහිත්‍ය සම්මානය පිරිනමා ඇත.
මෙම නවකතාවේ චරිත සහ සිදුවීම් වාණිජ හින්දි චිත්‍රපටියකට සමකල හැක. කොල්ලා දුප්පත් ගම්බදව හැදුනු ඉතා කඩවසම් පුද්ගලයෙකි, ඔහු චරිතවත් ගුණයහපත් මවට ආදරයකරන පරමාදර්ශී පුද්ගලයකි. ඔහුගේ හැකියාවන් අසීමිතය; සින්දු කීමට, සංගීත භාණ්ඩ වාදනය කිරීමට, විදේශිකයන් පරදා ඔරු පැදීමට, ගමේ හැදුනු දරුවෙකු වුවත් ජාත්‍යන්තර ප්‍රවුර්ති නාලිකාවකට ඉංග්‍රීසියෙන් අරගලය සම්බන්ධයෙන් විස්තරයක් ඉදිරිපත්කර එයින් ලෝක ප්‍රසිද්දියට පත්වීම ඒවායින් සුළු ප්‍රමාණයකි. කෙල්ල ඉතාරුමත්ය, ධනවත් රදල සමාජයේ ඉහලින් වැජබෙන පවුලකින් පැවත එන්නියකි. මිලංකා දුෂිත ඇමති වරයකුගේ බිරිඳ වුවත් ඇය ප්‍රතිපත්ති ගරුක ජිවිතයක් ගත්කර්න්නියක් ලෙසට කතුවරයා හුවා දක්වයි. නමුත් ඇය ස්වාමියාගේ මුදලින් කැනඩාවේ ඉතාම සුපොකභෝගී ජිවිතයක් ගතකරයි.
මිලංකා කැනඩාවට ගියේ තම වියදමින්ද, ශිෂ්‍යත්වයකින්ද, නැත්නම් රටේ පැවතුන අනාරක්ෂිත වාතාවරණයෙන් ගැලවීමටද යන්න පැහැදිලි නැත. මිලන්කාගේ ස්වාමිපුරුෂයා වන පුෂ්පදේව තම දේශපාලන බලය යොදාගෙන සිංහරාජ වනරක්ෂිතයේ විශාල සංචාරක හෝටලයක් ඉදිකිරීමේ නියුතුවේ. ඔහු එම හෝටලයට ගොස් එහි අඩුපාඩු කතාකරන්නේ බාස් උන්නැහ සමගය. අද ලංකාවේ මද්යම පන්තිය සාමාන්‍ය නිවසක් ඉදිකිරීමේදී වුවද උපදේශනය පතන්නේ ගෘහනිර්මාණ ශිල්පියාගෙනි. කොටිගනනක් වැයකර ඉදිකරන මෙවැනි සංචාරක හෝටලයකට ගෘහනිර්මාණ ශිල්පියකුගේ අදහස් නොපැතීම ප්‍රයෝගික නැත.
වාමාංශික දේශපාලනය උත්කර්ෂයට නන්වන කතුවරයා ධනපති රටක් වන කැනඩාවේ ලිබරල් දේශපාලනය සහ විවිධ ජාතික සංක්‍රමණිකයන් හට සම අයිතිවාසිකම් ඇති දේශයක් ලෙසට හඳුන්වාදීමට උත්සාහ දරයි. නමුත් නොදියුණු රටවලින් පැමිණෙන සංක්‍රමණිකයන් බොහොමයක් ජිවනෝපාය ලෙසට ස්වදේශිකයන් නොකරන කම්කරු රැකියාවල යෙදෙති. ආර්ථික අපහසුකම් වැඩි කාලවලදී බොහෝ දියුණු රටවල සංක්‍රමණ විරෝධී ජනරැලි පවත්වති. බොහෝවිට සංක්‍රමණිකයන් දෙවෙනි පෙළ පුරවැසියන් ලෙසට සලකති. මෙවැනි කළු හමක් ඇති සංක්‍රමණිකයන්ගේ අපහසුතාවන් කතුවරයා තම කතාවෙන් ඉදිරිපත් කරනැත.
