جريمة على خشبة المسرح

by أغر الجمال

على خشبة المسرح.. ووسط ذهول الجميع.. يسقط "هاشم" الممثل المغمور مقتولًا.

في اليوم التالي.. يفجر العميد محمود.. مفاجأة مزلزلة:

بطل العرض "نبيل مهران".. هو مَن كان مقصودًا بالقتل.. وهاشم مات بالخطأ!

يجد العميد محمود نفسه.. وسط مجموعة من الممثلين المحترفين.. يُطوِّعون تعبيرات وجوههم لِما يريدون أن يُظهروه.. فلا يستطيع الجزم بصحته.. ليفقد أصدق شاهد يعتمد عليه.. "تعبيرات الوجوه".

تتصاعد الأحداث.. وتتوالى المفاجآت.. ليزداد غموض الجريمة.. حتى تقع جريمة قتل أخرى.. عندها فقط.. يتمكن العميد محمود من اكتشاف الحقيقة..ليسدل الستار.. على واحدة من أكثر المسرحيات مأساوية.

312 pages, Paperback

First published January 1, 2026

Reviews

[Mina Habib · Rating 3 out of 5]

* هذه الرواية هي اختياري الأحدث من سلسلة الأعمال الخاصة بتحدي عيد ميلاد أبجد، واللي المرة دي من دار كتوبيا. الرواية دي هي قرائتي الأولى للكاتب أغر الجمال، واللي في آخر كام سنة برز اسمه بقوة كأحد كتاب روايات الجريمة والتحقيقات. و أنا من فترة حاطط اسم الكاتب في قائمة الكتاب اللي عاوز أقرأ لهم و اتعرف على كتاباتهم، وأعتقد إن هذا التحدي كان فرصة مناسبة لخوض هذه التجربة.

* الرواية بتبدأ بفرقة مسرحية بتقدم عرض مسرحي، وفي أثناء التحية الخاتمية اللي بيقدمها الممثلين للجمهور بيسقط أحد الممثلين على المسرح و بيفارق الحياة. بنشوف المحقق محمود و هو يتوجه للمسرح و بيبدأ هو و كريم المساعد بتاعه – ضابط أقل منه رتبةً – و هما بيتكلماو و بيبدأوا يحصروا مين من الموجودين ممكن يكون في دائرة الاشتباه، وبشكل مبدئي كل اللي كانوا على خشبة المسرح و بيعملوا في الكواليس يعتبروا داخل هذه الدائرة. التحقيقات المبدأية بتكشف إن هذا الممثل اللي توفى اسمه هاشم، وإن مات مسموم و وجد في معدته آثار للسم وعصير البرتقال. التحقيقات بتكشف كمان إن فيه كوباية عصير برتقال موجود فيها آثار للسم كانت موجودة في حجرة الممثل الرئيسي للعرض و اللي اسمه نبيل، و مع ذلك فنبيل ده كانت علاقته جيدة بالكل وفي نفس الوقت علاقته كانت سطحية بالجميع، فيا ترى هل نبيل هو اللي قتل هاشم، ولا نبيل هو اللي كان مقصود بالقتل ولكن الحظ هو اللي خلى هاشم يشرب العصير و يموت؟ مين اللي كان عاوز يموته – أي واحد من الاتينن- ؟ و ايه السبب اللي يخلي أي حد من الفرقة يفكر في قتل أحد أعضائها؟

