Mamma og ég : myndir og minningar

by Kolbeinn Þorsteinsson

Saga mæðginanna Kolbeins Þorsteinssonar og Ástu Sigurðardóttur rithöfundar. Ásta var þjóðþekkt sem rithöfundur og nánast goðsögn vegna skrifa sinna. Einkalíf hennar var þó enginn dans á rósum. Ásta glímdi við óreglu lengst af ævi sinni og barðist við þá djöfla sem fylgdu fíkninni. Börn hennar voru tekin af henni og send í fóstur

Kolbeinn segir söguna frá sjónarhóli barnsins og lýsir þeim mikla sársauka sem fylgir því að verða móðurlaus og sendur af hálfu barnaverndarnefndar til vandalausra og vita lítið um móður sína og ástand hennar. Hann lýsir einnig voninni sem hann ól með sér um endurfundi og sameiningu sem aldrei varð.

193 pages, Hardcover

Published October 1, 2025

Reviews

[Harpa Hilmarsdóttir · Rating 3 out of 5]

Þetta er mikilvæg bók sem á erindi við lesendur enda segir hún frá átakanlegum aðstæðum barna sem fá ekki að umgangast foreldra sína. Það gefur henni aukið gildi að foreldrarnir eru fólk sem Íslendingar þekkja og allavega þótti mér áhugavert að lesa þessa hlið eftir að ég las Minn hlátur er sorg eftir Friðriku Benónýsdóttur um Ástu Sigurðar.

Það hefði þó verið hægt að vinna betur úr sögunni með því að spekúlera aðeins meira, segja frá tilfinningum, hvaða áhrif þetta hefur haft á hinn fullorðna Kolbein og samskipti hans við systkinin fram á fullorðinsár. Kannski mátti hann ekki tala um það en þá hefði hann mátt nefna það það sé efni sem enn er of viðkvæmt að fara í. Þó að bókin segi mikla sögu þá skilur hún eftir of margar spurningar til að ég geti gefið henni fjórar stjörnur.

[Unnur Lárusdóttir · Rating 4 out of 5]

Áreiðanlega sorglegasta bók ársins. Barnið í leit að mömmu sinni sem aldrei kom. Hörð tilvera, en þau systkinin fengu þó að vera saman á Ökrum á Mýrum þar sem dýr og náttúra mynduðu þolanlegan ramma um oft erfitt líf. Ásmundur á Ökrum átti líka hlýjan faðm og gamla fólkið í Suðurbænum. Fallega upp sett bók og sterk saga um börnin hennar Ástu. Öl er böl.

[Rebekka Jenný · Rating 5 out of 5]

Mamma og ég. Myndir og minningar sem segja meira en mörg orð. 💔
falleg bók um minningar, móðurást og það sem lifir áfram í myndum!
Þung en falleg ❤️
Mæli eindregið með lestri þessara bókar, eins ævisögu Ástu Sigurðar

[FriðrikaOdduMattaskó · Rating 5 out of 5]

Mikið óskaplega vildi ég að ég gæti faðmað allt þetta fólk. Alkóhólismi er hræðilegur sjúkdómur.

[Valdís Mýrdal Gunnarsdóttir · Rating 4 out of 5]

úff þetta var átakanleg bók. Fallegt að fá að sjá líka hlið af Ástu sem mömmu heldur en bara listakonu <3 <3 <3 <3

[Katla Lárusdóttir · Rating 3 out of 5]

Sorgarsaga afleiðingar drykkjuskapar og hirðuleysis, börn sem alast upp án foreldra.

[Heidrun Hauksdottir · Rating 4 out of 5]

Vel skrifuð og einlæg minningabók sonar um móðurina, Ástu Sigurðardóttur.