مش من هنا

by نوره واصف

بنت من كوكب مكانه
لسه مش معروف أساسآ
كل حاجه ليها موقف ..
صعب جدآ تهمله !
الكلام ياخدك ف حضنه
حضن فعلآ مش مجازآ
الديوان لو بس تبدأ ..
هتلاقيك بتكمله ..

146 pages, Unknown Binding

Reviews

[Tawfek · Rating 3 out of 5]

شاعرة موهوبة جدًا و شعرها روعة.
بس برضوا وقعت في نفس الغلطة اللي بيقع فيها اغلب الشعراء الايام دي.
مش كل قصقوصة كتبتها تستحق تتحط في كتاب لان الحلو بييجي في رجلين الوحش و ده بيقلل التقييم و بياثر علي راي الناس في الرواية أو الديوان.
تبقي لسه بتقرا قصيدة روعة و بعد كده تتصدم باللي بعدها.
او المقطوعات الشعرية اللي في اخر اربع صفح في حاجات كتير فيهم ملهاش لازمه اطلاقًا اصلًا و توقع اي ديوان جامد قوي.
تاني ديوان اقراه و يبقي الحال كما هو عليه.

[Mariam elgilany · Rating 1 out of 5]

ايه الغثيان دة
شعر العامية بيرجع في ذاكرة معظمنا لاحمد فؤاد نجم و صلاح جاهين والابنودي
انا عمالة اقراه وعندي هيستريا ضحك
دة كلام يتنشر عالفيس ونجامل ونعمل لايك لكن يتنشر في كتاب وغلاف وطبع وفلوس بتدفع ؟؟؟؟ انا عندي صدمة للمستوي اللي انا قريته
افتكرت فترة شرايط الكاسيت بتاعت اليسا ونانسي عجرم اللي بيبقي مكتوب جواها كلمات الاغاني
دي كلمات اغاني مش "ديوان بالعامية المصرية"
يعني افلام ومسلسلات واغاني مبتذلة وقولنا ماشي لكن ثقافة مبتذلة دة كتير اوي
(علي فكرة دة نقد بناء )

[Fedora The Explorer · Rating 1 out of 5]

الكتاب ده انا قريته في معرض الكلية يمكن علي تلت مرات
حقيقي كل مرة كنت بستغرب القذارة الأدبية دي طلعت ازاي أو ايه الدافع بتاعها
كتاب مكتوب بقلم بنت اندر ايدج في تانية اعدادي
مفيش قصيدة واحدة ليها معنى ولا هدف
و بعدين ايه اللي بحب الشاي يعني اي كلام بيتقال و خلاص بدون معنى
ما هو إلا مجرد هتي
اتمنى الأستاذة نورا تكون اعتزلت في الذروة الأدبية بتاعتها دي و متكونش كتبت حاجة تاني عشان كفاية عبث فعلا
انا هكتفي بكدة لأن مش هبذل جهود أقيم القرف ده
مظنش الكتاب ممكن يعجب حد غير بنات إعدادي

[Mohamed Salah · Rating 2 out of 5]

الكتاب كويس و يستحق النشر جدا و شابو للكاتبه و لعصير الكتب اللي حولها لكتاب
ف جمل كتير حلوه جدا
طب ليه نجمتين؟
الكتاب معمول لبنت مالهاش اي علاقات علاقتها بنفسها مجرد عياط عرض مستمر دايما مستخبيه تحت اللحاف و عنيها حمره و بتدمع و بتحلم تحب و تتخان_بحكم اللي بيحصل حوليها_ و مجرد خيالات ف خياله
الكأبه غير طبيعيه
حسيتها عاوزه تحب و تتحب عشان تتخان فتكتب عن الخيانه اكتر ما تكتب عن حاله الحب نفسها
وفيه احضان كتير اوي بشكل مبالغ فيه
في حاجات كتير يعني غير الحضن
المجمل حاسه كتاب تحت موضوع واحد وهو" الولاد هايخدعوني يا بابا فؤاد"
بس وصفته كويس الصراحه
ده نقد بناء تقريبا
برافو تاني
وهاقراه تاني لما احب و افركش

[Galalatiya · Rating 5 out of 5]

ديوان اكثر من رائع
قلت اقرا منه قصيدة او اتنين مسبتهوش الا لما خلص
ليها حق تقول
الديوان لو بس تبدا هتلاقيك بتكمله

[Dalia · Rating 3 out of 5]

اول تجربة قراءة لديوان بالعامية المصرية
شدنی بس سيطرت عليه فكرة فراق الحبيبين لدرجة تمل منها اثناء القراءة
اكتر جزء عجبنی (اصعب مكالمات الشتا)

[Nehad Elhamd · Rating 5 out of 5]

