Ժողովածուն ներառում է հեղինակի տարբեր տարիների գրած բանաստեղծություններն ու գրառումները, որոնք տրամադրությունների մեկ ընդհանուր դաշտում են: Զարուհի Բաթոյանի բանաստեղծության հերոսը քաղաքային աղմկոտ մենության մեջ ապրող անհատն է, ով շարունակ իրականության նշանները սեփական ապրումներով երանգավորելու ցանկություն է ցուցաբերում, իսկ երբեմն այդ մենությունը հաղթահարող ընկերակցություն փնտրում մեկընդմեջ հայտնվող ու անհետացող բնության ձայների ու երանգների մեջ: Փոքր տարածության մեջ բանաստեղծական տողերը իրականության և զգայական ապրումների սահմանաբաժանում անընդհատ անսպասելի շրջադարձեր են կատարում ` ընթերցողին նոր ու անսպասելի մի տարածություն ուղղորդելով: Հասմիկ Հակոբյան