مذكرات لوسيفر "سر كتاب الموتى"

by Aya Saad Eldeen Sayed

الحمقى لا يعلمون من هو لوسيفر!
اليوم سأكتب مذكراتي.. سأكتب "مفكرة الموت خاصتي"، وويل لمن يقرأها بعدي، فقد صادفت هذا الأحمق الذي يظن نفسه يحيا في عالم الأفلام، ويعتقد أنه كالصحفي الأخرق في مقابلة مصاص الدماء..
حقًا، الفانون يصيبونني بالضجر الآن
ويبدو أنه يجب عليَّ معاقبتهم بمفكرتي العزيزة وذكرياتي الثمينة، لأعرف من منهم المختار، الذي سيجد المقتطفات المدونة من تاريخ حياتي؛ فلقد اخترت لكم الأحداث الأكثر تأثيرًا والأبرز، فإن مشوار حياتي أعمق وأكبر من مذكرة صغيرة كهذه..
فلنبدأ بمذكرتي العزيزة..
كم بك أسعد ولكِ قلبي يطرب
فبداخلك سأسجن أجزاء حيّة من حياتي غير المنتهية

Genres: Horror

200 pages, Paperback

First published January 1, 2015

Reviews

[إسلام عماد · Rating 2 out of 5]

رواية جديدة للكاتبة الجميلة و الزميلة العزيزة استاذة آية سعد الدين...تشرفت بإهدائها و توقيعها فى اولى الصفحات بمعرض الكتاب 2015...قرأت الرواية فى جلسة واحده من شدة الحماس...لكن لدى بعض التعقيبات البسيطة:

1- ازعجنى استخدام مقتطفات بالنص من العدد رقم 65 "أسطورة العلامات الدامية" من سلسلة ما وراء الطبيعه, لإدخالها فى حبكة الرواية...كان من الافضل تحويل تلك المقتطفات لأسلوب الكاتبة, و اتذكر نفس الفعل للكاتب الشاب عمر عودة فى رواية "ثغرة لوسيفر" و رواية "الجثة الخامسة" للدكتور "حسين السعيد"...

2- الاسلوب المقالى الجاف للمعلومات الخاصة بالشخصيات المذكورة فى الرواية, خصوصاً ان عدد الصفحات المذكور فيها معلومات عن الشخصيات كبير و على سبيل المثال المقال المكتوب عن راسبوتين . مجموع صفحات الشخصيات يكاد يقترب من ثلث او نصف صفحات الرواية...فبالتأكيد ذلك الفعل له تأثير كبير على قوة الرواية..

3- الحبكة ضعفت فى بعض الاجزاء, وضايقنى تكرار نفس وصف الشيطان بنفس الاسلوب للشخصيات السبعه عند رؤيتها له..كان من الافضل ان يكون لكل شخصية وصف للشيطان من وجهه نظرها, لا ان يكون قاعده ثابته على الكل...كما ان الاحداث سريعه اكثر من اللازم و احتاجت بناء للشخصيات بشكل اعمق قليلاً...

4- من ايجابيات الرواية انها اضافت معلومات جديدة بخصوص بعض الشخصيات, و ان كانت اغلب الشخصيات تم ذكرها عديد من المرات فى قصص اخرى او فى اغلب كتب د/احمد خالد توفيق...

[Ahmed Sultan · Rating 1 out of 5]

