Stjörnurnar yfir Eyjafirði

by Ása Marin

Stjörnurnar yfir Eyjafirði er sjálfstætt framhald jólasögunnar Hittu mig í Hellisgerði sem sló í gegn á aðventunni 2024; notaleg, fyndin og rómantísk saga sem vermir hjartaræturnar.
Valería er búin að fá nóg af bæði brauðtertum og hinni velmeinandi móður sinni. Enda sannarlega kominn tími til að 27 ára gömul kona flytji úr foreldrahúsum. Tækifærið birtist óvænt í auglýsingu í Bændablaðinu: Jólagarðinn í Eyjafirði vantar samfélagsmiðlastjóra – og starfinu fylgir íbúð! Valería leggur majónesið á hilluna og svífur vösk norður á vit ævintýranna.
En þótt það sé gaman í nýju vinnunni og fólkið sé indælt og gott, er ekki laust við að hún sakni vinkvenna sinna og sé auk þess orðin leið á að vera einhleyp. Þannig að Valería drífur í að stofna stefnumótaþjónustu – og þá fara ástarhjólin sannarlega að snúast hjá ýmsum í Eyjafjarðarsveit.

220 pages, Kindle Edition

Published October 30, 2025

Reviews

[Albina · Rating 3 out of 5]

Gerist að mestu á Akureyri, Hrafnagili og Dalvík. Mikið talað um samgöngur, hjól og skort á strætó. Alveg skemmtileg bók en ekki stórkostleg. Keypt í Skáldu

[Kamilla · Rating 4 out of 5]

Æj þessi er nú voðalega sæt svona sérstaklega í desember á Akureyri

[FriðrikaOdduMattaskó · Rating 4 out of 5]

Æ, svaka sæt bók, ekta svona á milli jóla og nýárs léttlestur.

[Valgerður Magnúsdóttir · Rating 4 out of 5]

Skemmtileg og læsileg léttlestrarbók.

[Kristin Höskuldsdóttir · Rating 5 out of 5]

Falleg og vel skrifuð bók, ég naut þess að lesa hana um jólin og hafði mjög gaman af 🥰