What do you think?
Rate this book
جسر القناديل
هناك لحظات في العمل الأدبي لا تُقاس بالكمال، بل تُقاس بالدهشة.
في هذا المشروع الروائي، قررنا أن نبتعد عن البناء المعتاد، نفتح بابًا للجموح، ونسير خلف فكرة بسيطة:
ماذا لو كتب أربعة كُتّاب، واحدًا بعد الآخر، رواية واحدة دون أن يتفقوا؟
ماذا لو بدأ أحدهم قصة، ثم سلّمها لمن يليه، ليكتب ما شاء، دون معرفة ما يدور في رأس من سبقه؟
ثم يأتي ثالث، فرابع… والنتيجة؟ رواية لا تُشبه إلا نفسها.
لم يكن هدفنا أن نخرج بعمل متكامل بمعاييره الكلاسيكية، بل أن نخوض مغامرة تشبه الارتجال الأدبي، يُفاجأ فيها الكاتب قبل القارئ، وتختلط فيها الأصوات، والنبرات، والخيال.
حتى اسم كاتب كل فصل لم نذكره؛ لأن هذه الحكاية لا تخص أحدًا بعينه، بل تخص الكتابة حين تُترك على سجيّتها.
في "كتوبيا"، نعشق التجارب الاستثنائية. نُعيد اختراع العلاقة بين الكاتب والقارئ والنص.
وهذه التجربة كانت واحدة من أكثرها متعة.
اقرأها كما كُتبت: بخفة، وبفضول، وبتسليم كامل لما لا يمكن التنبؤ به.
في هذا المشروع الروائي، قررنا أن نبتعد عن البناء المعتاد، نفتح بابًا للجموح، ونسير خلف فكرة بسيطة:
ماذا لو كتب أربعة كُتّاب، واحدًا بعد الآخر، رواية واحدة دون أن يتفقوا؟
ماذا لو بدأ أحدهم قصة، ثم سلّمها لمن يليه، ليكتب ما شاء، دون معرفة ما يدور في رأس من سبقه؟
ثم يأتي ثالث، فرابع… والنتيجة؟ رواية لا تُشبه إلا نفسها.
لم يكن هدفنا أن نخرج بعمل متكامل بمعاييره الكلاسيكية، بل أن نخوض مغامرة تشبه الارتجال الأدبي، يُفاجأ فيها الكاتب قبل القارئ، وتختلط فيها الأصوات، والنبرات، والخيال.
حتى اسم كاتب كل فصل لم نذكره؛ لأن هذه الحكاية لا تخص أحدًا بعينه، بل تخص الكتابة حين تُترك على سجيّتها.
في "كتوبيا"، نعشق التجارب الاستثنائية. نُعيد اختراع العلاقة بين الكاتب والقارئ والنص.
وهذه التجربة كانت واحدة من أكثرها متعة.
اقرأها كما كُتبت: بخفة، وبفضول، وبتسليم كامل لما لا يمكن التنبؤ به.
152 pages, Paperback
First published December 5, 2025
1 person is currently reading
10 people want to read
About the author
شيرين هنائي
124 books4,631 followersشيرين أحمد هنائي،مصرية،خريجة كلية الفنون الجميلة قسم الجرافيك و الرسوم المتحركة.
تعمل مخرجة رسوم متحركة،مترجمة،كاتبة سيناريو و روائية
صدر لها:
-سلسلة حكايات الظلام المحظورة:
1-عجين القمر
2-الموت يوما آخر
-رواية نيكروفيليا 2011-
-رواية صندوق الدمى 2011
-رواية طغراء 2014
-رواية ذئاب يلوستون 2015
-المشاركة في كتاب الكوميكس خارج السيطرة
تكتب شيرين هنائي في مجال الرعب الفلسفي
تعمل مخرجة رسوم متحركة،مترجمة،كاتبة سيناريو و روائية
صدر لها:
-سلسلة حكايات الظلام المحظورة:
1-عجين القمر
2-الموت يوما آخر
-رواية نيكروفيليا 2011-
-رواية صندوق الدمى 2011
-رواية طغراء 2014
-رواية ذئاب يلوستون 2015
-المشاركة في كتاب الكوميكس خارج السيطرة
تكتب شيرين هنائي في مجال الرعب الفلسفي
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 16 of 16 reviews
December 21, 2025
يا مساء الورد🥰
كلنا عارفين تجارب كتوبيا المجنونة واللي متقلش في أفكارها عن مؤسسات الاختبارات الجينية في الرواية سواء الغلاف الأبيض او الصندوق الأبيض وغيره غيره وأخرهم تجربتنا النهاردة رواية جسر القناديل واللي اشترك في كتابتها 4 مؤلفين كل مؤلف كتب جزء والباقي كمل عليه والرابط بينهم مجرد خطوط عريضة للعمل وده اللي اختلف عن أي عمل قام بكتابته مجموعة مؤلفين قبل كده.
بداية العمل المقسم ل4 فصول كانت شيقة جدا وجذابة حقيقي وقادرة توعدك بعمل رائع يرضي ذائقتك ويعوضك عن مرار التقييم والامتحانات وكان اول فصل بالنسبالي أرضية للرواية وفتح خطوط كتير وعرف بالشخصيات كلهم واللي كانو كتير بالمناسبة على أول تعارف كده بس قرأته مرتين ومشي الحال .
الفصل التاني كان أمتداد للأول بصوت اعقل وأوضح واتكلم عن حاجات تانيه قادرة انها تفهمنا خط سير الرواية ومنهجية الأبطال لحل اللغز والتعامل مع واقعهم الجديد.
الفصل التالت استمر حل اللغز واستمرت المفاجأت مع وجود بعض التكرار والإعادة لمواقف سبق ذكرها لكن بتخبط اكتر فكان نفي بعد اثبات او العكس .
الفصل الرابع كان وصل للذروة مع نصه التاني من الرواية واللي مكانتش لسه اتضحت خيوطها للآخر او خلينا نقول وضحت لكن في قطع جوهرية في البازل لازم تظهر علشان تأكد شكوكنا وظهرت في اخر الفصل فعلا في اللقاء بين بطلين ولكنه كان غيرمرضي بالنسبالي لأنه كان بشكل تقريري بحت وكأنه اتكروت مع ان كان ممكن يتفردله وقت اطول ويتعالج معالجة أفضل من كده خصوصا ان الرؤية كانت اتضحت معظمها.
😈تحذير بالحرق:
■ في حاجات مقتنعتش بيها تفسير آريان ل هنادي في بعض الحاجات ان المؤسسة كانت بتلعب في وقت فراغها ده مش تفسير اصلا ولا ينفع يتقال عن مؤسسة بالقوة والفكر ده.
■ أن مجدي ابو العز يتصل بالمؤسسة علشان ينقذ ابنه من حالة التدهور وميردوش عليه ازاي وهو من اكبرالمساهمين خلاص محدش يعبره.
■ اعتدال وتخبطها واندهاشها طول الوقت وفي الاخر طلع اللي حصل ل هشام مش اول مرة تمر بيه وعارفه ان الابن غير الزوج لكن هي كانت عامله مش فاهمه الموضوع اصلا خااالص.
■ في قصور كبير في شخصية هاني من حيث الاحداث وتفسيرها والطرود اللي بتجيله.
■ الأسود وتفسيره غير منطقي نهائي كان الأولى يكون هشام الآخر.
■ البعد الزمني للرواية مينفعش اقول ان التجارب بدأت سنة 2034 ومن بعدها طبعا بشوية الاحداث حصلت واجي اكتب عن هشام انه بقى هشام برو ماكس 17 طيب خلوه برو ماكس 25 حتى ولا ينفع اقول أن الشريحة بتاعة ابو العز شغاله بتقنية ال 5G بحبحوا ايدكم شوية في التقنيات واحترموا الاجرام اللي احنا فيه🙈😂
■ في صفحة خاصة بحياة آريان السابقة قال أنه حياته مرتبطه ببنت عندها 17 سنه والصفحة اللي وراها على طول غلط وقال ان البنت 19 سنه وكمل كلام عادي.
التجربة out of the box حقيقي
ولو ممكن مثلا( معرفش ده حصل ولا لا) يجتمع الكتاب كلهم ويتفقوا على كل شيء بالرواية وييقسموا الفصول بعد كده منعا للتكرار والتخبط اللي حصل ولسد ثغرات النهاية كويس .
