What do you think?
Rate this book
نظر
"نظر"
ديوان بالعاميّة المصريّة
غلاف: كريم آدم
عن دار ميريت للنشر
الديوان هايكون متوفّر بجميع فروع مكتبة "ديوان" ومكتبات "ألف" و"الشروق" ودار ميريت للنشر
ومعرض القاهرة الدولي للكتاب 2015 بجناح "ميريت" وجناح "دوّن"..وباقي المكتبات حسب الطلب
ديوان بالعاميّة المصريّة
غلاف: كريم آدم
عن دار ميريت للنشر
الديوان هايكون متوفّر بجميع فروع مكتبة "ديوان" ومكتبات "ألف" و"الشروق" ودار ميريت للنشر
ومعرض القاهرة الدولي للكتاب 2015 بجناح "ميريت" وجناح "دوّن"..وباقي المكتبات حسب الطلب
- GenresPoetry
100 pages, Paperback
First published September 1, 2014
5 people are currently reading
205 people want to read
About the author
مايكل عادل
5 books432 followers26-8-1987مايكل عادل أمين..دكتور علاج طبيعي خريج 2009 مواليد
من الجيزه..وأصول صعيديّة...شاعر عاميّة يصدر له ديوان بعنوان
غنّيوه و ورقه و قلم
عن دار ميريت للنشر في معرض الكتاب يناير 2011
ومُرَشَّح لجائزة نجيب محفوظ الأدبية وفائز بجائزة مهرجان النشر الجماعي و مهرجان عيش وحلاوة الأدبية
وأحد مؤسسي فريق ميم تكعيب لإلقاء الشعر والموسيقى
وأحد مؤسسي نشاط إستيجماتيزم للرسم والشعر المقفي البسيط
وصاحب محطة اليوتيوب دي
http://www.youtube.com/user/ThePoetmi...
ومشروعه هو التوزيع الموسيقي للقصائد وإلقائها بطريقه مميّزة وتطوير فن الإلقاء
وده لينك البيدج
http://www.facebook.com/michael.adel....
من الجيزه..وأصول صعيديّة...شاعر عاميّة يصدر له ديوان بعنوان
غنّيوه و ورقه و قلم
عن دار ميريت للنشر في معرض الكتاب يناير 2011
ومُرَشَّح لجائزة نجيب محفوظ الأدبية وفائز بجائزة مهرجان النشر الجماعي و مهرجان عيش وحلاوة الأدبية
وأحد مؤسسي فريق ميم تكعيب لإلقاء الشعر والموسيقى
وأحد مؤسسي نشاط إستيجماتيزم للرسم والشعر المقفي البسيط
وصاحب محطة اليوتيوب دي
http://www.youtube.com/user/ThePoetmi...
ومشروعه هو التوزيع الموسيقي للقصائد وإلقائها بطريقه مميّزة وتطوير فن الإلقاء
وده لينك البيدج
http://www.facebook.com/michael.adel....
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 23 of 23 reviews
February 28, 2018
عمر الغنا ما بينتهي
بنموت ويفضل حي
الحلم عمره ما ينقتل
مهما هيبعد .. جاي
والعشق ساكن معاني
في ضربة وتر
في أغاني تملى الحي
لسه العيون فيها النظر
قادره تشوف الضي
قادره تشوف مليون قمر
يضوي الطريق الجاي
والفكره ملهاش نهايه
ولا بالحجر .. ولا بالرصاص الحي
من وجهة نظري مايكل عادل هو ثاني أفضل شاعر بين الشعراء الشباب في مصر بعد مصطفى إبراهيم، أسلوبه مميز وراق جدا، لم يأخذ حقه للأسف، بدليل انني وجدت صعوبة كبيرة في الوصول للديوان، وبرغم اني قرأت نسبة كبيرة من محتواه خلال متابعتي له على "الفيسبوك"، لاقيت متعة كبيرة جدا في قراءته، وانفعلت معاه في مواضع كثيرة، اتمنى يكون في ديوان جديد له قريبا، ويكون له إنتشار أكبر من "نظر"؛ بالتوفيق يا مايكل يا عادل
February 15, 2015
"بسم الإله خالق وطننا والحياة" نبدأ ..
ونبدأ أول ما نبدأ بالغلاف.. موفق جدا ومعبر للغاية وفيه قدر لا بأس به من البهجة.. شكرا كريم آدم.