بصراحه من اول كم صفحه + النبذه اللى فى ضهر الاصدار وانا اتقفلت منه
كمية نسخ من د.أحمد خالد توفيق بالنص
مكلفتيش حالك تحويلها لأسلوبك حتى
فكرت انك هتكتبى فى نهاية الكتاب انك مقتبسه منه لكن ملقيتش اى ذكر لإسمه اساسا ومجرد ذكر انك مقتبسه من ويكيبيديا ومدونات!!!!!!!!!
ندمت فعلا انى اشتريت الاصدار
ياريت قبل ما تكتبى تحطى شوية مجهود فى اللى بتكتبيه بدل من الاعتماد الكلى على غيرك
وعلى فكره قليل جدا اللى مقراش لأحمد خالد توفيق وعارف اسلوبه كويس جدا
ففكرة انك تنسخى كلامه بالنص بدون ذكر اسمه هتكون مزعجه للغايه لكل اللى قرأ له :|
غير كده اسلوبك الخاص ركيك جدا جدا جدا جدا بجد
يعنى كان فعلا من الافضل تكتبى بالعاميه
لأن مع ان العاميه الكتابه بيها حاجه تشل اساسا لكن نصف الفصحى المكتوبه بيها الروايه دى اكتر حاجه ممكن تكره الشخص انه يقرأ
لا والمضحك بقى
نسخ ولصق من ويكيبيديا واعتقد انك فيه بعض حاجات حتى نسختيها من غير ما تقرإيها
على سبيل المثال فى جزء راسبوتين انتى نسختى الكلام من هنا بالنصصصصصصصص
http://www.paranormalarabia.com/2010/...
حتى مكلفتيش نفسك تاخدى بالك من
"يظهر فى الصورة القيصر الروسى مع زوجته وبناته الاربعة وإبنه اليكسى"
الصوره اللى موجوده فى المدونات لكن مش موجوده فى كتابك لإنك مستكتره تراجعى اللى بتنسخيه حتى
قيسى على ده كتير
القراءه ليكى فعلا تجربه مش هتتكرر تانى نهائى
بالتوفيق

[Mennatullah Barakat · Rating 2 out of 5]

نجمة للغلاف و نجمة لشوية معلومات الواحد اخدها و مكنش عارفها
انما ف المجمل ولا اى بتنجان بصراحة و عبارة عن شوية تلزيق لمعلومات من ويكبيديا ورا بعضها و خلاص
محستش باى حبكة ولا صراع ولا اى حاجة

[Mido27]

من اسوأ الروايات اللى قريتها فى حياتى
انا اسف انى بقول كده
بس صفحات بالنص من اسطوره العلامات الداميه من غير مايكلف الكاتب نفسه ويراجعها او يعدلها
والباقى من ويكبيديا تيبكال باسلوب الموسوعه التقريرى الجاف
لدرجه ان فيه جزء مكتوب عن راسبوتين وجنبه ( فى الصوره اعلاه صوره راسبوتين مع العائله المالكه) تقريبا
ومفيش صوره ولا حاجه .. يعنى متاخده بالنص من ويكبيديا بدون تغيير اسلوب او طريقه او مراجعه حتى
مش معقول يعنى
الحبكه طبعا مفيش تقريبا

[Mahmoud Saad · Rating 1 out of 5]

من اسوء ما قرأت بصراحه
تقريبا حاسس اني بقرأ من ويكيبيديا
يعني مثلا ف صفحه 110 مكتوب يظهر ف الصوره .... واصلا مش موجود صوره
ف اخر الكتاب ف المراجع مكتوب لاضافه تعديل اضغط هنا
قعدت اضغط محصلش حاجه -_-
دورك ك كاتبه او الحس الفني ف الكتابه بتاعك مش موجود اطلاقا
انتي لو قرأتي اللي انتي كاتباه ده تاني هتقولي اي اليع ده

[Mariette · Rating 1 out of 5]

سيئة جدا فى مجملها. فعلا مجمعة شوية معلومات من ويكيبديا و حاطاهم و خلاص . و لا أى بتنجان فعلا. خسارة الفلوس اللى اتدفعت فى الرواية ديه.
مع ان كان ممكن تكون رواية جامدة لو اتألفت حلو.
الغلاف البترولى جيد و الإسم حلو . خسارة متوظفوش صح.