أسم العمل لايق على المحتوى خصوصا أنهم استخدموا نفس فكرة دورة حياة القناديل والجسر كان لايق لأنهم طول الوقت بيتكلموا عن العبور واللي بالطبع محتاج جسر والغلاف محير بس ممكن ميكونش معبر اوووي اعتقد لازم نبذة الكتاب توضح المحتوى اكتر وحيكون الاعتماد عليها كبير ده طبعا بجانب البرومو التشويقي اللي لازم يتعمل للعمل علشان يبرز مواطن القوة وفكرته.
كلنا عارفين تجارب كتوبيا المجنونة واللي متقلش في أفكارها عن مؤسسات الاختبارات الجينية في الرواية سواء الغلاف الأبيض او الصندوق الأبيض وغيره غيره وأخرهم تجربتنا النهاردة رواية جسر القناديل واللي اشترك في كتابتها 4 مؤلفين كل مؤلف كتب جزء والباقي كمل عليه والرابط بينهم مجرد خطوط عريضة للعمل وده اللي اختلف عن أي عمل قام بكتابته مجموعة مؤلفين قبل كده.
بداية العمل المقسم ل4 فصول كانت شيقة جدا وجذابة حقيقي وقادرة توعدك بعمل رائع يرضي ذائقتك ويعوضك عن مرار التقييم والامتحانات وكان اول فصل بالنسبالي أرضية للرواية وفتح خطوط كتير وعرف بالشخصيات كلهم واللي كانو كتير بالمناسبة على أول تعارف كده بس قرأته مرتين ومشي الحال .
الفصل التاني كان أمتداد للأول بصوت اعقل وأوضح واتكلم عن حاجات تانيه قادرة انها تفهمنا خط سير الرواية ومنهجية الأبطال لحل اللغز والتعامل مع واقعهم الجديد.
الفصل التالت استمر حل اللغز واستمرت المفاجأت مع وجود بعض التكرار والإعادة لمواقف سبق ذكرها لكن بتخبط اكتر فكان نفي بعد اثبات او العكس .
الفصل الرابع كان وصل للذروة مع نصه التاني من الرواية واللي مكانتش لسه اتضحت خيوطها للآخر او خلينا نقول وضحت لكن في قطع جوهرية في البازل لازم تظهر علشان تأكد شكوكنا وظهرت في اخر الفصل فعلا في اللقاء بين بطلين ولكنه كان غيرمرضي بالنسبالي لأنه كان بشكل تقريري بحت وكأنه اتكروت مع ان كان ممكن يتفردله وقت اطول ويتعالج معالجة أفضل من كده خصوصا ان الرؤية كانت اتضحت معظمها.
😈تحذير بالحرق:
■ في حاجات مقتنعتش بيها تفسير آريان ل هنادي في بعض الحاجات ان المؤسسة كانت بتلعب في وقت فراغها ده مش تفسير اصلا ولا ينفع يتقال عن مؤسسة بالقوة والفكر ده.
■ أن مجدي ابو العز يتصل بالمؤسسة علشان ينقذ ابنه من حالة التدهور وميردوش عليه ازاي وهو من اكبرالمساهمين خلاص محدش يعبره.
■ اعتدال وتخبطها واندهاشها طول الوقت وفي الاخر طلع اللي حصل ل هشام مش اول مرة تمر بيه وعارفه ان الابن غير الزوج لكن هي كانت عامله مش فاهمه الموضوع اصلا خااالص.
■ في قصور كبير في شخصية هاني من حيث الاحداث وتفسيرها والطرود اللي بتجيله.
■ الأسود وتفسيره غير منطقي نهائي كان الأولى يكون هشام الآخر.
■ البعد الزمني للرواية مينفعش اقول ان التجارب بدأت سنة 2034 ومن بعدها طبعا بشوية الاحداث حصلت واجي اكتب عن هشام انه بقى هشام برو ماكس 17 طيب خلوه برو ماكس 25 حتى ولا ينفع اقول أن الشريحة بتاعة ابو العز شغاله بتقنية ال 5G بحبحوا ايدكم شوية في التقنيات واحترموا الاجرام اللي احنا فيه🙈😂
■ في صفحة خاصة بحياة آريان السابقة قال أنه حياته مرتبطه ببنت عندها 17 سنه والصفحة اللي وراها على طول غلط وقال ان البنت 19 سنه وكمل كلام عادي.
التجربة out of the box حقيقي
ولو ممكن مثلا( معرفش ده حصل ولا لا) يجتمع الكتاب كلهم ويتفقوا على كل شيء بالرواية وييقسموا الفصول بعد كده منعا للتكرار والتخبط اللي حصل ولسد ثغرات النهاية كويس .
أسم العمل لايق على المحتوى خصوصا أنهم استخدموا نفس فكرة دورة حياة القناديل والجسر كان لايق لأنهم طول الوقت بيتكلموا عن العبور واللي بالطبع محتاج جسر والغلاف محير بس ممكن ميكونش معبر اوووي اعتقد لازم نبذة الكتاب توضح المحتوى اكتر وحيكون الاعتماد عليها كبير ده طبعا بجانب البرومو التشويقي اللي لازم يتعمل للعمل علشان يبرز مواطن القوة وفكرته.
This entire review has been hidden because of spoilers.
December 21, 2025
جسر القناديل
تأليف مجموعة من المؤلفين
151 صفحة
كتوبيا للنشر والتوزيع
التقييم ثلاث نجمات
* * * *
" العلم والتكنولوجيا مرعبة جدا "
فكرة الرواية جميلة جدا ومتماشية مع الواقع الانساني الذي يبحث عن التجديد والشباب والخلود الفكرة التي تراود اغلب البشر
اسم الرواية والغلاف متناسبين مع بعضهم البعض زائد ان فكرة الرواية مرتبطة بالاسم لطبيعة احد انواع قناديل البحر الخالدة التي يمكنه عكس دورة حياته للعودة إلى مرحلة البوليب (مرحلة مبكرة) ليجدد نفسه ويتجنب الموت.
بداية احداث الرواية مرتبكة وغير مفهومة الي حد ما ثم تتضح الأفكار تباعا,
فكرة ان تولد من جديد أو الحياة مرة اخري بعد الموت ولكنها ليست كأي حياة فأنت هنا تخلق جسد ورح جديدة متشابهه في الملامح لكنها ليست متشابهه في الطباع,
ماذا لو كانت هناك شركات لتجديد الخلايا وتغير الجسد والروح؟!
ماذا لو كانت هناك فرصةللشخص لتغيير حياته للأفضل ؟!
ماذا لو لم يكن هناك موت؟!
ارتباك البداية في الرواية وفرد الاحداث والصفحات لم يمنعنا من التحفز للاحداث والانجذاب لما سيحدث تاليا, ثم مع زروة الأحداث والتشويق تنتهي الرواية وهذا كان اسوا ما حدث لي لان كنت بدأت اندمج في الأحداث
الاحداث والحوار منطقي وواقعي جدا بالنسبة للأبطال, الرواية ناقشت الفكرة الغريبة للعبور او العودة من الموت من عدة مناظير سواء الجانب العلمي او الديني او الانساني , وانه مهما كان العلم متقدما فهناك خطأ ما لابد ان يحدث وان الانسان عدو احتياجاته
فكرة الرواية رائعة جدا لكن التناول كان غريب وقد يكون غير موفق للأسف بالرغم من ان في بعض الأحداث وخصوصا مع الغموض والتخبط, الجزء الأخير كان مشوق , لكن فجأة كل حاجة بتنتهي فجأة
لكن في المجمل كانت تجربة حلوة وجديدة بالنسبة لي
* * * *
فكرة ا ن الرواية يكتبها كذا مؤلف ليست سيئة اذا كان المؤلفين نفس الاسلوب او ان يكون اسلوبهم متقارب
فكرة ان كتوبيا تعمل استطلاع عن اسماء المؤلفين للرواية فكرة حلوة ولكنها مربكة ايضا , توقعت كذا اسم للمؤلفين ويارب توقعي يبقي صح
# اقتباسات
❞ بعض الناس لا ترتاح إلى في وجود بدائل.. لا تشعر بالأمان إلا في وجود مخرج .. إلا في وجود ملجأ .. ❝
❞ بل ضحكة طفل أفطر في نهار رمضان كسرًا لكلمة أبيه القاسية. كل لقمة يأكلها خفيةً بمنزلة لسان يخرج من بين الشفتين ليغيظ أبيه. ها أنا أفطِر وأنت لا تعلم.. بل أنت لا تعلم كل شيء كما أوهمتنا، ولن تخبرك العصفورة بما يخفى عليك، أتعرف السبب؟ لأنه ليس هناك عصفورة من الأساس!"