الاستهلال ، هو اقتباس للإمام الأكبر ابن عربي وهذا شيئ لو تعلمون عظيم!!
قبل ما أدخل في القصايد عاوزة أقول إن أكتر حاجة مميزة لشعر مايكل عادل ، هو كونه بيلعب لوحده -تقريبا- في منطقة بيتحاشى أو بيخاف من الدخول فيها معظم اللي بينسبوا نفسهم للشعر الأيام دي... بيلعب في عالم "الإنسان" الواسع ومش بيعتمد اعتماده الأساسي على المشاعر الرومانسية .. لاء الهموم اللي بيمر بيها في حياته عموما.
سارتر كان بيقول -ما معناه- إن الأديب هو اللي بيفرض تصوره على الجمهور مش بيمشي ورا الذوق العام والمطلوب سماعه.. وإن العمل الأدبي قيمته بتنقص بسبب اعتماد الأديب على الذوق العام المنتشر في فترة ظهور العمل للنور.. ويمكن دا السبب الأساسي في انحدار قيمة ما يسمى بالشعر الأيام دي علشان المعاني بتكون استهلكت، وماعادش لها بريق يميزها.
لذلك مايكل عادل هو واحد من الشعراء اللي ليهم بصمة في الجيل دا.
ندخل في القصايد
..
"سكريبت" تاخد أوسكار أعظم قصيدة في الديوان،يمكن دي القصيدة الوحيدة اللي بالشكل دا في الديوان، لكن الحق إن مايكل مبدع في اللون دا جدا، لو اشتغل عليه أكتر هيكون طعم شعره مختلف تماما.
"كربلاء" القصيدة سبب حبي لشعر مايكل عادل أصلا.. مش قادرة أحدد السبب بشكل دقيق ، يمكن لأني أول مرة قرأتها فيها كنت في أوج غضبي علشان بتعرف بالتفاصيل على مأساة سيدنا الحسين؟!
وقرايتها في الوقت دا أعطت للمعنى بعد تاني في ذهني؟!
ممكن.
"يا عاشقين اتجمعوا جنب الدفا" أقرب ما كتب مايكل عادل لقلبي..
وأنا قاعدة كتير مع حالي بقول "يا عاشقين وجه النبي صلوا عليه".. وليها حدوتة لطيفة معايا .. حيث كنت راجعة من الكلية في يوم والشارع كان شبه فاضي، والمنطقة مقطوعة ، ولقيتني بردد القصيدة .. أينعم بوظتهاله جوا عقلي؛عشان مش حافظاها لكن كانت سبب في نزول السكينة على قلبي طول فترة ترديدها لحين ما وصلت لمكان آمن -نوعا ما-.. وأنا كنت بقرأها دلوقتي كنت بقرأها بصوته.. ودا شيئ مبهج للغاية :")
"حقوق الزهقان" .. أكتر قصيدة ضربت الوجع ف مقتل، وداست عالجرح وفرفتته.
(حتى اسأليني عن ربيعك يا استنادي) .. من قصيدة تحت عنوان :"1-1-2013"
أنا وقفت قدام الجملة دي كتير..
كتير جدا!
وقريتها لوحدها كدا فوق المش عارفة كام مرة..
يمكن تكون أعظم بيت في الديوان كله!
فكرة "السند" اتصورت كتير ، بس -فيما مر عليا- أول مرة اقرأ الاشتقاق :"استنادي".. وقعه على الروح مريح بطريقة غريبة!!! وجميلة : ).
أخر حاجتين
-مايكل حتى ف الرومانسي له طعم مختلف، تصويراته جديدة ومش مستهلكة ، وبسيطة بتلمس الروح.
- وف حتت كتير حسيت بروح عم نجم بتحلق في فضاء القصيدة.
4 علامات.. والباقية متحاشة لما يسجل الديوان بصوته :")
مايكل.. أحسنت، بشدة.
تعديل..
الديوان كان محتاج فهرس علشان أقدر أوصل للقصيدة الل انا عاوزاها بسهوله.
زائد بعض الأخطاء المطبعية اللي من اللطيف تلافيها في الطبعات الجاية
ونبدأ أول ما نبدأ بالغلاف.. موفق جدا ومعبر للغاية وفيه قدر لا بأس به من البهجة.. شكرا كريم آدم.
الاستهلال ، هو اقتباس للإمام الأكبر ابن عربي وهذا شيئ لو تعلمون عظيم!!
