Líf

by Reynir Finndal Grétarsson

Fjölskyldufaðir finnst látinn á heimili sínu í Grafarholti og virðist hafa fallið fyrir eigin hendi. En við krufningu kemur í ljós örlítið frávik. Smávægilegt ósamræmi sem breytir öllu.

Guðrún Ýr Ingimarsdóttir rannsóknarlögreglumaður fær málið í sínar hendur. Hún er eldskörp og hröð í hugsun, en líka þrjósk og rekst gjarnan á veggi innan kerfisins.

Í ljós kemur að þetta mál er aðeins upphafið að miklu stærri ráðgátu. Þræðirnir liggja inn í heim valda, spillingar og leyndarmála sem einhver er tilbúinn að verja með blóði. Í skuggunum bíður sá sem skilgreinir morð ekki sem glæp, heldur list.

Líf er ófyrirsjáanlegur sálfræðitryllir sem kafar djúpt í myrkustu afkima mannlegs eðlis. Reynir Finndal Grétarsson leiðir lesandann inn í hugarheim þar sem sannleikurinn er aldrei einfaldur og siðferði er afstætt. Lesandinn er orðlaus að lestri loknum.

288 pages, Hardcover

Published January 1, 2025

Reviews

[Sara Hlín]

Frábær, flókin og mjög öðruvísi. Aðeins of mikið af nöfnum fyrir mig þannig ég varð stundum smá rugluð. Þyrfti helst að lesa hana aftur með það fyrir augunum að sjá hvernig Guðrún stóð að rannsókninni.. var þetta allt að ganga upp?

[Siggeir]

Þessari bók tókst að fara bæði alveg óstjórnlega í taugarnar á mér og halda mér mjög spenntum þegar ég á annað borð var kominn af stað í lestri.

Fannst hún bæði spennandi og frekar ótrúverðug á sama tíma. Hún er dimm en samt stundum bara óþægilega groddaleg. Finnst vanta einhvern fínan ballans þarna.

[Ragnar F.]

Spennandi og hélt mér allan tímann.
Hélt áfram að koma á óvart fram á síðustu stund.

[Már Másson]

Frekar þunnur og ófrumlegur minnir á Stóra bróður en nær aldrei almennilegu flugi

[Kristjana Atladóttir]

mjög spennandi söguþràður og vel skrifuð EN vantar uppá persónusköpun. Sérstaklega er aðalpersónu ósannfærandi, ekki nógu heilsteypt og kynlífssenur ósannfærandi.

[Freyja]

3.5 ⭐️

[Dóra]

Sagan var ágæt og spennandi en ég var ekki ánægð með sögupersónurnar. Sumar nokkuð grunnar og aðeins of mikill rembingur á köflum.

[Rosa Gudny]

Ógeðsleg morðsaga um mannsal og vændishring skipulagðar af háttvirtum körlum. Spennandi en kannski ekki beint skemmtilegt

[Ragna]

https://www.dv.is/fokus/2025/11/12/li...

[Kristinn Hjálmarsson]

Of blóðug, of grimm fyrir mig.

[Hanna Lísa]

Wow. Á skilið mörg verðlaun. Frábærlega skrifuð. Grípandi. Algjör page turner. Ekki hægt að taka pásu frá lestri. Mögnuð og sturluð en mjög óþæginleg í lestri líka. Svo köld og grunn persónusköpun sem mér þykir yfirleitt leiðinleg en Reynir gerði þetta bara svo frábærlega! Hún fær 5/5 ⭐️ frá mér!