كتبتها لك
الآن وقد وجدت ما كنت أبحث عنه أستطيع أن أخبرك
لا يمكنك أن تري خلال لحمي الشفاف , أطفو عبر الزمان والمكان
أنا عديم الوزن , لست في المكان الذي تذهب إليه بعد الموت ❝
#مسابقة_مكتبة_وهبان
#تجربتي_مع_رواية_جسر_القناديل
تأليف مجموعة من المؤلفين
151 صفحة
كتوبيا للنشر والتوزيع
التقييم ثلاث نجمات
* * * *
" العلم والتكنولوجيا مرعبة جدا "
فكرة الرواية جميلة جدا ومتماشية مع الواقع الانساني الذي يبحث عن التجديد والشباب والخلود الفكرة التي تراود اغلب البشر
اسم الرواية والغلاف متناسبين مع بعضهم البعض زائد ان فكرة الرواية مرتبطة بالاسم لطبيعة احد انواع قناديل البحر الخالدة التي يمكنه عكس دورة حياته للعودة إلى مرحلة البوليب (مرحلة مبكرة) ليجدد نفسه ويتجنب الموت.
بداية احداث الرواية مرتبكة وغير مفهومة الي حد ما ثم تتضح الأفكار تباعا,
فكرة ان تولد من جديد أو الحياة مرة اخري بعد الموت ولكنها ليست كأي حياة فأنت هنا تخلق جسد ورح جديدة متشابهه في الملامح لكنها ليست متشابهه في الطباع,
ماذا لو كانت هناك شركات لتجديد الخلايا وتغير الجسد والروح؟!
ماذا لو كانت هناك فرصةللشخص لتغيير حياته للأفضل ؟!
ماذا لو لم يكن هناك موت؟!
ارتباك البداية في الرواية وفرد الاحداث والصفحات لم يمنعنا من التحفز للاحداث والانجذاب لما سيحدث تاليا, ثم مع زروة الأحداث والتشويق تنتهي الرواية وهذا كان اسوا ما حدث لي لان كنت بدأت اندمج في الأحداث
الاحداث والحوار منطقي وواقعي جدا بالنسبة للأبطال, الرواية ناقشت الفكرة الغريبة للعبور او العودة من الموت من عدة مناظير سواء الجانب العلمي او الديني او الانساني , وانه مهما كان العلم متقدما فهناك خطأ ما لابد ان يحدث وان الانسان عدو احتياجاته
فكرة الرواية رائعة جدا لكن التناول كان غريب وقد يكون غير موفق للأسف بالرغم من ان في بعض الأحداث وخصوصا مع الغموض والتخبط, الجزء الأخير كان مشوق , لكن فجأة كل حاجة بتنتهي فجأة
لكن في المجمل كانت تجربة حلوة وجديدة بالنسبة لي
* * * *
فكرة ا ن الرواية يكتبها كذا مؤلف ليست سيئة اذا كان المؤلفين نفس الاسلوب او ان يكون اسلوبهم متقارب
فكرة ان كتوبيا تعمل استطلاع عن اسماء المؤلفين للرواية فكرة حلوة ولكنها مربكة ايضا , توقعت كذا اسم للمؤلفين ويارب توقعي يبقي صح
# اقتباسات
❞ بعض الناس لا ترتاح إلى في وجود بدائل.. لا تشعر بالأمان إلا في وجود مخرج .. إلا في وجود ملجأ .. ❝
❞ بل ضحكة طفل أفطر في نهار رمضان كسرًا لكلمة أبيه القاسية. كل لقمة يأكلها خفيةً بمنزلة لسان يخرج من بين الشفتين ليغيظ أبيه. ها أنا أفطِر وأنت لا تعلم.. بل أنت لا تعلم كل شيء كما أوهمتنا، ولن تخبرك العصفورة بما يخفى عليك، أتعرف السبب؟ لأنه ليس هناك عصفورة من الأساس!"
كتبتها لك
الآن وقد وجدت ما كنت أبحث عنه أستطيع أن أخبرك
لا يمكنك أن تري خلال لحمي الشفاف , أطفو عبر الزمان والمكان
أنا عديم الوزن , لست في المكان الذي تذهب إليه بعد الموت ❝
#مسابقة_مكتبة_وهبان
#تجربتي_مع_رواية_جسر_القناديل
December 22, 2025
جسر القناديل
دار كتوبيا للنشر
تطل علينا كتوبيا هذه المرة (وهى الصراحة مبتقصرش معانا خااالص فى الابتكار والتفكير باستمرار برة الصندوق ) بتجربة مختلفة جدا وهى انها ٤ مؤلفين كبار مبعين بيشتركوا فى عمل واحد ....الجديد مش انه عمل واحد لأ ديه رواية واحدة ايوة واحدة مكونة من اربعة فصول كل كاتب فصل
رواية متصلة بتحكى قصة واحدة متماسكة الاطراف وليست حكايات منفصلة كل كاتب يكتب شخصية من وجهة نظره لا ابسلوتيلى بيكملوا الرواية كوحدة واحدة ودى اكتر حاجة جننتنى انتوا عملتوا كده ازاى ؟!
هل كنتوا متفقين على القصة كلها وقسمتوها ولا كل واحد بكتب الجزء من وجهة نظره ايه اللخفنة اللى القارئ فيها ديه
انا متخيلة الكتاب بيلعبوا لعبة مسلية جدا وتحدى لطيف ومثير وقاعدين يتفرجوا على القارئ فى الخلفية (ماهو خيال بخيال بقى اشمعنا احنا كقراء ميبقاش عندنا خيال يعنى امتوا تلعبوا وتتسلوا واحنا لا متجيش برضه ) وهما بيضحكوا عليهم وهما بيضربوا اخماس فى اسداس مش عارفين مين كتب ايه 😂
وطبعا لزوم السسبينس اللى( كتوبيا مبدعة فيه الصراحة ) كانت مخبية علينا اسامى الكتاب فى الاول واظهرته تباعا
وكان كل كاتب مفاجأة بالنسبة للقراء لان كل كاتب /ة منهم ليه كتبه ورواياته الجميلة اوى المتميزة باسلوبه وابداعه
فتيجى الرواية مكتملة مختلفة (يالهوووى ايه اللى باقوله ده) يعنى الاحداث ماشية بمنتهى السلاسة كأنها كاتب واحد ومختلفة اختلافات فى الاسلوب ومعالجة كل جزء بطريقة مختلفة (وطبعا ده مش فقاقة منى خاااالص لا انا اقنعت عقلى انه كده عشان ماتجننش بس 🤪)
نيجى بقى للمشكلة الجديدة حتى بعد ما اعلنوا عن الكتاب الاربعة هو مين كتب ايه ؟!