قبل ما أدخل في القصايد عاوزة أقول إن أكتر حاجة مميزة لشعر مايكل عادل ، هو كونه بيلعب لوحده -تقريبا- في منطقة بيتحاشى أو بيخاف من الدخول فيها معظم اللي بينسبوا نفسهم للشعر الأيام دي... بيلعب في عالم "الإنسان" الواسع ومش بيعتمد اعتماده الأساسي على المشاعر الرومانسية .. لاء الهموم اللي بيمر بيها في حياته عموما.
سارتر كان بيقول -ما معناه- إن الأديب هو اللي بيفرض تصوره على الجمهور مش بيمشي ورا الذوق العام والمطلوب سماعه.. وإن العمل الأدبي قيمته بتنقص بسبب اعتماد الأديب على الذوق العام المنتشر في فترة ظهور العمل للنور.. ويمكن دا السبب الأساسي في انحدار قيمة ما يسمى بالشعر الأيام دي علشان المعاني بتكون استهلكت، وماعادش لها بريق يميزها.
لذلك مايكل عادل هو واحد من الشعراء اللي ليهم بصمة في الجيل دا.
ندخل في القصايد
..
"سكريبت" تاخد أوسكار أعظم قصيدة في الديوان،يمكن دي القصيدة الوحيدة اللي بالشكل دا في الديوان، لكن الحق إن مايكل مبدع في اللون دا جدا، لو اشتغل عليه أكتر هيكون طعم شعره مختلف تماما.
"كربلاء" القصيدة سبب حبي لشعر مايكل عادل أصلا.. مش قادرة أحدد السبب بشكل دقيق ، يمكن لأني أول مرة قرأتها فيها كنت في أوج غضبي علشان بتعرف بالتفاصيل على مأساة سيدنا الحسين؟!
وقرايتها في الوقت دا أعطت للمعنى بعد تاني في ذهني؟!
ممكن.
"يا عاشقين اتجمعوا جنب الدفا" أقرب ما كتب مايكل عادل لقلبي..
وأنا قاعدة كتير مع حالي بقول "يا عاشقين وجه النبي صلوا عليه".. وليها حدوتة لطيفة معايا .. حيث كنت راجعة من الكلية في يوم والشارع كان شبه فاضي، والمنطقة مقطوعة ، ولقيتني بردد القصيدة .. أينعم بوظتهاله جوا عقلي؛عشان مش حافظاها لكن كانت سبب في نزول السكينة على قلبي طول فترة ترديدها لحين ما وصلت لمكان آمن -نوعا ما-.. وأنا كنت بقرأها دلوقتي كنت بقرأها بصوته.. ودا شيئ مبهج للغاية :")
"حقوق الزهقان" .. أكتر قصيدة ضربت الوجع ف مقتل، وداست عالجرح وفرفتته.
(حتى اسأليني عن ربيعك يا استنادي) .. من قصيدة تحت عنوان :"1-1-2013"
أنا وقفت قدام الجملة دي كتير..
كتير جدا!
وقريتها لوحدها كدا فوق المش عارفة كام مرة..
يمكن تكون أعظم بيت في الديوان كله!
فكرة "السند" اتصورت كتير ، بس -فيما مر عليا- أول مرة اقرأ الاشتقاق :"استنادي".. وقعه على الروح مريح بطريقة غريبة!!! وجميلة : ).
أخر حاجتين
-مايكل حتى ف الرومانسي له طعم مختلف، تصويراته جديدة ومش مستهلكة ، وبسيطة بتلمس الروح.
- وف حتت كتير حسيت بروح عم نجم بتحلق في فضاء القصيدة.
4 علامات.. والباقية متحاشة لما يسجل الديوان بصوته :")
مايكل.. أحسنت، بشدة.
تعديل..
الديوان كان محتاج فهرس علشان أقدر أوصل للقصيدة الل انا عاوزاها بسهوله.