* أنا هحاول أمشي مع الرواية بالترتيب شوية، أو على الأقل في الجزء الأول من المراجعة هحاول أعمل كده بسبب الفكرة اللي انا عاوز أوصلها. أنا الحقيقة عاوز أبدأ من البداية و بالأخص من الجزء الخاص بالتحقيقات الأولية – أول مرة يقابل فيها المحقق كل عضو من أعضاء الفرقة أو العاملين بالمسرح – و الحقيقة إن الجزء ده كان فيه خلل أو نقص في الحركة المشهدية، على طوال صفحات هذه التحقيقات الأولية كل اللي احنا بنشوفه المحقق قاعد و بيدخل له شخص ورا التاني يحقق معاه، وبعد التحقيق بيبقى فيه زي ملحق أو تقرير صغير فيه شوية معلومات عن الشخصية اللي كان يتحقق معاها. و هنا أنت كقارئ – و قد تتخيلها كمشاهد – قاعد قدام مشهد ثابت مكتب و كرسي وناس بتتكلم، وعلى عكس ما في العادة الناس بتقول إن وصف المشهد أو البيئة كان زيادة وفيه حاجات ملهاش لازمة، في الجزء ده الوصف كان قليل، حتى المكتب لم يوصف بشكل مفصل – و إن كان المكتب كمكان مالوش أهمية – و للمرة الأولى أحس إن قلة الوصف مش حاجة لذيذة، و أثرت على المشهد و تجربة القراءة. الثبات الزائد في المشهد حسسني بشيء من الجفاف، ومش هأقدر أقول الملل، و ده لأن أنا كنت لسه بتعرف على الشخصيات و بالتالي مالحقتش أصاب بملل، والحقيقة مش قادر أعرف إن كان ده اختيار واعي من الكاتب و هو عارف إن بالرغم من هذا الثبات القارئ مش هيلحق يصاب بالملل بسبب تعرفه للمرة الأولى على الشخصيات، ولا كانت مجرد ضربة حظ و نوع من التوفيق الغير مقصود. و بشكل عام كنت أفضل إن الكاتب يختار إن المحقق يجري هذا التحقيق في مسرح الجريمة أو في غرف من الموجودة في المسرح بحيث يتم بردو عزل المشتبه فيهم أو المتهمين عن بعض و يقدر يحقق معاهم بشكل منفصل، و في الوقت نفسه ده كان هيسمح لنا بجولة في المسرح تساعد على تغير المشهد و زياة الحركة فيه، نتيجة تغيير البيئة والتعرف على فراغ فراغ و تقديم حتى لو وصف مبسط له.

* و من هذه النقطة أحب إني أنطلق لباقي عملية التحقيق، و اللي بالرغم من إنها كانت لا تزال بتدور في نفس المكتب، أغلب الوقت، إلا إنها بدأت تبقى أكثر إثارة للاهتمام. والسبب في ده إن بالرغم من إن فيه معلومات جديدة بتنكشف مع كل دورة تحقيقات بتتعمل مع الشخصيات، إلا إن لسه مافيش أي حاجة قوية تقود ناحية الجاني. وحتى مع ظهور هذه المعلومات اللي بتساعد في إن الاتهام ينحصر في دائرة أضيق من الأشخاص المتهمين، فالمعلومة اللي بعدها تغير الاتجاه مرة أخرى و ترجع تدخل شخصيات جوة دائرة الاتهام كنا نتخيل إنهم خرجوا براها نتيجة المعلومة اللي قبلها. و بصراحة ده كان مخلى التحقيقات مثيرة للاهتمام و خلاني كقارئ أحاول أركز مع التفاصيل علشان أحاول أنا كمن أكتشف مع المحقق مين هو الجاني و القاتل الحقيقي.

* و من هنا هنأخد قفزة علشان نوصل للفصول الأخيرة من الرواية، و بالذات الفصل اللي بيكشف فيه المحقق لرئيسه، وللقراء بالتباعية، عن إزاي هو قدر يوصل للجاني الحقيقي ويحل القضية. و هنا هتظهر مشكلة و هي إن المحقق هيدخل فيما يشبه المونولوج الطويل ويقعد يسرد فيه كل التفاصيل و كل النقاط و الملاحظات اللي والشكوك اللي خلته ينتقل خلال مراحل التحقيق من مشتبه به لآخر لغاية ما وصل للجاني الحقيقي. بعيداً عن الشكل الأقرب للحظة الكشف دي بشكل تحقيق الغرفة، زي التحقيقات بتاعت المحقق كونان اللي بيكشف كل حاجة للناس و هما في أوضة واحدة بعد ما ينيم المحقق توجوموري، و اللي أنا مش بحبه، إلا إن الكاتب أضطر في بعض الأجزاء إنه يبقى بيرقم النقط و الملاحظات اللي بيقولها. وده بالتأكيد هيصيب القارئ بالملل لأنه غصب عن الكاتب هيقوده لأسلوب سردي تقريري نسبياً، زي ما قلت في الأول الموضوع ظهر كأنه مونولوج فردي طويل للمحقق.

