Oru Manushyan Ezhu Kodumudikal | ഒരു മനുഷ്യൻ ഏഴു കൊടുമുടികൾ

by Shaikh Hassan Khan, S. Arunsankar

പോയി ആ മല കയറു ഓഫീസിൽ ജോലി ചെയ്ത സമയമോ മുറ്റത്തെ പുല്ലരിഞ്ഞ സമയമോ ഒടുവിൽ നിങ്ങൾ ഓർക്കുകയില്ല.
- ജാക് കൊറോവാക്

ഒരു സാധാരണമനുഷ്യൻ അസാധാരണമായ ലക്ഷ്യങ്ങൾ സ്വന്തമാക്കുമ്പോൾ ചരിത്രം രചിക്കപ്പെടുന്നു. വിജയങ്ങൾ വ്യക്തിപരമായവ മാത്രമല്ല, മനുഷ്യസാദ്ധ്യതയുടെ അതിരുകൾ അനന്തമാണെന്നു കാട്ടിത്തരുന്ന സാമൂഹികാനുഭവവുമാണ്. ഹസൻ ഖാന്റെ ഈ വിജയയാത്രകളുടെ ത്രസിപ്പിക്കുന്ന വിവരണങ്ങൾ, വായനക്കാരനെ ചെന്നെത്തിക്കുക അസാധാരണമായ ഒരു അനുഭവത്തിലേക്കായിരിക്കും. ആത്മാവിന്റെ രേഖപ്പെടുത്തലാണ് ഈ കൃതി. വെറും സാഹസികതയുടെ വിവരണമല്ല, മറിച്ച് ധൈര്യത്തിന്റെ, ആത്മവിശ്വാസത്തിന്റെ, അനുരാഗത്തിന്റെ പ്രമാണവും പ്രയാണവുമാണ്.
- ശശി തരൂർ

ഏഴു ഭൂഖണ്ഡങ്ങളിലെയും ഏറ്റവും വലിയ കൊടുമുടികൾ കയറിയ ആദ്യ മലയാളിയുടെ ജീവിതകഥ

472 pages, Kindle Edition

Published January 19, 2026

Reviews

[Sreelekshmi Ramachandran · Rating 3 out of 5]

സാഹസികത ഇഷ്ടപ്പെടുന്നവർക്ക്, സാഹസികത സ്വപ്നം കാണുന്നവർക്ക് തങ്ങളുടെ ആഗ്രഹങ്ങളിലേക്കുള്ള ആത്മവിശ്വാസത്തിന്റെ ചവിട്ടുപടിയായി ഈ പുസ്തകത്തെ കാണാം...

കേരളത്തിലെ പന്തളം എന്ന സ്ഥലത്തു ഒരു മധ്യവർഗ കുടുംബത്തിൽ ജനിച്ച യുവാവ്, അവൻ ഏതൊരു ശരാശരി മലയാളി യുവാവിനെ പോലെയും വിദ്യാഭ്യാസം നേടുന്നു, ജോലി സാമ്പാദിക്കുന്നു... വിവാഹിതനാകുന്നു.. അച്ഛനാകുന്നു..
അങ്ങനെ തുടർന്ന സാധാരണമായ അവന്റെ ജീവിത യാത്രയിൽ അപ്രതീക്ഷിതമായ ചില വഴിത്തിരിവുകൾ
സംഭവിക്കുന്നു..
സുഹൃത്തുക്കളുമായി നടത്തിയ ഒരു വിനോദ യാത്രയിൽ, Himalayan Mountaineering Institute സന്ദർശിച്ചപ്പോൾ കൗതുകത്തിന്റെ പുറത്ത്‌ wall climbing ചെയ്തു നോക്കിയതിലൂടെയാണ് ഉയരങ്ങൾ അവനെ ത്രസിപ്പിച്ചു തുടങ്ങിയത്. അതോടെ
അവൻ ഉയരങ്ങൾ സ്വപ്നം കാണാൻ തുടങ്ങുന്നു..
ആ നിരന്തരമായ ആഗ്രഹം, അതിരില്ലാത്ത സ്വപ്നം അവനെ കൊണ്ടെത്തിച്ചത്,
ഏഴു ഭൂഖണ്ഡങ്ങളിലെയും ഏറ്റവും വലിയ കൊടുമുടികള്‍ കയറിയ ആദ്യ മലയാളി എന്ന നേട്ടമാണ്..

ഇൻസ്റ്റാഗ്രാമിൽ ഷെയ്ഖ് ഹസന്‍ ഖാന്റെ വീഡിയോസ് കാണാറുണ്ടായിരുന്നു.. ഇപ്പോൾ ആത്മകഥ വായിക്കാൻ സാധിച്ചതിൽ സന്തോഷം ഒപ്പം അഭിമാനം
.
.
.
📚Book - ഒരു
മനുഷ്യന്‍
ഏഴുകൊടുമുടികള്‍
✒️Writer- ഷെയ്ഖ് ഹസന്‍ ഖാന്‍,
എസ് അരുണ്‍ശങ്കര്‍
📜Publisher- മാതൃഭൂമി ബുക്സ്

[Amal Shailaja Ashokan · Rating 5 out of 5]

കേരളത്തിന്റെ അഭിമാനമായ പർവ്വതാരോഹകൻ ഷെയ്ഖ് ഹസൻ ഖാൻ ഏഴ് ഭൂഖണ്ഡങ്ങളിലെയും ഏറ്റവും ഉയർന്ന കൊടുമുടികൾ കീഴടക്കിയ തന്റെ അവിശ്വസനീയമായ യാത്രാനുഭവങ്ങൾ പങ്കുവെക്കുന്ന പുസ്തകമാണ് 'ഒരു മനുഷ്യൻ ഏഴുകോടുമുടികൾ'.