زائد بعض الأخطاء المطبعية اللي من اللطيف تلافيها في الطبعات الجاية
February 16, 2015
بسم الإله خالق وطننا والحياة وأول ديوان أقراه لمايكل عادل
عن عم نجم اللى انكتب له إهداء :-
والمركبة أبحرت
شايلة عليها عم
من أولياء الوطن
والأرض
والإنسان
مونولوج:-
الغربة وسط البشر
والغربة في الأوطان
أصعب على المغترب من خبرة في الجرنان
دي الغربة شيء في القلب
والقلب يوم لو كان
أقسى عليك م البشر
إياك تقوله كمان
ولا يوم تقول مليت
من قبضة السجان
سكريبت أعظم ما جاء في الديوان .. قليل من يجيد هذا اللون فكرني بإنى رأيت اليوم من ديوان المانيفستو .. حقيقى عظيم جداً :)
قصيدة الحياة عن مفهوم الحياة بالنسبة لنا وقصيدة كربلاء وحبي لكل من يحب سيدنا الحسين.
صوت عالي وحالنا مع أم البلد دي
محتاجة لايه
عشان ترضي؟
_ الوصايا
وانشر أنينك وقت ما يجيلك أنين
وزع آلامك بين صحاب التجربة
_مفيش
أنا اللى مقتولي أمل عايز يعيش
مش قادر أرجع خطوتين للمعركة
ولا قادر أنده ع النهار
ويقول مفيش
_ حقوق الزهقان من أعظم القصائد حقيقي
من حق قلبك ينقبض من غير سبب
من حق بوزك يتلوي
وقت الغضب
انت اللى صابر ع القرف والعكننة
والناس محاصرة ضحتك من كام سنة
حقك تلاقي متعتك وقت الهرب
والناس تسيبلك كام دقيقة تنبسط
بعدين هترجع تكتئب
حقك تقول للناس كلام
وانشالله حتى ما كان عجب
من حق حزنك يندهك
بس بأدب
March 6, 2015
بسم الإله
فيه قصائد رائعة.. متنوع.. فيه من البساطة والحقيقة.. والواقع.. وبعض الخيال
حتى اللمحة الرومانسية مختلفة جدا جدا وجميلة..
هقراه تاني واكيد تالت..
مستنيه اسمعه..
فيه قصائد رائعة.. متنوع.. فيه من البساطة والحقيقة.. والواقع.. وبعض الخيال
حتى اللمحة الرومانسية مختلفة جدا جدا وجميلة..
هقراه تاني واكيد تالت..
مستنيه اسمعه..
January 13, 2015
من قبل ما أقرأ الديوان
5 نجمات للمبدع كريم آدم على الغلاف
5 نجمات للمبدع كريم آدم على الغلاف
February 20, 2015
نبدأ من الغلاف!
الغلاف من قبل ماالديوان ينزل و هو محير بالنسبالى، مفهوم و مبدع جدا ف فكرته و بيناسب جملة قريبة مننى دايما، بس مش عارفة مين اللى قالها بتقول: "ما دمنا خلقنا من تراب، فلما لا ينبت الورد فينا"
لكن لحد بعد ما قريت و انا مش عارفة اوصل لـ ايه اللى مش مريحنى فيه
الاستهلال بمحى الدين، فاجئنى حسيت اننى هكون قدام جرعة تقيلة.. مش سهل تتاخد على مرة واحدة، و قد كان!
* فى النور تكون كل البنات مريم*
فى الاول كنت بحاول اعمل ربط للقصايد ببعض، معرفتش.. كل واحدة حالة و كل واحدة بتخلينى اقراها و اقفل شوية و اكمل بعدين، من هنا كنت بقرا و انا عارفة اننى هرجع تانى اقراه اكتر من مرة كل واحدة كأنها الأولى
المرة دى كنت بحاول استكشفه و اشوف اللى شبه السوق جواه، لغرض معين.. بس معرفتش! معرفتش الاقى فيه الدارج، كنت متأكده انه مش هيكون سهل اننى اعمل كدا بس طلع اصعب مما تخيلت كمان
قصيدة *خمسين* قريتها على اجزاء! خدت مننى يومين تقريبا!!
باب الدنيا *يا طالعين عين لللل الجبليا مولللل الموقدين النار
بين لللل يامان يامان عين للل هنا يا روح
ما بدي منكي لللكم خلعة ولا لالالا لابدي ملبوس
<3
بيان اعتذار.. لازم لازم تتغنى!
مستنية *الوصايا* بصوتك جدا.. انا اصلا كنت بسمعها و انا بقرا كل كلمة
الليل.. تكاد تكون اقرب حاجة ليا ف كلماتك كلها، كل ما افتح الديوان لازم ابص عليها.. كاننى بتطمن انها تمام او اننى مش بنسى كلماتها
حسيت ان * ع القد* فيها منها :))
الحاضرين الساكنين فينا
و الغائبين المشتاقين لينا
و الكلمتين اللى كتبناهم
1-1-2013 مينفعش تتساب ف الورق كدا بس!