* أنا قلت في النقطة السابقة إن طريقة الكشف كان فيها شبه من طريقة الكشف في المحقق كونان، اللي هي فيها شبه من روايات التحقيقات القديمة بتاعت آجاثا كريستي و آرثر كونان دويل. ولكن في الوقت نفسه أنا أحب أشيد بالكاتب في نقطة مهمة و هي إن بالرغم من إنهم متشابهين في الشكل و لكن في فرق كبير جداً في الجوهر و الفرق ده هو: إن المحقق و هو بيكشف عن طريقة حله للجريمة ماجابش ولا معلومة جديدة القارئ ما يعرفهاش، بمعنى مافيش معلومة – و حط 3 خطوط تحت كلمة معلومة – القارئ كان أول مرة يسمعها في لحظة الكشف دي. الحاجة اللي القارئ أول مرة يسمعها هي الاستنتاجات اللي المحقق وصلها نتيجة تحليله للمعلومات اللي اتقالت على مدار الرواية في التحقيقات و اللي القارئ يعرفها كلها، ولكن الفرق بين القارئ والمحقق إنه هو قدر يركز على التفاصيل الصغيرة المستخبية في المعلومات و التحقيقات و يصل بها للاستنتجات اللي خلته هو يحل القضية والقارئ ما يقدرش. و على هذه النقطة أنا لازم أحيي الكاتب بشدة، لأنه بالرغم من كل شيء خلى كل المعلومات اللي هو استخدمها في حل الجريمة تعدي قدام عيني ولكن ماخدش بالي منها. قد تكون الجريمة وحلها مش مبهرين، مثلاً زي رواية المريضة الصامتة، ولكن ده مايمنعش إن مافيش معلومة كانت عند المحقق أنت كقارئ متعرفهاش.

* بعد كده محتاجين نبص بقى بصة أكبر أو أشمل شوية على حل الجريمة و كمان اعترافات الجاني، واللي منها هيظهر لنا، وبالذات اعترافات الجاني، إن الجريمة دي كان فيها الكثير من محاسن الصدف والتوفيق، و بالرغم من إن الجريمة المفروض إنها مخططة و معدة مسبقاً، إلا إن كمية التوفيق و محاسن الصدف دي مستفزة، لأن تكرار حدوث هذه الظروف المناسبة والمواتية علشان الجريمة تتم بهذا الشكل ويكتنفها هذا الغموض شيء مش طبيعي على الاطلاق و ممكن يضايق بعض القراء، اللي أنا ممكن أكون واحد منهم.

* أعتقد إني ممكن أخوض في وقت لاحق تجربة أخرى لإحدى كتابات أغر الجمال، ولكن ما أقدرش أقول إني هأرفع درجة حماسي بشكل كبير للتجربة دي، ولكن أكيد هذه الكتابة تستاهل فرصة أخرى وتجربة أخرى.

[Rehab saleh Flower Violet · Rating 4 out of 5]

حبيت 😍

[Racha · Rating 5 out of 5]

رواية دسمة في أدب الجريمة من العيار الثقيل
أول قراءاتي لدكتور أغر الجمال
تعذر عليا معرفة الجاني حتي وقت كشف الستار عنه بالرواية رغم أنني غالبا ما اتوصل للحل في قراءاتي

الحبكة قوية وان شابها بعض تعقيدات وتداخلات جعلتني افقد مساري لوهله بسبب تشابك أحداث و أبطال الرواية
اعجبني وجود بطاقة مرفقة بالرواية لتدوين شكوك القاريء نحو المشتبة فيهم و دوافع الجريمة
اللغة المستخدمة سلسلة و فصحي في نفس الوقت حتي خلال الحوار بين أبطال العمل وهو أمر نادر و جذاب بالنسبة لي إذ اني افضل الفصحي

رواية ممتعة في مجملها ولن تكون الأخيرة بالنسبة لي من أعمال الكاتب

[Eman Gaber · Rating 4 out of 5]

لم أستطع معرفة المجرم حتي النهاية، رواية تستحق القراءة.