وطبعا قاعدين نهبد ونركز
بس الغريبة رغم كل التساؤلات ديه مفقدتش استمتاعى بالرواية بالعكس مستمتعة بيها جدا وباعمل نفسى مش واخدة بالى😅
يعنى من الآخر تجربة جديدة رائعة عجبتنى جدا كتجربة وكمان الرواية مشوقة جدا بس ليا سؤال للكتاب هل هما اتجمعوا الاول وحددوا الخكاية كلها وقسموا الاجزاء على بعض كل واحد يكتب باسلوبه ولا كل واحد بدأ والتانى كمل عليه لغاية لما الرواية خلصت
وعاوزين كقراء نعرف هما ازاى اتعاملوا مع التجربة ديه او اللعبة الممتعة ديه وهل ممكن يكرروها تانى ولا كانت نوع من التجريب مرة وخلصت وخلاص🤔
اما بالنسبة لى بقى حان وقت التخمين اللى عادى ممكن يكون غلط خالص وممكن يكون صح انا متلخبطة بجد
الفصل الاول شيرين هنائى
الفصل التانى رضوى الاسود
الفصل الثالث محمد اسماعيل
الفصل الرابع ميسرة الدندراوى
تجربة جميلة مثيرة للقارئ وطريقة عرض الفكرة بالتتابع ده والافصاح التدريجى عن الكتاب ومشاركة القارئ فى تخمين الفصول اضفى عليها مشاركة جميلة اوى وعلاقة لطفة بين الكاتب والقارئ وحسس القارئ بانه مشارك فى التجربة حاجة حلوة اوى للزم نشكر كتوبيا و جروب مكتبة وهبان عليها ❤️🌹
دار كتوبيا للنشر
تطل علينا كتوبيا هذه المرة (وهى الصراحة مبتقصرش معانا خااالص فى الابتكار والتفكير باستمرار برة الصندوق ) بتجربة مختلفة جدا وهى انها ٤ مؤلفين كبار مبعين بيشتركوا فى عمل واحد ....الجديد مش انه عمل واحد لأ ديه رواية واحدة ايوة واحدة مكونة من اربعة فصول كل كاتب فصل
رواية متصلة بتحكى قصة واحدة متماسكة الاطراف وليست حكايات منفصلة كل كاتب يكتب شخصية من وجهة نظره لا ابسلوتيلى بيكملوا الرواية كوحدة واحدة ودى اكتر حاجة جننتنى انتوا عملتوا كده ازاى ؟!
هل كنتوا متفقين على القصة كلها وقسمتوها ولا كل واحد بكتب الجزء من وجهة نظره ايه اللخفنة اللى القارئ فيها ديه
انا متخيلة الكتاب بيلعبوا لعبة مسلية جدا وتحدى لطيف ومثير وقاعدين يتفرجوا على القارئ فى الخلفية (ماهو خيال بخيال بقى اشمعنا احنا كقراء ميبقاش عندنا خيال يعنى امتوا تلعبوا وتتسلوا واحنا لا متجيش برضه ) وهما بيضحكوا عليهم وهما بيضربوا اخماس فى اسداس مش عارفين مين كتب ايه 😂
وطبعا لزوم السسبينس اللى( كتوبيا مبدعة فيه الصراحة ) كانت مخبية علينا اسامى الكتاب فى الاول واظهرته تباعا
وكان كل كاتب مفاجأة بالنسبة للقراء لان كل كاتب /ة منهم ليه كتبه ورواياته الجميلة اوى المتميزة باسلوبه وابداعه
فتيجى الرواية مكتملة مختلفة (يالهوووى ايه اللى باقوله ده) يعنى الاحداث ماشية بمنتهى السلاسة كأنها كاتب واحد ومختلفة اختلافات فى الاسلوب ومعالجة كل جزء بطريقة مختلفة (وطبعا ده مش فقاقة منى خاااالص لا انا اقنعت عقلى انه كده عشان ماتجننش بس 🤪)
نيجى بقى للمشكلة الجديدة حتى بعد ما اعلنوا عن الكتاب الاربعة هو مين كتب ايه ؟!
وطبعا قاعدين نهبد ونركز
بس الغريبة رغم كل التساؤلات ديه مفقدتش استمتاعى بالرواية بالعكس مستمتعة بيها جدا وباعمل نفسى مش واخدة بالى😅
يعنى من الآخر تجربة جديدة رائعة عجبتنى جدا كتجربة وكمان الرواية مشوقة جدا بس ليا سؤال للكتاب هل هما اتجمعوا الاول وحددوا الخكاية كلها وقسموا الاجزاء على بعض كل واحد يكتب باسلوبه ولا كل واحد بدأ والتانى كمل عليه لغاية لما الرواية خلصت
وعاوزين كقراء نعرف هما ازاى اتعاملوا مع التجربة ديه او اللعبة الممتعة ديه وهل ممكن يكرروها تانى ولا كانت نوع من التجريب مرة وخلصت وخلاص🤔
اما بالنسبة لى بقى حان وقت التخمين اللى عادى ممكن يكون غلط خالص وممكن يكون صح انا متلخبطة بجد
الفصل الاول شيرين هنائى
الفصل التانى رضوى الاسود
الفصل الثالث محمد اسماعيل
الفصل الرابع ميسرة الدندراوى
تجربة جميلة مثيرة للقارئ وطريقة عرض الفكرة بالتتابع ده والافصاح التدريجى عن الكتاب ومشاركة القارئ فى تخمين الفصول اضفى عليها مشاركة جميلة اوى وعلاقة لطفة بين الكاتب والقارئ وحسس القارئ بانه مشارك فى التجربة حاجة حلوة اوى للزم نشكر كتوبيا و جروب مكتبة وهبان عليها ❤️🌹
December 21, 2025
#تجربتى_مع_جسر_القناديل
🔥 انطباعاتى عن رواية : جسر القناديل
* الكاتب : مجموعة من الكتاب / الكاتبات ( 4 )
* الصفحات : ١٧٤ ابجد
* دار النشر : دار نشر كتوبيا للنشر والتوزيع
#كتوبيا_للنشر_والتوزيع
⭐️لم اقرا من قبل رواية يشترك فى تاليفها عدد من الكتاب/الكاتبات ، ولكنى قراءت من قبل كتاب أشترك فيه اكثر من كاتب/ كاتبة مثل كتاب اربع محاولات للحياة اشترك فيه الكاتب أسامة علام ونشوى صلاح و احمد عبد المجيد و��لكاتبة مروة سمير وكانت تجربة اكثر من رائعة .
⭐️ الرواية من المؤكد ان الكتاب/الكاتبات الاربع قد بزلوا مجهود كبير لكى يصل عملهم الى القارئ بتلك الصورة الجيدة ، وعن نفسي فقد استمتعت بالعمل بظرف النظر ��ن مين اللى كاتب العمل لانى لا اعرفهم .
⭐️ الفرق بين اسلوب كاتب واخر بسيط وغير ظاهر ،الفرق ايضا كان فى استخدام اللغة الفصحى القوية او الفصحى البسيطة، كما ان هناك فرق فى التشويق والإثارة فى سرد الاحداث من فصل لآخر ولكنها فروق بسيطة .
⭐️ لم استطيع تقييم كل فصل ( كاتب/كاتبة ) عن الفصول الاخرى ، فكل فصل له ايجابياته وايضا سلبياته ، ولكن فى العموم الرواية جيدة ، فكرتها جديدة تجعل القارئ اثناء قراءته للعمل يفكر ويتخيل فى المستقبل سواء القريب او البعيد ، هل ممكن الانسان ان يحيى مرة أخرى بعد الموت ؟ وهل ممكن ان يكون له حق الاختيار ان يموت للأبد او يعيش مرة أخرى بعد الموت ؟ وهل الحياة جميلة الى هذه الدرجة لكى يتمناها المرء بعد مماته ؟ ام السبب ان المرء لايعلم ما بعد الموت ؟
⭐️ اما نهاية العمل فلم اتوقعها وجاءت جيدة جدا ، فهى إجبار الناس على عبور الجسر سواء برضاهم ام لا ، او التجارب على البشر يجب أن تتم .( بدون إحراق )
⭐️ اما اسم العمل فجاء على نوع معين من قناديل البحر التى تصل الى مرحلة البلوغ ثم يرتد الى مرحلة عدم النضوج ولا يصل الى مرحلة الشيخوخة ابدا ولا يموت ( مثل استنساخ البشر )
🔷️ ملاحظات :
🕳 ماهو سبب عدم نشر اسماء كتاب / كاتبات العمل ؟ هل بسبب انهم كتاب/كاتبات جدد ؟ ام حتى لانقيم كاتب / كاتبة عن الاخر ؟ ام ان هذا اختبار تنافس بين الكتاب ؟ ام ان هذا اختبار للقارئ لكى يعرف من كتب العمل ؟
🕳 هنا يأتى سؤال آخر، هل ممكن للقارئ شراء عمل سواء رواية او كتاب ليس على غلافة اسم المؤلف ؟ او ما الفرق بين شراء عمل لكاتب جديد لا احد يعرفه وبين كتاب ليس على غلافة اسم المؤلف .
