الشخص

by أحمد محيي الدين

Unknown Binding

First published January 1, 2015

Reviews

[Sahar · Rating 2 out of 5]

خلصت رواية (الشخص) دلوقتى وقبل أى كلام عنها خلينى اقول ان تقييمها فى نظرى نجمتين لا غير نجمة لأن الفكرة حلوة ومميزة جدآ والكلام عن حياة القتلة المحترفين مش متداول بكثرة فى الروايات العربى والنجمة الثانية سببها وصفه الدقيق للمصريين فى صفحة من صفحات الكتاب ؛ نكلم بقى عن الرواية الكاتب عنده فكرة حلوة وممكن تعمل رواية عظيمة لكن لﻷسف الرواية مكتوبة وحش جدآ وتفتقد عناصر التشويق والإثارة اللى تعمل من فكرة صغيرة حدث جلل بجانب ان الكاتب مش محدد هوية للرواية عايز يكتب اكشن ولا عايز يكتب رواية نفسية ولا عايز يكتب رواية سياسية ولا عايز ايه بالظبط وواخد حتة من كل لون وملخبطهم على بعض بطريقة غريبة ورغى كتير كتير كتيررررر بدون اى لزمة اصلآ وكمان فلاش باك متقطع ومش فى محله بيتنقل من مرحلة لمرحلة ومن مشهد لمشهد ومن زمن لزمن بدون اى مقدمات ولا تنبيهات ولا اى حاجة وبالنسبة للجزء الخامس (اؤمرنى يعنى ) حضرتك عايز ايه بالظبط عايز تحط تصورين مختلفين لﻷمور وكل قارئ يستخدم التصور اللى على هواه مثلآ ولا انت دخلت فى سياسة وعايز تمسك العصاية من النص وترضى جميع الأطراف فبتقول مرة ان الثورة فشلت ونتائج فشلها كذا وكذا ومرة انها نجحت ونتائج نجاحها كذا وكذا ولا ايه بالظبط؟
وبالنسبة بقى لﻷمور المعلقة ف الرواية زى الولد الصغير والبنت الشقراء وحكايتهم اللى ملهاش نهاية ولا ذكر دى والمدير اللى شبه قريبه وعايز يقتله وقريبه شبهه وعايز يقتله دول كانو كام مشهد هربانين من فيلم اجنبى مثلآ وانت معملتش حبكة عدلة تنجحهم ولا ايه وفين الشخص ومين الشخص ولا المنظمة باللى فيها مفيش اسقاطات عليهم ف روايتك ليه عشان تقول بالمعنى المخفى قصدك ايه ولا انا استنتاجى صح من الأول وانت نفسك مش عارف انت عايز روايتك تبقى ايه؟ ؟؟؟
وبعدين ايه الهدف بقى؟ تطلع شخص سيكوباتى بيستمتع بالقتل طب على فكرة دة رعب نفسى مش اكشن ولا تطلع رواية فيها قاتل بيتنقل بين الدول وبيقتل بلا رحمة ومهنته كدة ومش عايز يغيرها طب دة اكشن بقى مش رعب نفسى خالص ، فإيه الخلاصة يعنى من ال257 صفحة دول بالظبط برأيك؟ ؟؟
الصديق اللى قرأ الريفيو ومفهمش حاجة (عشان تعرف شعورى وانا بقرأ اخر جزءين من الرواية دى :/ :/
الأصدقاء بتوع الترشيحات (إنتو بتهرجو صح أكيد أكيد بتهرجو بشكل أو بأخر يعنى -_-

[Ahmed Fahmy · Rating 2 out of 5]