ديوان سلس رائع منوع اعجبنى مافيه من الغلاف للغلاف اخذتنى فيها القصائد الى كل افاق الاحساس

[Nour ♡ · Rating 3 out of 5]

الديوان جيد
مش هحكم عليه كشعر عامي اللى احنا نعرفه هو زيه زي الشعر الشبابي بتاع اليومين دول زي محمد ابراهيم ووليد ديدا وغيرهم كتير ..
حاسة ان نورا استعجلت فالنشر يمكن .. كان الافضل تستني شوية وتحسن من نفسها اكتر وحتي اختيارتها للحاجات اللى تشتخدمها فالديوان تكون احسن
الديوان غلب عليه فكرة الانفصال والفراق .. انا عارفة ان دي اكتر حاجة بتوحي الواحد للكتابة عنها فعشان كده قولت فالاول تستني عشان كان يبقي عندها حاجات منوعة اكتر
فى حاجات استمتعت بيها .. حاجات حسيت انها شبهي .. حاجات انا كبنت احب اقولها للشخص اللى بحبه زى "اهمالك ممكن يقتلنى"
حبيت "بعيد عن اي هاند فري" لطيفة اوى و"اصعب مكالمات الشتا" جميلة ومؤثرة..
الجزء بتاع كام سطر بقي فيه حاجات حلوة وعجبتني بس مش شايفة ان الجزء ده ع بعضه يستحق يكون فديوان هو كويس كـ بوستات عالفيس بوك مش اكتر.
وعامة بالتوفيق لـ نورة يارب الجاي يكون احسن .. هي شخصية لطيفة جدا وتستاهل كل خير انا قابلتها واخدت توقيعها وقالتلى "انتى شبهي كده ليه؟" استغربت وقتها بس لما ركزت فملامحها لقيتها فيها مني فعلا :D

[Ahmed Osama · Rating 1 out of 5]

احم احم
بسم الله
دي اول تجربه ليا في الدواوين بشكل عام ف ممكن يكون رائ مشكوك فيه ومتاخدتش بيه خالص ^ ^
فكرة الحب بين طرفين مسيطره جامد جداً علي الديوان بشكل عام *
غلطات املائيه *
اسم الشعر او القصيده معرفش بتسموه ايه ف الديوان دا :D *
بس هوا الاسم بس اللي متغير و الكلام كله مكرر بتغير المواقف
اسف جداً بس اقصي حاجه ممكن اديها نجمتين
ومش فاهم ازاي التقيم بتاعه 4.35 !!
إن شاء الله اللي جاي يكون افضل للاستاذه نوره واصف

[zahraa esmaile · Rating 5 out of 5]

ديوان روعة
من اول الغلاف...والشعر الى عليه الى بيدعوك للقراءة
لحد القصائد
والأبيات الى ف الأخر
إستمتعت بك لحظة وكل كلمة
وعجبنى قوى فكرة إن نورة بتكتب عن مشاعرها ك بنت...وفجأة تتقمص دور الشاب
لدرجة تتخيل إنك بتقرأ ل شاب مش بنت
فيه قصائد لمستنى قوى...وقصائد عجبتنى
وقصائد أخدت منها إقتباسات
ف المجمل ديوان بطعم مختلف....ورغم إنها التجربة الأولى على ما أعتقد ل نورة واصف إلا إنها متميزة جداً
وخمسة نجوم لا تكفى
ينضم لقائمة أروع ما قرأت...ويحتل مكان مميز فى مكتبتى الخاصة
بعض الإقتباسات

الى الشخص الى مش زعلان...ومش فرحان
ومش حاسس ب فرق العيد

البنت ان حبت حد
بتحضر مليون فكرة
وترتب شكل حياته
وبتكره وقت سكاته
دايما بتغير علشان
نفسها يتقال...دى مراته

مفيش فـ الدنيا دى أحسن...من إنك ترضى بـ نصيبك
هاييجى ف يوم ويبقالك...ويقبل بيك على عيبك
يا سنجل كل يوم يضحك....ماتستعجلش على جرحك
فى واحد نفسه فـ ملامحك...فـ يوم هتقابله دة حبيبك

برافو نورة واصف...أبدعتى

[Mariam Essam · Rating 5 out of 5]