#نادر_رضا
🔥 انطباعاتى عن رواية : جسر القناديل
* الكاتب : مجموعة من الكتاب / الكاتبات ( 4 )
* الصفحات : ١٧٤ ابجد
* دار النشر : دار نشر كتوبيا للنشر والتوزيع
#كتوبيا_للنشر_والتوزيع
⭐️لم اقرا من قبل رواية يشترك فى تاليفها عدد من الكتاب/الكاتبات ، ولكنى قراءت من قبل كتاب أشترك فيه اكثر من كاتب/ كاتبة مثل كتاب اربع محاولات للحياة اشترك فيه الكاتب أسامة علام ونشوى صلاح و احمد عبد المجيد و��لكاتبة مروة سمير وكانت تجربة اكثر من رائعة .
⭐️ الرواية من المؤكد ان الكتاب/الكاتبات الاربع قد بزلوا مجهود كبير لكى يصل عملهم الى القارئ بتلك الصورة الجيدة ، وعن نفسي فقد استمتعت بالعمل بظرف النظر ��ن مين اللى كاتب العمل لانى لا اعرفهم .
⭐️ الفرق بين اسلوب كاتب واخر بسيط وغير ظاهر ،الفرق ايضا كان فى استخدام اللغة الفصحى القوية او الفصحى البسيطة، كما ان هناك فرق فى التشويق والإثارة فى سرد الاحداث من فصل لآخر ولكنها فروق بسيطة .
⭐️ لم استطيع تقييم كل فصل ( كاتب/كاتبة ) عن الفصول الاخرى ، فكل فصل له ايجابياته وايضا سلبياته ، ولكن فى العموم الرواية جيدة ، فكرتها جديدة تجعل القارئ اثناء قراءته للعمل يفكر ويتخيل فى المستقبل سواء القريب او البعيد ، هل ممكن الانسان ان يحيى مرة أخرى بعد الموت ؟ وهل ممكن ان يكون له حق الاختيار ان يموت للأبد او يعيش مرة أخرى بعد الموت ؟ وهل الحياة جميلة الى هذه الدرجة لكى يتمناها المرء بعد مماته ؟ ام السبب ان المرء لايعلم ما بعد الموت ؟
⭐️ اما نهاية العمل فلم اتوقعها وجاءت جيدة جدا ، فهى إجبار الناس على عبور الجسر سواء برضاهم ام لا ، او التجارب على البشر يجب أن تتم .( بدون إحراق )
⭐️ اما اسم العمل فجاء على نوع معين من قناديل البحر التى تصل الى مرحلة البلوغ ثم يرتد الى مرحلة عدم النضوج ولا يصل الى مرحلة الشيخوخة ابدا ولا يموت ( مثل استنساخ البشر )
🔷️ ملاحظات :
🕳 ماهو سبب عدم نشر اسماء كتاب / كاتبات العمل ؟ هل بسبب انهم كتاب/كاتبات جدد ؟ ام حتى لانقيم كاتب / كاتبة عن الاخر ؟ ام ان هذا اختبار تنافس بين الكتاب ؟ ام ان هذا اختبار للقارئ لكى يعرف من كتب العمل ؟
🕳 هنا يأتى سؤال آخر، هل ممكن للقارئ شراء عمل سواء رواية او كتاب ليس على غلافة اسم المؤلف ؟ او ما الفرق بين شراء عمل لكاتب جديد لا احد يعرفه وبين كتاب ليس على غلافة اسم المؤلف .
#نادر_رضا
This entire review has been hidden because of spoilers.
December 21, 2025
تجربتي مع جسر القناديل
بتبدأ القصة الاولي كمدخل هادئ لكنه مشحون بالمشاعر بتبدأ بمراسم جنائزية وبعد وقت قصير نلاقي نفسنا قدّام احتفال بعودة المتوفي… تجربة مختلفة فعلًا وغير متوقعة بتكشف الرواية عن خوف الفقد والرغبة في استعادة الغائب حتى لو كان اللي بيرجع مجرد نسخة وهنا يطرح فكرة استنساخ الاشخاص كعنصر خيال علمي وسطر بعد الاخر تزداد الأمور تعقيدًا محاولة فك الأحجيات، تؤدي إلى المزيد منها، لفيوض من الغموض والعتمة، للعديد من الأبواب المغلقة، ومن تساؤلات تتناسل بلا إجابات واضحةة
هل استنساخ الأشخاص في الرواية مجرد تجربة علمية؟ ولا محاولة يائسة للهروب من الفقد؟
هل النسخة المستنسخة تقدر تعوّض الشخص الحقيقي؟ ولا بتفضّل دايمًا ظلّ ليه؟
فين بتقف الذاكرة؟ وهل الذكريات كفاية عشان تصنع إنسان؟
لو الجسد اتكررهل الروح ممكن تتكرر؟
وهل الحب بيتوجّه للشخص ولا للفكرة اللي بنحبها عنه؟
قصة مليانة غموض وتشويق بتنجح إنها تشد الانتباه من أول سطر وتجبرك إنك ما تسيبش الرواية من إيدك غير لما تكمّلها. من خلال القصة الاولي بنتعرّف على الشخصيات تدريجيًا وسط تفاصيل كتير محسوبة بعناية لكنها ما بتكشفش كل أوراقها
الرواية بتحتفظ بغموضها في اول قصة وتكشف تفاصيلها اكثر في كل قصة ونعرف جميع التفاصيل وكشف الاسرار عن التجربة التي تعرضوا لها واللعب في الذاكرة والمشاعر في القصة الاخيرة وده اللي بيخلّيها جذابة ومفتوحة على أسئلة أكتر من إجابات وتأمل اكثر
وكانت النهاية مفتوحة واحداث وتفاصيل ناقصة وللأسف انا مش من محبي النهاية المفتوحة
#تجربتي_مع_جسر_القناديل
#مكتبة_وهبان
بتبدأ القصة الاولي كمدخل هادئ لكنه مشحون بالمشاعر بتبدأ بمراسم جنائزية وبعد وقت قصير نلاقي نفسنا قدّام احتفال بعودة المتوفي… تجربة مختلفة فعلًا وغير متوقعة بتكشف الرواية عن خوف الفقد والرغبة في استعادة الغائب حتى لو كان اللي بيرجع مجرد نسخة وهنا يطرح فكرة استنساخ الاشخاص كعنصر خيال علمي وسطر بعد الاخر تزداد الأمور تعقيدًا محاولة فك الأحجيات، تؤدي إلى المزيد منها، لفيوض من الغموض والعتمة، للعديد من الأبواب المغلقة، ومن تساؤلات تتناسل بلا إجابات واضحةة
هل استنساخ الأشخاص في الرواية مجرد تجربة علمية؟ ولا محاولة يائسة للهروب من الفقد؟
هل النسخة المستنسخة تقدر تعوّض الشخص الحقيقي؟ ولا بتفضّل دايمًا ظلّ ليه؟
فين بتقف الذاكرة؟ وهل الذكريات كفاية عشان تصنع إنسان؟
لو الجسد اتكررهل الروح ممكن تتكرر؟
وهل الحب بيتوجّه للشخص ولا للفكرة اللي بنحبها عنه؟
قصة مليانة غموض وتشويق بتنجح إنها تشد الانتباه من أول سطر وتجبرك إنك ما تسيبش الرواية من إيدك غير لما تكمّلها. من خلال القصة الاولي بنتعرّف على الشخصيات تدريجيًا وسط تفاصيل كتير محسوبة بعناية لكنها ما بتكشفش كل أوراقها
الرواية بتحتفظ بغموضها في اول قصة وتكشف تفاصيلها اكثر في كل قصة ونعرف جميع التفاصيل وكشف الاسرار عن التجربة التي تعرضوا لها واللعب في الذاكرة والمشاعر في القصة الاخيرة وده اللي بيخلّيها جذابة ومفتوحة على أسئلة أكتر من إجابات وتأمل اكثر
وكانت النهاية مفتوحة واحداث وتفاصيل ناقصة وللأسف انا مش من محبي النهاية المفتوحة
#تجربتي_مع_جسر_القناديل
#مكتبة_وهبان
December 21, 2025
تجربتي مع جسر القناديل
رواية مختلفة فعلًا، مكتوبة بإيد أربع كُتّاب، وكل واحد فيهم مسك جزء وكمّل الحكاية بطريقة تخليك مش بس تقرأ… لأ، تندمج وتستمتع، وتفضل تسأل نفسك:
هل التجربة هتنجح؟ ولا هتبوظ؟
الحقيقة إن الرواية متقسّمة لأربع أجزاء، وكل جزء ليه روحه وطعمه وأسلوبه الخاص.