يا تتغنى يا تتسجل
انتى و انا
مكانوش بعاد
ولا كنت عارف بالضرورة قسمتى
بوصيكم.. كأنها امتداد لـ (يا شيلينكو - مصطفى ابراهيم)
La vie En Rose مثلا قريتها 3 مرات!!
فى حاجات كتير أوى ممكن تتكتب هنا، و لو قعدت اكتب هحتاج اعلق على كل حاجة و انقى حتة من كل قصيدة
انا قعدت كتير اقرا فيه و حاسة اننى ظلمته و اتسرعت كمان!
* * * * * *
مبروك يا عظيم :))
و سط الضجيج سقفة
مبعوتة من أجلك
الغلاف من قبل ماالديوان ينزل و هو محير بالنسبالى، مفهوم و مبدع جدا ف فكرته و بيناسب جملة قريبة مننى دايما، بس مش عارفة مين اللى قالها بتقول: "ما دمنا خلقنا من تراب، فلما لا ينبت الورد فينا"
لكن لحد بعد ما قريت و انا مش عارفة اوصل لـ ايه اللى مش مريحنى فيه
الاستهلال بمحى الدين، فاجئنى حسيت اننى هكون قدام جرعة تقيلة.. مش سهل تتاخد على مرة واحدة، و قد كان!
* فى النور تكون كل البنات مريم*
فى الاول كنت بحاول اعمل ربط للقصايد ببعض، معرفتش.. كل واحدة حالة و كل واحدة بتخلينى اقراها و اقفل شوية و اكمل بعدين، من هنا كنت بقرا و انا عارفة اننى هرجع تانى اقراه اكتر من مرة كل واحدة كأنها الأولى
المرة دى كنت بحاول استكشفه و اشوف اللى شبه السوق جواه، لغرض معين.. بس معرفتش! معرفتش الاقى فيه الدارج، كنت متأكده انه مش هيكون سهل اننى اعمل كدا بس طلع اصعب مما تخيلت كمان
قصيدة *خمسين* قريتها على اجزاء! خدت مننى يومين تقريبا!!
باب الدنيا *يا طالعين عين لللل الجبليا مولللل الموقدين النار
بين لللل يامان يامان عين للل هنا يا روح
ما بدي منكي لللكم خلعة ولا لالالا لابدي ملبوس
<3
بيان اعتذار.. لازم لازم تتغنى!
مستنية *الوصايا* بصوتك جدا.. انا اصلا كنت بسمعها و انا بقرا كل كلمة
الليل.. تكاد تكون اقرب حاجة ليا ف كلماتك كلها، كل ما افتح الديوان لازم ابص عليها.. كاننى بتطمن انها تمام او اننى مش بنسى كلماتها
حسيت ان * ع القد* فيها منها :))
الحاضرين الساكنين فينا
و الغائبين المشتاقين لينا
و الكلمتين اللى كتبناهم
1-1-2013 مينفعش تتساب ف الورق كدا بس!
يا تتغنى يا تتسجل
انتى و انا
مكانوش بعاد
ولا كنت عارف بالضرورة قسمتى
بوصيكم.. كأنها امتداد لـ (يا شيلينكو - مصطفى ابراهيم)
La vie En Rose مثلا قريتها 3 مرات!!
فى حاجات كتير أوى ممكن تتكتب هنا، و لو قعدت اكتب هحتاج اعلق على كل حاجة و انقى حتة من كل قصيدة
انا قعدت كتير اقرا فيه و حاسة اننى ظلمته و اتسرعت كمان!
* * * * * *
مبروك يا عظيم :))
و سط الضجيج سقفة
مبعوتة من أجلك
March 2, 2015
فى 2011 اشتريت اول ديوان لمايكل عادل
"غنيوة ورقة وقلم " وكان انطباعى عنه ان محتوى الديوان هش وضعيف علشان كده مقدرتش افهمه ولا احسه وتقريبا ندمت انى جبته "
وبناءا عليه مجبتش " س28" لما نزل
النهاردة ديوان " نظر " كان المحصلة الوحيدة اللى طلعت بيها من معرض الكتاب .