[محمد عبد · Rating 3 out of 5]

حصيلة لا يستهان بها من المعلومات التاريخية .. بالتأكيد ستضيف اليك الكثير

[دعاء لطفى · Rating 4 out of 5]

رواية جديدة ممتعة لمحبى الرعب للكاتبة آيه ، أحببت فيها المعلومات التاريخية و تقسيمة الشخصيات مع أشباههم عبر التاريخ ، بالتوفيق و النجاح دايما إن شاء الله و أربع نجوم ﻷنى لسه مستنيه منها أكتر و أكتر

[Sayed Selim · Rating 1 out of 5]

القصة لاتسوي عنوانها و لا صورة الغلاف.. ينقصها الحبكة الدرامية و الابداع و في اخرها صراع فيلم كرتون علي قناة سبيس تون بين الشيطان و ابيه ابليس

[Youssef Sherif · Rating 3 out of 5]

التعريف الحرفي للـ wasted potential أو الإمكانات الضائعة، مع العلم اني سمعت الكتاب صوتي، وممكن ده ساهم في أن التقييم يبقي أعلي عشان اتجنب بعض المشاكل اللي قريت عنها في التقييمات التانية.
القصة مبعثرة لحد كبير، كانت محتاجة قوام يقدر يوظف المعلومات الكتير اللي كانت بتتقال بشكل شبه رتيب.
وبالنسبة للسرد والحوارات فا كانوا مبتذلين جدا، اللي بيخلي الشخص لو قرأ الكتاب في جلسة واحدة يلاحظ انماط مملة جدا، بل انك تحس ان الكتابة شوية generic.
والنهايه كانت معقولة، ممكن هي اللي حسنت الموضوع بنسبة ضئيلة، بس خلت الموضوع له قفلة علي الأقل.
اختصاراً، مش هقدر اقول انه ترشيح أو حتي أنه جذاب، لأن معظم العناصر اللي قولتها لا تحث علي قرائته، ممكن حتي سماعه صوتيا يبقي صعب، بس لو قدرت تعدي من كل ده، هتلاقي قصة مش بطالة، ممكن لو اتكتبت تاني تطلع بشكل افضل، وده مش تحقيرا من كتابة المؤلفة استاذة آية، قد ما هو تذكير أنه مش كل المحاولات هتأبي بالنجاح حتى لو فيها مجهود، وبس كده،
تمت.

[Hakeem Tarabulsi · Rating 1 out of 5]

كانت بداية الرواية مقبولة وفيها بعض التشويق، لكن شيئاً فشيئاً أصبح الإيقاع بطيئاً والتكرار مُملاً، حيث أنَّ المَشاهد تتكرر حرفيّاً مع كل شخصية جديدة تظهر على مسرح الأحداث.

في أجزاءٍ كثيرة، وتحديداً عند الحديث عن تاريخ الشخصيات (ڤلاد دراكولا، ماري الدموية، وغيرهما)، كان واضحاً أنَّ المعلومات منقولة من ويكيپيديا، وهنا أعني أنها منقولة كلمةً كلمةً وجملةً جملة.

وصلتُ إلى ثُلث الرواية ولم أتمكّن من الإستمرار، فوقتي وطاقتي أثمن من ذلك بكثير، وهُنالك العديد من الهفوات التي لا تُغتفر ولن أستعرضها هنا لذات السبب المذكور.

[Hassan Ezz ElDin · Rating 4 out of 5]

استمتعت بها

[Ahmed · Rating 3 out of 5]

نوڤلة خفيفة فيها بعض الرتابة في السرد في أولها تصل في أوقات إلى حد الملل
مشهد ما قبل النهاية غير متوقع ودا شئ جيد جدا
النهاية تتسم بالغموض - أو أنا مافهمتهاش-

[Eslam Farouk · Rating 1 out of 5]

انا مش متخيل ان حد عنده الشجاعة انه ينسخ و يلصق من النت و من كتابات د.احمد خالد بدون اي مراجعة و بدون اي حبكة و يعمل كتاب و ينزله السوق...
النجمة دي عشان الشجاعة بصراحة