الصديق احمد محيي الدين ..
بداية الفكرة المميزة هي ما جذبتني لإقتاء الشخص .. الإسم الغامض والتظهير المختصر بالرغم من حالة القلق التي انتابتني بعد قرائتها .. فالفكرة بالرغم من كونها مبتكرة إلا انها في نفس الوقت شائكة للغاية ولا يوجد بها نصف نجاح .. فهي إما نجاح مبهر .. أو فشل كرية .. وقد حاولت ان تلعب علي الوسطية في الرواية .. فرفضت منحنا الحد الأقصي من المتعة في رواية من وجهة نظري المتواضعة ناقصة الي حد بعيد .. ليس احداثاً بل رؤية فلسفية وابعاداً نفسية ..
كقارئ استشعرت منك ان الرواية اخذت منك ساعات من الكتابة الإضطرارية .. كتابة فقط لملئ الصفحات .. من دون محاولة منك لبث روحك الخاصة بالرواية .. وربما يكون السبب في ذلك هو كم التفاصيل السردية عن عالم موازي يتعامل ببساطة مع قاتل محترف .. .. تلك كانت محاولة كادت ان تصيب ببراعة لولا اقحام الواقع المرير لما قبل الثورة .. وحشر بعض المعلومات اللامفيدة عن الثورة وهروب العديد من رجال الأعمال الفاسيدين .. والإرتفاع بسطح الاحداث في الرواية لدرجة اغتيال الرئيس ..
بعض المالغات الفلسفية والسردية في الرواية .. ومحاولة البطل ابتكار رؤية فلسفية جديدة حول القتل .. البطل الذي هو في العادي لا يجد لنفسة مكان وسط القتلة المحترفين ذائعي الصيت في مجالة .. فهو في النهاية قليل العمل .. فمن اين لة بفهم فلسفة القتل .. بل اين لة بالفلسفة اصلا وقد غابت عنة المعايشة الحياتية لمهنتة التي سيبتكر فلسفة خاصة بها ..
المقابلة التلفزيونية انتقصت من الاحداث ومن ومعقوليتها .. خاصة انة تم الإشارة اليها ضمنياص قبل التنوية عنها في الأحداث .. كنوع من المفاجئات الغير متوقعة .. بل وفي الإصل لما تم اختيار ذلك القاتل بالذات .. هذا بالإضافة الي العديد من الأسئلة التي لا اجابة لها .. علي سبيل المثال ..
ما هي العلاقة المريبة بين المدير والبطل التي تجعل الأخير القاتل المفضل للمنظمة ؟
من هو بوجي .. ولما ظهر فجأة واختفي فجأة ؟
لماذا استمرت الألغاز في الظهور ومن خلفها يقيناً ؟
في النهاية .. الرواية لم ترقي الي النتوقع منها خاصة مع ارتفاع وتيرة الملل في الرواية دون ملاحظة الكاتب لذلك .. فبداية من مرور نصف الرواية افتقدت كافة عوامل الجذب فيها ولم يبدو ان الكاتب اهتم بذلك كثيراً .. فقد اكتفي بسرد الأحداث بعدم اكتراث حتي يصل الي مشهد النهاية الذي طال انتظارة لملل اصاب القارئ والأحداث ..
في النهاية شكراً احمد محيي الدين علي التجربة والتي كانت ناقصة بالرغم من ذلك .. .. وشكراً علي حبك للمغامرة والشجاعة المفرطة لتناول مشروع شائك وناقص في التفاصيل .. والي قادم افضل دوماً

[Mohamed Abdel-Salam · Rating 4 out of 5]

الرواية حقيقي جميلة
واعتقد ان اختلاف توجهاتها.. وعدم تصنيفها ووضعها كرواية بوليسية او انسانية او حتي نفسه أمر اعتقد انه جيد طبقا لطبيعة القصة نفسها
القاتل بأجر كانت او ضد مجهول كانت تجربة قديمة لي ولكنها لم تكتمل للاسف
حاولت زمان استمع لقاتل باجر وكان اشهرهم منذ 20 عاما واستمعت لقصتة منذ 8 سنوات قبل ان يموت
الرواية اعجبتني وطبقا لما سمعت منذ 8 سنوات يتفق مع ما جاء في الرواية
تحياتي ومودتي

[Salma Saeed · Rating 3 out of 5]

أعتقد إن لو القتل كان أمر مُباح إنسانيتنا تمنعنا من إننا نقتل