මෙම නවකතාව ඝෝඨාභය රජය පරාජය කිරීම සඳහා සිදුවූ අරගලය සහ එයට නායකත්වය දුන් පිරිසෙහි සාමාජිකයෙකු වන චමත් සහ අරගලය මගින් චෝදනාවට ලක්වූ දුෂිත ඇමැතිවරයකුගේ බිරිඳක් වන මිලංකා අතර ඇතිවූ ආදර අන්දරයකි. අරගලයන් පසු සිදුවූ මර්දනයෙන් ගැලවීමට චමත් දේශපාලන රැකවරණ පතා කැනඩාවට සංක්‍රමණය විය. විශ්වවිද්‍යාල කතිකාචාර්ය වරියක්වූ මිලංකාටද වැඩිදුර අද්‍යාපනය සඳහා කැනඩාවේ චමත් විසු නගරයටම අහම්බයක් ලෙසට යාමට සිදුවිය.
දියුණු රටවල පුරවැසි භාවය පතා යන දුප්පත් රටවල සංක්‍රමණිකයන් මුල කාලයේදී අපාදුක් විඳිති. පසුව ඔවුන් බොහොමයක් එම පරිසරයට හැඩගැසී ආර්ථික ස්ථාවරය ලබාගෙන සැපදායක ජිවිත ගතකරති. මෙම අනවරත උත්සාහය කතුවරයා ඉදිරිපත් කර ඇත.
කියවීමට පහසු භාෂාවකින් කතුවරයා මෙම දීර්ඝ නවකතාව රචනාකර ඇත. මෙම නවකතාවට 2025 රාජ්‍ය සාහිත්‍ය සම්මානය, ස්වර්ණ පුස්තක සම්මානය, විද්‍යෝදය සාහිත්‍ය සම්මානය, ගොඩගේ සාහිත්‍ය සම්මානය පිරිනමා ඇත.
මෙම නවකතාවේ චරිත සහ සිදුවීම් වාණිජ හින්දි චිත්‍රපටියකට සමකල හැක. කොල්ලා දුප්පත් ගම්බදව හැදුනු ඉතා කඩවසම් පුද්ගලයෙකි, ඔහු චරිතවත් ගුණයහපත් මවට ආදරයකරන පරමාදර්ශී පුද්ගලයකි. ඔහුගේ හැකියාවන් අසීමිතය; සින්දු කීමට, සංගීත භාණ්ඩ වාදනය කිරීමට, විදේශිකයන් පරදා ඔරු පැදීමට, ගමේ හැදුනු දරුවෙකු වුවත් ජාත්‍යන්තර ප්‍රවුර්ති නාලිකාවකට ඉංග්‍රීසියෙන් අරගලය සම්බන්ධයෙන් විස්තරයක් ඉදිරිපත්කර එයින් ලෝක ප්‍රසිද්දියට පත්වීම ඒවායින් සුළු ප්‍රමාණයකි. කෙල්ල ඉතාරුමත්ය, ධනවත් රදල සමාජයේ ඉහලින් වැජබෙන පවුලකින් පැවත එන්නියකි. මිලංකා දුෂිත ඇමති වරයකුගේ බිරිඳ වුවත් ඇය ප්‍රතිපත්ති ගරුක ජිවිතයක් ගත්කර්න්නියක් ලෙසට කතුවරයා හුවා දක්වයි. නමුත් ඇය ස්වාමියාගේ මුදලින් කැනඩාවේ ඉතාම සුපොකභෝගී ජිවිතයක් ගතකරයි.
මිලංකා කැනඩාවට ගියේ තම වියදමින්ද, ශිෂ්‍යත්වයකින්ද, නැත්නම් රටේ පැවතුන අනාරක්ෂිත වාතාවරණයෙන් ගැලවීමටද යන්න පැහැදිලි නැත. මිලන්කාගේ ස්වාමිපුරුෂයා වන පුෂ්පදේව තම දේශපාලන බලය යොදාගෙන සිංහරාජ වනරක්ෂිතයේ විශාල සංචාරක හෝටලයක් ඉදිකිරීමේ නියුතුවේ. ඔහු එම හෝටලයට ගොස් එහි අඩුපාඩු කතාකරන්නේ බාස් උන්නැහ සමගය. අද ලංකාවේ මද්යම පන්තිය සාමාන්‍ය නිවසක් ඉදිකිරීමේදී වුවද උපදේශනය පතන්නේ ගෘහනිර්මාණ ශිල්පියාගෙනි. කොටිගනනක් වැයකර ඉදිකරන මෙවැනි සංචාරක හෝටලයකට ගෘහනිර්මාණ ශිල්පියකුගේ අදහස් නොපැතීම ප්‍රයෝගික නැත.