[ALLA BASIM · Rating 3 out of 5]

محاولة لدخول عالم أدب الرعب من خلال ذكر لبعض الأساطير في سياق متخيل أم .. متوسطة الجودة

[Diaa Eldeen · Rating 1 out of 5]

قرب يا استاذ قربى يا آنسة شوفو الرواية دى
الكاتبة بسم الله ما شاء الله عليها قرت كتير جدا فى الويكيبيديا و عملت كوبى لكل حاجة و عملت التاتش بتاعتها و حولتلها لرواية احداث بتنجان و كوبى كتير من الويكيبيديا والنت.. و طبعا عشان اليوم يكمل قامت مقلدة شوية حاجات و طلعت ذكية جدا و حطتها فى المراجع
شكرا لتضيع وقتى

[Ahmed Fahmy · Rating 1 out of 5]

الأستاذة اية سعد الدين ..
بعد التحية ..
حقيقة لا ادري ما شجعني علي لإقتناء الرواية .. ربما الإسم ..فبالرغم من معرفتي بماهية لوسيفر .. إلا ان التحدي كان عما تحوية الصفحات ما بعد الغلاف .. الذي هو للعلم سيئ للغاية .. مع كامل الإحترام لمصمم الغلاف .. فالإسم هو ما جذبني ..
نصيحة من اخ اكبر .. ولكي الحرية في قبولها من عدمة .. تحتاجين للكثبر من العمل علي اسلوبك .. لم اشعر بروح الكاتب في روايتك .. لا حوار .. لا سرد .. لا معضلة .. لا حل .. لا شئ .. الرواية عبارة عن احدي صفحات الموسوعة الحرة .. يمكن لأي شخص ان يجمعها بسهولة .. المثير للدهشة هنا هو جمعها في رواية واحدة وعذراً لقسوة كلماتي .. سطحية .. لا فكرة لدي عن ما كان يدور برأسك عند نقل الرواية من الموسوعة الحرة .. فما حدث بروايتك المزعومة ما هو إلا اقتباس بلا روح من الموسوعة الحرة .. بلا اي تجديد .. ولا حتي محاولة لإرهاق نفسك في صناعة رواية مكتملة الأركان .. لم استمتع بالرواية التي كان من الممكن ان تكون مبهرة .. ولا اعتقد ايضاً ان مجال الرعب مناسب لكي .. فالروايةافتقدت لأقل لحظات الرعب .. التمسك ايضاً بالرقم 7 اظن مصدرة رواية سفن لمحمد ابراهيم محروس .. الحبكة مفقودة .. والنهاية ساذجة للغاية ..
الرواية عبارة عن تجميع معلومات .. ولكن بطريقة ساذجة للغاية .. المراجعة غائية تماماً .. لم تراعي عقلية القارئ واستخدمتي النسخ في كتابة الرواية التي اخذت منك علي ما اظن من ساعة الي ساعتان من النسخ والكتابة ..
في النهاية الرواية لا تستحق اكثر من النجمة الواحدة .. :(

[أحمد بسيوني · Rating 5 out of 5]

رواية جديدة في نوعها بالنسبة لأدب الكاتبة الرومانسي والتاريخي
الرواية قسمين
الأول اثناء تجميع الأبطال وكان من الأفضل التنوع في إلتقاء صاحب الكتاب السابق واللاحق
كما كان من الأفضل أستخدام اي أسلوب أخر لذكر قصة حياة الأشرار السابقين
القسم الأخر بعد تجميع السبعة وتجميع السبع خرائط الأحداث كانت أسرع واقوى من القسم الأول بوجود بعض الغموض الذي يدخل القارئي في متاهات مثل عوالم الفانتازيا وما وراء الطبيعة (لا اقصد الروايات نفسها)
في المجمل رواية ممتازة وتستحق القراءة وبتأمل شديد خاصة في القسم الأخر

[Mohamed Fikry ghaith · Rating 3 out of 5]

