Fröken Dúlla : ævisaga

by Kristín Svava Tómasdóttir

Jóhanna Knudsen, kölluð Dúlla af ástvinum sínum, er alræmd vegna rannsókn hennar á siðferðisástandinu í Reykjavík á árum seinni heimsstyrjaldar. Nærgöngular yfirheyrslur hennar yfir stúlkum sem grunaðar voru um samneyti við erlenda hermenn hafa verið kallaðar umfangsmestu persónunjósnir Íslandssögunnar. En hver var Dúlla Knudsen?

368 pages, Hardcover

Published October 23, 2025

Reviews

[Una Sighvatsdóttir · Rating 5 out of 5]

Frábær bók og fróðleg mjög. Ástandið og þessi fyrstu ár sjálfsmyndarmótunar lýðveldisins Íslands í miðju stríði er sérlega safaríkt söguefni til að byrja með, en fær nýja vídd séð með augum hinnar margbrotnu persónu Jóhönnu "Dúllu" Knudsen. Kristín Svava grefur upp ótrúlegustu heimildir, og vangaveltur höfundar um túlkun þeirra heimilda er líka skemmtileg viðbót við söguna. Gaman að lesa sagnfræðibækur sem flæða svona vel, með lifandi frásögn og liprum texta.

[Nína Guðrún · Rating 4 out of 5]

Þessi kom mér virkilega á óvart.
Ég naut þess að sitja uppi í sófa og hverfa til baka til stríðsáranna.
Tengdapabbi mældi með

[Jakob Hannesson · Rating 4 out of 5]

Merkileg heimildarsaga kvenlögreglusnjósnarans, Jóhönnu Knudsen sem var ráðin af yfirvöldum til að njósna um konur í Reykjavík og hvort þær væru í ,,ástandinu. Mikil umræða hafði farið fram í Reykjavík um hnignandi siðferði ungra kvenna í Reykjavík og umgengni þeirra við breska og síðar ameríska hermenn. Stúlkurnar og fjölskyldur þeirra eru nafngreindar í skjölum Jóhönnu en skjölin ná til 500 kvenna í Reykjavík sem eru á listanum úr öllum stéttum. 14 af 42 ólögráða stúlkum voru dæmdar af svokölluðum unglingadósmstól og voru vistaðar á Kleppjárnsreikjum en hinar sendar í sveit. Jóhönnu var lýst sem vandlætingarsamri konu og má með sanni segja að hún hafi verið það.

[Eva Engilráð · Rating 4 out of 5]

Vel skrifuð og auðlesin. Mér fannst einstaklega gaman að höfundur leyfði lesanda að vera með í ferlinu og skrifa um hvernig heimildaöflun fór fram. T.d þegar höfundur var staddur á Ísafirði í leit af heimildum. Mér leið oft eins og ég væri á staðnum þegar ég las bókina bæði með höfundi og í Ástandinu. Virkilega áhugaverð sagan hennar Dúllu.

[Katla Lárusdóttir · Rating 4 out of 5]

Afar áhugaverð lesning, ekki bara fröken Dúllu vegna heldur til glöggvunar á tíðaranda sem litar skoaðnir og hegðan fólks. Kristín Svava skrifar lipran og læsilegan texta sem gerir lesturinn enn skemmtilegri. Gott stöff!

[Margrét · Rating 4 out of 5]

Áhugaverð bók um skrítna konu og tímabil sem enn virðist standa yfir með aðeins ólíkum áherslum. Nú eru þau vandlætingarsömu töluvert fleiri og úthrópun fer fram á samfélagsmiðlum og hjá ritstjórnum fjölmiðla. Sama gildir um þjóðernishyggjuna.

[Kristrún Sigurðardóttir · Rating 4 out of 5]

Áhugaverð

[Sigurður Ármann · Rating 4 out of 5]

Afskaplega vel gert.