[Mirette Henry · Rating 4 out of 5]

الحبكة القصصية قوية حتى أنى لم اعرف المجرم حتى النهاية

[Donia Darwish]

واقف على المسرح بتحيي جمهورك
هووب فجأة وقعت من طولك
نقفل الستار
ونطلب الاسعاف
ديه حالة وفاة
مشكوك في أمرها
شكلها مش موتة طبيعية
فيها شبهة جنائية
وطبعا هيجى مين يجيبلنا قرار الموضوع
العميد " محمود "
لكن فى مواجهة مشتبهين شغلتهم الاساسية التمثيل 🎭
الوضع صعب كتير
بس على مين
هيدوخوه أكيد
واحنا كقراء معاه فى الفرهدة ديه 🤷‍♀️
ومع التحريات والأدلة يبان أن اللى مات مكانش هو المقصود من الأساس… راح ضحية عصير مسموم🧃
كان لازم يعنى تشرب برتقال🍊 ماله بس الليمون بالنعناع 😁
هو الصراحة اي حاجة تتقدملك من أعضاء المسرح دول يستحسن ما تشربهوش 😉
كلهم بارعين فى التمثيل
يلففوك على صوابع الايد
كل واحد بيشكك فى التانى
ويرموا بكلام يخلي كل واحد يرجع فى دائرة الاشتباه
وأنت بينهم كالعادة تحتاس 🤷‍♀️
وتقعد تفكر وتكتب وتحلل يمكن تساعد فى فض الاشتباك ويمكن تحط ايدك على الفاعل كمان ويبقى يا سعدك يا هناك 😁 لكن هيهات تيجى النهايات بالمفاجآت واللى تفتكرها جريمة 🥰 تطلع جريمة 😠🔪
حبيت القصة وحبكتها وطبعا فرهدت فى أحداثها ومهما ركزت وعملت فيها شارلوك هولمز فأنت كده كده هتوه 🤷‍♀️

#مكتبة_دنيا
#قراءات_٢٠٢٦
#جريمة_على_خشبة_المسرح
#أغر_الجمال
#كتوبيا_للنشر_والتوزيع

[Samar · Rating 3 out of 5]

الأحداث في البداية كانت حلوة بس في الاخر الكشف عن الجاني ماكنش مقنع بالنسبة لي مع إني شكيت فيه بس طريقة اكتشاف الجاني حسيتها مش مقنعة وكأنها فيلم هندي غير الاستنتاجات الغير مبنية على أدلة وكمان في خطأ ظهر لما اتكلموا عن الجواب اللي سابته علا لنبيل بس أصلا نبيل ما جابش سيرته للعميد محمود وفجأة نبيل بيتكلم عن الجواب كأنه اتكلم عنه قبل كده وبجد الجزء الأخير بتاع اعتراف نبيل يتوه جدا ومش مرتب
وبعدين يعني ايه بيحب واحدة فيعاملها وحش وبعدين ينتقم من اللي قتلوها؟
بس عموما استمتعت بالجزء الأول لغاية الكشف عن شخصية القاتل
ومع ذلك في انتظار رواية جديدة ل د. أغر 😃

[Aysel · Rating 3 out of 5]

3.5

[أحمد عباده · Rating 3 out of 5]

نجمتان و نصف
لو اهتم أكثر بالدراما و الأبعاد النفسية بعمق أكثر اعتقد كانت هتبقى احلى بكتير

[Nouran Esmat Elraghy · Rating 5 out of 5]

روعة كالعادة
والمجرم علي طول لا يتوقعه القارئ
😁😁😁😁
واحداث متسلسلة ومعقدة لتثير الشبهه علي القارئ
عمري في حياتي ما توقعت مجرم وطلع صح 😁😁

[Amal Dawas · Rating 4 out of 5]

كان المقروء على ابجد افضل من تلسمعي واكن جعلني الكسموع اتابع وانهيتها فراءة

[يوسف عبداللطيف · Rating 4 out of 5]

العبقرية في "جريمة على خشبة المسرح" إن الكاتب أغر الجمال قدر يرصد آليات التجهيل المنظم اللي بيمارسها السيستم عشان يضمن إن محدش يتساءل عن حقوقه الأصيلة.

[Asmaa · Rating 4 out of 5]

رواية قطعت آخر آمالي إني أكتب رواية بوليسية يوماً ما، إيه كمية التفاصيل، وتشابكات الشخصيات، وتعقيدات العلاقات دي؟
الشافع الوحيد ليا إني خمنت القاتل صح من أول كام صفحة، وإن كان تاه عني أكيد دافع القتل