والجميل إن أي قارئ متابع لهؤلاء الكُتّاب هيلاحظ بسهولة إن روح كل كاتب طافية على أحداث الجزء اللي كتبه.
اللي متمكن في الخيال وفتح الأبواب على أسئلة واحتمالات كتير، شخصيته كانت واضحة جدًا.
واللي بارع في البحث، والإسقاط النجمي، والغرائبيات، بصمته كانت حاضرة بقوة.
واللي بيعشق السفر، والقطع الأنتيك، والمعلومة، حسّيته واخدنا معاه في رحلة.
أما اللي متميز في الغلق والحبكة، فأتقن النهاية وقدّم خاتمة ممتعة وغير متوقعة للعمل كله.
رأى الشخصي احتاجت إلى مساحة أكثر فى الخاتمة
وكنت اتمنى جلوس الكتاب لإعادة تدقيق العمل للحصول على أعلى نتيجة مرجوة.
بعد صدور الرواية سمعت إن فيه تجربة قديمة مشابهة لأربع كُتّاب برضه، وده خلاني متحمسة أبحث عنها وأقرأها.
وبرضه أتمنى يتم الإعلان عن أسماء الكُتّاب… يمكن أكافئ نفسي لو تخميني طلع صح 😄
في المجمل، جسر القناديل تجربة لطيفة وشيقة، وأحداثها الغريبة بتخلي الأسئلة تشتغل في دماغ القارئ طول الوقت، وده في حد ذاته متعة حقيقية لأي حد بيحب الروايات المختلفة.
#تجربتي_مع_جسر_القناديل
#أبجد
#كتوبيا
#ما_وراء_الغلاف_معDoaaSaad
#مسابقات_مكتبة_وهبان
رواية مختلفة فعلًا، مكتوبة بإيد أربع كُتّاب، وكل واحد فيهم مسك جزء وكمّل الحكاية بطريقة تخليك مش بس تقرأ… لأ، تندمج وتستمتع، وتفضل تسأل نفسك:
هل التجربة هتنجح؟ ولا هتبوظ؟
الحقيقة إن الرواية متقسّمة لأربع أجزاء، وكل جزء ليه روحه وطعمه وأسلوبه الخاص.
والجميل إن أي قارئ متابع لهؤلاء الكُتّاب هيلاحظ بسهولة إن روح كل كاتب طافية على أحداث الجزء اللي كتبه.
اللي متمكن في الخيال وفتح الأبواب على أسئلة واحتمالات كتير، شخصيته كانت واضحة جدًا.
واللي بارع في البحث، والإسقاط النجمي، والغرائبيات، بصمته كانت حاضرة بقوة.
واللي بيعشق السفر، والقطع الأنتيك، والمعلومة، حسّيته واخدنا معاه في رحلة.
أما اللي متميز في الغلق والحبكة، فأتقن النهاية وقدّم خاتمة ممتعة وغير متوقعة للعمل كله.
رأى الشخصي احتاجت إلى مساحة أكثر فى الخاتمة
وكنت اتمنى جلوس الكتاب لإعادة تدقيق العمل للحصول على أعلى نتيجة مرجوة.
بعد صدور الرواية سمعت إن فيه تجربة قديمة مشابهة لأربع كُتّاب برضه، وده خلاني متحمسة أبحث عنها وأقرأها.
وبرضه أتمنى يتم الإعلان عن أسماء الكُتّاب… يمكن أكافئ نفسي لو تخميني طلع صح 😄
في المجمل، جسر القناديل تجربة لطيفة وشيقة، وأحداثها الغريبة بتخلي الأسئلة تشتغل في دماغ القارئ طول الوقت، وده في حد ذاته متعة حقيقية لأي حد بيحب الروايات المختلفة.
#تجربتي_مع_جسر_القناديل
#أبجد
#كتوبيا
#ما_وراء_الغلاف_معDoaaSaad
#مسابقات_مكتبة_وهبان
December 20, 2025
#تجربتي_مع_جسر_القناديل
#مسابقات_مكتبة_وهبان
كبداية يعني نهاية العمل فظيعة زي فكرته😂🥲🩷
أول ما سمعت عن فكرة إن ٤ كتّاب يكتبوا رواية واحدة حسيت أن هتكون تجربة مختلفة وفي نفس الوقت ممكن متنجحش أوي أو تنجح جدا، خصوصًا بعد ما قرأت بوست باشمهندس أيمن حويرة عن التجربة نفسها وإن رحلة كتابة الرواية مش أن الأربع كتّاب مثلا اتفقوا ع الفكرة والنهاية والأحداث اللي في النص أو حتى رصوها قدامهم وبدأوا ينفذوا، لا دول كل واحد استلم لقي فصل مكتوب قبله وكمل عليه بأسلوبه ورؤيته!
عن نفسي بحب أسمع في العمل لو كذا شخصية الأصوات بتاعتهم، فكان التنقل ما بين كل كاتب والتاني على الفصول الأربعة كانت محققة الحاجة دي... مش عارفة دة بسبب عدم تركيزي يمكن الفترة دي في اللي بقراه أوي بسبب الدراسة ولا، بس تسلسل الأحداث أو الرؤية نفسها أن أنتم رايحين بينا فين كانت يمكن أكتر حاجة مربكة في العمل بالنسبالي، كنت تايهة كمان في الشخصيات بسبب السرد، أوقات مكنتش بعرف هل اللي بيتكلم دة صوت شخصية ولا صوت الراوي العليم، بس الفصل الأخير في العمل وضحلي يعتبر أغلب اللي مكنتش فاهماه أوي ودي نقطة فارقة معايا في العمل الصراحة.
التجربة حقيقي شايفة أنها تطلبت إبداع ودماغ عالية لتكملة السلسلة من الخرز اللي بدأها كاتب تاني علشان يكمل شكل السلسلة المنمق الجذاب في الآخر، وأكيد هي تجربة فارقة لينا كقراء أو لكل كاتب شارك
تجربة فريدة ومميزة حتى في فكرة العمل نفسه🩷
شكرًا كتوبيا على الكريتيفتي🩷🩷
#مسابقات_مكتبة_وهبان
كبداية يعني نهاية العمل فظيعة زي فكرته😂🥲🩷
أول ما سمعت عن فكرة إن ٤ كتّاب يكتبوا رواية واحدة حسيت أن هتكون تجربة مختلفة وفي نفس الوقت ممكن متنجحش أوي أو تنجح جدا، خصوصًا بعد ما قرأت بوست باشمهندس أيمن حويرة عن التجربة نفسها وإن رحلة كتابة الرواية مش أن الأربع كتّاب مثلا اتفقوا ع الفكرة والنهاية والأحداث اللي في النص أو حتى رصوها قدامهم وبدأوا ينفذوا، لا دول كل واحد استلم لقي فصل مكتوب قبله وكمل عليه بأسلوبه ورؤيته!
عن نفسي بحب أسمع في العمل لو كذا شخصية الأصوات بتاعتهم، فكان التنقل ما بين كل كاتب والتاني على الفصول الأربعة كانت محققة الحاجة دي... مش عارفة دة بسبب عدم تركيزي يمكن الفترة دي في اللي بقراه أوي بسبب الدراسة ولا، بس تسلسل الأحداث أو الرؤية نفسها أن أنتم رايحين بينا فين كانت يمكن أكتر حاجة مربكة في العمل بالنسبالي، كنت تايهة كمان في الشخصيات بسبب السرد، أوقات مكنتش بعرف هل اللي بيتكلم دة صوت شخصية ولا صوت الراوي العليم، بس الفصل الأخير في العمل وضحلي يعتبر أغلب اللي مكنتش فاهماه أوي ودي نقطة فارقة معايا في العمل الصراحة.