وفى اللحظة اللى ماسكة فيها الديوان بتأكد من المقولة اللى بتقول " الشعر مش بس شعر لو كان مقفى وفصيح ... الشعر لو مس قلبى وقلبك شعر بصحيح .
وبجد من قلبى شكرت ربنا على نعمة وجود الناس " شعراء العامية الصادقين " اللى بتقدر تعبر ميت مرة عن اللى احنا مبنعرفشى نعبر عنه وإلا أصبحت الحياة أشد كآبة
الديوان ده وقفنى عند قصايد كتير وعند اماكن كتير وخلانى ابكى ...وعلشان كده حيتضاف عندى فى قايمة الدواوين المفضلة
وبناءا عليه انا مسامحة فى اول ديوان اشتريته لمايكل عادل
* ينصح به للناس اللى فى قلوبها تراكمات أحلام كتير
صحيح نسيت اقول ان فى مقياس تانى لدواوين الشعر بالأخص الجديد منها .... الديوان اللى بيقدر يلمسنى هو الللى بقدر اقراه كله مرة واحدة وارجع اقراه تانى ورابع ومية وألف فى حين ان فى دواوين تانية كتير ممكن
تعجبنى منهم قصيدة بس مبقدرشى اكمل ع اللى بعدها
ولا يزال السبب مجهول .
"غنيوة ورقة وقلم " وكان انطباعى عنه ان محتوى الديوان هش وضعيف علشان كده مقدرتش افهمه ولا احسه وتقريبا ندمت انى جبته "
وبناءا عليه مجبتش " س28" لما نزل
النهاردة ديوان " نظر " كان المحصلة الوحيدة اللى طلعت بيها من معرض الكتاب .
وفى اللحظة اللى ماسكة فيها الديوان بتأكد من المقولة اللى بتقول " الشعر مش بس شعر لو كان مقفى وفصيح ... الشعر لو مس قلبى وقلبك شعر بصحيح .
وبجد من قلبى شكرت ربنا على نعمة وجود الناس " شعراء العامية الصادقين " اللى بتقدر تعبر ميت مرة عن اللى احنا مبنعرفشى نعبر عنه وإلا أصبحت الحياة أشد كآبة
الديوان ده وقفنى عند قصايد كتير وعند اماكن كتير وخلانى ابكى ...وعلشان كده حيتضاف عندى فى قايمة الدواوين المفضلة
وبناءا عليه انا مسامحة فى اول ديوان اشتريته لمايكل عادل
* ينصح به للناس اللى فى قلوبها تراكمات أحلام كتير
صحيح نسيت اقول ان فى مقياس تانى لدواوين الشعر بالأخص الجديد منها .... الديوان اللى بيقدر يلمسنى هو الللى بقدر اقراه كله مرة واحدة وارجع اقراه تانى ورابع ومية وألف فى حين ان فى دواوين تانية كتير ممكن
تعجبنى منهم قصيدة بس مبقدرشى اكمل ع اللى بعدها
ولا يزال السبب مجهول .
February 14, 2015
لسه العيون فيها النَظَر .. قادرة تشوف الضي
يختتم الشاعر ديوانه الذي لا تشعر بالملل أبداً بصحبته بتلك الرسالة المفعمة بالأمل المجبر على الإيمان بها بعد قراءة الديوان رغم " انكسارك جوه حلمك " ..
شكراًلمايكل و " لعاشقين وجه الجمال الحر " القادرين على رؤية الأجمل و سط القبيح و سماع النغم وسط النشاز
يختتم الشاعر ديوانه الذي لا تشعر بالملل أبداً بصحبته بتلك الرسالة المفعمة بالأمل المجبر على الإيمان بها بعد قراءة الديوان رغم " انكسارك جوه حلمك " ..
شكراًلمايكل و " لعاشقين وجه الجمال الحر " القادرين على رؤية الأجمل و سط القبيح و سماع النغم وسط النشاز
February 21, 2015
من الدواوين العامية الجيدة القليلة التى صدرت هذا العام ..
من المميز جدا فى شعر مايكل عادل هو القصايد الطويلة و رغم طولها تكون بتتناول موضوع واحد و دى حاجة مش موجودة غير عند عدد قليل من الشعراء اللى موجودين على الساحة حاليا ..
الديوان مميز فى تناول مواضيع كثيرة مش مقتصر على الرومانسية المفرطة زى حال اغلب الدواوين اللى بتصدر حاليا ..