වාමාංශික දේශපාලනය උත්කර්ෂයට නන්වන කතුවරයා ධනපති රටක් වන කැනඩාවේ ලිබරල් දේශපාලනය සහ විවිධ ජාතික සංක්‍රමණිකයන් හට සම අයිතිවාසිකම් ඇති දේශයක් ලෙසට හඳුන්වාදීමට උත්සාහ දරයි. නමුත් නොදියුණු රටවලින් පැමිණෙන සංක්‍රමණිකයන් බොහොමයක් ජිවනෝපාය ලෙසට ස්වදේශිකයන් නොකරන කම්කරු රැකියාවල යෙදෙති. ආර්ථික අපහසුකම් වැඩි කාලවලදී බොහෝ දියුණු රටවල සංක්‍රමණ විරෝධී ජනරැලි පවත්වති. බොහෝවිට සංක්‍රමණිකයන් දෙවෙනි පෙළ පුරවැසියන් ලෙසට සලකති. මෙවැනි කළු හමක් ඇති සංක්‍රමණිකයන්ගේ අපහසුතාවන් කතුවරයා තම කතාවෙන් ඉදිරිපත් කරනැත.
May 10, 2026
මෑතකාලීන දේශපාලන ඉතිහාසයේ සත්‍ය සිදුවීමක් පසුබිම් කරගෙන, එම සිදුවීමෙන් වූ ප්‍රතිඵලයක් ලෙස ආරක්ෂාව පතා රට හැර ගිය තරුණ අරගලකාමී නායකයෙක් සහ එම හේතුවම මුල් කරගෙන රට හැර ගිය, ඉහත කී සිදුවීමට තදින් විරුද්ධ වූ සහ එය මර්දනයට උගුල් ඇටවූ බලවත් 'ඇමතියෙකුගේ' ජනප්‍රිය බිරියක් එකිනෙකා මුණගස්වා, ලංකාවේ සහ ලෝකයේ දේශපාලනය, දේශපාලන ඉතිහාසය, දේශපාලනයේ යතාර්ථය පිළිබඳව යම් ඉඟියන් ලබා දී වැඩිදුර සිතා බැලීම පාඨකයා වෙතම ඉතිරි කර, ඒ අතරම ආදරය, බැඳීම්, අධ්‍යාත්මිකත්වය, මානව ස්වභාවය ඇතුළු කාරනා බොහොමයක් කතාකෙරෙන අපූරු කතාන්දරයක් ලෙසයි 'පියාසර සමය' මා හඳුන්වන්නේ. අතුරු කතාන්දර කීපයක්ම එකතු කිරීමෙන් එක දිගට ගලායන කතාවක ඇතිවිය හැකි නීරස බව නැතිකර කතාවට විවිධත්වයක් ලබා දීමට කතුවරයා සමත් වී ඇත. එමෙන්ම ඒ අතුරු කතාන්දර හරහා සමාජයේ විවිධ තල වල, විවිධ අවස්ථාවන්හිදී මිනිස් හැසිරීම් සහ සිතුවිලි පිළිබඳ යතාර්ථය වෙත පාඨකයාගේ අවධානය යොමුකිරීමට ද ඔහු සමත්ව ඇතැයි කිව හැක. භාෂාව භාවිතය, මනා සංයමයකින් සහ කාව්‍යමය භාෂාවකින් ඇතැම් සිද්ධීන් ඉදිරිපත් කර ඇති ආකාරයත් ඉතාමත් අපූරුයි. පොතේ කතාන්දරයටත් වඩා මම කැමති වූයේ එම භාෂාව භාවිතයේ තිබෙන සුන්දරත්වයටයි.
November 23, 2025
ආරම්භය තරමක් මන්දගාමීව පොත අතට නොගන්නා තරමටම ලං වූවත්, තරමක් දුරදී කතාවට ආශක්ත වීමි. එහෙත් සමහර අවශේෂ කරුණු විස්තර කිරීම් පුද්ගලිකව මටනම් දිගු වැඩි යැයි සිතුනි. අවසානය එක්වරම සියල්ල කඩා වැටීමක් නිසාත්, ලඟදී සිදුවූ දේ වාර්තාමය ස්වරූපයක් තිබූ නිසාත් පුද්ගලිකව මෙය මට තරු තුනකි.
Displaying 1 - 5 of 5 reviews