مصر وأمريكا وإسرائيل: قصة الصراع المستمر في الشرق الأوسط 1948-1973

by جمال معوض شقرة

286 pages, Paperback

Published January 1, 2020

Reviews

[Eslam · Rating 3 out of 5]

كتاب في مجمله كويس، مش جميل قوي، مشكلته كان بيقتطع الاحداث، فيتكلم عن الاحداث الي عايزها وبطريقته وتفسيره للاحداث دي، وميجبش سيرة أحداث تانية.

يعني اسباب حرب 67 متكلمش عنها ولا الحرب نفسها، هو اكتفى انه قال جملة كلام عايز يثبت بيه ان حرب 67 تخطيط امريكي - اسرائيلي، عشان جمال جامد زوحليقة ومحدش عارف يعمل معاه حاجة.

هل الكلام ده صح؟ هو ممكن يبقى سبب من الأسباب بس فيه اسباب تانية كتير للحرب أهمها ان جمال كان حمار كبير وكان فاكر حوار حرب السويس هيتكرر تاني والعالم تقول عليه بطل شعبي ورمز من رموز القلقاس، بس للاسف محصلش وحركاته زي تصريحاته الي ملهاش لازمة وغلقه مضيق تيران وكلامه عن قناة السويس وتحركات الجيش الي ملهاش اي مبرر، كان من اسباب الحرب، بس للاسف الكاتب مجبش سيرة الكلام ده خالص واكتفى ان الحرب دي مؤامرة كونية على جمال.

الحلو ف الكتاب حرب 1948 وصراع امريكا وانجلترا للسيطرة على الشرق الأوسط اثناء وبعد الحرب العالمية حتى حرب السويس 1956 والي تعتبر نهاية امبراطورية بريطانيا العظمى.

وتاني نقطة كويسة ف الكتاب، ما بعد حرب الست أيام، نضال مصر في حرب الاستنزاف والمفاوضات السرية بين مصر وأمريكا بعد وصول السادات للحكم.