التجربة حقيقي شايفة أنها تطلبت إبداع ودماغ عالية لتكملة السلسلة من الخرز اللي بدأها كاتب تاني علشان يكمل شكل السلسلة المنمق الجذاب في الآخر، وأكيد هي تجربة فارقة لينا كقراء أو لكل كاتب شارك
تجربة فريدة ومميزة حتى في فكرة العمل نفسه🩷
شكرًا كتوبيا على الكريتيفتي🩷🩷
December 21, 2025
جسر القناديل تجربة غير معتادة حتى على مستوى أعمال كتوبيا نفسها الفكرة هنا مش بس في عالم الرواية لكن في طريقة الكتابة أربع مؤلفين بيشتغلوا على نص واحد كل فصل بصوت مختلف من غير ما يكون في اتفاق تفصيلي غير الهيكل العام المغامرة دي في حد ذاتها تحسب للعمل حتى لو مش كل نتائجها كانت متساوية
بداية الرواية كانت قوية ومغرية مليانة أسئلة وشخصيات وأجواء غموض تشد القارئ وتخليه يكمل مع التقدم في الفصول الصورة بدأت توضح تدريجيًا واللغز بقى أوضح لكن في المقابل ظهر عدم توازن بين الفصول سواء في الإيقاع أو في بناء بعض الشخصيات
الرواية بتنجح في خلق حالة توتر مستمرة لكنها أحيانًا بتقع في فخ الشرح المباشر أو التبرير السريع لأحداث محتاجة مساحة أوسع في شخصيات اتبنت كويس وشخصيات تانية حسيت إنها اتسابِت في النص من غير معالجة كافية
الذروة كانت حاضرة لكن النهاية ما استثمرتش كل اللي اتبنى قبلها وجت أقرب للتقرير منها للحظة صادمة أو مؤثرة ومع ذلك الفكرة الأساسية تفضل جذابة والرمزية المرتبطة بالقناديل والعبور كانت موفقة
في المجمل جسر القناديل مش رواية بتطلب منك تصدق كل حاجة لكنها بتطلب منك تفكر وده في حد ذاته مكسب حقيقي لتجربة قراءة مختلفة
#أبجد
#جسر_القناديل
#مجموعة_من_المؤلفين
#مسابقات_مكتبة_وهبان
#تجربتي_مع_جسر_القناديل #اقتباسات_جسر_القناديل
بداية الرواية كانت قوية ومغرية مليانة أسئلة وشخصيات وأجواء غموض تشد القارئ وتخليه يكمل مع التقدم في الفصول الصورة بدأت توضح تدريجيًا واللغز بقى أوضح لكن في المقابل ظهر عدم توازن بين الفصول سواء في الإيقاع أو في بناء بعض الشخصيات
الرواية بتنجح في خلق حالة توتر مستمرة لكنها أحيانًا بتقع في فخ الشرح المباشر أو التبرير السريع لأحداث محتاجة مساحة أوسع في شخصيات اتبنت كويس وشخصيات تانية حسيت إنها اتسابِت في النص من غير معالجة كافية
الذروة كانت حاضرة لكن النهاية ما استثمرتش كل اللي اتبنى قبلها وجت أقرب للتقرير منها للحظة صادمة أو مؤثرة ومع ذلك الفكرة الأساسية تفضل جذابة والرمزية المرتبطة بالقناديل والعبور كانت موفقة
في المجمل جسر القناديل مش رواية بتطلب منك تصدق كل حاجة لكنها بتطلب منك تفكر وده في حد ذاته مكسب حقيقي لتجربة قراءة مختلفة
#أبجد
#جسر_القناديل
#مجموعة_من_المؤلفين
#مسابقات_مكتبة_وهبان
#تجربتي_مع_جسر_القناديل #اقتباسات_جسر_القناديل
December 21, 2025
# تجربتي_مع_ جسر _ القناديل
#مسابقات _مكتبة_وهبان
ريفيو قراءه
استمتعت مع فكره عدد من الكتاب لفكره قديمه قدم الكتابه ذاتها
الروح والخلود والعودة بعد البعث ولكن بمعالجه تتوافق مع الزمن الحديث حيث العلم هو الغالب والسيطرة وهو صاحب الحظوة
بدأت الكتابه موفقه في الطرح وشعرت بالتوافق الاجتماعي والفكري لعائلة ابو العز مع فكره التميز والاصطفاء التي تدعم صرف مبالغ طائلة لعبور شخص جسر الموت والعودة إلى الحياة
ربما أخذ حذاء جوتشي من الروايه القصيره أكثر مما يستحق وعجز تتابع الأقلام عن التوافق مع تسارع الأحداث فمات الروايه بالسكتة واتت النهايه باعترافات ليس لها مبرر سوى الرغبه في غلق صفحات القصه والانتهاء بهذا القدر
استمتعت جدا مع موسيقى مختلفه لم أكن اعرف عنها وعن فرقها قدرا لكنها أعطت لفصل الالغاز أو الحاجي طعما مميزا
لم اجد جديدا في الجزء الثالث الذي جاء ليشرح أن المطلوب حين يتحقق رغم أنه قد يرضينا لكنه غالبا مثيرللريبه والشك
التجارب الجديده تستحق الاحتفاء وهذه تجربه تستحق التقدير
#مسابقات _مكتبة_وهبان
ريفيو قراءه
استمتعت مع فكره عدد من الكتاب لفكره قديمه قدم الكتابه ذاتها
الروح والخلود والعودة بعد البعث ولكن بمعالجه تتوافق مع الزمن الحديث حيث العلم هو الغالب والسيطرة وهو صاحب الحظوة
بدأت الكتابه موفقه في الطرح وشعرت بالتوافق الاجتماعي والفكري لعائلة ابو العز مع فكره التميز والاصطفاء التي تدعم صرف مبالغ طائلة لعبور شخص جسر الموت والعودة إلى الحياة
ربما أخذ حذاء جوتشي من الروايه القصيره أكثر مما يستحق وعجز تتابع الأقلام عن التوافق مع تسارع الأحداث فمات الروايه بالسكتة واتت النهايه باعترافات ليس لها مبرر سوى الرغبه في غلق صفحات القصه والانتهاء بهذا القدر
استمتعت جدا مع موسيقى مختلفه لم أكن اعرف عنها وعن فرقها قدرا لكنها أعطت لفصل الالغاز أو الحاجي طعما مميزا
لم اجد جديدا في الجزء الثالث الذي جاء ليشرح أن المطلوب حين يتحقق رغم أنه قد يرضينا لكنه غالبا مثيرللريبه والشك
التجارب الجديده تستحق الاحتفاء وهذه تجربه تستحق التقدير
December 21, 2025
#تجربتى_مع_جسر_القناديل
#مسابقات_مكتبة_وهبان
الحقيقه مكنتش هشارك فى المسابقة عشان كنت بقراء كتابين وخوفت اتشتت بس وانا ببص على الجديد فى أبجد لفت نظرى ان الكتاب معلهوش اسم مؤلف وتوقعت انها مجموعه قصصية مثلا بس مجموعة مؤلفين فى روايه قولت اشوف هتبقى عاملة أزاى ولقيت نفسى خلصت أول فصل فقولت أشارك فى المسابقه والحقيقه موضوع مجموعة مؤلفين بدون أسماء دى حركه ذكيه جدا وهتلفت نظر أى قارئ حلوه👌👏.
ومع ان الرواية كتبها اربع كتاب بس كان فيه ترابط بين الفصول والروايه كلها فيها وحده وأنسجام.
الروايه بالنسبالى مش خيال علمى ده رعب أن أنسان يعيش للأبد من غير نهاية دى حاجه مرعبه غالبا لو حصل فعلا هتبقى كارثه على البشريه فكرة الروايه شيقه جدا وبتثير الكثير من التساؤلات.
بما ان الفكرة حلوة كنت اتمنى ان يبقى فيه تفاصيل أكتر حاسه ان كان فيه كلام وتفاصيل تانى والنهايه مكنتش مرضيه😔
#مسابقات_مكتبة_وهبان
الحقيقه مكنتش هشارك فى المسابقة عشان كنت بقراء كتابين وخوفت اتشتت بس وانا ببص على الجديد فى أبجد لفت نظرى ان الكتاب معلهوش اسم مؤلف وتوقعت انها مجموعه قصصية مثلا بس مجموعة مؤلفين فى روايه قولت اشوف هتبقى عاملة أزاى ولقيت نفسى خلصت أول فصل فقولت أشارك فى المسابقه والحقيقه موضوع مجموعة مؤلفين بدون أسماء دى حركه ذكيه جدا وهتلفت نظر أى قارئ حلوه👌👏.