ديوان فى مجمله جيد جدا ..
من المميز جدا فى شعر مايكل عادل هو القصايد الطويلة و رغم طولها تكون بتتناول موضوع واحد و دى حاجة مش موجودة غير عند عدد قليل من الشعراء اللى موجودين على الساحة حاليا ..
الديوان مميز فى تناول مواضيع كثيرة مش مقتصر على الرومانسية المفرطة زى حال اغلب الدواوين اللى بتصدر حاليا ..
ديوان فى مجمله جيد جدا ..
February 8, 2015
Michael Adel I have nothing to say except thank you so much... An amazing experience reading your poems. Being speechless rarely happens to me . Again thank you
February 2, 2015
مايكل عادل من أقوي الشعراء الشباب في مصر .. ديوان نظر أظن انه هيكون من أقوي ٣ دواوين في المعرض مع ديوان بث تجريبي و أهرام الجمعة .. إستمتعت جدا بالـ ديوان و بساطة الكلمات و مواضيع من قلب المجتمع ..
February 3, 2015
منتظرة مقاطع أكتر صوتية من الديوان
February 5, 2015
ماينفعش ياخد أقل من خمسة
أنا قريت الديوان لغاية الوقتى 4 مرات
ومستمتعة جدا يعنى
من زمان أوى ماحسيتش كدة بحاجة بقرأها
كل القصايد عجبتنى
فى النور نشوف كل الحاجات واضحة :)
أنا قريت الديوان لغاية الوقتى 4 مرات
ومستمتعة جدا يعنى
من زمان أوى ماحسيتش كدة بحاجة بقرأها
كل القصايد عجبتنى
فى النور نشوف كل الحاجات واضحة :)
February 16, 2015
وبسأل"توافقى نكون مبسوطين"؟
Read
February 16, 2015قرأت بعض مقتطفات من الديوان على صفحه الفيس وعجبنى جدا انا بعتبر فى العموم مصطفى ابراهيم ومايكل عادل من اهم الناس اللى بتكتب شعر عامى لانه مش بس عن الحب كمان عن الثوره وحال الناس
March 20, 2015
ديوان جيد .. كلام مايكل عادل حلو جدا
بس محستش بالديوان .. ملمسنيش غير في قصيدة او اتنين بس
قريته في وقت طويل اوي .. مليت منه
فـ هكتفي بال 3 نجوم كتقييم له .
بس محستش بالديوان .. ملمسنيش غير في قصيدة او اتنين بس
قريته في وقت طويل اوي .. مليت منه
فـ هكتفي بال 3 نجوم كتقييم له .
March 3, 2015
بسم الله .. نبتدي بالغلاف اللي لونه لوحده فيه بهجة مختلفة عن اي غلاف ديوان شعر شوفته ,, و اللي بيتوافق جدا مع الجملة اللي مكتوبة في ضهر الكتاب "لسة العيون فيها النظر قادرة تشوف الضي "
أسلوب القصايد و انتقاء الفاظها كان موفق جدا و القصايد في المجمل كلها حلوة و دى حاجة مش جديدة علي مايكل
قصيدة لو تفرحي عبقرية بيتلخص جمالها في " كل اللي جاي هيفتكر كل اللي راح و كل اللي راح يفديكي بالعمر اللي جاي " ,, و قصيدة الوصايا و هو بيقول "دوَر في حلم بيتسرق عالأمنيات" ..و سكريبت اللي حسستني اني عايشة جوا المشهد اللي بيوصفه بالظبط :)) .. و "حقوق الزهقان" و "عبط" اللي مانزلتش كلها في الديوان :)) .. و تبقي الجملة اللي مش عايزة تروح من دماغي " الحياه هي التقدم في اتجاه المعركة ..من غير رجوع"
دُمت مبدع يا مايكل .
أسلوب القصايد و انتقاء الفاظها كان موفق جدا و القصايد في المجمل كلها حلوة و دى حاجة مش جديدة علي مايكل
قصيدة لو تفرحي عبقرية بيتلخص جمالها في " كل اللي جاي هيفتكر كل اللي راح و كل اللي راح يفديكي بالعمر اللي جاي " ,, و قصيدة الوصايا و هو بيقول "دوَر في حلم بيتسرق عالأمنيات" ..و سكريبت اللي حسستني اني عايشة جوا المشهد اللي بيوصفه بالظبط :)) .. و "حقوق الزهقان" و "عبط" اللي مانزلتش كلها في الديوان :)) .. و تبقي الجملة اللي مش عايزة تروح من دماغي " الحياه هي التقدم في اتجاه المعركة ..من غير رجوع"
دُمت مبدع يا مايكل .
