Bogħod minn dawk il-ġranet ma jispiċċaw qatt, il-baħar u t-togħmiet ħelwa tal-ġelati, hemm dinj’oħra ta’ stejjer jikwu taħt xemx tisreġ.
Is-sajf ta’ bejn dal-paġni jokrob, sieket, ineżża’, idellek, jaħxi, itebba’ u jħammeġ. Das-sajf iġiegħlek tiskopri l-isfumaturi differenti fik innifsek, ir-relazzjonijiet u s-sesswalitajiet li lest taffaċċja, u l-oħrajn li forsi tidfen ġor-ramel.
Dan is-sajf ta’ Kirkop, mimli logħob, ma jgħumx fl-abjad u l-iswed, imma fil-griż ta’ bejniethom.