ومع ان الرواية كتبها اربع كتاب بس كان فيه ترابط بين الفصول والروايه كلها فيها وحده وأنسجام.
الروايه بالنسبالى مش خيال علمى ده رعب أن أنسان يعيش للأبد من غير نهاية دى حاجه مرعبه غالبا لو حصل فعلا هتبقى كارثه على البشريه فكرة الروايه شيقه جدا وبتثير الكثير من التساؤلات.
بما ان الفكرة حلوة كنت اتمنى ان يبقى فيه تفاصيل أكتر حاسه ان كان فيه كلام وتفاصيل تانى والنهايه مكنتش مرضيه😔
December 21, 2025
اسم العمل: جسر القناديل
عدد الصفحات: 151
تقييم العمل:❤️🔥❤️🔥❤️🔥❤️🔥❤️🔥
انطباعي عن العمل:
رواية مدهشة، مرعبة، وواقعية، قد تكون أكثر مما نتصور، حتى لو لم نصل في وقتنا الحالي إلى هذا المستوى من التطور، ولكنه قادم. فكرة الاستنساخ ليست جديدة، والذكاء الاصطناعي والطفرة التي حدثت فيه لدرجة أنه لا يمكن لأحد الاستغناء عنه، كل ما في الرواية حقيقي وصادم وصادق. ربما الفكرة التي لا أستطيع فهمها تمامًا هي فكرة الأكوان الموازية، ولكن بالتأكيد هناك تجارب لها.
فكرة الخلود فكرة مرعبة لكن القراءة بتعرفك تفكير بعض المجتمعات خصوصا الغنية او التي تملك السيطرة على مجريات الأمور وفي يدها اتخاذ القرارات حتى العالمية منها
#مسابقات_مكتبة_وهبان
#اقتباسات_جسر_القناديل
#أبجد
#جسر_القناديل
#مجموعة_من_المؤلفين
عدد الصفحات: 151
تقييم العمل:❤️🔥❤️🔥❤️🔥❤️🔥❤️🔥
انطباعي عن العمل:
رواية مدهشة، مرعبة، وواقعية، قد تكون أكثر مما نتصور، حتى لو لم نصل في وقتنا الحالي إلى هذا المستوى من التطور، ولكنه قادم. فكرة الاستنساخ ليست جديدة، والذكاء الاصطناعي والطفرة التي حدثت فيه لدرجة أنه لا يمكن لأحد الاستغناء عنه، كل ما في الرواية حقيقي وصادم وصادق. ربما الفكرة التي لا أستطيع فهمها تمامًا هي فكرة الأكوان الموازية، ولكن بالتأكيد هناك تجارب لها.
فكرة الخلود فكرة مرعبة لكن القراءة بتعرفك تفكير بعض المجتمعات خصوصا الغنية او التي تملك السيطرة على مجريات الأمور وفي يدها اتخاذ القرارات حتى العالمية منها
#مسابقات_مكتبة_وهبان
#اقتباسات_جسر_القناديل
#أبجد
#جسر_القناديل
#مجموعة_من_المؤلفين
December 21, 2025
تجربة جسر القناديل لذيذة من حيث الفكرة المطرقعة من متوببا زي ما اتعودنا ...
موضوع الراوية من المفضل عندي الخيال و الأفكار المستقبلية الغريبة دلوقت و الممكنة فى المستقبل ...
تحفظي كان طول إلى ال٤ فصول بادور مين الكاتب يمكن خرجت من تركيز الراوية و القراءة إني بادور دا أسلوب مين طب مين اللى كتبه ....
فكرت لو اتغير ترتيب ال ٤ كاتبين كانت الراوية هتمشي إزاى هتنتهي إزاى...
هل ممكن يعاد التجربة بتغيير ترتيب الكتابة لكل فصل ؟
توقعي الجزء الثاني أستاذة شيرين هنائي
و الجزء الرابع أستاذ ميسرة الدنراوى
شكرا كتوبيا عالفكرة و فى انتظار أفكار جديدة بره المجرة دايما
موضوع الراوية من المفضل عندي الخيال و الأفكار المستقبلية الغريبة دلوقت و الممكنة فى المستقبل ...
تحفظي كان طول إلى ال٤ فصول بادور مين الكاتب يمكن خرجت من تركيز الراوية و القراءة إني بادور دا أسلوب مين طب مين اللى كتبه ....
فكرت لو اتغير ترتيب ال ٤ كاتبين كانت الراوية هتمشي إزاى هتنتهي إزاى...
هل ممكن يعاد التجربة بتغيير ترتيب الكتابة لكل فصل ؟
توقعي الجزء الثاني أستاذة شيرين هنائي
و الجزء الرابع أستاذ ميسرة الدنراوى
شكرا كتوبيا عالفكرة و فى انتظار أفكار جديدة بره المجرة دايما
December 21, 2025
تجربة لا بأس بها
في آخرها فكرتنى طبعا بأسطورة رفعت للعظيم احمد خالد توفيق
وفي جزء الاسقاط النجمي طبعا طبعا فكرتنى بالتحفة الفنية
Behind her eyes 🫣
الفكرة نفسها مختلفة انت بتقرأ مش عارف مين اللى كاتب طيب مين اللى بدأ عرفت ان الاربعة كتاب مقعدوش وفكروا وطلعوا الكتاب .. لا كل واحد تفضل كده فصل وكمل عليه بقي لا سحر ولا شعوذة 😁
ليه النهاية مفتوحة ها .. اعترفوا مين كتب النهاية 😂
تجربة مميزة تاخد عشرة من عشرة ونجمة دمتم سالمين 🥸
#تجربتي_مع_جسر_القناديل
في آخرها فكرتنى طبعا بأسطورة رفعت للعظيم احمد خالد توفيق
وفي جزء الاسقاط النجمي طبعا طبعا فكرتنى بالتحفة الفنية
Behind her eyes 🫣
الفكرة نفسها مختلفة انت بتقرأ مش عارف مين اللى كاتب طيب مين اللى بدأ عرفت ان الاربعة كتاب مقعدوش وفكروا وطلعوا الكتاب .. لا كل واحد تفضل كده فصل وكمل عليه بقي لا سحر ولا شعوذة 😁
ليه النهاية مفتوحة ها .. اعترفوا مين كتب النهاية 😂
تجربة مميزة تاخد عشرة من عشرة ونجمة دمتم سالمين 🥸
#تجربتي_مع_جسر_القناديل
December 28, 2025
جسر القناديل
بصراحه انا دايما بحب أفكار كتوبيا اللي بره الصندوق و فكره كتابه جسر القناديل فعلا مميزه و جديده القصه أعجبتني جدا و لولا اني عارفه انها اتكتبت ب اربع اقلام مختلفه مكنتش هحس ابدا باختلاف في الاسلوب
بجد استمتعت بالتجربه المبتكره دي و في انتظار المزيد من الافكار اللي بتخلي القراءه اكثر تشويقا و متعه
بصراحه انا دايما بحب أفكار كتوبيا اللي بره الصندوق و فكره كتابه جسر القناديل فعلا مميزه و جديده القصه أعجبتني جدا و لولا اني عارفه انها اتكتبت ب اربع اقلام مختلفه مكنتش هحس ابدا باختلاف في الاسلوب
بجد استمتعت بالتجربه المبتكره دي و في انتظار المزيد من الافكار اللي بتخلي القراءه اكثر تشويقا و متعه
December 21, 2025
تجربة جديدة جريئة وحلوة ..أرجو أن تعاد في عمل جديد
December 21, 2025
تجربة مختلفة .. فكرة جريئة طبعا.. اجمل حاجة ان الكتاب كلهم حافظوا على نفس الرتم وماكانش في فصل ايقاعه مختلف
اتمنى التجربة تتكرر ف نوع تاني من الروايات..
#مسابقات_مكتبة_وهبان
#تجربتي_مع_جسر_القناديل
اتمنى التجربة تتكرر ف نوع تاني من الروايات..
#مسابقات_مكتبة_وهبان
#تجربتي_مع_جسر_القناديل
Displaying 1 - 16 of 16 reviews