Þegar múrar falla

by Hörður Torfason

Þegar múrar falla er einlæg og áhrifamikil frásögn Harðar Torfasonar, listræns aðgerðarsinna sem markað hefur djúp spor í íslenskt samfélag. Hörður var fyrstur Íslendinga til að stíga fram opinberlega sem samkynhneigður maður árið 1975 og mætti fordómum og útskúfun en brást við með hugrekki, sýnileika, listrænu samtali og skipulögðum aðgerðum.

Í bókinni fer hann yfir einstakan feril þar sem list og lífsviðhorf sameinast í áhrifamiklu aðgerðastarfi eins og stofnun Samtakanna ’78, Búsáhaldabyltingunni og fleiri aðgerðum.

Hörður ferðaðist líka árlega um landið í áratugi sem söngvaskáld með sögur og söngva um fjölbreytileika mannlegs lífs. Þannig ruddi Hörður brautina með friðsamlegri baráttu, hvatti aðra til samstarfs og mótaði meðvitund heillar þjóðar. Áhrifa hans hefur gætt víða um heim. Þetta er saga um það hvernig rödd eins manns getur orðið að samhljómi, hvernig list getur brotið niður múra ótta og fordóma – og skapað varanlegar samfélagsbreytingar.

152 pages

Published January 1, 2025