3 دقايق

by كريم مشرف

سألتنى زوجتى ذات يوم ... كنت فين بقالك شهرين مش باين ؟
قلت لها : هه !! شهرين !! وانتى متفتكريش جوزك إلا لما تحبى تصلحى الأباجورة وحنفية الحمام ؟!
ماعلينا .... فحكيت لها أننى كنت أجلس ذات يوم فى الديزل المتجه من القاهرة الى الاسكندرية جنب الشباك
فجلس بجوارى رجل مهيب الطله عظيم البنيان وطلب منى أن يجلس مكانى جنب الشباك
فقلت له مش قايم ووضعت يدى على زجاج الشباك وقلت له وضع يد ده ولا مش وضع يد حضرتك !!!
فضحك مستهزئا وقال لى (بإشمئناط) لاااااااا ده إنت قلبك ميت بقا
فقلت له ساخرا : لاااااااااااا أنا أديب مش قلبى ميت
فسخر من كلمة أديب وقال لى يعنى إيه أديب يافندى ؟
خريج أداب يعنى ؟
فقلت له بلهجة مدرس لابس بدله موظفين ........

100 pages, Paperback

First published January 28, 2015

Reviews

[shaimaa El-Essway · Rating 4 out of 5]

خلصته في ساعه تقريبا!!

[Fặ Đi Là · Rating 4 out of 5]

كتاب خفيف ساخر استطاع الكاتب كريم مشرف ان يحتفظ بسعادة وابتسامة القارئ طوال القراءة

[Rana · Rating 4 out of 5]

بعض المشاكل موجودة في اغلب البيوت و بطريقة ساخرة

[Moataz Altaher · Rating 3 out of 5]

الكتاب ياخد 3 نجوم فقط
أول نجمة لأن اسمه قريب من فحواه لأنه يخلص فى 3 دقايق :D
تانى نجمة عشان أسلوب الكلام البسيط والغير خارج ما عدا فى موضوع طحن فشخ :D
تالت نجمة حلو ادب الاعترافات ويا ريته يزيد فى الفترة دى عشان الهم اللى احنا فيه :D
لكن راحوا منه نجمتين بسبب أن المواضيع اللى فى الكتاب مش قوية الصراحة كلام عادى جداً سطحى عكس الكتب من النوع ده زى كتب عمر طاهر مثلاً بتبقى مواضيعها قوية وفيها رسالة من تحت لتحت لكن للاسف محستش بده فى كتاب 3 دقايق وكمان من أسباب ضياع النجمتين فى تقديرى أن المواضيع اللى مكتوبة فى الكتاب مكنش لازملها كتاب عشان تتحط فيه :) كان آخرها تتكتب فى بوست ع الفيس او فى مدونة وكانت هتجيب لايكات وتعليقات أكتر كمان وكان كريم مشرف هيتشهر أكتر :)
#رأيى_الذى_لا_قيمة_له

[Mariam syam · Rating 3 out of 5]

الكتاب صغير رغم حجم القضية التي نتحدث عنها مبدئيا الموضوع الذي يطرحه الكاتب موضوع هام لا ننكر ابدا أهمية التحدث عنه تمنيت لو تعمق الكتاب أكثر في الفكرة التي تمت مناقشتها عن طريق زيادة القصص بعض الشئ بصفة عامة هذا اللون يليق بالكاتب اتمنى له الاستمرار به و النجاح انتظر العمل القادم

[أحمد سعيد بخيت · Rating 3 out of 5]

جرعة جميلة من الضحك
استمتعت بقراءته كثيرا
يفتقد لقوة مناقشة القضية
انتظر كتابك القادم

[Abdelrhman Mossad · Rating 3 out of 5]

كتاب حلو و خفيف