ليه يا ايه ...!!!
من اول ما بدأت قراءه في الروايه وانا مقتنع تماما انها ماينفعش تقل عن 5 نجوم وموضوع السبع شخصيات وربطهم بالكتاب وبلوسيفر حلو جدا ومشوق جدا ... بس للاسف بعد ما خلصو حسيت ان الكلام راح منك ومعرفتيش تقفليها ازاي ... انا زعلان جدا ان روايه جميله قوي كده تبقي وحشه بسهوله كده .. ربنا يوفقك في الاعمال الي جايه ان شاء الله

[Mahmoud Shehata · Rating 1 out of 5]

لقد قرات الكتاب وهو للاسف اسوء عذر لمؤلف طبعا لا يمكن مقارنه اسلوب المؤلفه باسلوب احمد خالد توفيق او حسن الجندى او حتى حسين السيد فهذا الكتاب عباره عن مجموعه معلومات مجمعه عن شخصيات تاريخيه مرتبطه ببعضها بسرد قصصى فاشل مجرد تنقل من شخصيه تلو الاخرى لم اعلم لما لم تحاول المؤلفه تحويل القصص لاسلوب اكثر تشويقا وليس مجرد سرد عذرا سيدتى فنا لم اندم على شراء كتاب كما ندمت عن شراء كتابك

[Mora Gerges · Rating 1 out of 5]

الكتاب غريب حاسة ان المعلومات مش مترتبة خالص
يمكن عشان يبان ان حد بيقرأ كذا جزء من النت زى ما كانت الكاتبة عايزة تبين
بس دا متفهمش غير فى ٣ قصة مثلا

- هى فكرة ان كل قصة عن حد الشيطان اثر فية حلوة بس تشبة انتيخرسترس مع ان مش غلط ان حد يعمل عمل شبة عمل تانى
بس كان نفسى يكون فية تفاصيل احلى و اوضح

[Berry Badr · Rating 1 out of 5]

لست ادرى بما يمكننى ان آصف هذه القصة التى ليست بقصه ولا تصلح ان تكون، رواية الطغراء لشيرين هناءى بها نفس المعلومات المقدمة فى هذه الصفحات ولكن فى سياق قصصى ممتع
حقيقة انا مستاءة جدا ونادمه على الوقت الذى مر فى قراءه هذا الفشل التام

[Osama Yosre · Rating 2 out of 5]

الرواية عبارة عن مجموعة صفحات ويكيبيديا .. يمكن لأي شخص ان يجمعها بسهولة
الاسلوب جاف وغير جذاب يميل الى الاسلوب المقالى
والنهاية ساذجة للغاية بان ليها جزء تانى
نجمة للغلاف
نجمة لشوية معلومات الواحد اخدها و مكنش عارفها

[Ahmed Samy · Rating 2 out of 5]

الموسوعة الحرة لها النصيب الاكبر من النص
حبكة الكاتبة لم تكن مشوقة كما كنت متوقعا
------------------------------------------
نجمة للغلاف
نجمة لمجهود الكاتبة فى الكتابة

[Ahmed Raven]

هي المقدمه حلوه وشدتي اوووي للكتاب بس انت بتقلدي اوي المقدمه تشد الواحد بجد بس بعد كده ملل ومفيش ترتيب خالص انا ندمت اني اشتريت الروايا اصلا

[داليا عفيفي · Rating 4 out of 5]

الكتاب عجبني بقالي كتير مقعدتش على رواية وخلصتها في ساعتها بس مفهمتش ايه اللي حصل بعد ما يأجوج ومأجوج خرجوا مش كدة يوم القيامة
ازاي بقى ظهر ناس بعد كدة :D

[Ayman Mohamed · Rating 1 out of 5]

أحداث الرواية تقليدية تروي بأسلوب سرد ممل

[iklele · Rating 3 out of 5]

ممتع خفيف سمعته علي ستوريتل

[Koka · Rating 1 out of 5]

ممله جدااا