ഷെയ്ഖ് ഹസൻ ഖാനും എസ്. അരുൺശങ്കറും ചേർന്ന് തയ്യാറാക്കി, മാതൃഭൂമി ബുക്സ് പ്രസിദ്ധീകരിച്ച ഈ കൃതി കേവലമൊരു യാത്രാവിവരണത്തിനപ്പുറം മനുഷ്യന്റെ നിശ്ചയദാർഢ്യത്തിന്റെയും അസാധ്യമായതിനെ സാധ്യമാക്കുന്ന കഠിനാധ്വാനത്തിന്റെയും സാക്ഷ്യപത്രമാണ്. സാധാരണക്കാരനായ ഒരു മലയാളി തന്റെ വലിയ സ്വപ്നങ്ങൾക്ക് പിന്നാലെ സഞ്ചരിച്ച് ലോകത്തിന്റെ നെറുകയിൽ എത്തിയ കഥയാണ് ഹസൻ ഖാന്റെ അനുഭവങ്ങളിലൂടെ അരുൺശങ്കർ ഈ പുസ്തകത്തിൽ മനോഹരമായി ആവിഷ്കരിച്ചിരിക്കുന്നത്.

കഠിനമായ മഞ്ഞുവീഴ്ച, ഓക്സിജൻ കുറവുള്ള അന്തരീക്ഷം, മൈനസ് ഡിഗ്രി തണുപ്പ്, ജീവൻപോലും അപകടത്തിലാകുന്ന സാഹചര്യങ്ങൾ എന്നിവയെല്ലാം അതിജീവിച്ച് ലക്ഷ്യത്തിലേക്ക് കുതിച്ച കഥ ഹൃദയസ്പർശിയായി ഇതിൽ വിവരിക്കുന്നുണ്ട്.ഹിമാലയൻ പർവ്വതനിരകൾ മുതൽ അന്റാർട്ടിക്കയിലെ വിൻസൺ മാസിഫ് വരെയുള്ള യാത്രകൾ സാധാരണക്കാർക്കും പർവ്വതാരോഹണത്തെക്കുറിച്ച് വലിയ അറിവില്ലാത്തവർക്കും മനസ്സിലാകുന്ന രീതിയിൽ ലളിതവും ആകർഷകവുമായ ഭാഷയിലാണ് അരുൺശങ്കറിന്റെ എഴുത്തിലൂടെ പുസ്തകത്തിൽ അവതരിപ്പിച്ചിരിക്കുന്നത്.

ഓരോ കൊടുമുടിയും കീഴടക്കുമ്പോഴുള്ള വെല്ലുവിളികളും മാനസികാവസ്ഥയും വായനക്കാരനിലേക്ക് കൃത്യമായി എത്തിക്കാൻ എഴുത്തുകാർക്ക് കഴിഞ്ഞിട്ടുണ്ട്.
കഠിനാധ്വാനവും ആത്മവിശ്വാസവുമുണ്ടെങ്കിൽ ഏത് പ്രതിസദ്ധിയെയും മറികടന്ന് ലക്ഷ്യങ്ങൾ കീഴടക്കാം എന്ന് ഈ പുസ്തകം വായനക്കാരെ ഓർമ്മിപ്പിക്കുന്നു. പർവ്വതാരോഹണത്തെയും സാഹസിക യാത്രകളെയും സ്നേഹിക്കുന്നവർ മാത്രമല്ല, ജീവിതത്തിൽ പ്രചോദനം ആഗ്രഹിക്കുന്ന ഏതൊരാളും തീർച്ചയായും വായിച്ചിരിക്കേണ്ട ഒരു മികച്ച പുസ്തകമാണിത്

[Akhil Prabhakaran · Rating 4 out of 5]

7 ഭൂഖണ്ഡങ്ങളിൽ ഏറ്റവും ഉയരമേറിയ 7 കൊടുമുടികൾ കീഴടക്കിയ ആദ്യ മലയാളിയുടെ അനുഭവങ്ങൾ 🔥

സാഹസികമായ യാത്രകളുടെ ഭാഗമാകുവാൻ ഈ വായനയിലൂടെ കഴിഞ്ഞു. Mt Everest, Kilimanjaro, Denali, Elbrus, Vinson, Aconcugua, Kosciuzko, Ojus del selado ഈ കൊടുമുടികൾ എല്ലാം തന്നെ മനോഹരമായ ഒരു വായനയിലൂടെ ഇമ്പമുള്ള കാഴ്ച ആയി മാറി.

വളരെ വിശാലമായി ഓർമ്മകൾ പങ്കുവെച്ച ശേഷം ചുരുക്കി അവസാനിപ്പിച്ചതായി എനിക്ക് തോന്നിയത് ചിലപ്പോൾ അത്ര കൗതുകത്തോടെ വായിച്ചതിനാൽ ആകണം

Worth reading ❤️