ഹോംവർക്ക് [Homework]

by Rajeev Sivasankar

ഒരു കുഗ്രാമത്തിലുള്ള സ്കൂളിൽ, പട്ടാപ്പകൽ നടക്കുന്ന, ഒരദ്ധ്യാപകന്റെ കൊലപാതകവുമായി ബന്ധപ്പെട്ട അന്വേഷണമാണ് നോവലിന്റെ ഇതിവൃത്തം. തുടക്കം മുതൽ ഉദ്വേഗം ജനിപ്പിച്ച് വായനക്കാരെ പിടിച്ചിരുത്തുന്ന മാന്ത്രികത ഈ നോവലിനുണ്ട്.

ഒരു ഡസനിലധികം ബെസ്റ്റ് സെല്ലർ നോവലുകൾ സൃഷ്ടിച്ച രാജീവ് ശിവശങ്കറിന്റെ 'ഹോംവർക്ക്' എന്ന ക്രൈംത്രില്ലർ നോവൽ ഏതു പ്രായത്തിലുള്ള വായനക്കാരെയും രസിപ്പിക്കുമെന്നുറപ്പാണ്

192 pages, Paperback

Published January 1, 2023

About the author

Rajeev Sivashankar is an Indian novelist and short story writer in Malayalam language

Reviews

[Dr. Charu Panicker · Rating 3 out of 5]

ഒരു ക്രൈം ത്രില്ലർ എന്ന നിലയിൽ വായനക്കാരനെ അവസാനം വരെ പിടിച്ചിരുത്തുന്നൊരു പുസ്തകം.

ഒരു അധ്യാപകൻ പെട്ടെന്ന് മരണപ്പെടുന്നതോടെയാണ് കഥ ആരംഭിക്കുന്നത്. ആദ്യം അത് സ്വാഭാവിക മരണമെന്നു തോന്നുമെങ്കിലും പിന്നീട് അത് ഒരു കൊലപാതകമാണെന്ന് തെളിയുന്നു. കൊലപാതകത്തിന്റെ പിന്നിലെ സത്യം കണ്ടെത്താൻ ശ്രമിക്കുന്നത് ഒരു റിട്ടയേർഡ് പോലീസുകാരനും അയാളെ സഹായിക്കുന്ന കോരയുമാണ്.

അന്വേഷണം മുന്നോട്ടുപോകുമ്പോൾ അധ്യാപകന്റെ മരണത്തിന് പിന്നിലെ യഥാർത്ഥ കാരണം പതിയെ പുറത്തുവരുന്നു. അവസാനം കൊലപാതകം എന്തിനാണ് നടന്നതെന്ന് വ്യക്തമായി മനസ്സിലാകുമ്പോൾ കഥ മറ്റൊരു തലത്തിലേക്ക് എത്തുന്നു.

ഏറ്റവും ശ്രദ്ധേയമായ കാര്യം, കഥയുടെ അവസാനം എത്തുമ്പോൾ അധ്യാപകന്റെ മരണത്തെക്കുറിച്ച് വായനക്കാരന്റെ കാഴ്ചപ്പാട് തന്നെ മാറിപ്പോകുന്നു എന്നതാണ്. ചില സത്യങ്ങൾ അറിഞ്ഞുകഴിയുമ്പോൾ, “ഇയാൾക്ക് ഇങ്ങനെ സംഭവിച്ചത് ഒരുപക്ഷേ അർഹിച്ചതുതന്നെയായിരുന്നോ?” എന്നൊരു ചിന്ത പോലും മനസ്സിൽ വരും.

അന്വേഷണവും സസ്പെൻസും ട്വിസ്റ്റും ചേർന്നൊരു ക്രൈം ത്രില്ലർ ഇഷ്ടപ്പെടുന്നവർക്ക് വായിച്ചുനോക്കാവുന്ന പുസ്തകം.

©Dr. Charu Panicker

[Vishnu N · Rating 4 out of 5]

വളരെ പെട്ടന്ന് വായിച്ചുപോകാവുന്ന ഒരു ബുക്ക്‌ ആണ് ഹോം വർക്ക്‌... കുറ്റാന്വേഷണത്തിന്റെ കണ്ടുപരിചയിച്ച രീതികളിൽ നിന്ന് മാറി ഒരു സ്കൂളും അവിടെ നടന്ന ഒരു സംഭവവും ഒക്കെ ആയി മടുപ്പു ഒട്ടും തോന്നാത്ത ആഖ്യാന രീതിയാണ് സ്വീകരിച്ചിരിക്കുന്നത്...
വിചാരിക്കാത്ത ഒരു ക്ലൈമാക്സ്‌ ആണ് അതും നമ്മളെ നന്നായി ചിന്തിപ്പിക്കുന്നതരത്തിൽ ഒന്നായാണ് തോന്നിയത്...