أول مره ف حياتي أقرأ ديوان أصلا .. أنا مش من هوايتي القراءه بس لو هقرأ ل #نورا_واصف فـ انا عاوزه أقرأ كل يوم 5 دواوين و مش هزهق نهائي والله :))
مبسوطه ان اول مرة أقرأ ديوان كان ليكي يا نورا و كان بـ الجمال ده ♥
لما جيت أقرأ في " كام سطر " زعلت أوي عشان هي آخر حاجه ف الديوان بس كنت مستمتعه .. زي اخر حته ف الكيمو كونو كده مثلا =D ♥
اول ديوان ليكي كان بداية موفقه فعلا .. انتي عبقريه ف بساطة المشاعر اللي ف الكلام اللي قدرتي بيها توصفي ناس كتيييير أوي
كل قصيده واصفه حد .. معتقدش حد طلع من الديوان ده و ملقاش نفسه فـ قصيدتين عـ الأقل :)
نورا ..
انتي من الناس اللي وقفت جنبي بـ كلامها كتييييير والله .. انا بحبك أوي و بحب أي حاجه منك حتي لو هجيب ديوان و هلاقيه فاضي هحبه والله و هحتفظ بيه طول ما هو عليه إسمك بس :")
إسمك كفاية يفرحني ♥
ربنا يسعدك و يبعد عنك الكلام و الناس اللي توجع ..

[إيمان · Rating 3 out of 5]

غلاف مختلف لايق مع الاسم يستحق نجمة اولى على الرغم من انه بعيد شويه عن فكرة المضمون للغلاف ...
الديوان كله يحمل حالة خاصة و شخصية فى اعتقادى و ده كان باين جدا فى السطور و ده فى حد ذاته كان سلاح ذى حدين فاضاف نجمة و اسقط الاخرى ، الاضافه للحالة العامة للديوان من بدايته لنهايته و كان الواحد عايش جوه قصه حب بكل مراحلها و فرحها ووجعها و اسقط النجمة للتكرار الكثير و عدم وجود تنوع فى المضمون ...
النجمة الاخيرة لتلك المشاعر التى استطاعت التسلل لقلبي من خلال كلمات الكاتبة نوره واصف و ان كانت العامية سلسة زيادة عن اللزم و هو ما اسقط النجمة الاخيرة فاللغة تحتاج الى اصافة الى جانب تلك المشاعر القويه ...
اجمالا الديوان حلو و فى انتظار الاحلى ...

[Omar Ashraf · Rating 3 out of 5]

انا كنت بقرالك كتير اوى ع الفيس من قبل م ينزل الديوان اصلا واول م نزل اشتريته لقيت ان كتير من كلام الفيس نزل ف الديوان بصراحه انا كنت مستنى جديد .... فى قصائد كتير اوى منه عجبتنى وفيه اللى محستهوش اوى معظم الديوان مركز ع فكره واحده بس وهيا الفراق او الخيانه اكتر من حاله الحب نفسها ... مستنى الديوان الجاى بقى :)

[DO Lcika · Rating 1 out of 5]

عارفة انتى اوقت الامتحانات المبكربس والاعصاب المشدودة والخنقة وتعب الدماغ
الوقت الى بتستنى فيه تتخلصي عشان تسافرى او تخرجى المهم انك تنطلقى اهو انا قررت بقي اجمع شوية كتب حلوة انطلق جواها بعد الامتحانات
الديوان ده من ضمنهم
انا واثقة فيكى
استنينى هاقولك اكتر عن الديوان

[Zeinab Ahmed · Rating 1 out of 5]

الحقيقى انا محظوظة جدا انى ما دفعتش فيه ولا مليم !!
والحقيقى برضو انى ندمانة على النص ساعة اللى مسكت فيها الديوان "قال يعنى ديوان" !!

[Lola]

22

[Yasmin]

نورة كانت بتكلم كل البنات فى كل المواقف ودى حاجة عجبتنى جدا
احساسها حلو
تسلم ايدها بجد

[عماد · Rating 5 out of 5]

تحفه جداا ... يارب يوفقك و يحميكي

[Sarah Amr · Rating 2 out of 5]

اقولك حاجة هو كبداية مش وحش بس عشان اسميه ديوان ,,,ابقى بظلم الكلمة وبظلم اللى كتبوا دواوين من العمالقة القدام ,,,لانه نثر وكلام عادى محستوش شعر بالمرة

[Hanan ElAraby · Rating 4 out of 5]

حلو جدا كلامك ي نوره وانا بحبه من اول مرة قرأته ^ ^
مختلف و معبر بجد عن كلام كتير عايزين نقوله
بس مشكلتك في الديوان ده التكرار
فيه كذا موضوع مكرر

مستنية جديدك و اتمني اقرألك فصحى ^ ^

[Hossam Khedr · Rating 5 out of 5]

نوره ديونها حلو واتطورت جدا ف كتبتها علي صفحتها الديوان المقبل هيبقي اجمل...
وع فكره نوره عندها ميزه مش موجوده عند حد ..كلمها بيلمسك ......وبيعبر عن مشاعرك

[Sarah Nasser · Rating 1 out of 5]

سيئ .. لا يمُت للشعر العامى بصلة ..أسميته "خواطر مُراهقة" ..

[Yasmina Ashraf]

من الحاجات الي ندمت اني قريتها ودفعت فيه فلوووس 💔

[Mohamed Ghar]

.