March 21, 2015
مايكل عادل من الناس اللي بحبها وبحترمها جداً على المستوى الإنساني،
بعرف كلامه من وسط كلام كتير، كأنه بيسيب حتت من روحه جوا كلامه، بعد ديوان "س 28" كنت مستنية الديوان ده جداً
عجبني اوي الغلاف المميز برسمته والوانه
في الأول اتقفلت حسيت اني بقرا لحد تاني غير مايكل بس قعدت اقول اكيد الدنيا هتظبط وفعلا ده اللي حصل من اول "الوان"
في النور تشوف كل الحاجات واضحة
في النور نقدر نبتدي نحلم
والنور بيستني البنات تصحى في النور تكون كل البنات مريم
حبيت
مشهد أخير
ناقص واحد
الحياة
شرطة الأخلاق
صوت عالي
الوصايا
يا عاشقين
تنظير
خسوف
مفيش
الليل
متاريس
حقوق الزهقان
الكشكول
عبط /نظر /ع القد/اول معاد/بوصيكم
La vie en rose
ضل
دمت بخير يا مايكل وعقبال كل ديوان :))))
بعرف كلامه من وسط كلام كتير، كأنه بيسيب حتت من روحه جوا كلامه، بعد ديوان "س 28" كنت مستنية الديوان ده جداً
عجبني اوي الغلاف المميز برسمته والوانه
في الأول اتقفلت حسيت اني بقرا لحد تاني غير مايكل بس قعدت اقول اكيد الدنيا هتظبط وفعلا ده اللي حصل من اول "الوان"
في النور تشوف كل الحاجات واضحة
في النور نقدر نبتدي نحلم
والنور بيستني البنات تصحى في النور تكون كل البنات مريم
حبيت
مشهد أخير
ناقص واحد
الحياة
شرطة الأخلاق
صوت عالي
الوصايا
يا عاشقين
تنظير
خسوف
مفيش
الليل
متاريس
حقوق الزهقان
الكشكول
عبط /نظر /ع القد/اول معاد/بوصيكم
La vie en rose
ضل
دمت بخير يا مايكل وعقبال كل ديوان :))))
December 30, 2019
مع انى مبتدأه فى قرأت الشعر بس فعلا حلو
"الغربة فى الأوطان
أصعب على المتغرب من خبره فى الجرنان"
"لسه العيون فيها النظر قادرة تشوف الضى
قادرة تشوف مليون قمر يضوى الطريق الجى
و الفكرة ملهاش نهاية و لا بالحجر و لا بالرصاص الحى"
"الغربة فى الأوطان
أصعب على المتغرب من خبره فى الجرنان"
"لسه العيون فيها النظر قادرة تشوف الضى
قادرة تشوف مليون قمر يضوى الطريق الجى
و الفكرة ملهاش نهاية و لا بالحجر و لا بالرصاص الحى"
June 9, 2015
عم نجم ... تاثر مايكل بيه فى الديوان ده واضح جدااا
اجمل القصائد من وجهة نظرى
لحن السلام
مونولوج
خمسين
خسوف
مفيش
وطبعا طبعا حقوق الزهقان و ع القد
كالعاده يلعب مايكل على وتر انسانى بحت دون مبالغه وده اكتر مايميزه واللى مخليه احسن واحد يعبر عنى واعتقد عن ناس كتير غيرى
اجمل القصائد من وجهة نظرى
لحن السلام
مونولوج
خمسين
خسوف
مفيش
وطبعا طبعا حقوق الزهقان و ع القد
كالعاده يلعب مايكل على وتر انسانى بحت دون مبالغه وده اكتر مايميزه واللى مخليه احسن واحد يعبر عنى واعتقد عن ناس كتير غيرى
February 7, 2015
في قصايد كتير حلوة جدا ..محتاجة اقراه مرة واتنين وتلاته
October 7, 2016
بحبش الشّعر، وما بقرأ شعر، الا لعدد قليل من الشّعراء. اهمهم مايكل عادل :)
Displaying 1 - 23 of 23 reviews